مناقشات وسوالف بنات نادي الكتاب

[غيدآء]

مخمل الله يبارك فيج

شكرا عزيزتي ^_^

 

[كراميلا مرة]

مخمل مشكوره:eh_s(7):

ومدن الملح ودي اقراها بس خل اتفرغ لها عدل لانها طويله
وبقرأ قبل ارض السواد

وكخه يا باب ضمن قائمتي

 

[ليلو جبريت]

غيداء اللحين اخلصها


وكوكو متى ناوية تقرين روايتي (

 

[رحيل المرافيء]

السلام عليكم
صبااح الخير


حمد الله على السلامة كراميلا مرة
والله يعينا على هالشبكات الكحيانة
اشتقنا لج قلنا فيج شي ولا صار لج شي


////////////////////
غيداء
مبروك على الاشراف تستاهلين يا الغلاااااا
وعندي اقتراح : ياريت تفتحين ركن للاستفسارات اللي بتسأل عن شي

 

[ليلو جبريت]

حكايات ليش ماعجبتج ارض اليمبوس ؟

 

[ليلو جبريت]

اقرأ حاليا

قصة الرجل القادر على الحساب ل مالبا طحان المنحدر من سلالة النبي صل الله عليه وسلم

الكتاب يعود لعام 1321

 

[كراميلا مرة]

غيداء اللحين اخلصها


وكوكو متى ناوية تقرين روايتي (

اخلص رواية العطر وعلى طول اقراها بس الحين واقفه اشوي
مده ماشبكت واشتقت لنت وبعدين وارجع للقراءة

السلام عليكم
صبااح الخير


حمد الله على السلامة كراميلا مرة
والله يعينا على هالشبكات الكحيانة
اشتقنا لج قلنا فيج شي ولا صار لج شي


////////////////////

الله يسلمك
اي حاله شهرين عطل في الشبكه وكل ماندق قالو يصلحونها الله يعينا
وانا بعد اشتقت لكم كلكم :eh_s(7):
والله كل يوم احلم فيكم وبقوقل لووووووووووول

 

[غيدآء]

السلام عليكم

رحيل الله يبارك فيج حبيبتي

وان شاء الله ..راح افتح ركن للاستفسارات مايصير خاطرج الا طيب


خلصت اليوم من رواية عقل وعاطفه لـ جين اوستن

وراح اكمل قراءه عقب الانتخابات ^_^

 

[كراميلا مرة]

غيداء
شفتك في الصفحات السابقه تتكلمين عن رواية مذكرات هيلين حيل لفتت نظري
اهي مترجمه ولا لأ؟
وفي منها نسخه الكترونيه ؟

 

[غيدآء]

اهلا كراميلا

ايه عباره عن مذكرات شخصيه كتبتها بنفسها وليست روايه

وانا قريتها بالانجليزي

لكن بحثت لج عن نسخه الكترونيه مترجمه والحمدلله لقيتها

راجعي الصفحه الاخيره من موضوع الكتب الالكترونيه لاختنا 50 فلس بعد شوي وبتلاقين مشاركتي عنهاا

^_^

 

[ليلو جبريت]

ماعجبتني عقل وعاطفة وايد

تفكيرهم محصور في الزواج

 

[غيدآء]

ليلى

اصلا كل روايات جين اوستن تتكلم عن الزواج!!!

اعتقد هالسبب لانها ماتزوجت اممممم...ولكن يبقى سردها حلوو ...رواية كبرياء وهوى احلى روايه لها..اما ايما اتعس روايه ههههههههه..بغيضه!

 

[ليلو جبريت]

صح كلهم بس مو بها الطريقة


في هالرواية مللللليت بس تبقى ايما اكره روايه لان شخصيتها مو حلوة

وكبرياء وهوى الاحلى

 

[كراميلا مرة]

اهلا كراميلا

ايه عباره عن مذكرات شخصيه كتبتها بنفسها وليست روايه

وانا قريتها بالانجليزي

لكن بحثت لج عن نسخه الكترونيه مترجمه والحمدلله لقيتها

راجعي الصفحه الاخيره من موضوع الكتب الالكترونيه لاختنا 50 فلس بعد شوي وبتلاقين مشاركتي عنهاا

^_^

وي
كنت افكر انها كاتبه روايه خياليه مادري انها حقيقيه وهي صاحبه المذكرات
يعني الشخصيه حقيقيه شلون قدرت تكتب مذكراتها واشلون تعلمت وهي فيها هالاعاقه
ومشكوره بروح احملها

 

[كراميلا مرة]

انا من قرئت رواية جين أيير
احس كل الروايات ولا شيء امامها
ماشفت روايه في مستواها فعلا رائعه

 

[غيدآء]

كراميلا

هيلين كيلر انسانه تحدت ثلاث اعاقات ( عمياء وصماء وبكماء )

واثبتت انه الاعاقه ليست عائق لتحقيق النجاح

اهي درست وكملت لي الجامعه والفضل يعود لاستاذتها الانسه سوليفان

 

[كراميلا مرة]

ماشاء الله عليها بصراحه
انسانه ناجحه رقم اعاقتها
متشوقه اقرامذكراتها واعرف شلون تعلمت على رقم انها ماتتواصل للعالم الا باللمس والشم
بس هذا بسبب الاهتمام بها واصرارها على تحدي الاعاقه
اما احنا عندنا حتى لو اعاقه بسيطه جلس في البيت لا دراسه ولا شيء طبعا مو الكل بس الاغلب

 

[غيدآء]

عاد تدرين ليش الاغلب عندنا او البعض علشان ما نظلم هالفئه تقعد في البيت وتنعزل وما تواصل نشاطها وحياتها في المجتمع والحياة!

السبب يا عزيزتي يعود للاهل انفسهم اهم الي يخلقون فيهم روح العزيمه والصبر والشجاعه والتحدي واهم الي يقدرون يحبطونهم ويخلونهم يائسين وعاجزين امام اعاقتهم!

انا من خلال ذكرنا لقصة هيلين كيلر...

تذكرت صاحب الاعاقه الجسديه الشاب البحريني الي توفى عسى ربي يرحمه واموات المسلمين اللي سوى معاه الشيخ نبيل العوضي لقاء مادري اذا مر عليج او لا...هذا تدرين شنو سوى واهو على سريره ما يقدر يتحرك ويتنفس بجهاز!

كان يدعي للاسلام عن طريق النت ..سبحان الله !

رغم انه معاق لكن بتشجيع والدته واهله..!

اصبح داعيه رغم انه الكثير ما كانوا يعرفون انه معاق!

اللي قطع قلبي اكثر انه قال اتمنى اني اتحرك وامشي علشان بس اخدم امي واقبل جبينها مثل ما تخدمني وتقبل جبيني كل يوم !

 

[ليلو جبريت]

)":


اول مرة اسمع بقصة هالشاب البحريني (الله يرحمه )

انا دوم ودي اعرف كيف يتعلمون ويقدرون يتواصلون

 

[غيدآء]

ليلى اسم الشاب ابراهيم وكان نكه بالنت ( ولد البحرين على ماعتقد )

تقدرين تبحثين عنه اكثر وتقرين عنه!

اما بالنسبه شلون يقدرون..ربج يسبب الاسباب...كل شي وله حكمه ...وربنا سبحانه لي خذا شي اعطى شي اخر في مقابل اخذه..سبحانه قادر على كل شيء !