قروب بنات التلقيح الصناعي .. حياكم هنا 2012

[Hanan82]

الله يرزقكم الذرية الصالحة يارب ويعوض صبركم خير ان شا الله
انا الاسبوع الجاي رح اعيد التلقيح وادعولي هالمرة ينجح يارب

 

[Hanan82]

اختي ورد وياسمين مبرووك التوام ويتربوا بعزك يارب
والله يعوضك اختي عن اللي فقدتيه وعسى ربنا يرزقنا جميع يارب

 

[~{.. روج احمر]

ورد ياسمين

شاكرة ردج للاسئله والله يعوضج مافقدتي ويبلغج بعيالج

بس انتي قلتي فحصتي بعد الترجيع معناته كنتي مسويه انابيب مو تلقيح صناعي ؟؟؟؟

 

[~{.. روج احمر]

Hanan82

ان شاء الله المرة هاذي تضبط معاج

أنا للحين مارحت موعدي عشان تحدد الدكتورة وقت التلقيح الله يستر هاذي اول مرة لي

 

[Hanan82]

مشكورة اختي روج احمر وان شا الله يارب تضبط معاي ومعاج ان شا الله
ومع كل وحدة مقبلة على تلقيح او انابيب والله يرزق كل محرومة يارب ..

 

[ورد ياسمين]

الله كريم
ويرزقكم يارب
انا اسوي اطفال انابيب مو تلقيح صناعي

 

[زهور نيسان]

السلام عليكم يا حلوات ....... :eh_s(7):

حابة انضم معاكم

باختصار انا صار لي اربع سنوات متزوجة انا وزوجي سليمين الحمدلله وفحوصاتنا تمام التمام
وكل مستشفى نروح يقولون لنا صحتكم زي الفل :eh_s(15):

جرب خلال هالسنوات كل شي
كلوميد وابر وغيره بس الله ما كتب

لجأنا للتلقيح الصناعي كخطوة اولى قبل ما نفكر بالحقن المجهري
والحمدلله سويت التلقيح ومن اول مرة نجح وحملت بتوأم لكن الله ما ارد له يتم واجهضت

والحين بسوي التلقيح للمرة الثانية
وامس بدأت اول ابرة من ابر التنشيط جونال اف 75 ...
والادوية اللي اخذها حاليا استعداد للتلقيح
فوليك اسيد حبة كل يوم << معروف طبعا استخدامه
بيبي اسبرين << يمنع الاجهاض وتكون الاجسام المضادة ويسهل وصول الدم للرحم بشكل سليم

خليكم معاي خطوة بخطوة وان شاء الله ابشركم ..... دعواتكم حبوباب :yaaaaaarb:

 

[~{.. روج احمر]

زهور نيسان

حياج الله حبيبتي معانا

خليتيني اتفائل أنا اول مرة بسوي تلقيح

ان شاء الله تنجح يارب معاج والله يعوضج عن التوئم بتوئم ثاني يارب

 

[~{.. روج احمر]

حنان وين رحتي

 

[زهور نيسان]

الله يحيج حبيبي
وخليج متفائلة كل شي بإرادة رب العالمين
التلقيح الا سويته حقن السائل داخل قنوات فالوب
لانه بعض المستشفيات تسوي تلقيح بس داخل الرحم .......

الله يرزقنا جميع يااااااارب ونبشر بعض كلنا هالشهر

 

[Hanan82]

صباحكم سكر ان شا الله ،،،

مشكورة اختي روج احمر ع السؤال ، بس كانت نفسيتي تعبانه وايد لان امس كان عندي مراجعة عند الدكتور ناهض لاني ناوية اعيد التلقيح هالشهر بعد ماساويته الشهر اللي طاف وفشل ولكن للاسف طلع حجم البويضات صغيرة وايد وجدار الرحم رقيق وصعب يثبت فيه حمل ولكن ما كان هيك الشهر اللي طاف ، مو عارفة ليش هالشهر تغير ؟!! كان رح يعطيني ابر بس ماقبلت وهو مانصحني لانها الها اثار جانبية وايد وانا قلت اضل ع الكلوميد افضل ، ورح اخليها للشهر الجاي ان شا الله ممكن يكون الوضع احسن ، حابة اساويي اطفال انابيب بس خايفة

 

[Hanan82]

زهور نيسان

هلا والله اختي وان شا الله يارب يرزقج بالذرية الصالحة يارب ويرزقنا يارب
ديري بالج ع صحتك واهتمي بتغذيك اكثر وان شا الله تفرحينا بحمالج يارب .

 

[دنيتي تفدآكـ]

السلام عليكم

انا هالشهر سويت التلقيح الصناعي ويااارب احمل :yaaaaaarb:

اول امس او امس مرتين تحقن بالرحم عشان فرص الحمل تكون افضل واليوم تعبااانه حددددي احس ارحامي تعوورني يااااارب ما يضيع تعبي :yaaaaaarb:

سبحان الله مع ان انا وزوجي مافينا شئ سليمين بس انا ما احمل بسرعه والحمد لله علي كل حال

حملت طبيعي بس كان خارج الرحم وانفجر واحد من الانابيب وسويت عمليه الحمد لله علي كل حال ومنها ماحملت مادري شنو السبب ؟

يوم الاربعاء ابتدي اخذ حبوب مثبت لمدة 14 يوم

ياااارب ترزقنا بالحمل :yaaaaaarb:

​

 

[Hanan82]

ان شا الله تبشرينا بحمالج اختي "دنيتي تفداك" وان شا الله لا يضيعلك تعب .

 

[~{.. روج احمر]

حنان

يمكن خيرة لج ترتاحين هاذا الشهر من المنشطات

ترتاح شوي بطانه الرحم وتصير احسن الشهر الي بعدة

أخذي فيتامينات وجلي رويال موجود بالصيدليه هو عبارة عن غذاء ملكات النحل يساعد تكون البويضات كبيرة وجودة عاليه بإذن الله

........

دنيتي تفداك

هلا ومرحبا فيج بينا

ان شاء الله تبشرينا بحملج يارب

الألم بالارحام ان شاء الله تكون علامه حمل يارب

ولا من المنشطات

أنا تعبتني ماقدرت أنام اليوم من الثقل احس كأني شايله اثقال هههههههه

الله يسهل لنا يارب اليوم موعدي مع الدكتورة سونار ان شاء الله تتيسر أموري يارب

 

[~{.. روج احمر]

اللهم لا تذرني فردا وانت خير الوارثين

 

[Hanan82]

حنان

يمكن خيرة لج ترتاحين هاذا الشهر من المنشطات

ترتاح شوي بطانه الرحم وتصير احسن الشهر الي بعدة

أخذي فيتامينات وجلي رويال موجود بالصيدليه هو عبارة عن غذاء ملكات النحل يساعد تكون البويضات كبيرة وجودة عاليه بإذن الله

مشكورة حبيبتي وان شا الله الشهرالجاي يكون الوضع احسن يارب ، وبالنسبة لجلي رويال متى اخذه في ايام معينة ؟!! وبيصير اخذه من غير استشارة الدكتور ؟!

 

[Hanan82]

"روج أحمر"

شخبارك ان شا الله بخير ؟ متى ناوية تسوي التلقيح ؟ وعند اي دكتور ؟!

 

[om_fajer83]

السلام انا سويت تلقيح شهر ١١ وفشل الحمدلله
مشكلتنا زوجي عنده دوالي وضعف حركة


سؤالي هل الدوالي تمنع الحمل ؟؟؟؟؟؟؟؟؟؟؟؟ مالها علاج ؟؟؟؟؟؟؟

 

[ترووفه]

حيااتي رووج

ربي يسهل امورج انتي وكل البناات

ولايضيع تعبكم

وعساني افرح فيج وبنفسي وكل البنات اللي يتمنون الحمل

يااارحيم يارحيم يارحيم