ذُڪرى تَـمحْـي النسيآن ~~ !

[روحين في رـوح]

البااااارت حلوووووووووو
وجسووووم فديته
يلا ناطرينج فديتج قلبي روايتج روعة

 

[Ruwaishdawya]

البااااارت حلوووووووووو
وجسووووم فديته
يلا ناطرينج فديتج قلبي روايتج روعة

تسلمين من ذوقج :eh_s(7):

حبيبتي أنتي مشكورة فداج كلي ، إن شاء الله جسوم بنكثر منه بالرواية

 

[dwaiiny]

فعلا البارت يبررد القلب


بانتظار البارت وان شاء الله هم يبرد القلب

 

[Ruwaishdawya]

البارت الثاني عشر​

ووصلوا بيت العم نآصر أول سيارة وصلت السيارة اللي كانت رآية فيها ، رآية لبست نفنوف وردي نلعم قصته كلوش خفيفه وايد ذرب لبست معاه قلادة طويلة فضية بنصها قلب حب صغير (كيوت أدري) ، و لبست خاتم فضي ناعم الي ما قدر يتخيل شكل النفنوف كان شكله جذي

نكمل نزلت معاها كادي اللي لبست نفنوف رمادي ذرب وايد و مبين شكلها ياهل ولمت صوب الثاني من شعرها اب بماشة عليها ورود تقريبا نفس لون نفنوفها و كان شكل نفنوفها جذي ،

أم أحمد نزلت ووراها البنات دشوا بيت العم ناصر وسلموا على الموجودين ، جاسم اللي ما يدري شسالفة توا يقعد من النوم ونازل من الدري ويغني وهو منطرب (صوته حييل حلو): يا ناس دلوني درب السنع وينه أشوف لي مرقا من بير الأهوالي خرب جمال وعفس الانطراب كله ليمن وقف بنص الدري وطق أصبع وعطاها هزة محترمة

جاسم وأهوا مشتط (ليلحين ما شاف العموم): رانـــــــــــــــــــــــــــــــي...........،، نطرها على مما تيي له وراح خذا مسدس اللعبة مال اخوه سالم وحط بجيبه

رآني (خدامته من أهوا صغير تشتغل بهالبيت): وبصرآخ لنها ماخذة عليهم : نآآآآآآآآم

جاسم يأشر بأيده: لا يسرخ أنا في كلام زين أنتي ليش سرخ

رآني: كايسة جسومي انتي مسلم حرام جداب ، أنتي سرخ قوول رآني انا يسمع كل شيء

جاسم (يبيها تعصب): لا عاد أنا ما في جذبي شلون ؟؟

راني:روهي أني أنتي واجد باقرين ما في كلام كدامة زين كايسين انقلع

جاسم منصدم وبخبال: باقريـــــــــــن ، (طلع المسدس من جيبه وأهو مشتط ويا صوب رآني وحطه على صماخها وقال بنبرة الافلام الهندية): يبي سوي مووت ؟؟

رآني من خادمات أول هذيلي الحارين اللي يجفسون جمهم ويشتغلون من قلب يعني يهمها البيت كله وحتى طباخها له نكهة و يعني عادي مقوية باسها ما تخاف من أحد

رآني: والله عادي سوي موت ، أهسن منك روح عند الله تفوو على وجهج

جاسم: يعني ما في خوف !!!؟؟؟

رآني : لا ما في خوف سووي موت

جاسم (بطنازة): يا عمي أنتي حسافة ما ياخذج بن لادن ماشاء الله عليج فدائية عادي يلبسونج حزام ناسف وتفجرين بعمرج

رآني: جبي كلام مو زين

جاسم : أشوا أنج ما تعرفينه يا معودة ، انزين رآني شنو فيه أكل يوعان والله بطني طيران داخل طقاقات الله وكيلج

رآني : أكلي تبن شربي لبن و انقلع

رآني ردت المطبخ وطبعا الكل سمع حوارهم العم ناصر يأشر لهم وهو يقمت ضحكته لا تتكلمون سكتوا ، جاسم قعد يصرخ جنه بيبجي : رآآآآنييييييييييييييييييييييييي

ما وعا الا الكل قاعد يضحك عليه لف ويهه شوي على صوبهم ولا الكل فاصل عليه، رآية كانت ساكته ما تبي تحرجه مع انه انحرج وتفشل ،

جاسم : سلم عليهم وقعد شوي

جاسم كان يطالع رآية ، رآية نزلت رآسها

جاسم : رآية شلونج ؟؟ شلون الجامعة

رآية: الحمد الله ماشي الحال

جاسم: عسى يا عله دووم

رآية (منحرجة): تسلم

وسط هذا كله دق عليه صاحبه رآشد ، جاسم طنش بالأول لنه مستانس رآية جباله ، دق مرة ثانية

جاسم: خير نعم تفضل ؟؟

رآشد: الله الله الله ..إهدى إهدى شهالاندفاع

جاسم: إي أدري عنك وقتك غلط

رآشد: الله الحين صار وقتي غلط

جاسم (يرفس المخدة الي يمه لنه اشتط ونسى اللي قاعدين): إخلص شتبي يعني ؟؟

،رآشد: ابد والله بس أنا قاعد بمطعم slider station والاكل على حسابي ، عاد قلت لزوم أبلغ جسوم بالسالفة

جاسم (حط إيده على بطنه وقام من مكانه وأهو مشتط وقال) : يا بعد بطني يا رشود حبيبي والله لو تباعدنا الظروف أنا غيرك ما أشوف

رآشد: حتى أنا والله حبي لك لا ما يتغير لنه قلبي موت يحبك أكثر من أني أتصور ، أقول تعال بسرعة لا تبطي


جاسم: هواا ياي لك أفا عليك

جاسم صعد وبسرعة بدل هدومه ونزل ركض وقال لهم : مع السلامة كويتين

العم ناصر : جسوم ويهد ألحين أحنا مسوين غدا وعيال عمك ياين عشان تعطينا مقفاك وتمشي

جاسم (بعبط): يبا ما عطيتهم مقفاي، بعدين يعني شيء طبيعي هل ممكن أني أرحل وأنا معطيهم ويهي أويلاه عليك يا بو أحمد بس

العم ناصر (بضحكة) : رووح بس أنا داري أنك بتقلبها غشمرة

جاسم: حبيب والله يا الوالد

العم ناصر : ترى رخصتك عشانك توظفت ولا أنا ما ودي تروح أصلا

جاسم: إيي عادي يبا أنت ما ودك بس انا ودي أنت فاهمني ، يعني اختلاف الآراء لا يفسد للود قضية

العم ناصر: جاسم يبا اطلع برا وصك الباب

جاسم (يستهبل ): إي إن شاء الله يبا بدير بالي على نفسي لا تحاتي

العم ناصر (بضحكة): توكل بس اقول

جاسم : أها جذي أوكي

عقب ما طلع جاسم وصلت السيارة اللي فيها منى وابتهال و خوات ابليس ، طبعا رزان كانت خابة نفسها صج أن شكلها كان حلو بس همن تحسينها خبة شوي كانت لابسة نفنوف مشير ورود حمر ولونه أوف وايت ضيج قصته سيدة مشكوك من صوب الرقبة بذهبي ، ولبست معاه كعب مسكر مشير نفس تشيرت النفنوف و لبست ساعة ذهبية مع تراجي ذهبية وطبعا مو مقصرة بالميك اب خاطة الكحلة اللي أهي و الحمرة الحمراء بصوب كان شكلها يلفت و شعرها سوته ويفي طالع شكله حلو كثيف ، نزلت من السيارة متأملة أنها رآح تخلي جاسم ينعجب فيها ونزلت وراها أختها اللي ما كانت كاشخة وايد لبست نفنوف رمادي قصير مع جيجي أسود وكعب عالي مسكر من جدام ، مو حاطة مكياج اكتفت بالقلوس وشعرها سوته تكسير للمرة الاولى العادة كله ويفي
دشوا البيت وسلموا ع الموجودين ورآحوا قعدوا يم رآية و كادي


رزان : ريون وين جاسم

رآية (من داخلها منقرهة ليش انها تسأل عن جاسم): طلع

رزان(علامات النرفزة بانت على ويهها لنه كشختها رآحت عليها )

كل شيء صار طبيعي وحسب الأصول اب بيت العم ناصر ، اممم لكن مع جاسم اختلفت الامور شوي

جاسم عقب الغداء ويا صاحبه قاعدين على البحر

جاسم: الله على هالقعدة يبيلنا عايشة المرطة

رآشد: تكفى طآآع ويهك عايشة المرطة قول فيروز إنزين كوفي أنان

جاسم: لا الياس خضر أحسن ، بعدين شفيها عايشة المرطة والله فن تصدق أنا عندي عايشة المرطة صوتها أحلى من فيروز

رآشد: تبيني أقطك بالبحر الحين أنت من صجك هاذي فيروز الست هاذي

جاسم: حتى عايشة المرطة الست

رآشد: أي ست هاذي حتى سبع ما تصير

جاسم: ذكريني أنام فيك طق على هالقطة الحقيرة الظريفة


رآشد: آفااا

جاسم: انزين جب خن أبص على البحر

رآشد: بصي يا شادية بصي

جاسم : جب

ظلوا فترة ساكتين بعدها قال جاسم : تصدق رآشد أول مرة أحس أني غير

رآشد: شلون غير ؟؟ ما فهمت يعني شنو قمت من النوم لقيت نفسك أحد ثاني

جاسم : لا مو جذي يا حيوان ، قصدي أقول لك يعني أني أحس بشعور غير


رآشد: شلون يعني وضح شنو شعور غير ؟؟ شنو الغير بالموضوع ليلحينك جاسم الرقلة ما تغير شيء

جاسم: والله من صجي خل الغشمرة أحس صج مادري يعني أنتا تحسني طبيعي

رآشد: تبي الصج أنا من زمان أحسك مو صاحي بس ما حبيت أجرح شعورك


جاسم: ما عليك زود ، بس ما فهمتني قصدي أني قمت أشوف الدنيا شيء وردي أحس أشوف الناس فيونكة و دبدوب يعني أخلصك شعور مسطول

رآشد: والله شكلك فيك توحد يا صويحبي

جاسم (بضحكة): جب

رآشد: يخز رفيجه وقال : والله شكلك تحب يا الشيطان ؟؟

جاسم: نوعا ما

رآشد: شلون نوعا ما

جاسم: يعني مادري اذا اهيا تحبني أو لأ

رآشد: نفس حالتي ، انا أشهد إنها مقرودة

جاسم: جب أنت القرد

رآشد: يا حمار مقرودة يعني مبتلية مو قرد ة

جاسم: والله عاد الي أهو ، لا تغلط عليها

رآشد: أووه لا تغلط عليها أشوف من لقى أحبابه نسى أصحابه

جاسم: إيه

رآشد: ترى ما تعرف تجامل ، إنزين قم إمش بنروح الدوانية

جاسم: يلا مشينا
_________________________________________________________________________
يوم الأحد الساعة 7 الصبح طلعت رآية من البيت كانت لابسة كوت شانيل لونه أبيض ومن صوب على الاطراف مبكر بكروهات أسود وأبيض شكله ذرب على الصبح ، تحته نفنوف أبيض لبست جيجي أسود وكعب مسكر أبيض مع جنطة شانيل ، شعرها الكستنائي يتكتكت مسويته ويفي و ما كانت مبالغة بالميك اب كحلة و قلوس شكلها ينن على الصبح ، رآية بطريجها للسيارة وكانت مستانسة ليش أنها ما راح توصل دلي وملي ، وكان شكل لبسها جذي

بطريجها للسيارتها

شافها فيصل ولد يرانهم كان معاه رفيجه محسن ،

نتكلم عن فيصل أبيضاني مشوقر شكله جنه كوري شعره يونس قذلة وجذي لابس تريننق هولستر أطباعه مغرور مو كل شيء يعجبه ، نذل شوي ، فرندلي و تعامله حلو مع الناس


أول ما شافها بطل حلجه وقال: يما يما شفتها حسون ..، منو هاذي شتطلع ؟؟

محسن: هاذي بنت يارنا الله يرحمه بو أحمد

فيصل: والنعم والله

محسن : حط بالكـ توطوط صوبها هذيل أعمامها ما يغشمرون يعني لا تحطها اب بالك

فيصل: ليش لأ ,, حرام وحدة نفس هاذي ما أحطها بالي أنت شفتها

محسن: آخرتك ما رآح تاخذها بابا البنت بنت عز و جذي جذي ما رآح تاخذها لنك مو من مواخذيهم

فيصل: إنزين أنا مابي آخذها ، أبي أكلمها أحسها تونس طريقتها

محسن : خل البنية بحالها مو ناقصة كافي ابوها وأخوها ماتوا

فيصل: إي عادي أساعدها أشوف شتبي ما تبي

محسن: أنت ساعد بيتكم بالأول ما تدري عن شيء

فيصل (يضحك): إي والله وأنت صاج

فيصل حط رآية اب باله و كانت عنده شغلة يقدر يكلمها منها وصلت رآية الجامعة و...............................................................................................................................
​

 

[Ruwaishdawya]

فعلا البارت يبررد القلب


بانتظار البارت وان شاء الله هم يبرد القلب

تسلمين :eh_s(22):

 

[Ruwaishdawya]

البارت الثالث عشر


رآية كالعادة الساعة 9 قاعدة بالكافتيريا وراها دكتورنا النجيب ، رآية فاقدة فاطمة من زمان عنها قالت خن أدق عليها

رآية (متنرفزة): آلو ، فطيم تدرين أنج خايسة

فاطمة (بخرعة خايفة أنها تكون درت): آلو هلا رآية ، ليش عاد؟؟

رآية: صار لي دهر مو شايفتج مالي شغل ابي أشوفج

فاطمة: وييي ، إن شاء الله هو كا أنا عند المصافط ، أصفط سيارتي وأييج

رآية : أوكـ

دكتورنا إبتلش بعمره لا هو إلي قادر يقول الي يبيه ولا هو قادر يخش إلي بداخله يعني بين نارين ، رآية قعدت تنطر رفيجتها أول ما أقبلت فاطمة رآية حضنتها على طول ولا هموها إلي قاعدين

رآية عطتها وحدة على راسها وقالت : أنتي هبلة ولا هبلة ، قعدت أحاتيج قلت فيها شيء ولا شيء وينج أنتي @@؟؟

فاطمة: هذا حجي عاد لو صج محاتيتني جان دقيتي -.-

رآية (بنرفزة): دقيت عليج على ال 12 ما رديتي علي كان مشغول شنو كنتي تكلمين أبوج؟

فاطمة (مرتبكة لنها ما تعرف تجذب)إيه أبوي

رآية: إي أنا قلت جذي بعد

فاطمة (تبي توخر الشبهة عنها مع أنه رآية ما شكت فيها ): إي أنتي شلونج ؟؟ وشلون الدعلة منوه

رآية: الحمدالله بخير ، وييي سكتي طافج ذاك اليوم سفلت فيها بالمزرعة سويتها بيزة ما تسوى

فاطمة: كفوو

رآية: إي أعجبج ، أنتي شلونج وشلون إخوج وأمج وأبوج وخدامتكم ؟؟

فاطمة: أنا بعرف خدامتنا شكو بروحي ما أشتيهها

رآية: سكتي كلش و لا ليكي هذه الغلا كله

فاطمة : كفوج -.-

رآية : إنزين سمعي اليوم تفضيين لي نفسج غصب بوديج أغديج اب بمطعم نينو

فاطمة: على حسابج

رآية : أكيد على حسابي يعني عازمتج بوكلج على حسابج مثلا إلا اذا قلت لج بروح الحمام وانحاش

فاطمة: عمى ،فيج خير تسوينها والله أقطعج

رآية: هههههه

هني يا حمد ولد عم رآية أبوه موصيه يقول لها عن أن اليوم باجر أحمد ياي من السفر وأنه بيسوون له عزيمة اب بيت يدتهم موضي

حمد: السلام عليكم

رآية بابتسامة باردة : وعليكم السلام

حمد: رآية أبوي قالي أقولج باجر ضروري تيين أحمد تخرج وراد من برا باجر ومسوين له عزيمة إب بيت يدتي موضي

رآية : يا الله أنا مادري متى بخلص من هالمناسبات

هني فاطمة قلبها خفق بقوة وكانت خايفة من حمد أن يزل بلسانه عند رآية لنه اليومين الي طافوا كانت تكلمه ساعات طويلة وكانت توعده بالزواج

حمد: إي شتسوين ، يلا أنا الحين ماشي تبين شيء ريون

رآية بنقدة وبنظرة جنها لايعه جبده شكو يدلعها وقالت بعدها بحدة: شكرا مابي شيء

حمد غمز لها وأهوا ماشي

رآية أول ما رآح عمى بعينه شفتيه وقح قطيعة يحمد ربه ما بطيت له عيونه جبح هاذا اللي ناقصني بعد قلة أدب

فاطمة: حرآم تلقينه مو قصده اللي بالج نظفي تفكيرج

رآية: إي هييين

فاطمة: يمكن قصده ميانة وأنتي بنت عمه عادي يعني

رآية : ويع ويع بس بس فطووم إمشي ورانا محاضرات يلا قومي قومي

رآحوا الثنتين محاضراتهم ، إهني دكتورنا مشى وهو محتر عشان شاف حمد يغمز حق رآية ، مات من الغيرة كانت عيونه حمر و يحس بنار تغلي من داخله ، رآح كلية الإدارية وعطى محاضراته وهو من داخله يحس بغيظ يعني صج شنو أصعب من أنه يحب وحدة ويتعلق فيها وهي ما تدري عنه ويشوفها تنهان جدام عينه وما يقدر يسوي شيء ليش أنه مو من أهله مو مرته مو خطيبته ، أهوا ما قدر يسمع كلامهم عدل لنه وراه ناس صوتهم عالي عشان جذي ما ثبت شيء غير الغمزة

عقب ما عطى دكتورنا محاضراته دق على جاسم

جاسم: هلا بالزيين

رآشد: هلا فيكـ ،والله إني ضايق يا خوك

جاسم: ضايق آفا بيعني بالسوق يا بو عبد اللطيف

رآشد: من زينك عشان أبيعك بالسوق هذا إذا أحد رضى يشتريك

جاسم : ها احترس عن الغلط!!

رآشد: والله جسوم ضايق من صجي ، أنتوا بالدوانية

جاسم: إي الخمة كلهم عندنا

رآشد: إي أبيك بموضوع بيني وبينك بطلي مخك الله يخليك

جاسم: يا عمري عليك يا دكتور أنت تآمر يا غلاهم

رآشد: لا يكثر ..، وأنا ياي الحين

جاسم (بنبرته المشتطة): حيآآآآآااااكــ ، افرش لك السجادة الزرقاء

رآشد (بضحكة) الحمراء يا الأثول شنو زرقاء

جاسم : إي جذي اضحك وسع صدرك وأنا خوك ، الدنيا ما تسوى دودو يا دنيا

رآشد: إي يلا كا ياي
_________________________________________________________________________

بزواية من غرفة كادي اللي زهقت من اتصالات بدر ومسجاته الي ما تخلص ، رن تليفونها وردت على بدر

كادي (بنبرة اليهال): إنتا ما تستحي تأذي بنات الناس ، ترا مو كل البنات مو زينين

بدر: أويلي عليج ، والله أنا أدري أنهم زينين اللي مثلج زينين

كادي : والله تبيني أسده ألحين بويهك

بدر: لا يرحم أمج أنا ما صدقت تردين ، يبا سمعي أنا أبيج زواج حتى تليفون مابي أكلمج

كادي : شنو هالقلة الأدب عيب عليك ، بعدين أنتا ما شفتني ما تقدر تحكم علي

بدر: والله أنا من أخلاقج حبيتج :$

كادي(بنبرة اليهال): لا ، أنا رآح أسده

بدر: لا لا لا تكفى والله قصدي شريف أنا أبيج مرتي

كادي : مع السلامة وسدته الخط بويهه

كادي عجبها كلامه لكن ما صدقته قعدت تفكر وآآيد وفكرة تيبها وفكرة توديها مو عارفة شلون تتصرف
________________________________________________________________

بطاولة بوسط مطعم نينو كانت رآية مجابلة رفيجتها

رآية ظلت تخز فاطمة و قالت: تصدقين فاطمة أنا يمكن أندم على أي شيء إلا معرفتج ما أندم عليها

فاطمة(من داخلها كانت متضايقة لنا رآية أحسن منها وآيد) وقالت جنها تتصنع الابتسامة: حبيبتي ريون والله أنا إلي ما رآح ألقى مثلج

رآية: أنا إلي مثلي وايد أما أنتي لأ

فاطمة (زادت ضيقتها) وحاولت تغيير الموضوع: أكيد ماكو مثلي ولا تبين شيء مني

رآية : لا يا المليقة والله من صجي

فاطمة: إي دريت ريون تحبيني هذا خالصين منه

رآية: هههههههه إي والله حبج طعجني

فاطمة :هههههههههه

بعد ما تغدوا ، قالت لها رآية إمشي خن أوصلج لنها كانت ياية مع أفراح وافقت فاطمة ، بس اللي صار بالسيارة خلا فاطمة ضميرها يأنبها حيل

رآية قالت حق فاطمة وأهما بالسيارة: فطوم أنتي مو رفيجتي أنتي أختي تدرين شنو يعني يعني من دونج أنا ولا شيء الله لا يحرمني منج ، الله العالم أنه هاليومين الي طافوا جنهم سنتين

فاطمة دمعت عينها لنها ما قدرت تتحمل وقالت : ريون عيارة

رآية: والله من صجي ، يعني قاعدة أحلف لج أكثر من الحلف شنو تبيني أقول ، وبعدين مسحي دمعتج جنج مسترجعة طاقينها معازيبها

فاطمة: يا المليقة والله ما تحسين

رآية : حبيبتي والله، أنا ما أحس فيج شلون قاعد أقولج أنتي أختي يعني أنا أنتي وأنتي أنا


فاطمة: ريون كلامج حلو وآيد والله ما هقيتج تعزيني جذي

رآية : أنا من لي غيرج يا فطوم أنتي عيني اللي بدونها ما أشوف

فاطمة : لا جذي أستحي

رآية: استحي وقعدي

فاطمة: مالت -.- ، لا تصدقين روحج

رآية: سليمة تصكج

فاطمة : سليمة ولا مريضة

رآية: ووووويع سكتي سكتي مو جذي يملقون ، فطوم غلطانة

وو صلت رآية فطوم بيتهم ، فاطمة كانت طول الوقت صاكة على روحها وتبجي جنه كلام رآية هزها

لكن خلاص ما تقدر تصحح الغلط خلاص
______________________________________________________________________

على الطرف بدوانية عزيز كان قاعد جاسم ويمه رآشد كان قاعد يقول له عن اللي حصل معاه اليوم وكان متنرفز ما كان أحد يمهم الكل لاهي الي قاعدين يتابعون مباراة ولي لاهي بالفون والي قاعد يلعب نذالة يعني الوضع سايح على بعضه الا لما اشتط صاحبنا جاسم

وقال وهو يصرخت من صجكـ تبيني اعفسك وأعلجك بأسناني وبعدين أحذفكـ

العموم انتبه ويأشر يعني شصاير

جاسم: خلكم بحالكم شنو أول مرة تشوفني أصرخ

وردوا لهوا ، رآشد أهني رفس جاسم بريله وقال له قصر حسك لا تفضحني

جاسم (يساسره): إنت حريتني عيل هاذي حركة يبا أهيا حتى كلام ما كلمتك على شنو غيران مادري

رآشد (بصوت واطي): أنا غيران لني أحبها حدي وتعلقت فيها لا تلومني

جاسم وهو يقلده (أحبها حدي): ترا حالك حالي الشاوي الي بمسلسل بزة عرفته ناقصك تقول شنودة وتصير مصيبة

رآشد بصوت واطي: الشرهة علي أبيك تلقا لي حل

جاسم: يبا قلنا لك اركد ورزقك بيك لي عندك إنزين ليش ما تميلح وتقط ويهك عندها

رآشد: فشلة أخاف تقول شيبي هذا ؟؟

جاسم: يا الله شسويلك إذا انت ما تبي تساعد نفسك

رآشد: جاسم عن المصاخة وفكر لي بحل

جاسم: هذا أهوا الحل الوحيد يا صويحبي ماكو غيره

رآشد: يعني جذي قولك أتوكل على الله

جاسم: إي توكل على الله
_________________________________________________________________________
كادي ليلحينه بدر يدق عليها يننها ما تدري شتسوي معاه ، بعدين كادي كانت متوهقة يعني ما تقدر تقول حق أحد غصبن عليها شالت السماعة

بدر: وأخيرا رديتي

كادي بنبرة اليهال (شتبي) ؟؟؟؟؟؟

بدر: أبيج أنتي طال عمرج

كادي : هيييييئئه عيب شنو هالكلام ، أنا ما راح أرد عليك وشكلي بسده

بدر: لا لا لا الله يخليج إنزين عطيني عنوانكم بيي أخطبج


كادي : أنتا أكيد واحد مو صاحي وياي تينني معاك

بدر: تسلمين حبيبتي والله

كادي سدت الخط

وردت تفكر من يد ويديد على أمل أنها تلقى حل
_________________________________________________________________________

رآية الساعة 9 الصبح بالكافتيريا عقب ما قطت أخوانها -------------------------------------------------------------------

شلي رآح يصير الأحداث قاعد توضح أكثر تابعوني :*

شخصيات الرواية بدت تصير قريبة على قلبي يعني ما تخيلون شكثر وأنتوا بعد يمكن صارت قريبة لك عشان جذي أتمنى
أنكم تردون علي :*

همسة شعرية :

موطنك بالغيم وأطراف السما،

لا حدود ، ولا قيود، ولا وصل!

ساميه بالحب ومحبوبك سما،

بس دنيا مابها قربك(ملل)
​

 

[dwaiiny]

عجيبب الباارت حرام كسرت خاطري رايه
وهم فطيم مفروض ماتطيع رزان :&
بس بنت ابليس تقلب المخ -.-"


اتوقع ان فاطمه بتعترف حق رآيه ورايها بتزعل بعدين تسامحها :/

بانتظارج::*

 

[Ruwaishdawya]

عجيبب الباارت حرام كسرت خاطري رايه
وهم فطيم مفروض ماتطيع رزان :&
بس بنت ابليس تقلب المخ -.-"


اتوقع ان فاطمه بتعترف حق رآيه ورايها بتزعل بعدين تسامحها :/

بانتظارج::*

مرورج العجيب :eh_s(22):

امفروض

إي والله بنت ابليس

أممم ما أقدر اقولج إي أو لأ تابعيني :eh_s(22):

 

[Ruwaishdawya]

البارت الرابع عشر
​

رآية الساعة 9 الصبح بالكافتيريا عقب ما قطت أخوانها ، رآية كانت لابسة جاكيت شانيل أسود تحته بدي أبيض ، ولبست معاه جينز أزرق ، يومها ما حطت ميك اب كانت تبي تريح ويهها لنه عندها مناسبة بهاليوم وحطت كريمات حماية وتبيض حق بشرتها هذا غير الماسك الي حطته ، لمت شعرها كبة فوق ونزلت قذلتها لبست نظارة شمسية سودة شانيل عشان تغطي عيونها ، والجوتي كان تومس أسود غليتير ، ما لبست اكسسوارت خير شر مع ذلك كان شكلها ذرب

إلي ما قدر يتخيل الجاكيت كان شكله جذي​

رآية قاعدة دق على فطوم وفطوم ما ترد لنه كادي موصية رآية تيب لها جدول من كلية الادارية فدقت على فطوم عشان تسألها وفطوم ما ردت

رآية استحت ترد البنت وأهيا أول مرة تطلبها شيء ، هني يت شوق رفيجة رآية

شوق ليلحينها ضايق خلقها على رآية ويت بالصدفة وشافت رآية وسلمت عليها


شوق: زييين ما بغيت أشوفج

رآية : والله أنا إلي ما بغيت أشوفج ، أنتي متأكدة معانا بالكويت ولا بكوكب آخر

شوق: أنا ريون حرام عليج ، قولي إنتي الي بكوكب آخر

رآية: طبيعي القمر ما يطل إلا مرة وحدة بالشهر

شوق: يا أنتا ، شهالثقة

رآية (تبي ترفع ضغطها): لا أنتي فاهمة غلط هاذي حقيقة مو ثقة في فرق أنتي ملاحظة؟؟

شوق : أخاف عندج لبس بالموضوع ريون

رآية : لا الحمدالله ما أعاني من لبس أنا بس أحضر أرواح

شوق خوافة وتخاف من هالسوالف عشان جذي قالت: رآية شلي ياب الطاري ؟؟ حرام عليج عظامي صبت ، تدرين أني ما أحب هالسوالف (قالتها بنبرة رجفة)

رآية: فصلت ضحك عليها

شوق: خلاص عاد بس لا تفشليني

رآية : لا بس شلون قلتيها تدرين ما أحب هالسوالف (تقلدها)

شوق: وآآي عليج

رآية: إنزين سمعي شوقي أبي جدول مال الادارية ، سألي البنات عندهم

شوق: ما ظنتي بس أشوف لج

رآية: إي ردي لي خبر بس تلقينه

شوق: أوك، يلا ريون أنا ماشية تآمرين على شيء

رآية: لا سلامتج بس مري ولا تقاطعين

شوق: حاضرين

هني الدكتور رآشد ذكر كلام جاسم وقام عقب ما تشجع ورآح صوب طاولة رآية

دكتور رآشد و قلبه يدق بقووة: يا آنسة تسمحين لي آخذ من وقتج دقايق

رآية : هلا ، إي تفضل

دكتو رآشد: أنا دكتور بكليةدارية و حبيت تشرفينا في معرضنا اللي رآح يكون عقب باجر

رآية : يشرفني أني أحضر ، لكن عندي سؤال وجيه شمعنى انا ؟؟

دكتور رآشد: لا مو جذذي السالفة أنا دعيت أكثر من طالب وللاسف كلهم رفضوا ما عداج

رآية: أفهم من كلامك انه محد رآح يروح هناك

رآشد: لا شدعوة يعني مو سكة للهدرجة

رآية: ابتسمت : لا مو هذا القصد بس جذي أسأل

رآشد: لا إن شاء الله رآح يكون في حضور كبير وأحنا داعين شخصيات إعلامية وجذي سوالف

رآية: حلوو , إنزين شنو اسم معرضكم

رآشد: سواعد كويتية ، تفضلي هذا بروشور يتكلم عن مقر المعرض والساعة جم يفتح ولي جم يتسكر

رآية : شكرا ، أخوي أنا عندي طلب بس ما عليك أمر

رآشد (الفرحة مو سايعته): تفضلي

رآية: أنا محتاجة جدول الادارية و ضروري

رآشد: آفا عليج إعتبري يآج

رآية: شاكرتلك تعاونك أخوي والله ما ودي أعنيك لكن مضطرة أني آخذه

رآشد: لا عادي لا تحاتين إن شاء الله رآح أييبه ، بس شلون أقدر أسلمج إياه

رآية: الساعة وحدة يناسبني ، يعني تكون حضرتك متواجد وأنا أيي بنفسي أستلمه منك

رآشد: حاضر والغنيمة

رآية: مشكور ما تقصر

رآشد: لا عادي ما سوينا إلا الواجب

رآية: عن أذنك عندي محاضرةالحين

رآشد: اذنج معاج
دكتور رآشد وأهوا بطريجه للدارية نس للدرجة أنه دق على جاسم اللي كان مرتز بمكتبه يعني أنا العاجل

رآشد بنبرة إشتطاطية: جسوووووم يا روححححيي ضبطت ضبطت

جاسم (بثقل): رآشد تكلم شوي شوي لو سمحت أنا ما عندي استعداد أتقبل هذي المصخرة

رآشد: أنططططم زين ولا أذكرك بسالفة اللازق

جاسم (تنحنح): إي قول شصار ؟؟

رآشد: سويت إلي قتلي عليه

جاسم: بذمتك ؟؟ ، خوش حجي بس أشوفك اليوم بالداونية قولي

رآشد: أوك

رآشد بحكم معارفه قدر يآخذ الجدول بسرعة ، وعطى محاضرته وخلص

الحزة إلي وصل فيها رآشد الكافتيريا ، وصلت رآية وخذت منه الجدول

رآية : الحقيقة أحرجتني مو عارفة شلون أشكرك تسلم

رآشد: لا عادي الناس للناس والكل بالله

رآية: صاج ، على العموم لا تعتل هم إن شاء الله رآح أكون متواجدة بالمعرض

رآشد: على خير إن شاء الله

رآية : إن شاء الله مع السلامة

رآشد: مع السلامة
ركب رآشد سيارته وكان مستانس ومتضايق بنفس الوقت لانه خايف ما يقدر يكلمها بعد هالمرة
_____________________________________________________________________
رآية دقت على فاطمة الي كانت توها طالعة من المحاضرة

فاطمة:ألو

رآية: وينج إنتي ؟؟؟؟@@

فاطمة:شنو ريون ششفيج؟؟

رآية: أحاتيج هاذا يزاي ، أنزين ما تقدرين تعدين علي

فاطمة : إي ، أنتي بالكافتريا

رآية: إي عدل تعالي أنطرج

رآية سلمت على فطوم وقعدوا

رآية: فطووم ، بليز اليوم لا تخليني اليوم عندنا عزيمة كبيرة اب بيت يدتي موضي وما ودي أروح بروحي

فاطمة: رآية فشلة اب كل عزيمة ميريرتني معاج

رآية:شنو يعني عادي ، أهلنا عادي

فاطمة: مادري بس أخاف أمي ما ترضى

رآية: حاولي شخسرانة

فاطمة : أوكـ ، يلا الحين عن اذنج عندي محاضرة

رآية: أذنج معاج

_____________________________________________________________________

بمكتب جاسم تحديدا دق عليه رآشد

رآشد: جاسم الحقني تكفى طلبتك

جاسم: شنو من ألحين سلف ما أسلف

رآشد: عاد مادري الحين بايق لك مليون

جاسم (ما سمع عدل): فريدون منو؟؟

رآشد(بضحكة): أي فريدون أخاف هذا الخباز الي يم بيتكم ، ها كليجة ولا عادي

جاسم: من صجي ما سمعت

رآشد: المهم ، تقدر تيي الدوانية الحين

جاسم: إي بس ترى ما أقدر أطول أخوي اليوم راد من السفر

رآشد: قرت عينك يا معود

جاسم: بويه نبيك

رآشد: مو تبطي

جاسم: إن شاء الله حياتي لا تحاتين ما رآح أطالع غيرج

رآشد: اضبط حالك جويسم

جاسم: احمممم ، أوك
_____________________________________________________________________
بزواية من غرفة كادي اللي طقت جبدها من بدر ، فكرت أنها تعلم أمها بس خافت ، وما لقت غير رآية لانه كانت خايفة بنات خالتها ابتهال ياخذون عنها فكرة جنه بنات خالتها مو مقصرين الحين بالادب، دقت على رآية

كادي: رآية ، شلونج ؟؟

رآية: بخير بشريني عنج

كادي: زينة

رآية: دوم

كادي: تسلمين

رآية: الله يسلمج ، ترى خذيت لج الجدول

كادي: حبيبتي والله مشكورة

كادي: رآية أنا بدش بالموضوع بدون مقدمات بليز لا تفهميني غلط

رآية (كانت حاسة عن بدر) وقالت: تفضلي

هذا اللي ذاك اليوم دقيت عليه بالغلط ما فج عنه تخيلي كل ساعة داق علي وانا بصراحة خايفة مادري شسوي مالقيت غيرج اقول لها واهوا تحسينه من صجه يقولي ابي عنوان بيتج ، رآية والله خايفة

رآية: حبيبتي أنتي ، ما جربتي تحقرينه

كادي: من صجج أنا حقرته ظل يدق يدق خفت لا أحد يتعبث اب فوني ويدق عليه وتصير صكة ، قمت رديت عليه والله انحديت غصبن عني رآية بلييز ساعديني مالي غيرج

رآية:عادي حقري

كادي:أنا فكرت أغير رقمي ، بس خفت لانهم بيسألوني ليش بغيره عشان جذي قاعد أسكت

رآية: يبا كلميه بالتي هي أحسن قولي له أخوي أنا بنت ناس وما أرضاها على نفسي مثل ما أنت ما ترضاه على خواتك واذا ياب لج سيرة الزواج قولي له الزواج قسمة ونصيب واللي يكتب لك اللي فيه الخير ، وصدقيني بعدها ما رآح يتصل لنج سديتي الباب من عرجه

كادي: مشكورة ريون ما تدرين شكثر ريحتيني

رآية : حبيبتي والله ما سويت الا المفروض اسويه

كادي: مع السلامة

رآية : مع السلامة

رآية كانت تبي بدر يعرف كادي عشان جذي دبرت خطة محكمة
__________________________________________________________________

جاسم ورآشد بداونية عزيز و .........................................................................

الاحداث ليلحينها بأولها ما يندرى بعدين شبيصير تابعوني أتمنى أشوف ردودكم :*

همسة شعرية:
دنياك حلوة
دنياك حلوه لا تهمك ظنونك
لاخير فيها كان خان القدر فيك
وش نفعها ياقبلة الخلق دونك
لعلها (...) دنيا تبكيك
حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك

 

[Ruwaishdawya]

بنات بوضح شغلة الهمسة الشعرية اللي قمت أحطها بنهاية كل بارت هذه تعبر عن أحد من الشخصيات

يعني مرة يمكن تكون عن رآية ومرة تكون عن رآشد ومرة عن فاطمة او جاسم يعني لها قصد مو بس جذي أحطها ​

 

[روحين في رـوح]

الاحداااث روووعة
حلووووة حبيبتي كملي ناطرينج
ما تتأخرين

 

[A7BEE5 TOOFE]

روٰعـةة روٰـآيتـچ مَ إععپر ؛$
ڤـإطممـةة إتبـطط ألچبـِد ؛@
رآيـةة إسسّتانسـْت لههٌأ آنههْإ تغغْيـرت =D
وٰتضضْآيققّت لههِآ ععَ سسْألڤفـةة فإطممٓوٰ =(
وٰرـإششُد وٰچسُسؤم ـإلله يسسِتـر ـآذإ أعرفڤـوٰ ـآنَ ـإلُلـيّ يححَپؤنهـآ وٰحٓحدإ :s
وٰيععَطي'ـچ آلععَآڤيـةة ععَ إلپـآرْتّ ؛*​

 

[A7BEE5 TOOFE]

W t3jbene ena ma tta5riin B tanzel el.bartat fdiitoch ;$
Waiting you 8lbate ;*

 

[طيور الشووق]

رووعه كملي

 

[Ruwaishdawya]

الاحداااث روووعة
حلووووة حبيبتي كملي ناطرينج
ما تتأخرين

إن شاء الله رآح تصير أروع:eh_s(22):

من ذوقج أنتي الحلا كله:eh_s(7):

لوووول إن شاء الله اليوم أنزل ​

 

[Ruwaishdawya]

روٰعـةة روٰـآيتـچ مَ إععپر ؛$
ڤـإطممـةة إتبـطط ألچبـِد ؛@
رآيـةة إسسّتانسـْت لههٌأ آنههْإ تغغْيـرت =D
وٰتضضْآيققّت لههِآ ععَ سسْألڤفـةة فإطممٓوٰ =(
وٰرـإششُد وٰچسُسؤم ـإلله يسسِتـر ـآذإ أعرفڤـوٰ ـآنَ ـإلُلـيّ يححَپؤنهـآ وٰحٓحدإ :s
وٰيععَطي'ـچ آلععَآڤيـةة ععَ إلپـآرْتّ ؛*​

تسلمين حبيبتي والله :eh_s(17):

حدها تبط الجبد :eh_s(11):

إي تغير رآية بمحله

إي خلج متابعة الأحداث

الله يعافيج :*​

 

[Ruwaishdawya]

W t3jbene ena ma tta5riin B tanzel el.bartat fdiitoch ;$
Waiting you 8lbate ;*

حبيبتي إي أنا كثر ما أقدر أحاول إني ما أتأخر بس خوفج يحوشج ظرف :eh_s(22):

إي خلج متابعتني اليوم أنزل بارت :*​

 

[Ruwaishdawya]

رووعه كملي

من ذوقج ، إن شاء الله بكمل خلج متابعتني :eh_s(22):​

 

[A7BEE5 TOOFE]

Waiting you 7abebte ;$

 

[Ruwaishdawya]

البارت الخامس عشر​

جاسم ورآشد بداونية عزيز و كان قاعدين بزواية وكان يقوله عن اللي حصل معاه ويا رآية

رآشد: يا خوي أحس بخيبة أمل أحس بإحباط (قالها وهو متكدر)

جاسم(حط إيده على خده وقال بطنازة): إي وتحس نفسك محصور صح؟؟

رآشد (تنرفز): جاسم من صجي أتكلم أنا وأنتا طايحلي ضغاط

جاسم: بذمتكـ غير شيء ترى اللي قاعد تقوله أنت !! يعني البنية خذت منك البروشور ووافقت أنها تيي شتبي أكثر من جذي ، ياخي بوس إيدك ويه و ظهر ترى أنتا طماع

رآشد قاطعه: إي بس مو جذي السالفة ، أنا أبي أكلمها فهمت !!

جاسم (مشتط) إي توبك السالفة قعدها بقهوة بأي مكان ، صير ذكي شوي

رآشد: بس فشلة ترى أهيا محترمة يعني و شخصية فشلة أقولها إمشي خنقعد بقهوة

جاسم (بنبرة وده يبجي فيها من غباء صاحبه): لأ موقفك مستحيل يا حبيبي مو جذي ، قولها أنا والله منحرج منج ليش أني دعيتج للمعرض و ما ضيفتج شيء ، تشربين شيء

هني جاسم كان محتر من رآشد فقام وطق قرعة عزيز ورد مكانه اللي ما تأثر وقعد يلعب كوت لانه متعود كل ما يحتر جاسم لازم ياخذ له طقة على قرعته حتى اذاما كان له شغل بالسالفة

رآشد: أخاف تصير ذربة وتقول شكرا وأروح وطي

جاسم:لزم عليها لا تصيل خريش ، وبعدين أهوا بالمعرض نفسه في كانتين أو كوفي شوب

رآشد: إي والله شلون طافتني ، جاسم أنت فلتة

جاسم : منذ مبطي ، لكن محد يدري عن مواهبي الكامنة ، ولا بذمة أنت دكتور ياخي حرام مفروض العكس

رآشد: شكلك حاب تجرب سالفة اللازاق مرة ثانية

جاسم: لأ كلش ولا اللازاق

رآشد(بضحكة): أمش أمش بنروح نفتر بالمباركية وتالي أعشيك

جاسم: الله وين ,,

رآشد: بوديك مطعم دلق سهيل بهالجو صلصة يصير

جاسم: ودي أروح بس أخوي رآد شوف أنا بقعد بدوانية بجاملهم بس جذي وبعدين أدش على أيددة موضي وتالي أزرق أيي هناك ، عاد حلو ؟؟

رآشد: عيل أنطرك ، من صجك يه يه شيء

جاسم : أويلاه،يلا يلا مشوا مشوا

جاسم : فمان الله يا الخمة

أهما بصوت وآحد: فمان الكريم

______________________________________________________

أحمد اللي كان قاعد ينسف غترته جبال المنظرة ومو منتبه لأبوه اللي كان وراه

العم ناصر: أحمد أبيك بموضوع

أحمد: آمرني يا الغالي

العم ناصر : إسمع اليوم أنا بفاتح نادية بموضوع زواجك من رآية وبنسويها خطبة محفوفة

أحمد: بس يبا رآية حسبة أختي لا يمكن أني أتزوجها

العم ناصر: إنت خبرك فيها أول الحين كبرت وترى السالفة أكبر من جذي ، أنت ما تدري رآية أبوها شتارك لها تارك لها بلاوي زرقاء شوف جم عمارة مسجلة بأسمها وأهيا ما تدري عنها إلي حارني أني أنا الي أشرف على حلالها وتوصلها المبالغ من رآس مرفوع

أحمد: يبا هذه يتيمة وبعدين منو تعتمد عليه غيرك عشان يدير حلالها

العم ناصر: يوم كنت بعمرها 10 دنانير ما شيل بجيبي

أحمد: يبا ألحين غير عن أول وبعدين عليها بألف عافية بنت أخوك ويتيمة

العم ناصر (غير الموضوع): إسمع أنا مابي الباجي من حلال رآية يروح جذي ، عشان جذي أبيك تتزوجها وتقنعها أن تسويلك توكيل وبموجب التوكيل إحنا الي رآح ندير حلالها ونستفيد منه

أحمد : يبا الله يطولي بعمرك ما نقدر نسيطر على حلالها وبعدين هذه فلوسها

العم ناصر : يا يبا رآح يوصلها فلوس يعني ما رآح آكل عليها فلوسها كلها بالنصيفة ، وبطريقتنا نلعب بالفواتير و ما رآح تحس هذا وين رآح وهذا وين يا

أحمد: يبا إسمحلي أنا ما رآح أطيعك هالمرة ، لأن لا طاعة في معصية الخالق

العم ناصر: غصبن عليك مو طيبن منك ولا ترى أحذفك بالشارع ، وأنت ما تعرف أنا أدرى بمصلحتك

أحمد : لا حول ولا قوة إلا بالله ، اذكر الله يبا وهد ترى والله كلها فلوس لا راحت ولا ردت

العم ناصر: ألف من ذكره ، بلاكـ ما تدري هالفلوس شتسوي ؟؟


أحمد: تعوذ من ابليس يبا و ماله داعي تسوي إلي اب بالك

العم ناصربصراخ:أعوذ بالله منك ، أنا أدرى باللي قاعد أسويه مالك شغل وبتخطب رآية غصبن عنك سامعني

أحمد (مجبور يسوي إلي قاله وكان وآثق أنه رآية رآح ترفضه)
هذه الحيلة الي تكلمت عنها ويمكن الفايدة الوحيدة منها أنها رآح تكشف لنا شيء

_________________________________________________________________________

الساعة 6 المغرب أم أحمد"نادية" و رآية و فاطمة كانوا متزهبين وياين قبل الكل أهما إب بيت اليدة موضي
رآية كانت لابسة نفنوف أحمر شيفون قصته رآقية وعلى الخصر فيونكة مربوطة بطريقة حلوة لبست كعب أسود مع هيلاهوب دانتيل أسود و لبست قلادة شانيل ذهبية طويلة مع تراجي شانيل صغار طالع شكلها يبهر مبينة وايد ، الآي شدو الي كانت حاطتها نفس طريقة مارلين مونرو وخطة الكحلة إلي أهيا نفس كحلة سعاد حسني ، بلشر وردي مخملي وحمرة حمراء طافية
إلي ما قدر يتخيل لبسها كان نفس جذي

أما فاطمة رفيجتها كانت لابسة نفنوف أسود من برادا و شوز من Gina Paris
ولونه كان أسود لبست معاه تراجي شانيل ذهبية ، كانت حاطة كحلة و حمرة وردية مات "طافية" وبلشر وردي مخملي ، نفنوفها ما قدرت أشرح طريقته هذه صورته

أم أحمد إلي كانت تحوس بدراعتها أهيا والبنات ، عقب ما بخروا المكان وأشرفوا على الاكل شرفوا خوات ابليس وكانت معاهم أمهم ابتهال قناة العربية نقالة الحجي أدري ليلحين ما شفتو الشين منها لكن ياي شينها بالطريج ، قعدوا على صوب عقب ما سلموا ورفعوا إيديهم من شغلهم حتى ما تحركت منى وساعدت خالتها ، نتكلم عن لبسهم منى كانت لابسة دراعة من عزايز حلوة ملونة مشكوكة من فوق اب فضي ولبست معاها كعب فضي ، أما رزان كانت مبدعة بشكلها يعني أوفر لبست من D&Gنفنوف ترتر أسود ويآي بالنص ترتر ذهبي طريقة الترتر يآية تايقر ، لبست معاها تراجي شانيل ذهبية وجنطة والشوز كان ذهبي بأسود
مكياجها مو حلو كان لآعب بويهها لعب كانت حاطة طبقتين فاونديشين إلي خلا ويهها جنها طابوقة جيرية ، والآي شدو ذهبي مع تدرجات رمادي وكحلتها وايد معرضتها ومو ساحبتها من ورا حيل ، حمرتها عنابية ، البلشر بني ، شعرها سوته ويفي وأهوا لونه أسود وطبيعته كثيف فصاير نفس كيم كارديشان ، حواجبها كانت حلوة طريقتها لكن إلي خرب جمال حواجبها الكونسيلر الي تحت عيونها ، كان جذي شكل لبسها

diorنتكلم عن لبس أختها كان نفنوفها من
لونه أبيض دانتيل من فوق جبينيز قصته ضيجة لبست معاه هيلز أسود عالي حيل ، ولبست تراجي شانيل واكتفت بتراجي لانه بنفنوف من جدام دانتيل فقالت مو حلو أحط قلادة يصير وايد خبة ، كان شكلها وآيد أحلى من أختها مكياجها كان حلو كحلة ساحبتها وحمرة وردية مع قلوس وردي وبلشر وردي ، أما شعرها كان ويفي مثل العادة وكان شكل لبسها جذي

مع الساعة 8 دشوا الريايل كان باب صالة الاستقبال مشرع عشان يدشون أول وآحد دش العم ناصر وبعده أحمد جاسم الأثول نسى أن الباب مبطل وقعد يلفح بغترته على أخوه حمد إلي كان ميت من الضحك على شكله ويوم بغى يدش رفع دشداشته وطلع المكسر ماله وقاعد يتميع

حمد: ما تقولي شنو هذا ؟؟

جاسم: هذا أنت وأنت لابس غترة

حمد: أنا أخوك والله مو لاقيني يم الدرام

جاسم: إنزين شتبي يعني

حمد:شوية احترام

جاسم: إي معصي ذكرني أعطيك إياه مع العيدية ، أقول خندش بس

حمد: إي يلا دش

جاسم : إنزين بدش

العم ناصر: تعازمون إنتوا على الدشة

جاسم دش بسرعة وسكر الباب من الخرعة

العم ناصر: أخوك أخوك أخوك أخوك

جاسم (يستهبل) :لبن لبن لبن لبن لبن لبن

العم ناصر: إفتح له الباب افتحه افتحه افتحه

جاسم (بضحكة): يبا شفيك قلبت سعد الفري تعيد الحجي أفهم أنا

العم ناصر: بطله @@@@

جاسم: زين -.-

جاسم بطل حق أخوه حمد ، دشوا وسلموا على يدتهم وقعدوا

موضي: تو ما تباركـ البيت والله بشوفة وليدي أحمد

أحمد: النور نورج يما ، شلونج ؟؟

موضي: والله بخير أنت شلونك شلون الدنيا فيك ؟؟

أحمد: أنتي منو إلي يشوفج وما يصير بخير

موضي: يا حلو أحمد
جيهان هني استلطفت أحمد حسته متواضع وأهيا عجبته لنها مطفوقة وهبلة شوي عكسه أهو الجاد العقلاني ، لانها يوم يت بتصب الجاي بغت تكته عليه وأهني أعجبته شخصيتها

جاسم :إي إيديدة ما تحبيني أنا أدري ليش ؟؟ كل هذا عشان وأنا ياهل زوعت عليج صح؟؟ (داش عرض بالموضوع)

موضي: وييي شياب الطاري الحين ، لا يما كلكم عيال الغالين كلكم أحبكم

جاسم : اديدة أحبج

موضي: وآآ زييينه وتلمه

جاسم إذا كان بالمكان بنات ما يطالع يعني ما يخز لكن بالصدفة عينه يت على رآية إلي كانت توزع الحلو

جاسم عيونه لومعت و ابتتسم وعيونه ترومش أكثر من مرة استحى لا يكلمها كان بخاطره يكلمها لكن ما كلمها
نكمل جاسم طالع تليفونه وذكر رآشد صاحبه ، قام استأذن منهم وطلع عشان يروح حق المطعم خو جاسم بطينني

هني قام العم ناصر عقب ما كلم نادية واستأذنهم بكلمة وقال: اليوم ما أقدر أبارك لكم بشيء واحد ، اليوم أبارك لكم بشيين تخرج ولدي أحمد من جامعته وخطبته لبنت عمه رآية

هني رآية انتفضت وبرد ويهها حييل كانت تقدر ترد بس شيء قمت صوتها شنو أهوا مادري يمكن أثر الصدمة ،

حمد إلي انصدم وخز رآية خزة جنه يلومها لنها وعدته بالزواج ومو أهيا إلي عشمته بالهشيء هاذي فاطمة ، فاطمة هني كان ويهها يعطي ألوان وكانت متوترة وريولها تهتز وتلف ويهها عشان ما طيح عينها بعين رآية

أحمد هني خذا أبوه على جنمب عشان يكلمه ، هني قام حمد ورآح صوب رآية

فاطمة يت ورآه

حمد قضب إيد رآية بعصبية وقال: رآية أنا وياج حق بعض وأحنا خالصين من هالشيء من زمان ، شلون ألحين تغيرين رآيج بكل هالسهولة

رآية: آي هد إيدي ولا تقعد تألف من متى كلمتك بهالموضوع

حمد شد على إيدها أكثر : بدينا نستهبل @@

رآية: أقولك وخر عني أنا مادري عن شنو تتكلم

فاطمة هني بجت ويهها حمر وقالت
حمد وخر عن رآية أنا رآح أفهمك بس هدها أهيا مالها ذنب

حمد: أنتي شكو مالج دخل هويني وخليني أكلمها

فاطمة دموع حارة نزلت على خدها وشهقاتها تسبق كلامها وبصعوبة قالت: اسمعني رآية مالها ذنب اللي كانت تكلمك طول هالمدة أهيا أنا ، انا كنت أكلمك بلسان رآية ووعدتك بزواج رآية مالها شغل

رآية : ويهها برد أكثر مو قادرة تستوعب إلي قالته فاطمة وقالت : فطوم عن شنو تتكلمين أنتي شتخربطين @@

فاطمة وشهقاتها إلي تسبق كلامها: رآية أنا كنت أكلمه من وراج بلسانج لاني أحبه وأهوا قالي أعطيج رقمه لكن أنا ما سويت هالشيء تكلمت بلسانج وقلت له إني أحبه مع أنه أهوا يحبج وما يحبني يا رآية

حمد: أنتي شنو من بشر ما عندج إحساس يعني طول هالوقت كنت عايش بوهم ، أنتي وحدة ما تستحين على ويهج ليش سويتي جذي

فاطمة: أنتا السبب ، أنت إلي حديتني على هالشيء ما خليتني أبين لك حبي

رآية : و ما قدرتي تعبرين له عن حبج إلا بهالطريقة ، ما قدرتي تقولين له أحبك إلا لما تكلمتي بلساني شلون هان عليج أنج تضريني أبي أفهم ، أصلا شلون قدرتي تسوين هالشيء ، فاطمة شوهتي صورتي عند ولد عمي ، فاطمة وسمعتي شلون رضيتيها علي؟؟

فاطمة بشهقاتها: رآية الله يخليج لا تشلين علي ، أنا قلت أكيد رآية ما راح تعز علي شيء !!

رآية: أمبلا رآح أعز عليج سمعتي و شرفي ، أنتي وحدة واطية طلعي برا مابي اشوفج وان شفتج لا تسلمين علي ما أبي أشوفج بعد ، أنا ما أثق فيج بعد اليوم

فاطمة انهارت بالارض : رآية لا الله يخليج

رآية : تفضلي من غير مطرود

فاطمة طلعت وأهيا تبجي بالشارع دقت على أمها ويت خذتها كانت تسألها عن سبب بجيها لكن مارضت تقول طبعا شي يفشل
حمد إعتذر من راية وطلع برا وأهوا متكدر

رآية رفضت خطبتها من أحمد وقالت تبي الموضوع يتسكر وما ينقال حق أحد وافق عمها غصبن عليه لانه يدتها موضي لزمت عليه ، وأحمد فرح لانه رآح يقدر يكلم جيهان و ياخذ عليها

رآية حزتها ما قدرت تستوعب حقارة فاطمة وكانت تنطر أنها ترد البيت مو طايقة تقعد
_________________________________________________________________________

بوسط مطعم دلق سهيل كان هناك جاسم متربع مستانس الهوا يضرب و الجو بديع والبطن مليان

جاسم رن تليفونه ولا أخوه حمد

جاسم: هلا حمد

حمد: هلا فيك

جاسم: شفي صوتك ؟؟

حمد: ضايق خلقي

جاسم: آفا تدري شلون مرني أنا قاعد بدلق سهيل اللي بالمباركية

حمد: زين يلا كا ياك

رآشد: منو هذا ؟؟

جاسم: أخوي

رآشد: تصدق ما أعرف أحد من إخوانكـ

جاسم: ألحين بتعرفه
يا حمد وقعد عقب ما سلم على رآشد
رآشد إهني بطل حلجه لنه هذا اللي شافه يغمز حق رآية بغى يكوفنه لكن تمالك أعصابه وما حب يقول حق جاسم أصلا تمنى أنه ما عرفه
_________________________________________________________________________
فاطمة بوسط غرفتها على فراشها كانت منهارة بجي ليلحينها ما سكتت كانت تقول شكلي كان قبيح شلون كنت واقفة أقول السالفة

وليلحين كلام رآية عالق براسها ليلتها ما قدرت تنام كانت تقلب وكل شوي تبجي
_________________________________________________________________________

كادي قالت الكلام إلي قالته لها رآية وسد الخط وما قام يدق لكن خطة رآية المحكمة بعدها ما صارت شنو خاشة لنا يا رآية

الساعة 6 الصبح أم احمد كانت............................................................................

شلي رآح يصير مع حمد ؟؟
رآية راح تسامح فاطمة ؟؟
شلي ناطر رآية ؟؟
تابعوني البارت السادس عشر

همسة شعرية:
أكبر قهر لا صار للشخص وجهين
وجه يحبكـ فيه / ووجه يذمكـ"
تزرع له الخفاق..ورد ورياحين
وهو يحاول بالخفا [هدر دمك]
هذه الهمسة عن رآية :"(
​