كارهه خطيبي وصلت حدي مو قادره اتحمل

[اميره بذاتي]

لايكلف الله نفسا الا وسعها انتي ع البر اختي اذا مو مرتاحه اخذي قرارج
ردي المهر له ومافي شي بالغصب لان لو تنغصبين عليه عمرج ماراح تحبينه
الله يوفقج انا نفس مشكلتج تقريبا بس انا مو خطيبي زوجي اتوقع عين برقي نقسي لان مابي اخذ قرار اندم عليه

 

[أعشقني]

فكري بكره تكفين فكري عدل
الام والابوو بعيد الشر مايدومون الله يحفظهم لج والاخوان اخوان حريمهم والخوات بيروحون بنصيبهم ماتدرين عن بكره فكري تكفين والله قلبي عليج
والمرا مو كل يوم لها ريل ،، وعيالج ان شاءالله اهما اللي بيدومون لج وبيشيلونج

والله ادري ان كلامج عدل بس غصبن عني مو بيدي احبه او اتقبله :eh_s(16):

الله يجزاج كل خير :eh_s(7):

 

[أعشقني]

ارقي نفسج عدل رقيه شامله يوميا نصيحه أو روحي للشيخ أحمد السقاف بالنزهه اقرى عنه بالنت يمدحونه سبحان الله ماتدرين يمكن فيج شي موشرط عين !

لاتقررين قبل الرقيه ارجوج بس هم لاتتزوجين لين تتأكدين أن مافيج شي وان انتي صج مومتقبلته

الله يوفقج للخير والصالح وينور بصيرتج ويكتب لج الخير يارب

يعني شنو يمكن فيني يمه خفت :eh_s(2):

مشكوره حبيبتي الله يوفقج يارب ويحقق مناج

 

[أعشقني]

لايكلف الله نفسا الا وسعها انتي ع البر اختي اذا مو مرتاحه اخذي قرارج
ردي المهر له ومافي شي بالغصب لان لو تنغصبين عليه عمرج ماراح تحبينه
الله يوفقج انا نفس مشكلتج تقريبا بس انا مو خطيبي زوجي اتوقع عين برقي نقسي لان مابي اخذ قرار اندم عليه

ان شاءالله انا من اليوم بديت اسمع سورة البقره وبرقى نفسي

مشكوره ياقلبي الله يووفقج ويسخر لج زوجج ويسخره لج يارب ويالف بينكم:yaaaaaarb:

 

[dubai girl]

يمكن هالزوج قسمج في الدنيا
يمكن هو خيره لج
ماتدرين حبيبتي كل شي مكتوب تمي وياه
يمكن يكون احسن من الي بعده وتندمين ..
اكيد في اشياء حلوه مخليه اهلج متمسكين فيه

 

[مستقبلي احلى]

اغلب الشباب الحين تقريبا نفس تصرفاته

عادي بس انتي بعد ارقي نفسج وبعرف اول يوم طلعتي معاه اشلون وشنو حسيتي فيه
يعني بنفس احساسج الحين

احتمال يبيلج رقيه
والله اعلم
انتي اقري سوره البقره وانتي تقرينها لاحظي نفسج تتثاوبين او ودج تنامين او دايخه ولا تحسين انج امخدره وصداع او ودج ترجعين
شوفي شيصير عليج وقوليلي

 

[mira]

إحمدي ربي عليييه غيرك مو لآقي سروال وفنيله وانتي محصله الرجآل بكبره مع الآيام ان شاء الله ترتاحين له
موفقه ..)

 

[ناطرة]

خيتو اذا ماتبين خطيبج عطني ايه انا ابي بالحلال

:ggdw:حلللللللللللللللللللللللوة الله يرزقج يارب

 

[ناطرة]

واي مو صج ردود البنات العزابيات الله ينولكم عيال الحلال ال يسعدونكم قولو امين

 

[asoula al-3soul]

الله يعينك​

 

[أعشقني]

الله يخليكم بنات فديتكم ماقصرتو الله يجزاكم الجنه

اغلب الشباب الحين تقريبا نفس تصرفاته

عادي بس انتي بعد ارقي نفسج وبعرف اول يوم طلعتي معاه اشلون وشنو حسيتي فيه
يعني بنفس احساسج الحين

احتمال يبيلج رقيه
والله اعلم
انتي اقري سوره البقره وانتي تقرينها لاحظي نفسج تتثاوبين او ودج تنامين او دايخه ولا تحسين انج امخدره وصداع او ودج ترجعين
شوفي شيصير عليج وقوليلي

حبيبتي انا من ملجت انا احس بضيقه من يوم خطبني بس الحين بزياده لدرجة ماقدر اتحمله
قريت سورة البقره كلها قبل شوي بس حسيت بشوي صداع خفيف جدا وراح وبعدها حسيت اني ابي اتنفس كأني بتثاوب بس ماتطلع ..ويوم جيت اختم تثاوبت كذا مره وحسيت شوي دوخة بسيطه يعني لما تركزين بشي وترفعين عيونج عنه < نفس الاحساس هذا

 

[أعشقني]

استغفر الله العظيم واتوب اليه

 

[Soso_Bronzy]

وفي حبيبتي انا معاك وحاسه فيك لما قلتي ماحبيته
وهالشي ترا مو بيدك ولاتخاطرين وتقولين بكرا بحبه .. هالشي شي نفسي ماتقدرين انتي عليه
لاتغصبين نفسك ..
وترا هذي حياه ثانيه .. عمر لاتقولين يوم ولايومين ولاشهر ولاشهرين

واكيد تدفعين كله مهره .. لانك انتي اللي ماتبينه .. بس الحفله مادري ماتوقع .. اذا انتي علاقتكم كويسه باهله
وانتي قولي لاهلك انك مارتحتي .. تحسين بضيقه معاه
وان شاء الله ربي يكتب لك الي فيه خير

 

[mmloo7a]

بالخطبه احد غصبج عليه ؟
بالخطبه احد طقج على ايدج وقالج تزوجي الريال ؟

شحقه ظلمتيه الحين دامج ماتبينه ؟
شنو ذنبه حبج ويبج ولزق فيج ودفعلج اللي تبينه

وبعدين مابيه ؟


كيفج حبيبتي حطي ببالج شي

اذا تطلقتي منه راح تقل فرصتج للزواج

هو
شنو الريال مومثل السياره كل شوي بتغيرينه
شنو بنات هالايام

يعني لازم واحد حلو ومزيون وكلامه رومانسي ورقيق ؟
انتي اخترتي هالريال الحين ماتبينه ؟


كيفج

 

[انا لحبيبي .]

طيب حاولتي تتكلمي معه وتخليه يبعد عن التصرفات يلي انتي بتكرهيها؟ في ناس وقت الخطبه بكون غير بعد الزواج يعني يمكن هو لانه مبسوط بتصرف تصرفات طيش ..

الله يناولك يلي فيه الخير سواء في الاستمرار او الانفصال ، ويباركلك يارب العالمين في كل خطوه .

 

[د.باريس]

طيب جربتي تتناقشين معاه ..؟
تقولين له عن كل شي يمكن يتعدل عشانك و تحبينه ؟
واذا ماصار فيه فايده ابد فاتحي اهلك
والله ييسر كل خير لك و لبنات المسلمين آمين

 

[أسطورة الجمال]

حبيبتي صلي استخاره والله يوفقج بحياتج

 

[*E.B.D.A.3*]

حبيبتي انا بعطيج نصيحة عن واقعي انا
خلي كلام البنات كله على صوب والي يقولونلج يمكن يتعدل يمكن يتغير
يمكن تحبينه باجر
وهم الي تقولج قوليله يغير تصرفاته ويتعدل

حبيبتي ، الي انتي مريتي فيه ، طبق الاصل عن الي انا مريت فيه
والله العظيم شفتي لمه قلتي حتى عطره لمه يلزق فيني تلوع جبدي
والله ثم والله ، انا من ادش السياره واحس اني شميت ريحته ، تصك فيني الدنيا
اكرهه اكرهه مابلعه كلش
ومو بدون سبب عشان نقول عين !! ومابيج تقولين عين! لانج كرهتيه لاسباب اهوه له دخل فيها!
طليقي، كان ثور ... مو مصدق ان شايف بنت ، كان لزقه ينرفز ويلمني بالمطعم جدام الناس
ومايقعد جدامي كله يمي ويقط حمله علي ليدرجة ان والله ماقدر اتنفس وعضلات ظهري تشد علي من كثر ماحاول ارفع نفسي
الوضع مو على رومانسية لاااا ، كان على دفاشه ويسببلي احراج!! يعني مره حاول يلمني وسحب شعري من ورا ونزل الاكستنشن !!
كرررررررررهتته كرررررررره مو طبيعي وتنرفزت حيل !!!!
تخيلوا بالسيارة ،، لمه تشب الاشاره خضرا احنا اخر من يمشي ليش ؟؟؟ يطالع فيني !! يخز كل ملامحي !!!
مايبقى هرن مايطق ورانا !!!
والناس يمشون يمنا ويسبونه !! وانا ويهي بالارض من الفشيله !!

مو مره ولا مرتين !!! لااااااااااا ... بكل مره نطلع لازم احنا اخر من يمشي !!!

تصرفات ياهل ولزقه وماقمت ابلعه وصار كل طلعه لنا عباره عن كابوس وجحيم لييييييييي .... الي حتى ريحة عطره كرهتها وكل ماشمها، اطلع عطري وارش بدالها :\

نصحوني الناس مثل مانصحوج اختي ..
اول شي قالولي صاريحه ، صارحته وقلتله ترى تصرفاتك هاذي اذيه بالنسبة لي ... وفعلا تعدل وماقام يسويها وارتحت!!
وعلى اساس هالراحه ، انا كملت وقلت خلاص مراح اكنسل فكرة الزواج ، وكملت!!
واهني كانننننننننننت المصيييييييييييييبه
سالينيييييي ليش !!!!!!!!!

لان ياعمري ياحبيبتي لمه تتزوجينه ،،، غصبن عليج بتصير بينكم علاقه جنسية!!
والللللللللللله ثم واللللللللللللللللله ماقدر اوصفلج احساسي لمه قرب صوبي يبي يبوس !!
جنه احد حاطلي دود بصحن ويقولي اكليه غصبن عنج !!!!
اضطريت اني اجامل ، وانا العبره خانقتني ،، وبعد ماخلصنا رحت الحمام ابجييييييي
الدنيا صارت سوده بعيني
لمه حطيت راسي على المخده حسيت اني دخلت نفسي في مصيبه مراح اطلع منها
حسيت اني حكمت على نفسي بالمؤبد !!!
حاشني احباط وويهي انترس حبوب !!! وبكل مره ينادي حق الفراش ، اتمنى اني اموت وعساني ماعشت!!
قمت امثل ان الدورة تيني عشر ايام .. وبعدها مثلت ان معاي التهاب والدكتور مانعني من العلاقة الجنسية وتميت شهر على جذي ..
لكن الاخ ظل يسوي اشياء سطحيه .. حاولت اغصب روحي مرة .. مرتين
اخر شي انفجرت بويهه ابجي !!!!!!!!! وسالني اشفيج جان اقول بالحرف الواحد " انا اكرهك ، مابيك، طلقني " !!!
حاول يعرف السبب وسالني ليش ماليش
ركضت وانا منهاره اعصابي وركبت سيارتي ورديت البيت !! وطلبت الطلاق مع ان الكل حاول يقنعني
الكل ماكان راضي
الكل يقولي اشذنبه وطبعا اكيد الملامه صارت علي انا !!!!!!!

ولمه استلمت ورقه الطلاق اذكر،،، كانت اسعد لحظة بحياتي
اسعد خبر سمعته ... نفسيتي تغيرت ، انا صرت وحده ثانية، فجاه حبيت الحياة ...
كان هم على قلبي وانزاح للابد ، احط راسي على المخده ومو شايله لا حزن لا ياس لا احباط ...

والحين الحمدلله انا تزوجت وحياتي الزوجية على احسن مايرام


فاللي ابي اقوله لج /
لا تستمرين ،، لا تحاولين تجذبين على روحج وتقولين ببلعه ، اذا مابلعتيه الحين مراح تبلعينه
وحطي ببالج زين ان الامر بينكم راح يدش بالعميق ، مراح يكون خطيبج وانتهى الموضوع لااااااااا بيكون زوجج
فاهمه يعني شنو زوججج!! يعني هالبني ادم الي تكرهينه بيكون معاج يمج !!! تصبحين وتمسين على ويهه !!!!
واذا بغى يمارس ، مالج اي مفر منه نهائيا !!!!!!!!
مراح تتحملين !! وراح تنهار اعصابج!!! والله يا اختي اني ماكنت انام الا بعد بجي!! لازم ابجي وانام !!!
صدقيني ماتبين تجربين هاللوعه وماتبين تعيشين بهالكابوس ... لا تستمرين وفركشي الموضوع


اما البنات الي يقولون شذنبه ... ياقلبي انتو ، مو ذنبه ولا ذنبها
ذنب عادتنا وتقاليدنا الي ماتسمح للمخطوبين انهم يعرفون شخصية بعض عدل قبل الزواج!!
واخر شي تتفاجئين انج متدبسه بالانسان الغلط !!!!
وياكثر الي يدرون ان زواجهم غلطه وبالعين الموس ...

 

[Asoom.w]

افيييييه بس


حياتي انا بقولج شي
انتي خايفه تزوجينه وتوهقين فيه بعدين
طيب ليش ما تقولين له اللي غاثج بكل بساطه
اهو مسوي حفله ومعطيج مهر

فيها صعوبه
خصوصا ان مجتمعنا الانفصال فيه شي شوي صعب و ع قولتج بتسودين وجههم


خلاص قوليله ترا انا بخاطري جذي وجذي وما احب تصرفاتك
واحب الرجال يكون رزين وجذي من هالحجي

اذا كلمتيه حاولي تبجين انج مقهوره






ابداع كلامج اثر فيني حييييييل


ياربي وش هالورطه

 

[نور الكوثر]

قعدي معاه وبالهداوه اتفقي معاه عالانفصال شكو اهلج بالموضوع هذا قرارج انتي واهو اذا عاند ذيك الساع تلجئين لهلج او اصلاح ذات البين الي بالعدل لازم تقعدين معاهم وبعدين تقدرين تخلعينه بس لازم تردين المهر