Thank tou shaikha
حبيبتي أنتي أنا بسوي نفسي ما شفت البدلية الجايدة
وأقولج " you are welcome "
وأقولج " you are welcome "
روآية [صفحة بيضاء] بقلم الكاتبة : شيخة
- بادئ الموضوع shayoukhaa
- تاريخ البدء
ŦSЩД3УФИУ
New member
اللــہ اللــہ ,, شوقتينـي أعـرف شنـؤؤ صـآإر فهـد ,,,
و يشلمـؤؤ عالبآإرت العششل ,,, گ ـملي نآإطريينج ,,,
تشـگ ـــــــرآإآإت ,,,,,
G!rla q8ya
New member
G!rla q8ya
New member
روحين في رـوح
New member
- إنضم
- 3 يناير 2012
- المشاركات
- 2,734
- مستوى التفاعل
- 0
- النقاط
- 0
- العمر
- 31
G!rla q8ya
New member
البارت الثاني
كبر فهد عشان يلقى نفسه وسط عزلة بظلام دامس ، بوحدة بضجر بملل بنقص بكل شيء ، خلونا نعرف ليش صار حق فهد هالشيء خلونا نسترجع المشهد المر إلي دايما يقفز بمخيلة بطلنا ، عقب ما مات أبوه بسنتين طآحت أمه بغيبوبة و طبيعي انها تكون منومة بالمستشفى وأخوانه كل وآحد عايش إب بيت بروحه والبيت فضا على فهد هني قآم عمه عبد الرزاق عمره بذاك الوقت كان 30 سنة حنطاوي طويل خشمه متوسط لحيته دايما يخففها عيونه صغار رموشه كثيفة إلى حد ما حلجه متوسط ، عبد الرزاق كان معروف عند الناس بشخصيته الطيبة وسمعته ، كان دايما يحب المباهاة بالاشياء و دايماً يحب يكون الأفضل رآسه يابس وإلي يبيه لازم يصير حتى لو أنوخذ بالقوة ، متزوج من فجر كان عمرها بذاك الوقت 28 سنة فجر مملوحة حنطاوية طولها متوسط عيونها حادة خشمها طويل ومدبب من جدام شفايفها وسط عندها شامة بخدها الأيمن ، كان معروفة بطوالة اللسان و العوابة وحب التملك وإثبات الذات ، تحب الفلوس وآيد و تحب السيطرة كانت دايماً تحب تعامل الناس بفوقية بحكم أنه زوجها تاجر و عنده شركة و بيتها على ارتداد وحديقة و كل إجازة سفرة شايفة نفسها و كان لازم عبد الرزاق يرضخ لها لانه ما يقدر عليها مع أنه يحبها ولا يمكن يفرط فيها ، علاقته بفهد كانت تسكنها الغموض عبد الرزاق كان يتحاشى الكلام معه إلا أنه كان يساعده و يوده مع أنه مآكل عليه حصته بالشركة ، نرد حق إلي كنا فيه كان عمه مآخذه بيته
عشان يسكنه فيه لكن مرته فجر رفضت مع أنه ألح عليها وآيد وقالها أنه يتيم و يحتاج رعاية ماله والي غيري أخونا كلهم متزوجين فشلة يقعد عند حريمهم خليه عندنا ، لكن فجر قالت : لأ ماله قعدة بهالبيت يا أنا يا أهو ، وبعدين أنت عندك بنات نسيت
عنده 3 بنات ود و وشموخ وشهد , مبتعثين برى ودراستهم برى من أهما صغار وييون بالعطل الرسمية حسب نظام مدارسهم كانوا يدرسون بمدرسة اهلية بلندن
عبد الرزاق: لا ما نسيت بس يعني أهما مو موجدين ألحين ، عادي يقدر يسكن هني و الولد صغير يعني حتى أنتي مو معقولة يطالعج
فجر: ربي وربك وآحد قتلك ما يقعد هني دقيقة وحدة مآبيه ، برتآح اب بيتي ولا أنت ليش حاط لي بيت عشان اتمنظر فيه و أسمع أنا وحدة ما عندي استعداد أسوي بيتي ملجأ و دآر أيتام حق ولد أخوك هالمسبه هذا
عبد الرزاق : كآج قلتيها أنا حاط لج بيت عشان ما تتمنظرين فيه و يعني شفيها لا قعد
فجر (بحدة) : والله مو هذا قصدي ، قصدي أني بعزم خواتي و رفيجاتي على عشا فهممت ولا أفهمك ، قطيييعة تعل الجبد
عبد الرزاق : يا أم ود يا حبيبتي أنتي بس هالفترة صدقيني
فجر (بصرخة) قلت لأ يعني لأ
عبد الرزاق عقب ما تنهد بقوة : الشكوى لله ماله إلا يقعد إب بيته
فجر: إي هذا الحجي العدل ، عيل تقولي يسكن عندنا
عبد الرزاق يتنهد وسكت
طبعاً رآح زف هالخبر الأليم حق فهد أنه ما رآح يسكن عندهم وأنه رآح يبقى إب بيتهم ، ما كانت مسببة إشكال عند فهد ، كان فهد أهم شيء عنده أن يزور أمه ، كان بمراهقته مختلف عن باجي الصبيان ما كان يطلع وآيد اماكن كان من المدرسة لي للبيت ومن البيت لي المدرسة كان دايماً يزور أمه العصر أول ما يرد من المدرسة رفيجه وزميله الوحيد كان طلال رآح أتكلم عنه بس أيي دوره ، سكن فهد بروحه وتعود على الوحدة ، كان إسماعيل يطل عليه دايم ما يخليه إذا قدر حصل حق فهد شيء بسن ال 15 غير مسار حياته و قلبه فوق حدر رآح نعرفه بس يحين وقته ، بس إلي حصل له بسن ال 18 كان أثره أقوى عليه من ذاكـ الشيء قولنا فهد شصار بذاك اليوم
كنت رآد من المدرسة وكنت أرد مشي لاني تعودت على جذي محد من أخواني كان يفضي وقته عشاني حتى اسماعيل ، كنت رآد من المدرسة بيومها ما كنت متوقع هالشيء يصير أبد أصلا كنت متوقع شيء ثاني ، الساعة 3 العصر لبست و رحت المستشفى مثل العادة وبيدي جنطتي المدرسة عشان أحل واجباتي هناك ، مثل العادة دشيت الملاحظة بس هالمرة كانت مو نفس السيستر إلي أعرفها كنت أكلمها وأقولها بشوف أمي لكنها كانت إدزني وتبي إطلعني ، ترجيتها وقتلها بس خليني أطل عليها من الجام مرآح أدخل عليها ، وعقب إلحاح رضت وحذرتني أني أدش ، قعدت أطالع أمي فترة مرت ساعة وما كان عندي شيء أسويه قلت خني أبطل جنطتي وأحل واجباتي وأنا قاعد أحل وغرقان بذيج المسألة كانت الممرضة لاهية بكشوفات المراجعين وتقعد تطلع الاوراق وتشيل وتحط ، كان محد غيرها موجد بالشفت (بالزام) ، بوسط تفكيري بالجواب الصحيح للمسألة انتبهت حق شخص مجهول يشيل الوايرات الي كان موصلة بأيد أمي انشل تفكيري للحظة فجأة قطيت الدفتر إلي بأيدي وقعدت أهز أيد الممرضة بقوووة وأأشر لها جني أبيها تلتفت لكنها كانت تقولي : أووووشششش ما تعملش إزعاج
بهالاثناء قدر المجرم السافل يطلع بكل هدآوة و سلاسة
هزيت إيدها بقوة مرة ثانية ودموعي بدت تنهمر قتلها : شوفي أمي الله يخليج شوفيها
هدت الكشوفات إلي بأيدها و بحدة قالت لي : في إيه ؟؟
قتلها شوفي دآخل
للاسف يوم دشينا عليها كنت متأخرين وايد ما قدرنا ننقذها حاولنا بشتى الطرق بس ما نفع
قالت لي وهي كانت تصرخ : إنتا عملت لها إيه قوول ؟؟ انطق إتكلم
قتلها ما سويت شيء
قالت لي أنت أكيد دشيت دآخل و شلت الوايرات من عليها لانه بهالطريقة عبالك أنت قاعد تنقذها
قلت لها لا والله ما دشيت صدقيني كان في شخص هني من مساع
ردت علي : أنت بتكدب ووباين عليك وأنا حشكيك للادارة المستشفى
ماتت أمي و مات كل شيء فيني من وقتها عايش ولكني ميت ، كاميرات المستشفى كانت محجوبة بلازق أسود و للضعف الجهاز الامني وقتها محد قدر يعرف الجاني , إدارة المستشفى صدقت كلامها لانه آخر تسجيل فيديو كنت قاعد أطالع أمي وكانوا مصوريني
زعمت الممرضة أني أنا الي سويت هذا كله و أنا أهيا كانت شاكة فيني ، بلغوا أخواني و قالوا لهم إني السبب بوفاة أمي مع أني ما كنت أنا !! كنت أبي أقولها شيء قبل لا تتوفى حتى لو ما كانت تسمعني أو تشوفني لكن كافي أنها تحس باللي أقوله ، لاموني أخواني وآيد و كرهوني ما عدا اسماعيل لاني كنت أجهش بالبجي وقتها
وأنا أمشي بممر المستشفى لقيت ولاعة هالولاعة كانت نفسها ولاعة الشخص أهو نفسها أنا متأكد أنه أهي معقولة يكون متسبب بهالشيء ما كفاه إلي سواه بسيطة أنا له ما راح أعديها ما رآح أخليك صدقني ليلحين هالغصة فيني بعدها ما ماتت ، أنا لك
من ذاك الوقت و فهد عاجز عن الكلام لسانه ثقل و الحزن امتلكه الانتقام باقي و كل شيء بحسابه
تابعوا البارت الثالث (الاحداث بأولها )
التعديل الأخير:
روحين في رـوح
New member
- إنضم
- 3 يناير 2012
- المشاركات
- 2,734
- مستوى التفاعل
- 0
- النقاط
- 0
- العمر
- 31
G!rla q8ya
New member
