·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

[Om-3zezan]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

فديييييت رفيجاتي والله

اللي تقطع عن رفيجاتها مااااالها اي عذر!! لاتقولين ريلي مايرضى اطلع معاهم ولا تقولين ماعندي وقت!
بتقنعوني ٢٤ ساعة مشغولة بالبيت والريل والعيال؟ ماتسيرين على امج؟ ماتقعدين مع اهل ريلج؟ ماتزورين يدتج؟ مااااعندج ٥ دقايق؟!

الصراحة انا رفيجاتي خواتي.. لهم حق علي مثل ما اهلي لهم حق علي
انا اول وحدة تزوجت فيهم وتقربنا من بعض اكثر واكثر عقب زواجي لاني ماحب اقطع احد

صح زواجي يشغلني وماعندي وقت فراغ نفس قبل.. بس لابد عندي يوم بالاسبوع عالاقل افضى فيه
واسم الله علينا ربي لا يفرقنا اذا مو بالاسبوع بالاسبوعين بالكثير نتيمع يا ببيت ولا نطلع .. اضبطها باليوم اللي ريلي بيطلع ولا بيروح الدوانية

نصيحة يا بنات.. لا تتخلين عن حياتج عشان ريلج! مهما كان زين ومهما كنت احبه .. اهو عنده حياته مع ربعه واهله وناسه وانا عندي ربعي واهلي وناسي فديتهم ؛**

 

[رووز q8]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

تدرين أنا قبل لا اتزوج كنت أقول نفس هالكلام بالضبططط


بس والله ع حسب الرفيجه نفسها

عن روحي في رفيجأت مأقطعت عنهم وللحين نتواصل مكالمات واتصالات وفيه إلي خفت مكالماتي معاهم وفيه إلي قطعت عنهم خير شر

والي قطعت فيهم خير شر مو مني ولا لأني شفت نفسي وتزوجت لاء والله بالعكس إلا منهم ومن رداهم

اهما ثنتين كنا حيل حيل مع بعض من تسع سنين مكالمات وطلعات وروحات وجيات كله مع بعض ، من تملجت جابولي النكد كل يوم حش بعريس الغفله وسب من غير سبب بس جذي وكنت أضحك وأسكت مع أني اتضايق قلت رفيجأتي وأعرفهم أولى من واحد ماعرفته للحين ، ويوم تزوجت قلتلهم تلفوني معاي والصبح بطمنكم علي بس ألفف الحمدلله أمي وحنا بالفندق خذت فوني مع قشي واهيا ماتدري تدرين شصار ؟ وحدا فيهم دآقه علي فوق عشرين مره من ألساعه 12 بالليل لين الفجر مافي حيا ؟ حتى أمي تآذت وأغلقت الفون والثانيه دازه مسجات من صباحية العرس مسرع تغيرتي وكبر رأسج علينا ويأخسارة العشره ؟ هوب هوب بابا شسالفه ؟


من زرت أهلي عقب عرسي بأسبوع وأخذت فوني أنصدمت من المكالمات والمسجات وعلى طول دليت من القائمه



مو دايما المتزوجه أهيا إلي تقلب على رفيجاتها وتتركهم بس أغلب الرفيجأت من تتزوج رفيجتهم يقلبوون عليها مادري شقصتهم الحمدلله والشكر

« جنه قلبي متروسه لوووووول

 

[αησмα]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

والله ابصرآحه في جم وحده تزوجت وانقطعت بالمره مع انها داقه علي بعد العرس

و ع وجهااا لا سلآم و كلآم .. يمر الرمضان والعيد ما تدق ولا مسج ولا برودكاست ولا ولا شي

مع انها رفيجة عمري من 12 سنه علبونه اهي تزوجت ويابت بنت وانا لآ عانس << شدعووه يمكن حياتي باجر احسن من حياتج

حبيت انصج كل وحده مقبله ع زوآج :


خليج متوآضعه مع رفايجج وحبيهم وعطيهم من وقتج لو نص ساعه بالاسبوع او ع الاقل بالويك اند دقي عليهم وسولفي معاهم


وتسلمين يا الذواقه ع هيك موضوع

 

[sh_mashael]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

بنات عادي اللي مايبينا مانبيه

و لاتزعلون من هالأشكال
اول و تالي اللي تترك رفيجتها عشان تزوجت و من دون سبب


فـ اهي شخصيه مريضه و ضعيفه =)

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

حبوبه حبيت انبهج وغلاتج حلف بغير الله
وحلووو موضوعج

مشكورة حبيبتي على التنبيه جزاج الله خير :eh_s(17):

آْنـَا مو متزوجة

بس بقولكم سالفة وحدة مشفوحة

على الزواج

هذا الله يسلمكم رفيجتي يعني قريبة مني

بحكم أنه الثنوي والجامعة وجم سنة مـن المتوسط

مع بعض

المهم البنت مـن طق بابهم المعرس

قطعت ِِِِِِِِِِِِِِِ

حتى قبل لاتسوي فحص الزواج وتملج

توها بس خطبة البنت اقطعت

آْنـَا بصراحة طاحت مـن عيني ڪل هذا

شفاحة حمدلله والشكر

ما أمداها حتى تنشغل نقول بيت ويعال توها

المهم آْنـَا عطيتها فرصة قلت يمكن مـن الوناسة

نست الناس هههههههههههة

يوم شفتها ماتبي تتسنع جان اسحب عليها

وشطبتها مـن حياتي حتى رقمها مسحته

بصراحة عيب عيب ومو مـن الذوق والاخلاق

أنه الوحدة تقطع رفيجاتها عشان تزوجت

لا تقولون مسؤولية كلام فاضي

حياتنا كلها مسؤولية ومشاغل

حتى اللي مو متزوجة تنشغل

شمعنى يعني المتزوجة ماعندها وقت

وَاللّـهْ شوفي بعيني متزوجات والشغل محذوف

على الخدم

ما يرفعون عود

اي مسؤولية أي بطيخ

وحتى لو مشغولة مسج بين فترة وفترة ما يأثر

مكالمة خمس دقايق ما تأثر

:eh_s(15):

 

[دلع عروس]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

حبيبتي بحكم اني بالجامعه مرا يخلينا الدكتور ناخذ ارقام بعض علشان نكون قروبات فهذولي بنات ما اعرفهم
علشان جذي انا اذا غيرت خطي مراح ادزلهم الرقم بس عندي رفيجات من المتوسط والثانوي وحتى الجامعه هذولي نو واي اقاطعهم
والوحده ترى على الثقه وشكثر بنات موحلوات بس ما شالله تكون واثقه من عمرها وهذا الشي يحليها
صديقاتي المقربات مراح اقاطعهم

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

ما شاء الله الله يوفقك يا رب

وودي وحدة تقوووول نعم قاطعتهم وتقووول السبب ؟؟

 

[الفردان]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

تقريبا نفس مشكلتي

كتبت موضوع وناطره الاداره توافق عليه

و ابيكم تقرون و تشوفون

وبصراحه انا ما اقدر اقطع عن رفيجاتي

 

[كوين74]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

مافي شي إسمه صداقه الزمن هذا زمن مصالح و بس​

بعد صدمتين من اللي يقولون إنهم صديقات حرمت ما عندي غير أمي ، زوجي ، خواتي وبس لا تقولون بنت عم بنت خاله ...... إلخ​

وحده فتحت لها بيتي و عديتها أكثر من إخت و لا الإخت حاطه عينها على ريلي (( الحمدلله زوجي ريال مصلي امسمي و ماخذين ​

بعض عن حب )) جم مره أمي اتنبهني بس بنصيحه يعني ديري بالج ​

على ريلج ..... و عادي كانت تقعد عندي لآخرالليل و الله كانت تتصل علي تقولي مشتهيه عشا ولا غدا أدش المطبخ وأسوي و من ​

الدش البيت إذا بغت شي أقولها لا تطلبين مني هذى بيتج والخدم تحت أمرج ​

بس للأسف بالنهايه إكتشفت إنها ماتستاهل نقطه من بحر إللي سويته على شانها .... بعد ما صوفعتها الدنيا ردت لي بس ​

خذيت درس و قطعت العلاقه​

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

مافي شي إسمه صداقه الزمن هذا زمن مصالح و بس​

بعد صدمتين من اللي يقولون إنهم صديقات حرمت ما عندي غير أمي ، زوجي ، خواتي وبس لا تقولون بنت عم بنت خاله ...... إلخ​

وحده فتحت لها بيتي و عديتها أكثر من إخت و لا الإخت حاطه عينها على ريلي (( الحمدلله زوجي ريال مصلي امسمي و ماخذين ​

بعض عن حب )) جم مره أمي اتنبهني بس بنصيحه يعني ديري بالج ​

على ريلج ..... و عادي كانت تقعد عندي لآخرالليل و الله كانت تتصل علي تقولي مشتهيه عشا ولا غدا أدش المطبخ وأسوي و من ​

الدش البيت إذا بغت شي أقولها لا تطلبين مني هذى بيتج والخدم تحت أمرج ​

بس للأسف بالنهايه إكتشفت إنها ماتستاهل نقطه من بحر إللي سويته على شانها .... بعد ما صوفعتها الدنيا ردت لي بس ​

خذيت درس و قطعت العلاقه​

حبيبتي هذي عدوه ماهي صديقة ومثلها ما يستاهل حتى انج تتذكرينهم
والله يوفقج بحياتج يا رب

 

[شـ هـ ـد]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انزين بنات بقولكم موقفي وقولولي رايكم انا غلطانه ولا لا

انا عندي رفيجات الكليه وااجد بس وحده اللي 24 ساعه انا وياها وحييل مع بعض ومياانه

بس اللي صاير انا بفتره تجهيز الحين و رحت دبي جهزت من هناك ورديت وزارتني بس قالت بشوف شغلج وانا عادي فتحت الكبتات وطلعت لها اغراضي وشافتهم كلهم
وعقب رحت الرياض بعيد الأضحى و من رديت واهي كله تتصل وتقول بجيج بشوف شنو شريتي من الرياض بشوف اغراض تجهيزج كلها ,, وصرفتها يا اقول طالعه ولا احد بيجينا أو مشغوله يعني أي شي
وللعلم اهي اكبر مني بجم سنه و توها ملجت من شهرين و ماتحدد عرسها
واللي مضايقني اكثر من هالسالفه انه العرس تأجل أكثر من 7 شهور وانا موقفه تفصال بدل الأستقبال و بدله العرس واهي تدري وتتصل بتجي تشوف اغراضي بس آخر شي لما شافتني مده اسبوعين كل يوم اصرفها زعلت علي و من عقب راس السنه ماكلمتها ليوومكم هذا

بنات قولوووولي صح اللي سويته ولااا انا غلطانه و لازم اعتذر لها ؟؟
وماقلت لأحد حتى امي ماتدري بهالسالفه

 

[جولينار]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

اللي تقطع بس عشانها تزوجت تحسسني انها داخله الجنه مو متزوجه !!


الحمد لله والشكر


اوووووف اكره هالنوعية


عن نفسي تزوجت زغطورة 18 سنة

وكل صديقاتي ماتزوجوو بالعكس كنت ارويهم اغراضي وجهازي

ووحده منهم الله يسعدها كانت تقول اهم شي قمصان النوم وريني اياها لووووووووول

وللحين ماتزوجوو الله يكتب لهم كل خير

وبالعكس ماقطعنا ولاشي غلاهم هو

وهم اللي خفو مايدقون يستحون من زوجي


بس نجتمع بين فترة وفترة




اما اللي تقطع وتغير رقمها ومادري شوو


هذي فرقاها عيد بصراحه لأنها اثبتت انها مليانه عقد بتصرفها



وبث

 

[جولينار]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●



صاحبة الموضوووع


الصور اللي بتوقيعك يمي يمي تشهي مررررررررررهـ


لو كنت بالكويت طلبت منك الليله


<< جوعانه

 

[مسؤولة تعيين]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انا كلش مانقطعت عنهم بالعكس كنت ادقدق واراكض وراهم ويواعدوني ويسحبون علي وكنت ادق ويصرفوني مع ان احنا رفيجاات حييييل وانا اول وحده تزوجت هم كلهم توهم متزوجين ولمن تزوجت عزمتهم كلهك بس هم محد عزمني !صج صج وقتها تأزمت وانكسر قلبي بس لمن سمعت من البنات انهم تزوجوا فرحت لهم وقلت لازم ادق واشوف اخبارهم بس همن يسوون نفس التصرفات لي درجة كنت ابجي ودي اعرف ليش جذي قاموا يعاملوني تخيلي يطلعون جروووب بنات بس انا مايقولون لي كللل مكان يفترون بس لمن اقولهم خنطلع والا تعالوا عندي يتعذرون برياييلهم وتخيلي كنت ضايفتهم بالبيبي واشكرا يحطون صور طلعاتهم وحفلاتهم وااجني كنت يوم من الايام بينا عيش وملح وعقبها بس اتخذت قرار الي مايبيني مابيه بس اقولج شي مااعتقد. السبب هو الزواج اعتقد فيه سبب ثاني بس لي يومج ماعرفه وانا صار لي 6سنين متزوجه وهم توهم 3سنوات

 

[مسؤولة تعيين]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

وعندي صديقه ثانيه عاد هذي سالفتها غييييير هذي حيل معاي من قبل مااتزوج ولمن تزوجت ماتغيرت بالعكس كانت تهبل وقفت معاي بكل شي بعرسي وولادتي بس من هي تزوجت احس جنها صارت شخص ثاني تخيلي هي ماسوت عرس بس انا قلت لها شرايج تاخذين نفنوف عرسي وتلبسينه وتمكيجين وتصورين مع ريلج وعقب رديه تخيلي سنه كامله ماردته ولمن ردته والا حاطته بجيس زباله تكرمين حتى مو موديته مصبغه وما كلمتها وهي ولدت ماقدرت اروح كنت زعلانه من ريلي ونفسيتي اكس وقاعده بيت اهلي وعقبها اددددق ماترد واعتذرت ورحت لي بيت اهلها ويقولون نااايمهوطبعا قبل ماتبي تيي بيتي قامت ادق تقول يافلانه سويلي هالطبخه انا مو ماكله من الصبح كلللل مره تسوي جذييي وماتيني الا اذا ماعندها مكانتروح له !وتخيلي تقولي فلانه بخلي ولي عندج بروح مشوار وارجع وجهزي العشا واقولها اوكي وتيي من مشوارها عال11 تتعشا بسررررررعه وتروح هالحركه صج قمت اين منهاوانا ولدي يروح روضه فانومه مبجر وهي ولدها بو سنتين وماعندها خدامه ويسوي ازعاج ويكسر قمت اتضايق والمشكله اتجذب علي وحسبالها انا غبيه تقولي بروح اودي جدور خالتي والا بروح اشتري حليب حق ولدي والا بروح اصب بانزين وكل مره صارت تقط ولدها وتتعذر وانا استحي مااكلمها كلش والموقف الي خلاص خلاني اتحطم ان هي كانت تعلم ولدها عالحمام وكان حسران ونجس شقتي من اولها لي اخرها وهي قاعده ماسكه البلاك بيري ولا جنه ولدها !والموقف الي خلاني اقطع علاقتي فيها واصارحها هي انها واعدتني ان اروح عندها اتعشا وتخيلي ادق عليها من 5لي 8 ووقفت عند باب بيتها اخر شي ردت علي جان تقولي سوري كنت نايمه واليوم الي عقبه كانت عازمه رفيجاتها بالدوام وماقالت لي فصارحتها وقطعت علاقتي فيها .مادري ياربي هي الصداقه صارت معدومه والا انا الناس ماتحبني مادري والله

 

[ام سلمان]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

مشكوره على الموضوع.

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

صاحبة الموضوووع


الصور اللي بتوقيعك يمي يمي تشهي مررررررررررهـ


لو كنت بالكويت طلبت منك الليله


<< جوعانه

حبيبتي يخسى الجوع حياج الله عندنا وابشري
فديتج:eh_s(7):

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

وعندي صديقه ثانيه عاد هذي سالفتها غييييير هذي حيل معاي من قبل مااتزوج ولمن تزوجت ماتغيرت بالعكس كانت تهبل وقفت معاي بكل شي بعرسي وولادتي بس من هي تزوجت احس جنها صارت شخص ثاني تخيلي هي ماسوت عرس بس انا قلت لها شرايج تاخذين نفنوف عرسي وتلبسينه وتمكيجين وتصورين مع ريلج وعقب رديه تخيلي سنه كامله ماردته ولمن ردته والا حاطته بجيس زباله تكرمين حتى مو موديته مصبغه وما كلمتها وهي ولدت ماقدرت اروح كنت زعلانه من ريلي ونفسيتي اكس وقاعده بيت اهلي وعقبها اددددق ماترد واعتذرت ورحت لي بيت اهلها ويقولون نااايمهوطبعا قبل ماتبي تيي بيتي قامت ادق تقول يافلانه سويلي هالطبخه انا مو ماكله من الصبح كلللل مره تسوي جذييي وماتيني الا اذا ماعندها مكانتروح له !وتخيلي تقولي فلانه بخلي ولي عندج بروح مشوار وارجع وجهزي العشا واقولها اوكي وتيي من مشوارها عال11 تتعشا بسررررررعه وتروح هالحركه صج قمت اين منهاوانا ولدي يروح روضه فانومه مبجر وهي ولدها بو سنتين وماعندها خدامه ويسوي ازعاج ويكسر قمت اتضايق والمشكله اتجذب علي وحسبالها انا غبيه تقولي بروح اودي جدور خالتي والا بروح اشتري حليب حق ولدي والا بروح اصب بانزين وكل مره صارت تقط ولدها وتتعذر وانا استحي مااكلمها كلش والموقف الي خلاص خلاني اتحطم ان هي كانت تعلم ولدها عالحمام وكان حسران ونجس شقتي من اولها لي اخرها وهي قاعده ماسكه البلاك بيري ولا جنه ولدها !والموقف الي خلاني اقطع علاقتي فيها واصارحها هي انها واعدتني ان اروح عندها اتعشا وتخيلي ادق عليها من 5لي 8 ووقفت عند باب بيتها اخر شي ردت علي جان تقولي سوري كنت نايمه واليوم الي عقبه كانت عازمه رفيجاتها بالدوام وماقالت لي فصارحتها وقطعت علاقتي فيها .مادري ياربي هي الصداقه صارت معدومه والا انا الناس ماتحبني مادري والله

لعله خيره حبيبتي

 

[dubai girl]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

اغلب ربيعاتي الي تزوجوا اقطعو علاقتهم وعذرهم مشغولين
وانا بعد قطعت علاقتي فيهم .. وعقب سنتين ولا ثلاث يوم يمل
الريال منها ترد تتصل وتبغي اترد العلاقه شرات ماكانت ،، طبعا مستحيل ارد شرات قبل
واذا هيه اتصلت انا اشوف على حسب المزاج ارد ومرات ماارد وهي تتصل انا مااتصل

 

[*مطبخ الذواقة*]

رد: ·•●منو منكم قطعت علاقاتها برفيجاتها بعد الزواج او تفكر تقطعهم ...؟ والسبب ؟·•●

انزين بنات بقولكم موقفي وقولولي رايكم انا غلطانه ولا لا

انا عندي رفيجات الكليه وااجد بس وحده اللي 24 ساعه انا وياها وحييل مع بعض ومياانه

بس اللي صاير انا بفتره تجهيز الحين و رحت دبي جهزت من هناك ورديت وزارتني بس قالت بشوف شغلج وانا عادي فتحت الكبتات وطلعت لها اغراضي وشافتهم كلهم
وعقب رحت الرياض بعيد الأضحى و من رديت واهي كله تتصل وتقول بجيج بشوف شنو شريتي من الرياض بشوف اغراض تجهيزج كلها ,, وصرفتها يا اقول طالعه ولا احد بيجينا أو مشغوله يعني أي شي
وللعلم اهي اكبر مني بجم سنه و توها ملجت من شهرين و ماتحدد عرسها
واللي مضايقني اكثر من هالسالفه انه العرس تأجل أكثر من 7 شهور وانا موقفه تفصال بدل الأستقبال و بدله العرس واهي تدري وتتصل بتجي تشوف اغراضي بس آخر شي لما شافتني مده اسبوعين كل يوم اصرفها زعلت علي و من عقب راس السنه ماكلمتها ليوومكم هذا

بنات قولوووولي صح اللي سويته ولااا انا غلطانه و لازم اعتذر لها ؟؟
وماقلت لأحد حتى امي ماتدري بهالسالفه

انا اتوقع انها معجبة بذوقج وودها تتعلم منج عشان جذي تبي تشوف اللي انت شاريته وتعلم

وانت تقوووولين انها مالجة يعني مراح تحسدج بس صدقيني هي تبي تستفيد من ذووووقج وتعرف شلون تجهز لا اكثر ولا اقل بصراحة ساعديها يمكن ماتعرف شلون تجهز او شنو تشتري وماعندها احد تساله او تستحي من اهلها وخواتها فتلجا لج انت لانج رفيجتها
وقولي حق الوالدة هي راح تفيدج اكثر

والله يتتم لج ولها على خيرررررررررررر:yaaaaaarb:
:eh_s(7):