رجعت ليلى البيت و اول ما وصلت دخلت غرفتها و نامت على سريرها و ظلت سرحانه
فزت ليلى من قيلولتها بخرعه
نها : ليلى يلااا أوومي نزفي البيت هلأ رفئاتي جاايين لعندي و مو حلوه يكون البيت مكركب
( ليلى يلا قومي نظفي البيت الحين رفيجاتي يايين و مو حلوه يكون البيت عفيسه)
ليلى بعصبيه : أولا قبل لا تدخلين طقي الباب و ثانيا انا مو خدامه عندج
نها بشماته : لك يلا اومي اومي نزفي مو ابوكي لو بيعرف انك نايمه و انا بشتغل رح يشرب من دمك
(يلا قومي قومي نظفي البيت لانه ابوج لو يدري انج نايمه و انا اشتغل راح يشرب من دمج و انا خايفه علييج)
ليلى : لا حبيبتي لا تخافين علي و لو سمحتي طلعي و سكري الباب معاج توني راده من المدرسه و حدي تعبانه و نعسانه
نها بعصبيه : اوووومي لا تخليني أئول لابوكي
(قومي لا تخليني اقول حق ابوج)
ليلى ببرود : مثل ما قلتلج سكري الباب و طفي الليتات لاني بنام
نها : والله ما رح خلييكي تنامي
ليلى : اعلى ما بخيلج ركبي
طلعت نها من دار ليلى و اهيه متحلفه فيها
وقفت نها عند باب غرفتها و فكرت شلون تخلي ابو ليلى يطق ليلى
دخلت الغرفه و حطت ايدينها على عيونها : اهئ اهئ اهئ اهئ
ابو ليلى كان نايم و ما سمع
نها علت صوتها : اااااااااهئ اهئ اهئ
ابو ليلى فز : خييير حبييبتي شفيج
ابو ليلى : ولييييييييييه شفها تبن ليلى
نها : بتئول لالي اومي نزفي البيت لانو رفأتها جاايين لعندها و لما ئلتلها ما بئدر ضربتني
(تقولي قومي نظفي البيت لانه رفيجاتها يايين عندها و لما قلتلها ما اقدر طقتني)
ابو ليلى : انا اعلمها ليلووو التبن
بطل ابو ليلى الباب على ليلى بقوه
و سحب البطانيه بقوه ووووو...........
نزلت تحت و اهيه خاايفه و بيدها السجين (السكين)
وصلت تحت و سمعت صوت من وراها : احممم احمممم
لفت بسرعه و بقت اتطق الي جدامها بس ايده كانت اسرع
نواف : يمااااا شفيج الله يهداج بقيتي تذبحيني
ام نواف قطت السجين و طقته على جتفه : نوااافوووو الله يخاذ بلييسك خوفتني بقيت اذبحك و ادش السجن
نواف : الحييين انتي خايفه تدخلين السجن و ما خفتي علي الي بقيت اموت
ام نواف : اقول وين خواتك
نواف تذكر سوسن و قام يضحك
ام نواف : اهبل اهبل شفيك تضحك قلت شي يضحك
نواف : هههههههههههههههه لا لا بس بنتج
ام نواف حطت ايدها على قلبها
: يمااا بنتي شفيها شسويت فيها
نواف : بل بل بل شوي شوي خو قاعد اضحك ما بجيت علشان تخافين
ام نواف : خو اعرفك مينون تذبح و تضحك
نواف : افااااااا ما هاكذا كان العشم فيج
ام نواف : ايااا جليل الحيا قول اها وين خواتك
نواف : فوق بدارج يتهاوشن
ام نواف : هيييييييييييييييئئ اكيد حاسو غرفتي
وصعدت فوق و ظلت اتطق الباب نص ساعه
بطلت سوسن الباب و كان شعرها كشه و تفرك عينها
ام نواف : انا الحين صارلي نص ساعه واقفه عند الباب عبالي ذبحتو بعض و اثاريكم خاامدين
سوسن : اي والله يما سريرج مرييح عاد نمنا فوقه انا و الاء
ام نواف : يلا يلا بره ابي انام
سوسن و اهيه تتثاوب و تحك راسها : انشالله
ام نواف : وييعه حطي ايدج على حلجج
دخلت ام نواف و اهيه تتحلطم : والله حااله شنو هاذه اففففف شهلعيال الي ما وراهم الا الظيم
دخلت داخل غرفة التبديل غيرت ملابسها طلعت و راحت سريرها و شافت الاء نايمه مدت ايدها بتقعدها بس بعدين ترددت لانها اول مره تشوف الاء لابسه وردي من بعد وفاة ابوها استانست حيييل و دمعت عينها قامت و لفت ويهها بتروح اتطفي الليتات و سمعت صوت الاء
ام نواف لفت عليها : هلا حبيبتي
الاء : انا اسفه لاني نمت بدارج
ام نواف : لا عادي حبيبتي انا ابيج تنامين عندي اليوم
ام نواف ابتسمت :ٍ اي يمه صج يلا نامي و انا اطفي الليت و ايي
طفت الليت و راحت على سريرها و نامت يم بنتها
ابو ليلى سحب البطانيه و ما كان في احد بلسرير
لف ويها على نها و بصوت عالي : ويينهااا
نزلو تحت و صمعو صوت المخمه
ليلى كانت لابسه لبس الخدم و قاعده تخم الصاله
ابو ليلى : ليلى شقاعده تسوين يبه
ليلى تتصنع البجيه : قااعده انظف البيت
ابو ليلى : وليش تنظفين البيت
ليلى : لانه خالتي نها الله يطول بعمرها قالتلي انه رفيجاتها بيون واني لازم انظف و ما انام
ابو ليلى لف على نها : نهااااا صج هلحجي
نها : لا لا لا تكزبي ليلى
ليلى : والله العظيم و راسج الغالي اني ما جذبت مو انتي قلتيلي نظفي الصاله رفيجاتي يايين و لما قلتلج تعبانه توني راده من المدرسه بنام قلتيلي لا تخليني اقول حق ابوج
ابو ليلى عصب حييل على نها و لأول مره يعصب عليها جذي : نهاااااااااا ليلى بنتي مو خدااامه عندج و عند رفيجاااتج تبين انتييي نظفي حق رفيجااتج
نها تتصنع البجيه : اهئ اهئ اهئ
ابو ليلى بعصبيه : ابجي من الحين لي باجر و مثل ما قلتلج هذيل بناتي مو خدم عندج و اذا بغيتي شي انتي سويه حق نفسج
ليلى حست بلانتصار و لأول مره على مرت ابوها نها
ابتسمت ليلى و نزلت راسها علشان ابوها لا يشوفها
ابو ليلى رفع راسها : لا يبه لا تنزلين راسج مدامني عايش
هني ليلى صج حست بحنان ابوها
اما نها فصعدت فوق و اهيه تتحلف بليلى
و بجذي خلص البارت و ادري انه قصير بس سامحوني انشالله البارت الي ياي اطول
و راح اخلي البارت كل سبت لانه يوم الجمعه ما اكون فاضيه
و لا تنسون ردودكم و توقعاتكم
