مناقشات وسوالف بنات نادي الكتاب

[ليلو جبريت]

انا نمت وقمت وانا اكلم روحي عن قضية الشيخ عائض

حزينه عليه بس حزينه على دينا اكثر

 

[ليلو جبريت]

غيداء اختيارج للصورة الرمزية دايما وااااااو

 

[غيدآء]

السلام عليكم

صباحكم بررررد محتاج كوب دافيء من الشاي والحليب *_^

ليلى ثاانكس ذووقج الواااو

بـ خصوص قضية الشيخ عايض القرني....صارلي جم شهر سمعت هالخبر من اختي بس تصدقين ما علقت لاني انصدمت وما بغيت احكم عليه بـ السرقه لانه القضاء هو الفيصل ...ولاني من ناحيه ثانيه ما قريت لا كتابه ولا كتاب سلوى العضيدان!

والله يستر على الجميع


آلبآرحه كلمت رفيجتي اللي عايشه بـ لندن تبحث لي عن سلسلة روايات عزيزتي امريكا...وهالروايات تتكلم عن تاريخ تاسيس الولايات الامريكيه مرورا بالحرب الاهليه الامريكيه الى عهد لينكولن..من خلال قصص متسلسله لفتيات و اولاد...طبعا لكل روايه سلسله عباره عن ثلاث اجزاء ولكل سلسله كاتب...او كاتبه!

وتحمست لـ يوميات الفتاة المهاجره صوفيآ ...للكاتبه كآثرين لاسكي وطبعا لكل جزء من سلسلتها عنوان مختلف

الجزء الاول ( امل في قلبي )

الجزء الثاني (وفي وطن آخر)

الجزء الثالث ( الربيع الامريكي )


حبيت الريفيو تبع السلسه خصوصا هـ السلسه المتعلقه بالمهاجره صوفيا ..حبيت التسلسل من الطفوله الى المراهقه الى الشباب والنضج !

مادري ليش تذكرت الافلام التلفزيونيه الي كانت قناة الكويت الثانيه تطلعها من خلال سلسلة روائع القصص اللي كانت تتكلم عن الزمن القديم والمتعلق بالتاريخ الامريكي بصوره غير مباشره من خلال قصص المواطنين والمهاجرين !

وكذلك حبيت اكرر تجربة قراءة السلسله الروائيه ..من بعد ما كانت التجربه الاولى من خلال سلسلة هنري ترويا الروسيه ^_^

وبس

 

[ليلو جبريت]

الحكم صدر امس والجرايد كلها تتكلم وما اتعرف الا بعد ما اصدر

 

[ليلو جبريت]

لكتاب بالانجلش ؟؟

 

[غيدآء]

ليلى ودي اقولج لا ههههههههههههه بس للاسف ايه بالانجليزي

 

[ليلو جبريت]

ياحسرتي

 

[ليلو جبريت]

غيداء انا بحاول اقرأ لي الفصل الرابع

رحيل ووصول

 

[غيدآء]

اووكيك ليلى

انا راح ابلش بعد شويات ^_^

بعدين بحط رايي بالكميه الي قريتها ونتناقش فيها

 

[غيدآء]

تم تثبيت الموضوع ^_^

 

[كراميلا مرة]

مبروكك التثيبت
ولهت عليكم كلكم مافقدتوني

 

[كراميلا مرة]

كوكوووووووووووووووووووووووووووووووووووووووووووووو

مستحيل

يا القااااطعه

وينج مختفيه

متنا ونحن نسأل عنج


شوفي الصفحات جم مرة نطريج


وينج

ولهانه عليكم
موبيدي مقاطعه
حاولت اكثر من مره ادخل ومايضبط

كراميلا وينج


لج وحششششششششششششششششششششششششششششة

ماتشوفين وحش

عليكم السلاااام
اشتقنا لج وااايد يا كرميلا ، وين هالغيبة الطويلة؟
عسى المانع خير :eh_s(7):

وانا بعد اشتقت لكم قمت كل يوم احلم فيكم لووول

كوكو انثى توصل لج سلامها

\

الله يسلمك ويسلمها
ليش ماتشبك

 

[ليلو جبريت]

انثى تركت المنتدى

وغيداء مشكورة على التثبيت ومبروووك الاشراف

اخيرا صار عندنا مشرفه (

طرشتلج ايميل شوفيه وردي علي ضرووووري غيداء

 

[كراميلا مرة]

وي حسافه ليش تركت المنتدى

 

[كراميلا مرة]

شهرين وانا احاول ادخل عندنا خلل في الشبكه
وحاولت اشبك من مكان ثاني ماقدرت
الحين غيرت الشركه
واول مادخلت النت جيت لكم جد ولهت عليكم
شخبار القراءة عندكم

 

[كراميلا مرة]

ليلو الكتب اللي اتفقت اقراها وياك ماقريتها
قلت يمكن ماقريتيها واقراها

 

[ليلو جبريت]

الحمدالله انج رجعتي

وموضوع انثى ما اقدر اتكلم فيه

العيوون ترصد

اي كتب ؟؟؟

 

[غيدآء]

ليلى تم الرد على الخاص

 

[3oosh <3 MJ]

ونــاااسة ثبتوا الموضوع ^^
مبرووك ليلى .. :eh_s(7):
ومبروك غيداء ع الاشراف .. :eh_s(7):

 

[غيدآء]

السلام عليكم

شكرا شكرا عووش والله يبارك بعمرج ^_^



توني خلصت الاربع الفصول الاولى لرواية جين اوستن ( عقل وعاطفه )

الى الان حلوه الاحداث..بس صج كرهت شخصية مآريان...عليها لقافه مو طبيعيه ..وحيييل طيحت الميانه مع ويلوبي..

إلينور تعجبني شخصيتها بس الحذر الزايد مو حلو ..لاحظتها تعطي الانطباع السيء لكل شخص وتحكم عليه بالسلبيه من اول وهله!

اختهم الصغيره مالها دور كلش !

احس شخصيتها بالروايه مالها داعي...زيادة عدد فقط لاغير..!

ايه صح وشخصية الينور ذكرتني باليزابيث في كبرياء وهوى

امممم وبس