ذُڪرى تَـمحْـي النسيآن ~~ !

[Ruwaishdawya]

الحين ياي وناسة
ترا صرت اعرف احكي متلكووووم تعلمت بسرعة
يلا ناطرج
نحياتي الحارة
بنت فلسطين

ههههههههه

إي تعلمي سهل ترى

حبيبتي أنتي ما أقدر أنزله والله باجر الصبح أنا آسفة يا روحي ..،

تسلم لي تحياتج يا بنت فلسطين الحرة :eh_s(7):

 

[dwaiiny]

البارت احدآثة عجيبه :*
وكادي وبدر يشوقوون
احس بدر جاد بكلامة وان شاء الله يخطب كدوي

بأنتظارج:**

 

[Ruwaishdawya]

البارت احدآثة عجيبه :*
وكادي وبدر يشوقوون
احس بدر جاد بكلامة وان شاء الله يخطب كدوي

بأنتظارج:**

يا روحي عليج تسلمين :eh_s(7):

إي يونسون


ما أقدر أقولج شيء تابعي البارت 17 ​

 

[shine&bright]

البـــــــارتـــااااات عــــــجيييــــــبة !!! :ggdw::ggdw::ggdw:
توني اقراهم من خلصت امتحانات و انا لاهية :eh_s(4):
فاطمة صج بطت جبدي تنـــــرفــــززز :eh_s(4): بس مو منها من الـــــزفــــتة رزان :rgewrg:
بس هم راية ليش ما قالت حق فاطمة انها تحب جسوم مو اهيا صديقتها الclose الي كلشي تقولها :bbbiu: << طبعا قبل ما تعرف عن سالفتها مع حمد :eh_s(4):
و منى شوي كاسرة خاطري يعني فيها شي زين حــــرام :/
ممممم.... مـــــــنو بعـــــد ؟؟ :eh_s(10):
اييـــــــــه كادي تهــــــبل احسها خوووش بنية زين تسوي في بدر :eh_s(15):
اي و نســـــــــيييت رااااااشــــــد اهــــــــم شــــي !!!!!!! صج انا حبيت جاسم بس حرام احس راشد اِحب راية اكثر يعني قاعد يتعب و اهوا يحاول يوصلها :bbbiu:


ادري وااايـــــــــد قرقت على راسج بس لانه هدا تعــليـــق حق كل البـــــــارتـــــات الي طافت

 

[Ruwaishdawya]

البارت السابع عشر​

[بزاوية من مطعم سينابون حمد ورآية كانوا قاعدين بطاولة الجام ، رآية كانت لابسة بلاطو مربعات أسود بأبيض من شانيل لان رآية حيل متولعة بهالماركة وكانت مبطلته ولبست تحته نفنوف رقي لونه أسود لأنها كانت بتزور رفيجتها كادي وكان شكله جذي

، حمد كان يبي يعتذر حق رآيو وبنفس الوقت يبي يفسر لها إلي صار وقال عقب ما طلب لها سينابون

حمد: أول شيء عشان أرضي ضميري أنا آسف وما كنت أقصد أني أتهجم عليج بهالطريقة أتمنى تسامحيني

رآية: لا عادي ما حصل إلا الخير ، وأنت ما تنلام صراحة اللوم على فاطمة هالشيء صآر كله من تحت راسها

حمد: أنا عارف هالنقطة لكن إلي ضيق خلقي وخلاني أتكدر أنها خلتني أعتقد أنج تحبيني

رآية: أنتا من صجكـ ولا تغشمر ، حمد إسمعني أنا لا يمكن أفكر فيك بهالطريقة أنت فاهمني ؟؟

حمد: أدري أنج لا يمكن تحبيني بس مع ذلك أنا حبيت رآية إلي كلمتني بالتليفون

رآية: إنتا توهم هذي لعبة فاطمة لعبتها عليكـ ، و بعدين ماشاء الله الحب من الله نزل بهالسرعة ، أنت تدري فيني حمد أنا احترمك كأخو ما أحبك

حمد: بس شلون أنا أحسني حبيتج

رآية: بطل هالخيال إلي عايش فيه أنت حبيت فاطمة ما حبيتني ، يمكن أكون عجبتكـ لكن حبيتني مستحيل

حمد: ليش لأ ؟؟

رآية:ما أظن أحد يعلق نفسه بشخص أهوا ما له بقلبه مشاعر له

حمد: ليش أنتي ما تؤمنين بالحب من طرف واحد

رآية: إطلاقا وأشوفه فاشل وينتهي بجرح صاحبه ، وبعدين بالعقل الواحد يلتفت حق إلي يحس له قدر بقله

حمد: افهم من كلامج أنج ما تحبيني

رآية: لأ

حمد: كنت أتوقع إجابة ثانية

رآية: يعني تبيني أقول إيي وأعيشكـ إحساس أنا ما حسيته لك

حمد: تبين الصج وإلي يعور القلب كلامج صح

رآية: حمد لا تزعل مني أنا قاعد أشوف شيء أنت عيونك ما شافته ، بما معناه والأصح أهوا أنكـ تشوف طريجك

حمد: شلون أحسني تايه مو عارف أتصرف

رآية: مسحتيل فاطمة ما تكون تحبكـ أهيا ما طعنتني بظهري إلا عشان توصلكـ وخلينا نكون واقعيين صج أهيا غلط لكنها بالنهاية تحبك

حمد: حتى أنا حبيتها مادري أحسها شيء حلو و على نياتها ، بس إلي غير نظرتي فيها إلي سوته

رآية: اهيا ضرتني ما ضرتكـ ، حاول انك تقابلها وتفاتحها بالموضوع ، وإن شاء الله خير

هني بالصدفة دش دكتورنا وقعد ورآهم وانصدم لما شاف رآية مع حمد تفكيره رآح بعيد ، كان عباله أنه رآية تحبه لانه سمع الحجي إلي بينقال ألحين

حمد: مشكورة رآية أنا ماني عارف شلون أشكرج الحقيقة يعني كافي ييتج ، أنا احترمج و كلامج إلي قلتيه هذا كله رآح آخذ فيه إن شاء الله

رآية: تسلم من ذوقكـ ، حتى أنا احترمك

مد إيده حق رآية عشان تسلم عليه ورآية سلمت عليه وتالي طلعوا برآ المطعم وكل واحد رآح طريجه
_______________________________________________________________
دكتورنا رآشد أهني كان يغلي ويحس أنه كان لازم يزف حمد لكن سكت ومات من الحرة دق على جاسم وقاله بحرة

رآشد (يعظ على أسنانه): جآسم ، أنا بموووت

جاسم (اختبص): فيك شيء رآشد

رآشد: بموووت قهر

جاسم: موتة جلب زييين خوفتني ، اذلف

رآشد: والله منقهر جاسم حس فيني

جاسم: شفيكـ

رآشد: بس أخلص جم شغلة وياي لكـ الدوانية

جاسم: على خير إن شاء الله
________________________________________________________________________
بالوقت إلي كان رآشد فيه محتر كان حمد قاعد يدق على فاطمة إلي كان مسجل رقمها بإسم رآية

حمد:ألو

فاطمة:نعم

حمد: ممكن أشوفج بكلمج بموضوع مهم

فاطمة: أشوف أمي ترضى أو لأ

حمد: قوليلها رآيحة عند رآية الموضوع مهم

فاطمة: للهدرجة مادري بس أخاف أحد يشوفني

حمد: كلها دقايق J

فاطمة: إنزين وين المكان إلي بنتلاقى فيه ؟؟

حمد:بتزاهت السرة هادي و ما فيه أحد هالحزة

فاطمة: صار

وصلت فاطمة وما تأخرت

فاطمة ما كشخت كانت لابسة بلوفر رمادي وجينيز لامة شعرها ييعني بآين شكلها تعبان وعيونها حمراء تغطي حلجها بجم البلوفر ، قعدت تدور حمد ولقته يت صوب الطاولة وقعدت جباله ، يومها ما كان في شباب كله عوايل

فاطمة: السلام عليكم

حمد: وعليكم السلام ، شتحبين تشرين

فاطمة: ماي

حمد: ماي بس ما يصير بطلبج عصير

فاطمة مرتبكة: خير شنو الموضوع ؟؟

حمد: الموضوع وما فيه إني اكتشفت أني أنا ما حبيت رآية حبيتج انتي مع أنه حركتج ضايقتني لكن عجبتيني شلون قدرتي تفرطين بأعز رفيجاتج عشاني

فاطمة:توقعت أطيح من عينك !!

حمد: لا بالعكس

فاطمة: والحين شنو تبي مني

حمد: ابي قلبج

فاطمة: آها يعني تبيني أرجع أحبك ، اسمح لي ما أقدر ، رآية زعلت علي والسبب أنت

حمد: أنتي شتقولين !!!!

فاطمة: إلي سمعته

حمد: إنزين عطيني فرصة أعبر فيها عن حبي لج ، والله أعزج

فاطمة: ما أقدر الحين حمد كلش ، أنا بسحب كورس وبسافر برا شهرين أقعد عند أبوي على ما تعدل نفسيتي

حمد: إنزين وأنا شلون بتعدل نفسيتي ، إنزين مسجات مابي مكالمات

فاطمة: ما أوعدك ، يلا مع السلامة

وظل حمد قاعد بمكانه حيرآن ، وطلعت فاطمة من المكان بعاصفة هدوءها

_________________________________________________________________________
وسط داونية عزيز ، جاسم طربان قاعد يسمع عايشة المرطة وبعز الطرب إلي كان فيه قطعه عزيز إلي قال

عزيز:جويسم عيد ميلادي قرب ، ما ودكم تسوون لي عيد ميلاد

جاسم (يخز بنظرة نقده ): ألحين قطعت إندماجي وشتت تفكيري عشان عيد ميلاد ، تبين أحوكك وحدة على قرعتك تعلمك العيد ميلاد الصجي

عزيز: ها شفيك جسوم شقلت أنا ؟؟

جاسم (بطنازة): ويقول شقلت أنت ارتكبت جريمة

عزيز: ما طلبت إلا عيد ميلاد فيها شيء هذه بعد

جاسم (يطنز): إي عشان نحط الشمعة فوق صلعتك وبدال ما نغني لك نطبل عليها

عزيز برطم وقال: خلاص خلاص مابي مابي ، إنزين أبي تييبون لي أحد يغني لي بعيد ميلادي

جاسم: ترى أنت كبرت ودبرت زين ما قلت أبي شخصيات وفرقة طيور الجنه ، تبيني أهز لك حاضر بس بلا هالمخاسير والهبل الزايد

عزيز:خلاص إنزين شرايكم نروح الترفيهية

جاسم: الظاهر أنت بديت تحن للطفولة وآيد ياخي صرت ياهل عود ، أشوا ما قلت ودوني فانتزي ورود ولا ماجيك بلانيت

عزيز: ما فيها شيء بالعكس وناسة

جاسم : يقول شفيها بعد ؟؟

فواز تدخل وقال: ما تبي نلبسك كبوس عيد ميلاد

جاسم: لا يا معود ماكو وحدة على مقاس قرعته ، نتوهق

فواز (سحبها ضحكة)

عزيز برطم وقال: والله ما فيكم خير ألحين أنا أبي وناستكم وأنتوا طايحين له تدقر

جاسم: فوازوه طلبتكـ عطه وحدة على قرعته أنا بعيد عنه

فواز : ابشر (وقام عطاه وحدة)

جاسم: وحدة ثانية بعد

فواز : حاآآآضر (عطاه وحدة ثانية)

جاسم: الله ارتحت ألحين هم وانزاح

عزيز يضحك ويقول : جسوم على كثر سوالفك إلي تسويها فيني بس والله أعزك يا خوي

جاسم: حبيبي عزيزان بعد رآسي والله

هني دش رآشد متضايق جنه يدور رفيجه يدور أخو دربه يدور يمناه ، سلم عليهم جاسم أول ماشافه فز له ، رآشد يآ صوبه

جاسم: هلا هلا بالأصلي ، هلا باللي يسواهم

رآشد: حبيب والله

جاسم: الله الله ويهك منبجر شسالفة ؟؟

رآشد: أبد والله بس ضآيق

جاسم: يخسى الضيق ، تضيق وأنا موجود يا رآشد آفااا

رآشد: فيك الطيب يا أخوي فيك الطيب

جاسم: والله ما أخليك تدري كنت ناوي أتعشى و نفسي بالأكل ألحين يوم شفتك ضايق انسدت نفسي

رآشد: والله إنك ذهب يا جاسم ، حبيب حبيب

جاسم: قلت حق أمي نجبي لي الاكل بعد ساعة يمديها تنفتح نفسي ، آفا عليكـ بس إلا أنت عاد

رآشد(بضحكة): والله أنا أهمك يعني شوف شلون ضحيت بالعشاء وأجلته ساعة عشان خاطري

جاسم: إييييه حسب تشريعات بطني ما أقدر أتأخر أكثر من جذي

رآشد(بضحكة): بطيني ما تيوز عن سوالفك

جاسم: إيي أضحكـ وسع صدرك الدنيا ما تستاهل ، قولي شفيك يلا؟؟

رآشد: تذكر البنت إلي قلت لك عنها

جاسم: إي الي مغربله صويحبي

رآشد: إي أهيا نفسها شفتها بمطعم أهيا ويا واحد أعرفه

جاسم (بنرفزة واشتطاط): يا أخي أحسن الظن شهالقذارة إلي أنتا فيها هذا وأنت الدكتور ، الصراحة جسوم طحت من عيني

رآشد: ليييييش ؟؟

جاسم: من غير ليش ولا هذا جلام سنع ياخي ثمن الجلمة قبل لا تقطها

رآشد: عيد شاكر حشا ، ليش ما ثمنت جلامي على قولتك

جاسم: يا حبيبي ليش ما يكون هذا زميل عمل ، ولا زميل جامعة يعني مو شرط يكون إلي اب بالك

رآشد: مستتتتحييييل هالشخص يكون من الي ذكرته ، أهوا نفسه إلي غمز لها

جاسم: ايييي يمكن تعرفه ، أنتا سمعتها تقول شيء مو زين ؟؟

رآشد: لأ كلش كانت تقوله أن أنا احترمك و من هالسوالف الرسمية

جاسم (يطق قرعة عزيز من الحرة ويرد مكانه ويقول): إيييييي عيل ليش مسوي سالفة وبعدين معاك يا رآشد يا تاعبني

رآشد: مو أسمعني بالاول يا جارحني ، أنا كنت حاس بينهم شيء لنه غمز لها من قبل

جاسم: أهيا عبرته

رآشد: لأ

جاسم (يناقز ومشتط): إي إي يعني كان بينهم شيء رسمي ، نظف مخك يا حبيبي

رآشد: إنزين ألحين أبيها تحبني

جاسم: يبا تذكر سالفة انك تضيفها وتقعدها بكوفي شوب بالمعرض هني كلمها خلكـ ذهين مثل صاحبك

رآشد: صار ، إلا شلونها إلي ماخذة عقلك ؟؟

جاسم: مالك شغل فيها

رآشد: الله يا كبرها عند الله

جاسم: قولي اسم إلي تحبها بالاول عشان أكلمك عن الي أحبها

رآشد: معصي أقوله لو تموت ، إنزين أنت كلمني عنها

جاسم: لو تذبحني ما اتكلم عنها أهيا شيء وايد أكبر من أني أتكلم عنه أو أوصفه

رآشد : دووس يا الرومانسي

جاسم: وبعدين طاريها حرام أيببه عند أشكالك متصور يعني شقد أهيا راقية

رآشد: أشكالك بعد هذه كلمة يديدة ، شكلك تبي تجرب سالفة اللازاق

جاسم: لا لا يا معود ، يبا أنا ماشي بروح آكل

رآشد: وين الي بيأجل الأكل ساعة عشاني

جاسم: جذي أجاملك شسوي يعني صدقتني مو ذنبي اذا انتا صيدة

رآشد(بضحكة): نذل نذل

جاسم: انطم،يلا فمان الله يا الخمة

أهما بصوت وآحد : فمان الكريم

مساكين جاسم ورآشد ما يدرون أن إلي يحبونها وحدة
_________________________________________________________________________

رآية تطالع ساعتها كانت عند كادي

رآية: عذريني كادي أنا لازم أمشي

كادي: ما شبعت منج قعدي شوي

رآية: لا فشلة تأخر الوقت وأخاف أمي تحاتيني ، يلا مع السلامة

كادي: يا شينج قعدي تعتمي عندنا

رآية: والله ما أقدر أمي تحاتييني اليايات اكثر ، يلا مع السلامة

كادي(تسلم عليها وتوصلها لي الباب وقالت): ديري بالج من الطريج وسلمي على امج

رآية: يوصل

طلعت رآية من بيت كادي ورآحت بيتهم ، كانت قاعد تصفط سيارتها أهني انتهز فيصل ولد يرانهم الفرصة ويا صوب الدريشة
وقال

فيصل: السلام عليكم أختي

رآية: وعليكم السلام ، خير !!!!!

فيصل: الخير بويهج

رآية: آمر

فيصل: ما يآمر عليج عدو

رآية: نلعب إحنا خلصني شعندكـ !!!!!!!!؟؟؟؟؟

فيصل: لا أبد بس حبيت تشاركينا عندنا مشروع ثقافي صغير يدعم حماية البيئة

رآية: بصفتي شنو؟؟

فيصل: بصفتج عضو فعال بالمجتمع

رآية: وهذا وين يا شاطر

فيصل: هذا رآح يكون بمعهدنا بحولي أتمنى حضورج

رآية: ما أعتقد رآح أقدر ايي

فيصل (تحبط): كلش ؟؟

رآية: كلش

فيصل: آسف ضيعت وقتج يلا سلام عليكم

رآية:وعليكم السلام

فيصل حس هني أنه لا يمكن يفوز بقلب رآية لانها تعامله جنه صغير وأهوا صج أصغر منها ب 10 يعني حسبة أخوها ، أهني شال رآية من باله و قرر ينساها ، رآية دشت غرفتها ورآح عن بالها أن باجر موعد المعرض إلا لما شافت البروشور وانصدمت بالأمر الواقع لأنه باجر ما كانت مهيأة نفسها لكنها تذكرت جميل الدكتور إلي ما قصر وياب لها الجدول عشان جذي تقبلت الوضع
_________________________________________________________________________

رآية استمر يومها طبيعي رآحت جامعتها وخذت محاضرتها وما ارتبطت بأي التزامات لأنها كانت بتروح المعرض
تكشخت لبست نفنوف كحلي مشير وفوقه جاكيت كحلي ذرب ، لبست معاه جيجي كحلي ، والشوز كان فلات كحلي ، لبست معاه قلب سلفر و يا سوارتين ملونين على إيدها اليمين وسوارة ذهبية على إيدها اليسار ، ولبست خاتم ذهبي بأيدها اليسار ، نزلت قذلتها وسوت شعرها ويفي ، مكياجها ما بالغت فيه سحبت كحلتها و حطت حمرة وردية مات وبلاشر وردي ، لبست معاها جنطتها الشانيل شكل لبسها كان نفس جذي

رآشد كان بإستقبال رآية لبس كرنيه المعرض ووقف ينطرها عند الباب كان كل خوف أنه تكسر فيه وما تيي لكن صدمته ويت المعرض

رآشد: أهلا آنسة رآية يشرفني حضورج ، تفضلي

رآية: أهلين ، شكرا

رآشد: الصراحة أنا حيل منحرج منج ليش أني دعيتج عشان تشرفيني لكن ما ضيفتج !! تحبين تشربين شيء

رآية: لا شكرا ما نبي نكلف عليك

رآشد تذكر كلام جاسم ولزم عليها وقال: لا أبد ما من كلافة الله يهداج وبعدين ما يصير تيين لي هني وما تشربين شيء

رآية: مو لزوم

رآشد: لا لزوم تفضلي خن أشربج شيء (دخل الكافيه)


رآية كانت قاعدة جباله رآشد مو مصدق عباله ليلحيينه أهوا بغرفته قاعد يغمض عيونه ويتخيلها

رآشد اللي ظل سكت للمدة قصيرة تذكر أنه لازم يتكلم وتلحلح وقال: آنسة رآية أنا ماني عارف شلون أشكرج يعني أنتي بييتج هذه دعمتي المعرض وبنفس الوقت شرفتيني


رآية: لا شدعوة عادي

رآشد: بعد شوي باخذج جولة بالمعرض ، أبيج تعطيني رآيج بدون ما تجاملين

رآية: واذا بجامل

رآشد: بتنجكين إذا بتجاملين

رآية: أوووه أنجكـ شلون بتصيدني ؟؟

رآشد: من عيونج

رآية: ليش تعرف تقرأ لغة العيون

رآشد: ما أعرف لغة العيون بس أعرف لغة عيونج

رآية (انبهرت بلي قاله وسكتت)

رآشد: شرآيج أوريج المعرض

رآية: يلا
وومشاها رآشد بالمعرض ووراها ابداعات الشباب والبنات ، رآية كانت تعطي رآيها وأعجب بطريقة كلامها ولانه دكتور ومو أي أحد تعجبه طريقة كلامه ما عدا رآية
________________________________________________________________________
بوسط صالة بيت بو بدر.................................................................................

شلي رآح يصير!!
الدكتور شبيصير عليه ؟؟
وجاسم ؟؟
كل هذا بتعرفونه بالبارت ال 18

همسة شعرية
واللي بقت ذكرى ...،
تمضي معي لبكرى ّ !!
وأضمٌها بصدريٍِ ،كني ولا أدري
ولا هبَت الاشواق:
جاب "الهوا" *روحكـ
وأشعلت أنا ............/ الذكرى ​

 

[Ruwaishdawya]

البـــــــارتـــااااات عــــــجيييــــــبة !!! :ggdw::ggdw::ggdw:
توني اقراهم من خلصت امتحانات و انا لاهية :eh_s(4):
فاطمة صج بطت جبدي تنـــــرفــــززز :eh_s(4): بس مو منها من الـــــزفــــتة رزان :rgewrg:
بس هم راية ليش ما قالت حق فاطمة انها تحب جسوم مو اهيا صديقتها الclose الي كلشي تقولها :bbbiu: << طبعا قبل ما تعرف عن سالفتها مع حمد :eh_s(4):
و منى شوي كاسرة خاطري يعني فيها شي زين حــــرام :/
ممممم.... مـــــــنو بعـــــد ؟؟ :eh_s(10):
اييـــــــــه كادي تهــــــبل احسها خوووش بنية زين تسوي في بدر :eh_s(15):
اي و نســـــــــيييت رااااااشــــــد اهــــــــم شــــي !!!!!!! صج انا حبيت جاسم بس حرام احس راشد اِحب راية اكثر يعني قاعد يتعب و اهوا يحاول يوصلها :bbbiu:


ادري وااايـــــــــد قرقت على راسج بس لانه هدا تعــليـــق حق كل البـــــــارتـــــات الي طافت

تسلمين أول شيء

حبيبتي والله :*

إي فاطمة مو منها من رزان أهيا إلي حشت راسها هواء :eh_s(11):

ما قالت لها لنه حزتها كانت حياوية ومنطوية طافتج هاذي :eh_s(4):

إي منى تكسر الخاطر إهيا تسوي جذي من إلي فيها

إي عدل كلامج كادي خوش بنت :eh_s(7):

أممممم بالنهاية القرار لج تحبين جاسم أو رآشد

تسلمين لا قرقة ولا شيء بالعكس أصلا فقدتج من البارت الأول كان ردج موجود جنه ​

 

[روحين في رـوح]

يمه فديتج كل بارت احلا من الي قبلوووو
وعجججججيب
يلا ناطرجج بشوف شو بيصير مع راشد وراية وجسوووم
ووووحمد وفاطمة
ماتتأخرين
................
تحياتي الحارة:
بنت فلسطين^_^

 

[Ruwaishdawya]

يمه فديتج كل بارت احلا من الي قبلوووو
وعجججججيب
يلا ناطرجج بشوف شو بيصير مع راشد وراية وجسوووم
ووووحمد وفاطمة
ماتتأخرين
................
تحياتي الحارة:
بنت فلسطين^_^

فداج الغالي ، تسلمين لي والله :eh_s(7):

إي نطريني ألحين بنزل بارت :*​

​

 

[Ruwaishdawya]

بنزل بارت بإذن الله على العصر او على دشة المغرب ترقبوا :*

 

[روحين في رـوح]

بتعجبيبي يعني ما رح انطر واستنا
يلا يا الغالية انا بانتظارج
............................
تحياتي الحارة:بنت فلسطين

 

[A7BEE5 TOOFE]

احم احم ؛$
حمد مؤصصج لمن ققال انتـي غدرتـي برفيجتـج عششإنـئ فـ حبيتـج @@
ؤففاطمـةة خلتـهةة ومششت هبلةة هـ البنت :/
الله يسستـر مـن ردةة فععـل جسسـؤم ورآششد لإإ درؤوٰ ـآن ـآللـئ يحبـؤنههـآ ؤححدإ :|
ؤرآششد شگلـهةة تععلـق بـ رايـهةة =(
ڤيصـل إصصغغَر من رإيـهةة پـ ١٠ سنيئـن ويپيهـآ إتححَپـهةة ؛@ ، ششـئ ععجيـب =\
ثـإنگكـس ععَ ـآلپـإرـت ؛*

 

[A7BEE5 TOOFE]

Up up up

 

[Ruwaishdawya]

بتعجبيبي يعني ما رح انطر واستنا
يلا يا الغالية انا بانتظارج
............................
تحياتي الحارة:بنت فلسطين

لا ما راح تستنين

يلا ئالحين أنزله ​

 

[Ruwaishdawya]

احم احم ؛$
حمد مؤصصج لمن ققال انتـي غدرتـي برفيجتـج عششإنـئ فـ حبيتـج @@
ؤففاطمـةة خلتـهةة ومششت هبلةة هـ البنت :/
الله يسستـر مـن ردةة فععـل جسسـؤم ورآششد لإإ درؤوٰ ـآن ـآللـئ يحبـؤنههـآ ؤححدإ :|
ؤرآششد شگلـهةة تععلـق بـ رايـهةة =(
ڤيصـل إصصغغَر من رإيـهةة پـ 10 سنيئـن ويپيهـآ إتححَپـهةة ؛@ ، ششـئ ععجيـب =\
ثـإنگكـس ععَ ـآلپـإرـت ؛*

اي حده وايد عليه

ايه كان لازم تسوي جذي :eh_s(2):


الله يستر :eh_s(10):

حبيبتي فيصل بعاشر مو أصغر منها بعشر سنين شكلج خربطتي

ولو ​

 

[Ruwaishdawya]

البارت الثامن عشر

بوسط صالة بيت بو بدر الحجي عثمان إلي طقت جبده من تصرفات ولده الماصخة ، عثمان عمره 45 عنده ولدين صغار بالابتدائي وبنت صغيرة وأكبر عياله بدر ، عثمان ملامحه سمحة ويهه بشوش ولده بدر يشبهه شوي ، شعره حت من كثر محتاة هالبدر و ين يروح ووين يسافر ومع منو يهيت , ومنو ربعه يعني بإختصار بدر شاقيه بحياته صج أنه عنده خير من الله كثير لكن يبي بدر يعتمد على نفسه لي متى يتكل عليه

عثمان: أنا قتلك لأ يعني لأ وهالموضوع هذا تشيله من راسكـ يا بدير ولا تييب سيرته نهائيا إلا ليمكن تعقل وتتكن وتخرج وأوظفك عندي بالشركة

بدر: يبا والله باجي لي كورس لا توقف طريجي عشان شهادة

عثمان: الشهادة أهي مستقبلك ، أنت ليش تحب تحرني أبفهم يعنبوك إدورلي المقثة أنا ما صدقت كبرت قلت تشيل عني هموم الشركة وبلاويها وتريحني من هالأذية ، لكن أنت ما تبي جذي تبي تعيد بهالكورس وتلط مني فلوس يوم أني كبرك كنت أستحي اقول حق أبوي
يبا أبي فلوس كنت أييبها من مكدتي من تعبي مو أروح اطلب أبوي

بدر: يبا الحين السالفة اختلفت كليا أنا أبي أتزوج البنية إلي قلت لك عنها

عثمان: إي و يلا زوجناك إياها ما تقولي من وين بتصرف عليها

بدر: يبا أشتغل عندك بالشركة على ما أتخرج من الجامعة

عثمان: وتلتزم بالدوام مو تتأخر ؟؟

بدر: أكيييد أفا عليكـ أنا ذراعك يا بو بدر

عثمان: والله مادري عنك يا بدير

بدر: يبا عطني فرصة أبين لك فيها أني كفو وأستاهل أنت ليش مو راضي تعطيني فرصة

عثمان: مو عن يا ابني ، بس أنت واحد زقمبي عفطي مو مال زواح

بدر:ذاكـ أول الحين أنا غير حتى اذا مو مصدق جربني وشوف رآح ابدع بالشركة

عثمان: إن شاء الله تبدع عشان ما أبدع فيك

بدر: لا إن شاء الله خير

عثمان:بس مع ذلك ما أقدر أورط بنت الناس فيك

بدر(بصرآخ):شلون يعني ، ما آخذها يبا ليش جذي ؟؟؟؟؟

هني طلعت أم بدر (سارة): هووو شفيكم شهالصيحة ، يما بدر شفيك تصرخ ؟؟
سارة عمرها 38 سنة مملوحة وناعمة بيضاء ضعيفة قصيرة عودها ناعم ، عيونها صغار شكلها مجكنمة تونس ، حبوبة وراعية واجب وبيت ، ما تنسى أحد وقايمة بيتها ، بس تبالغ بدلعها لولدها بدر

بدر: يما شفتي البنت إلي كلمتج إلي قلتي لي أنج تعرفين أمها

سارة: إي هو أذكر

بدر:يما هذه أنا أبي آخذها وأبوي محنج لي

سارة:هاذي الساعة المباركة ، عثمان شفيكـ على الولد ما صدقنا على الله يتكن و يعقل

عثمان: إي هذا أنتي محد ما خربه علي غير دلالج الماصخ شوفي حصيلج منه الحين لا شهادة ولاشيء

بدر :يما تكفين كلميه ، والله أنا متعلق بالبنية وشاريها بعدين يما أنا قتله بشتغل معاه بالشركة وأكمل جامعة ، بعدين أنا باجي لي بس كورس أخلصه وأييب لك الشهادة ، لا تضايق روحك يبا

عثمان: وعد يا بدر

بدر: وعد

عثمان قاله بالمبارك وحضنه

بدر كان مستانس وكان قاعد يحن على أمه عشان دق على حصة أم كادي عشان تبلغهم بالخطبة وجذي
________________________________________________________________________

جاسم كان متسند على سيارة رآية ، كان ياي مع أبوه وتملل قال يطلع برى ، هني ياله فيصل

فيصل:السلام عليكم أستاذة رآية موجودة

جاسم بدون تفكير تل الريال من بلوزنه من زود الغيرة وقال: شعرفك فيها ؟؟؟؟؟؟؟؟ @@@@@

فيصل: أخوي إحترمني شوي ونزل إيدك ما غلطت أنا

جاسم: ماني محترمك خلص قول شعرفك فيها ، لا أنام فيك طق الحين

فيصل: وخر عني أول شيء

جاسم: حلايا البكلة المقصصة خايف بعد كا وخرت عنك قول خلصني @

فيصل: الأستاذة رآية مدعوة عشان تكون معانا عضوة بمشروعنا الثقافي

جاسم: وشمعنى أهيا يعني بعدين أنت ليش ياي تسأل عنها ؟؟

فيصل: لأني بعطيها البروشور وشفتك وقلت تعطيها

جاسم: الله يهداكـ جان عطيتني إياه من الأول خليتني أمد إيدي عليك وفهمتك غلط

فيصل: لا عادي تمون أنت بمكانة أخوي العود

جاسم: تسلم حبيبي ، إلا قولي أنت شسمك

فيصل: معاك فيصل

جاسم: والنعم بفيصل

فيصل : النعم بحالكـ ، وانت شسمك؟؟

جاسم: أنا جاسم

فيصل: تشرفت بمعرفتك جاسم و يمد إيده يسلم عليه

جاسم سلم عليه وتالي رآح بسبيله ، فيصل أعجب بشخصية جاسم وحس أنه فصلة وجذي
مع أنه تفشل لنه زفه بالاول لكن فيصل تفهم الموضوع
____________________________________________________________
الساعة 9 الصبح رآية بالكافتيريا وأول مرة الدكتور مايكون وراها كانت لابسة نفوف أسود قصير فوقه توب لونه زيتي واسع لبست معاه بوت أسود وهيلاهوب جيجي أسود مع قلادة ذهبية طالع شكلها روعة ذربة و لبست معاه سوارتها الشانيل ، كانت مو بالغة بالميك اب مثل العادة حطت حمرة عنابية فاتحة وخطت لها كحلة ، مع بلاشر وردي بس هالمرة حبت تغير حطت كحل زيتي داخل عيونها شعرها لمته كبة ونزلت قذلتها كان لبسها نفس جذي

رآية كانت سارحة يعني عقلها مع بيتهم لنها رآح ترد من الجامعة وتسجل طلبات أمها لانها تبي تجّيل البيت
بنص سرحان رآية طبت عليها فاطمة كان شكلها مهتمل وباين عليها مرهقة و تعبانة ، لابسة بلوفر كحلي ولفت معاه سكارف أسود ولبست جينز أزرق مع جوتي تومس أسود وماكو بويهها قطرة مكياج كان شكلها شاحب وايد جنها محنطينها
يت صوب طاولة رآية وقعدت جبالها

فاطمة بصوت مبحوح ، قوة رآية شلونج من دوني عساج بخير ؟؟

رآية منصدمة من فاطمة وقالت: فاطمة شيابج هني أنا مو قايلة لج أنا مابي أشوف رقعة ويهج !!

فاطمة تكح وبعدها قالت: لا تخافين مراح تشوفيني بعد هالمرة أوعدج ما أضايق نظرج بعد

رآية: عندج شيء تقولينه قولي

فاطمة تكح أكثر وبعدها قالت: ييت أبيج تحلليني وتبيحني أنا مسافرة وأحتامل أطول ومادري متى برجع

رآية: محللة ، ما تشوفين شر

فاطمة : أختي

رآية سكتت ما ردت

فاطمة عقب أكثر من كحة متواصلة: أختي حبيبتي

رآية: نعم

فاطمة: لميني ما يندرى يمكن هاذي آخر مرة تشوفينها فيني

رآية حظنتها وعلامات الخوف على ملامحها الجميلة

فاطمة: ييلا مع السلامة أختي

رآية: الله يسلمج

أول ما رآحت رفاطمة ، بدت دموع رآية تنهمر على خدودها كان ودها تسألها شفيج قاصرج شيء تبين شيء ، بس ما قدرت الزعل إلي فيها كان أكبر من أنها تتنازل عنه وترضى بكل هالسهولة
ردت رآية البيت وهناكـ لقت منى ، منى أول مرة ما تقط على رآية حجي غريبة حتى رآية استغربت ، رآية ما اشغلت بالها بمنى وايد قعدت تحاتي فاطمة حتى وأهيا بالجمعية
_______________________________________________________
بوسط بيت كادي .....................................................................


شلي رآح يصير ؟؟
أشياء وايد لازم نكشف عنها الغطاء شنو أهيا ؟؟
تابعوني

البارت 19
همسة شعرية:
ليتكـٍِ تشوف الفرق بين أمسُ واليومَ
وتشوف كيف البعد سوى بحالي
ياللي هواكـ أحرم عيوني من النوم
ولعتني بالحب وأشغلت بالي ../
أضحكـ وفي قلبي هواجيس وهموم
والشوقٌ يسري في سود الليالي ..،،
يا ليل كيف أصبر ولي قلب محروم :"(
لا تحرم المشتاق من شوفة كل غالي ..،،​

 

[روحين في رـوح]

اخ منك لازم هالفاصل هادا
فديتج كل بارت احلا من التاني واروع
يلا نااااااااااااطرج
ما تتأخرين
.........................
تحياتي الحارة :
بنت فلسطين

 

[♥«Sαяσσŋαн»™♥]

شكرا على البارت
بس انشالله كادي توافق ان تزوج بدر

 

[Ruwaishdawya]

اخ منك لازم هالفاصل هادا
فديتج كل بارت احلا من التاني واروع
يلا نااااااااااااطرج
ما تتأخرين
.........................
تحياتي الحارة :
بنت فلسطين

شسوي بعد اليوم براضيج وبنزلج بارتين طوال :eh_s(22):

تسلمين من ذووقج مرورج الاروع:eh_s(17):


لا ما رآح أتأخر :*​

 

[Ruwaishdawya]

شكرا على البارت
بس انشالله كادي توافق ان تزوج بدر

العفو :eh_s(17):

خلي الرواية تتحجى عن نفسها كل شيء بيبان لا تستعيلين ​

 

[shine&bright]

مشكــــــــووورة على الـــبارت الحــلـــــو ;***

الصراحة احـــــلى شي انج ما تطولين على ما تــــنــزلين البـــارت:ggdw::ggdw: >>> عشان ما ننسى الاحداث و الرواية بكبرها

مممم ... اول شــي (((بـــــدر ))) اشوى طلع من صجه مو قاعد يلعب جان ذبــــــحــــته :wqedqw:

و فاطمة شكلها مريضة بتسافر تعالج

و شفي راشد وينه ما طـــلع بهل بارت ؟؟؟؟ :eh_s(10):

جسوووم الصراحة بـــــــــدع !!!! كالا الريال حتى ما سمع شيبي :krkrkr: >>>>بس زين ايسوي فيه:eh_s(15):

و منى الحمدلله انها ردت حق عقلها :eh_s(15):

و بس !!!! :eh_s(22)::eh_s(22):

و مرة ثانية اقولج تسلميين على البارتاات و تكفييين تمي جذي لا تتاخرين بتـــنــــــزيل البارتات ....


نـــــاطــــرييــنج :eh_s(9)::eh_s(9)::eh_s(9):