عندج كباب مطعم زايد ؟ تعالي اعلمج وصفه حلوه

[أم عزيـز]

السلام عليكم

حبيباتي حبيت اقدم لكم وصفه (مرق الكباب) من تأليفي حق اللي متوهقه وماتدري شنو تطبخ

انا كنت شاريه ماعونين كباب حق العشا وزاد منهم جم صيخ خشيته بالثلاجه

ثاني يوم ما عرفت شنو اطبخ حق الغدا وكان ماعندي وقت
عاد فكرت في الكباب اللي موجود عندي بالثلاجه وما ادري شنو اسويه فيه .. جان اقعد أألف لوووول :ggdw::ggdw:

الوصفه اسمها (مرق كباب)

المقادير :-

كباب
نص معجون طماط
طماطه كبيره او 2 طماط وسط مقصصه صغار
وحده بصله كبيره مقصصه جوانح
1 فلفل اخضر علب (حار) حسب الرغبه
قفشه صغيره كركم
قفشه صغيره بهارات مشكله
ملح وفلفل اسود

الطريقة :
نحمس البصل في جدر مع 3 قفاش زيت
وبعدين نضيف الطماط ونحمسه عدل لين يذبل
نقطع الكباب مربعات ونضيفه على الحمسه
وبعدين نضيف الكركم والبهارات والملح والفلفل والعلب ونحمسهم
واخر شي معجون الطماط ونخليهم يطبخون 5 دقايق وبعدين نضيف الماي علشان يصير مثل المرق
نوطي النار ونخليه تقريبا ثلث ساعه لين تصير عندنا مرقه خاثه

ونقدر نقدمها مع عيش ابيض او اصفر

جربوها تره جد عجيبه

ملاحظه : الصوره منقوله من النت لاني نسيت اصور الوصفه :ssssso:
بس الوصفه من تاليفي

 

[حلوة ومملوحة الكويت]

تسلم ايدج
خووش وصفه
حرام..بدال لا ينقط
الله يديم النعمه يارب
مشكوووره حبيبتي
،،،،​

 

[ضحكة الدنيا]

جربت مره مرق الكباب
واطلعت عجييييبه

بالعافيه عليكم
وتسلم ايدج

 

[ميرور]

بجررررررربها وبكتب راييي فيهااااا

 

[om deaj]

تعلمتها من اهل ريلي
وساعات نطلب ماعون كباب زيادة عشان اسويه حمسة كباب

حطي معاها بطاط مكعبات وفلفل بارد

وبالعافية

 

[أم عزيـز]

تسلم ايدج

خووش وصفه
حرام..بدال لا ينقط
الله يديم النعمه يارب
مشكوووره حبيبتي

،،،،​

الله يسلمج حبيبتي نورتي الموضوع

جربت مره مرق الكباب
واطلعت عجييييبه

بالعافيه عليكم
وتسلم ايدج

الله يعافيج حبيبتي تسلمين

بجررررررربها وبكتب راييي فيهااااا

عليج بالعافيه مقدما :eh_s(9):

تعلمتها من اهل ريلي
وساعات نطلب ماعون كباب زيادة عشان اسويه حمسة كباب

حطي معاها بطاط مكعبات وفلفل بارد

وبالعافية

الله يعافيج

توني ادري ان بيت يدتي يسوون هالسوالف !!:eh_s(10):

بجرب المره اليايه مع بطاط وفلفل تسلمين حبيبتي

 

[ABEER FLOWER]

ماشاء الله شكلها وصفه عجيبه

يعطيج ألف عافيه أم عزيز

وربي يتمم حملج بالسلااااااااامه

: )​

 

[جارة القمر]

جربي بعد تسوينه صينية بالفرن يطلع رهيب




تسلم ايدج حبيبتي

 

[صابرة رغم الجروح]

تسلم الايادي ع النقل

 

[أم عزيـز]

ماشاء الله شكلها وصفه عجيبه​

يعطيج ألف عافيه أم عزيز​

وربي يتمم حملج بالسلااااااااامه​

: )​

الله يعافيج حبيبتي تسلمين على الدعوه الحلوه :eh_s(7):

جربي بعد تسوينه صينية بالفرن يطلع رهيب




تسلم ايدج حبيبتي

يسلج يا قلبي ان شاء الله راح اجرب

تسلم الايادي ع النقل

يسلمج ويخليج حبيبتي

 

[اميرة انفاسه]

تسلم الايادي والله

 

[أم عزيـز]

يسلمج حبيبتي اميره

 

[زَهر تِشرينْ]

.. }


​

​

يم يم شكله لذيذ
تسلم الايادي حبوبة

​

​

​

{ :eh_s(17):​

 

[جوك احلى جو]

مشكوره حبيبتي

 

[أم عزيـز]

العفووو حبيباتي مشكورين