مناقشات وسوالف بنات نادي الكتاب

[ليلو جبريت]

صح بس احس الموضوع صعب وايد

سبحان الله ياخذ ويعطي بس ابي اقرأ قصتها بعدين خل نتناقش في الموضوع

 

[كراميلا مرة]

سبحان الله ياخذ ويعطي
بس جد تتعلم وهي ماعندها الا لمس وشم هذي احسها معجزه صعبه حيل بس الله قادرعلى كل شيء

وفعلا الاهل السبب في النجاح ولا العكس في بنت معاقه من اقاربنا مافيها شيء تفهم كل شيء بس اعاقه بسيطه يعني نقص اشوي
في الاستيعاب عندها واعاقه جسديه بسيطه ومسكينه اهلها ياخذون اعانتها وحتى مدرسه مادخلوها
مع انها اذا تعاملتي وياها ماتحسين انها معاقه تفهم وقابله للتعليم

 

[ليلو جبريت]

كوكو متى ناوية تقرينها ؟

 

[سمسمة كويتية]

أنا كنت شايفة قصتها فيلم كرتون و أنا صغيرة للحين أذكره وايد حلو

للأسف انا فيني طبع ما اقرا الا لما يكون مزاجي راااااايق و مو مشغول بس للاسف هالايام وايد قعد افكر باشياء و أحاتي فمو قادرة أقرا كلش

 

[ليلو جبريت]

سمسمة قصة هيلين ؟؟؟


بنات الكتاب الي اقرااااه ياربي

كله مسائل رياضية كان كتاب رياضيات للصف الخامس

 

[سمسمة كويتية]

اي ليلو هيلين

الله يعينج أكره الرياضيات

 

[ليلو جبريت]

بحذفه اللحين اظن صبري بينفذ

هو لواحد يقول انه من سلالة النبي وقديم الكتاب بس سؤال كيف برازيلي ومن سلالة النبي !!!

والله يعينج ويهون عليج ويسر امرج ياسمسمة

 

[سمسمة كويتية]

شي غريب الصراحة يمكن هاجر البرازيل ؟

مشكورة حبيبتي على الدعوه الحلوه

 

[ليلو جبريت]

حاضرين

يمكن بس اسمه الاصلي خوليو سيزار دي ملو اسوسا

فكيف يعني

 

[كراميلا مرة]

اذا تقصدين مذكرات هيلين بس اخلص من اللي عندي ابدا بروايتج
وبعدها بقراها
بس مادري شفيني صايره بطيئه
وماقرا كثير

 

[كراميلا مرة]

شنو هالكتاب ليلو
عاد انا ماحب الرياضيات جان من اول صفحه قطيته

 

[ليلو جبريت]

قصة الرجل القادر على الحساب مجموعه من المغامرات الرياضية ( رواية ) دخيلكم حددوا موقفكم رواية والله قصة

بعدين داخل نبذة عنه

والصفحه الي بعدها يذكر انه من سلالة النبي صل الله عليه وسلم

الكتاب باين من عنوانه بس ماتوقعته جي

 

[كراميلا مرة]

الكتاب باين من عنوانه

 

[سمسمة كويتية]

لا لا ليلو انصحج تقطينه و لا تضيعين وقتج أبدا ما يشجع

 

[ليلو جبريت]

بعطيه امي

\:

جم كتاب قريتوا هالشهر ( ادري ما انتهى بس لحد اللحين )

 

[كراميلا مرة]

انا مادري بالضبط كم قريت هالشهر
بس الشهرين اللي انقطعت فيه عن النت قريت حوالي 24 كتاب

 

[سمسمة كويتية]

مادري الصراحه ما أذكر أنا أنزل الكتب على اللاب و الي اخلص منه امسحه عشان أعرف شنو بقالي

بس هالشهر مو وايد يمكن 6 او 7

 

[ليلو جبريت]

تقريبا 12و 2 قاعده اقراهم اللحين

 

[كراميلا مرة]

سمسمه لا تمسحينهم سوي لك مكتبه الكترونيه الكتب اللي قريتيهم في مجلد خاص
والبقيه في مجلد من تشوفين الكتب المقروءة كثرت تحسين انجزتي شيء
وبعد عشان ترجعين للكتاب اذا بقيتيه

 

[RowTow]

ماعجبتني عقل وعاطفة وايد

تفكيرهم محصور في الزواج

تفكيرهم محصور بالزواج لأن البنات بوقت جين أوستن ما كانوا يرثون. و البيت أو القصر يكون ورثه فقط للذكور, فلما الأب اللي معيش مرته و بناته يموت يورث البيت واحد بعيد إذا ما كان لهم أخ. يعني ولد عم ولد خال أحد بعيد حيل, فأول ما يستلم البيت يطردهم مثل ما حصل مثلا بسينس آند سينسيبيليتي, أخوهم نصف الشقيق طردهم بالشارع.

و بذاك الزمن المهنتين اللي كانوا متوفرين بسهولة للنساء اهم الحضانه و الدعاره.

فلازم تلقى لها رجل يصرف عليها, و بعدين عقب ما يموت والدها يتكفل زوجها بأمها و خواتها بعد.