سوسن : نوااف يلا تعبت صارت الساعه اربع و للحين وا تغديت
نواف : سوسن سكتي ما تشوفين البنت قاعده بروحها من الساعه تسع و ربع
سوسن : اففففففففف يعني شسويلها
نواف : انزين انزين
نواف راح قط اخته البيت و رد المدرسه و للحين ليلى بلمدرسه و حرس المدرسه ما يدرون فيها
صارت الساعه خمس و نص
راح نواف لها و نزل
نواف : ليلى انتي للحين هني
ليلى ما صدقت لما شافت نواف كان ودها تلمه بس ما بينت له
ليلى : اي بعد شسوي تاخرو
نواف : ليلى قومي انا اوصلج
ليلى : لا نواف مشكور انا بنت اخاف على سمعتي و اخاف احد يشوفك الحين و ياخذ فكره غلط عني الله يخليك خلاص روح
كان كلام ليلى قصبن عنها
نواف : ليلى مستحيل اخليج بروحج انتي ما تشوفين الهنادوه يخزونج
ليلى قامت اتطالع حوالينها و شافت ان صج كل الي حولها يخزونها
ليلى : اي والله الكل يخزني افففففف انزين الحين شسوي
نواف : ليش ما تدقين على امج
ليلى : اي بس ما عندي تلفون
نواف : اخذي هاذه تلفون دقي على امج
ليلى ما عرفت شلون تشكره على الي سوا لها
ليلى : مشكور يا ........
نواف : اسمي نواف
ليلى : و النعم
مسكت التلفون و دقت على امها
نواف : و النعم فيج
ليلى طالعته و ابتسمت : الووو يما
ام ليلى : الوو ليلى يمه
ليلى : هلا يمه انتي وينج
ام ليلى تبجي
ليلى : شفيييج يما ليش تبجين
ام ليلى : ابوووج حابسني انا و خواتج
مو مخليني اييلج
ليلى : انزين يماا انا شلون ايي
ام ليلى : انتي من وين داقه
ليلى : يما هاذه تلفون اخو رفيجتي
ام ليلى : الله يجزااه خيير
ليلى : يمااا الحين شلون ارد البيت
ام ليلى : والله مادري يا بنيتي
ليلى : انزين خلاص
مع السلامه
ام ليلى : مع السلامه
ليلى عطت نواف التلفون و قعدت على الكرسي و قامت تبجي حست انها وحيده و ضايعه مو عاارفه شتسوي بس بغت تعرف ليش ابوها ما يه ياخذها و لا مخلي امها تييلها
نواف قعد يمها بس بعيد : ليلى ليش ابوج ما يالج
ليلى من سمعت صوت نواف زادت بجي
نواف : ليلى ابوج فيه شي
ليلى زادت بجي
نواف : ليلى خلاص لا تبجين خلاص انا اسف اذا ضايقتج
ليلى : لا نواف انتي ما ضايقتني بلعكس انا مستانسه انك معاي مادري شلون راح اشكرك
نواف : اذا تبين تشكريني خليني اوصلج البيت
ليلى ارفعت راسها و ابتسمت لانها ما راح تلقه احد غير نواف انه يوصلها او تثق فيه لانه نواف من اول ما شافها و اهوه يكلمها بحترام
ليلى : خلاص اوكي
نواف استانس : يلا قومي
ركبت ليلى وره نواف
نواف ما حب يضايقها و خلاها على كيفها
وصل بيت ليلى
ليلى نزلت : مشكور نواف ما ادري شلون اشكرك على وقفتك معاي هاذه دليل على تربيتك
نواف : لا شكر على واجب
ليلى : مع السلامه
نواف : مع السلامه
دخلت ليلى البيت و اول ما دخلت حصلت طراق على ويهها
ابو ليلى : شلون تجرأتي تيين مع رفيجج البيت يعني صج الي قالته نها و انا ظلمتها
ليلى : لا يبه انت فاهم غلط هاذه اخو رفيجتي و لانك ما ييت خذيتني اهوه وصلني
ابو ليلى : و لج عين تجذبين يا صايعه
ليلى و اهيه تبجي : يبه لا تقول جذي انا بنتك الله ينتقم منج يا نها الله ياخذ عمرج انشالله الله ينتقم منج
ابو ليلى مسك ليلى و طقها طق
ليلى بدارها نايمه من الطق الي كلته
اما نواف كان قاعد بداره و يفكر بليلى و ليش ابوها ما يه ياخذها و ليش امها تبجي شنو صار لها الحين
خلص البارت انشاالله يكون حاز على رضاكم
اتمنى اشوف ردوود و توقعات مثل البارت الي طاف
فديييييييتكم يا احلى بنااات
ليش ابوها يسوي جذي 
