·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

[جوري 2007]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

خفت زياراتنا وطلعاتنا بس ننقطع لا طبعا

 

[اميره1980]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا الحمدلله قطعت عنهم قبل لا اتزوج يعني الزواج ماله شغل
الحين ما عندي الا زماله الدوام و بس زمااااااااااااااااالة لاني بالنسبه حقي ماكو شي هالايام اسمه صدااااااااااقة

 

[PuPa^^SWeeT]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا ما قطعت علاقتي فيهم

بالعكس ليلحييين انتواصل و انتزاور

 

[كشوخية]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا بصراحه كانت عندي شله رفيجات خمسه وكنا دايم مع بعض وحتى لما تزوجت معاهم بس وحده منهم سوت لي مشكله زين ان زوجي متفهم جان رحت فيها والسبب اهي مره زايرتني بشقتي وكانت تعرف واحد وياها عند عمارتي عطاها هديه ولما صارت بينها وبينه مشكله مايدل مكان غير شقتي ويا سوى لي سالفه وزوجي اشوه تفهم الموضوع من عقب هالسالفه قالي بعد رفيجات ماكو. وصراحه اقتنعت لو تخاف علي جان ما سوت جذي وفعلا الحين ماكو ضداقه ورفيجتي الغاليه علي امي الله يطول بعمرها

 

[c a t w o m a n]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

أنا عن نفسي ما قطعت رفيجاتي و النعم فيهم كل جم إسبوع نتيمع بس أسرار بيتي أو حياتي محد يعرف شي عنها حواليها خطوط حمرا

هذيل رفيجاتي روح بالروح مع ذالك أحرص على خصوصيتي

أما رفيجات الدوام هم و النعم فيهم بس مستحيل أبني علاقه صداقة يديدة يظلون رفيجات بس مكتمهم الدوام و سوالفنا عن الدوام

أنا شخصيا ما آقطع علاقتي برفيجاتي بس المسؤولية تزيد مع البيت و العيال يصيرون شي ثانوي بالحياة

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا بصراحه كانت عندي شله رفيجات خمسه وكنا دايم مع بعض وحتى لما تزوجت معاهم بس وحده منهم سوت لي مشكله زين ان زوجي متفهم جان رحت فيها والسبب اهي مره زايرتني بشقتي وكانت تعرف واحد وياها عند عمارتي عطاها هديه ولما صارت بينها وبينه مشكله مايدل مكان غير شقتي ويا سوى لي سالفه وزوجي اشوه تفهم الموضوع من عقب هالسالفه قالي بعد رفيجات ماكو. وصراحه اقتنعت لو تخاف علي جان ما سوت جذي وفعلا الحين ماكو ضداقه ورفيجتي الغاليه علي امي الله يطول بعمرها

الحمد الله ان زوجج تفهم الشي ولا جان علوم

واالله يحفظ لج الوالدة يارب

 

[بحـةةِ غيـآبِ ≈ ™]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

مستحيل اقطع علاقتي
فديتهم والله

 

[BaBy^faCe]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

موضوع شيّيق كملوا

 

[دنيابدونج خساره]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

شعدعوه عاد اقطع فيهم مره وحده لااااا مستحيل...
بس اكيد راح تخف العلاقه بحكم المسؤليه والوقت بعد.. ​

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

شعدعوه عاد اقطع فيهم مره وحده لااااا مستحيل...​

بس اكيد راح تخف العلاقه بحكم المسؤليه والوقت بعد.. ​

والله حبيبتي وغلاتج حتى التلفون مايرفعونه معقوله ماعندهم وقت !!!

بصراحة مالها عذر اللي تسوي جذي

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

ابشركم ردوا يتصلوووون مع الانتخابات

كل وحدة صايره مفتاح انتخابي حق رفيج زوجها

الحين صار عندهم وقت ومجال قبل مايقدرون مسااااااكين

​

 

[sh_mashael]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا مو متزوجه
بس صارلي موقف مع رفيجتي
من تزوجت و اهي قاطعه اصلا مااعزمتني على عرسها
و كنت ادق عليها و اهي ماترد
ادز لها مسج بالعيد او اي مناسبه همن ماترد
الصراحه انصدمت و صار ماعندي ثقه بأي احد
المهم و الحين بعد 3اسنين ردت تبي اتكلمني
انا نو كومنت و مايشرفني اعرفها بعد لانه السبب اللي قالته مايقنع اي احد عاقل
الحمدلله و الشكر

 

[ورد الطايف]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

ماعندي رفيجات يعني الروح بروح
رفيجاتي في المعهد بس خلص لمعهد خلاص ماعاد دقوا
انا ودي برفيجات اكلمهم وكلموني اسلم عليهم نسولف مع بعض ماعندي

يعني لما زوجت ماعندي رفيجات ليننهم اتركوني بعد المعهد ماعاد احد ادق ولا شي

 

[مذهــلــه]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

لا حبيبتي ليش اقطع علاقتي بصديقاتي

انا بقراحه طلعه معاهم من تزوجت ريلي رافض الا بالبيت استقبلهم او اروحلهم بس ماعمري فكرت اقطع علاقتي فيهم اشدعوه ،،، بس لاشعوريا تقل مكالماتج معاهم بحكم وضعي اليديد قليل اكلمهم لكنهم رفيجاتي وخواتي بعد

 

[دريم]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

والله حبيبتي وغلاتج حتى التلفون مايرفعونه معقوله ماعندهم وقت !!!

بصراحة مالها عذر اللي تسوي جذي

حبوبه حبيت انبهج وغلاتج حلف بغير الله
وحلووو موضوعج

 

[ليتني مـآ كبرت]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

آْنـَا مو متزوجة

بس بقولكم سالفة وحدة مشفوحة

على الزواج

هذا الله يسلمكم رفيجتي يعني قريبة مني

بحكم أنه الثنوي والجامعة وجم سنة مـن المتوسط

مع بعض

المهم البنت مـن طق بابهم المعرس

قطعت ِِِِِِِِِِِِِِِ

حتى قبل لاتسوي فحص الزواج وتملج

توها بس خطبة البنت اقطعت

آْنـَا بصراحة طاحت مـن عيني ڪل هذا

شفاحة حمدلله والشكر

ما أمداها حتى تنشغل نقول بيت ويعال توها

المهم آْنـَا عطيتها فرصة قلت يمكن مـن الوناسة

نست الناس هههههههههههة

يوم شفتها ماتبي تتسنع جان اسحب عليها

وشطبتها مـن حياتي حتى رقمها مسحته

بصراحة عيب عيب ومو مـن الذوق والاخلاق

أنه الوحدة تقطع رفيجاتها عشان تزوجت

لا تقولون مسؤولية كلام فاضي

حياتنا كلها مسؤولية ومشاغل

حتى اللي مو متزوجة تنشغل

شمعنى يعني المتزوجة ماعندها وقت

وَاللّـهْ شوفي بعيني متزوجات والشغل محذوف

على الخدم

ما يرفعون عود

اي مسؤولية أي بطيخ

وحتى لو مشغولة مسج بين فترة وفترة ما يأثر

مكالمة خمس دقايق ما تأثر

 

[* بنت المطر *]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا مااحب القطاعه بشكل عام ولااحب اقطع علاقتي باحد بالعكس اهما اللي قطعوا علاقتهم وياي والسبب ::

وحده ماتزوجت ويوم خلفت مازارتني بحكم انها مومتزوجه ف من عقبها راحت بحالها خافت لاتحتر الله يرزقها

والثانيه متزوجه قبلي وماجابت عيال زارتني باول مولود وبالتالي قطعت !!

 

[Atoomi]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا عن نفسي راح اقطع علاقتي فيهم لان ولا وحده تستحق الثقه والصداقه كثر ما حبيت رفيجاتي ما بادلوني المحبه ادق اسال وبالاخير ما يسالون وقمت اسال من فتره وفتره وهمن ما يسالون الا انا اسال فتعبت نفسيا من الصديقات وايد يضايقوني كل ما اكون صداقه بالاخير انصدم منها ليش حظي مع الصديقات خايس والله محد متعب نفسيتي بهالدنيا غير الصديقات وايد يضايقوني بس وانا اطوف بس تعبت لي متى وانا مستحمله فقلت ماكو الا اقطع علاقاتي فيهم لان خلاص ماكو فايده كل ما اقول يمكن العيب مني بس والله ما امدح روحي بس انا عارفه نفسي ولا شالحل معاهم ؟؟!*

 

[نـــوفـــا]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا مو متزوجة ... بس انا الي قطعت فيهم




لوعو جبدي بسوالفهن ولدي مريض ..بوشباب قال بوشباب سوا وحط ...:eh_s(10):

مليت حسيت صارو اكبر مني بعشر سنين..:eh_s(4):


واغلبهن متشائمات ...


المهم اصلن انا ماعندي غير صديقة وحدة والباقيي اعتبر الدنيا حدتني عليهم


وبعدين انا اشوفها ترجع على الوحـــدة الي تختار صح من تكون رفيقة عمرها وخيوة دنياها ....




والحمدالله صديقتي الي اخترتها هي الي ابيها تظل معي للأبد ... :rerrerek:​

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا مو متزوجه
بس صارلي موقف مع رفيجتي
من تزوجت و اهي قاطعه اصلا مااعزمتني على عرسها
و كنت ادق عليها و اهي ماترد
ادز لها مسج بالعيد او اي مناسبه همن ماترد
الصراحه انصدمت و صار ماعندي ثقه بأي احد
المهم و الحين بعد 3اسنين ردت تبي اتكلمني
انا نو كومنت و مايشرفني اعرفها بعد لانه السبب اللي قالته مايقنع اي احد عاقل
الحمدلله و الشكر

بالضبط نفس اللي صار معانا

ناس فعلا مريضة

:bbbiu: