ترددت كثييير إني أكتب بس تعآلو وإدعوو لي أهلي معيشيني بجحيييييم : (

[FDET NFSY]

 

[AL NADA]

مررررررررررررررررررررررره قليلات آدب ؛ الله يفرججججججججج همك ي ربُ
^_*

 

[احلى قدساوية]

خلي شخصيتج قويه ولا تسكتين لهم ردي عليهم وخليهم يموتون من الغيره وكلمي ابوج ولا تنسين الدعاء وقيام اليل والاستغفار
الله يفرج عنج يااااااارب​

 

[كويتية وكلها جاذبية]

الله يسخرهم لج يا قلبي ويهديهم ويمسح على قلبج استغفري وذكري الله واييد واتركي الاغاني راح ترتاحين ان شاء الله

 

[دلوعة أبوهآ]

مالك إلا الدعاء ..
وربي يفرج همك وغمك ويرزقك كل خير ..

 

[ضاع عمري]

اللة يعينج

 

[f6om]

وعليكم السلام و رحمة الله و بركاته

نصيحتي لكِ

أولاً : إلجئي لربج = ( الصلاة في وقتها ، قرآءة القرآن يومياً ، أذكار الصباح و المساء ، استغفري ، و الصيام فيه علاج من الهم لأن يعودج على كظم الغيظ حتى ترين في نفسج قوه مهما سمعتي لن يؤثر فيج أبداً )


ثانياً : أمج لو تقطع جلدج و تصلخج و تعلق مشنقتج ماتقولين حتى اوف ، تقربي منها سمعي منها طولي بالج عليها ، اللي تحبه سويه ، اي امر نفذيه على طول ،


ثالثاً : خواتج خلج أحسن منهم تقربي منهم و اذا قالوا شي يزعلج اسكتي من غير ماتنفسين و اهم بينقدون على نفسهم و شوي شوي بيتغيرون.


واسأل الله أن يصلح حالكم

 

[حلمي سرآب]

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
[FONT=&quot]لا اله الا انت سبحانك اني كنتي من الظالمين [/FONT]
[FONT=&quot]ياحي ياقيوم برحمتك استغيث اصلح شأني كله ولا تكلني الى نفسي طرفه عين [/FONT]

[FONT=&quot]رددي وشوفي العجايب من راحه البال [/FONT]
[FONT=&quot]دمتي بود..[/FONT] ♥

ان شاءالله
لااله الا انت سبحانك اني كنت من الظالمين
ياحي ياقيوم برحمتك أستغيث أصلح لي شأني كله ولا تكلني الى نفسي طرفة عين
جزاك الله خير

دامج تتحسبين فيهم كل يووم مع الايام شوي ربج شيسوي فيهمـ

:yaaaaaarb:

الله يكون بعونج حبيبتي ,,

عليج بالبقره تفرج الهم

والصيام في هذه الأيمم ,,

ان شاءالله ببدا اقراها
وانا أصوم الحمدلله

اهم شيء تقوين شخصيتج



ترا الضعيف بها الدنيا ينوكل , لا تقولين ماما و لا بابا , ما عاد فيه ماما و بابا بهالزمن ! الا من رحم ربي


صيري قويه ,,,



و خواتج حطي لهم خط احمر , و انشغلي عنهم بدراستج او شغلج او سوي لج بزنس

ان شاء الله طباعه بحوث و عمل بروشورات و مطويات , و اكسبي فلوس

ان شاء الله تطبخين و تسوين بوفيهات و تكسبين فلوس


و اذا خلصتي شغل , دشي غرفتج و شغلي فيديو رياضه و العبي و ناقزي

و اذا خلصتي لعب و مناقز روحي تسبحي و بعدين عبي البانيو ماي و قطي فيه اعشاب و عطور و سوي استرخاء


و اذا طلعتي من الحمام , ,, آخر شيء ايي وقت الراحه , فتحي مصحفج و اقري فيه


و اي احد يسألج , قولي بس اكمل قرآن انزل وياكم , و تاليها حقريهم , و لازمي مصحفج لين اييج النوم


اي شيء تسمعينه , دخلي من الاذن و طلعي من الاذن الثانيه ,, و طااااااااااااف , و الله صج .


انشغلي عنهم , انشغلي , تخلصين من شيء , تبدين بشيء ثاني , حطي لج برنامج


اشتري لج عدة رسم و ارسمي لوحات , و لا تخلينهم يشوفونها خخخخخ و اذا شافوها ( و اكيد راح يعلقون و يعيبون ) , قولي لهم

" تصدقين اني مره نزلت صوره لوحتي بموقع فيه رسامات و فنانات تشكيليات و انعجبوا بموهبتي و قالولي لكل موهوب اعداء

و محبطين , وااي يا حلو نصايحهم "


اشتري عدة خياطه و جوخ و خرز و صممي اطقم و توزيعات للمواليد و تيجان و فيونكات للبنات و بيعي على الحريم

و خواتج لا تعطينهم , ( بيعيهم بفلوس ! ) و الله صج , و خل يقولون اللي يقولونه

و الحجة ( انا شريكه لوحده معاي بالمدرسه او بالدوام .. و هذي الاسعار اللي متفقين عليها )

بس اقول لكم : خلاص حرام حرام , عشان بنتج فلانه , واي كسرت خاطري , أعطيها ابلاش




و حتى لو منيه مناك غصبوج تقعدين معاهم بنفس القعده , خلي الفون يمج

و كل شوي قومي نقزي على بو انه عندج مكالمه مع رفيجتج

و اذا كررتي هالحركه , قعدي وياهم و سوي روحج سرحانه , و خليهم يقطون كلام ليما يشبعون و آخر شي قولي

Sorry حبيبتي ما كنت وياج , شنو كنتي تقولين ؟؟


و الله الله بالعنايه الشخصيه ,,, الريجيم و الرياضه و العنايه ,

و شعرج دوووم مستشور و يلمع

و اظافرج مصبغين , مو مشكله تحملي بكل صلاة تشيلين الصبغ , بس اهم شيء جدامهم انتي لوزه و تهبلين .



و امج اذا هي صافطه وياهم و تفضلهم عليج , صكي باب محبتها , و يبقى الدم و الواجب و المسؤوليه ,, يعني اشلون ؟ خليني افهمج


يعني حطي في بالج ( هذي الانسانه ما راح ايي منها حب ,, خلاص بكيفها لأن ماكو شيء غصب )


امي احبها و احترمها و اقدرها و احطها على راسي , لكن اتوقع منها حب ؟ اطلاقا


اكيد هذي امج ما تكرهينها و لا تحقدين عليها , لكن لا تتوقعين منها ( حب ) عشان ما تتعبين نفسيا

لا تتنظرين تبوسج , و لا تتنظرين تلمج

و غداج و عشاج , بالطقاق , عساهم ما سألوا ,, عادي يبا , تدرين ليش : عشان انتي مسويه ريجيم و بتصيرين رشيقه كمان و كمان

صح ؟

صكي بابها , و خلاص . الحب بيي لج لما تكونين قويه , لأن محد يحب الانسان الضعيف , قاعده عامه .


الحب بيي لج من زوجج و عيالج ان شاء الله , دام اسرتج ما فيها خير


تعاملي مع والدينج ببر ( لوجه الله ) فقط لا غير .


و خواتج الافلام هذيلي , سوي اللي قلت لج عليه ,و خليهم يحسون انهم حشرات , و ان كلامهم ما يهمج


و كلما يزيدون كيد , زيدي ( جمال + فلوس + اناقه ) , و صيري شخصيه مهمه .

و اياني و اياج تقولين لهم ( كلامكم ما يهمني , انا مو معبرتكم ) لأن هذا معناته العكس

احقريهم , و مثلي انج البنت اللي تسوي روحها مركزه معاهم و مخج مع شيء ثاني اهم من خرابيطهم


دايما صيري مشغوله , دايما صيري وراج شغل و تجاره , او عنايه شخصيه , او صالون , او رياضه

خليهم يدورونج دواره

و اي شيء او ملامه منهم , خلي هالرد على لسانج ( وي يا حبيييييييبتي يا حياااااااتي ياعمري انتي , و الله كنت مشغوله


وااااي لاعت جبدي , تكسرت عظامي من الرياضه , و آخر شيء تفاجأت ان الخلطه الفلانيه متكتله و ما ضبطت مقاديرها ,


عاد بسرعه بسرعه سويت حمام استرخاء , يالله فجت عظامي شويه ,, آمري تدللي ,, شنو تبين ؟ )


و اهم شيء انج ما تلينين و ترجعين ضعيفه مثل قبل


تعاملج راقي و باحترام , بس انتي قويه , التبجبج و التنوح عمره ما يفيد احد



و ابوج هذا ضبطيه تضبط


اقعدي وياه , سولفي وياه , ضحكي وياه , قهوته و الشاي , دايما عليج انتي

و البخور خليه يعط بالبيت

و على لسانج ( حاضر يبا ) ( ان شاء الله يبا )


اي شيء تعالي اسأليه و اخذي شوره , حتى لو شيء بايخ , و طيعي اللي يقول لج عليه




اقول لج كلامي هذا من تجربه , و اسأل مجرب و لا تسأل طبيب


و بالتوفيق .

ههههههههههههههههههههه والله ضحكتيني حسيت كأنه مسلسل خخخخ
بالنسبه للشغل وكذا مااقدر ماعندي فلوس اشتري فيهم الاغراض وصعبه
والخلطات هم مااقدر لأن بيتنا مافيه الا حمام واحد مشترك :eh_s(11):
وربي اني ودي اسوي الخلطات اللي اشوفها هنا بالمنتدى لان جسمي ممعدوم
بس ممااقدر 24 ساعه يبوونه يعني مااقدر اطول وبانيو ماعندناا :eh_s(16):
وابوي كبير بالسسن حتى الكلام معاه لازم اطول صوتي واعيد كم مره
حااالتي صعبه الله لا يورييييييك :eh_s(11):
مشكوره حبيبتي ع الكلام تعبتك والله ربي يوفقك :yaaaaaarb:

جزاك الله خير

مررررررررررررررررررررررره قليلات آدب ؛ الله يفرججججججججج همك ي ربُ
^_*

فوووووق ماتتصورين ، امين

خلي شخصيتج قويه ولا تسكتين لهم ردي عليهم وخليهم يموتون من الغيره وكلمي ابوج ولا تنسين الدعاء وقيام اليل والاستغفار
الله يفرج عنج يااااااارب​

اذا رديت تنقلب السالفه علي وامي وابوي يهاوشوني ويحطووني الغلطانه
مشكوره امين

الله يسخرهم لج يا قلبي ويهديهم ويمسح على قلبج استغفري وذكري الله واييد واتركي الاغاني راح ترتاحين ان شاء الله

اااااامين وانا مااسمع اغاني الحمدلله

ادعووووولي بنااااات :eh_s(11):

 

[حلمي سرآب]

مالك إلا الدعاء ..
وربي يفرج همك وغمك ويرزقك كل خير ..

اميييين

اللة يعينج

امييين

وعليكم السلام و رحمة الله و بركاته

نصيحتي لكِ

أولاً : إلجئي لربج = ( الصلاة في وقتها ، قرآءة القرآن يومياً ، أذكار الصباح و المساء ، استغفري ، و الصيام فيه علاج من الهم لأن يعودج على كظم الغيظ حتى ترين في نفسج قوه مهما سمعتي لن يؤثر فيج أبداً )


ثانياً : أمج لو تقطع جلدج و تصلخج و تعلق مشنقتج ماتقولين حتى اوف ، تقربي منها سمعي منها طولي بالج عليها ، اللي تحبه سويه ، اي امر نفذيه على طول ،


ثالثاً : خواتج خلج أحسن منهم تقربي منهم و اذا قالوا شي يزعلج اسكتي من غير ماتنفسين و اهم بينقدون على نفسهم و شوي شوي بيتغيرون.


واسأل الله أن يصلح حالكم

ليش تقطع جلدي جايبتني عشان تعذبني بشار الاسد على غفله؟؟؟؟
الام تحن وتحب اللي طلعو من بطنهااا بالمقابل اهم يحبوونهاا
ليش اسكت لهم؟؟؟؟ لا ماابي اجلس معاهم :eh_s(4)::eh_s(4):
اما باقي نصايحك على راسي :eh_s(2):
مشكوره دعواتي لك

 

[! بــدويه وآآيــد !]

،


حبيبتي الله يعينج مادري شقولج ماقول الا عسى ربي يرزقج بالزوج الصااالح الي ياخذج عنهُم ويعيشج ملكه ومرتااحه معاه ياااارب

 

[روانتي 12]

دايمآ طيب ياكلونه و الاقشر يحبونه

عامليهم مثل مايعاملونج

والاخوات الي قالوا صيري احسن منهم .. شوفي ياحبيبتي قلبي حلمي سراب امشي على كلام العضوات واذا مافي فايده

عامليهم مثل معاملتهم .. هذي احسن طريقه

 

[فجرر]

خوووذي حقك منهم خلييييييييييك نذله قبل لا يستحقرونك استحقريهم جننننينهم خليهم يتجنننون من حركاتك ردي نفس حركاتهم لهم ليه ساكته انتي على وضعك خليكي ذكيه خذي حقك منهم تبلي عليهم سسوي مثلهم والله حاله

 

[amal ksa]

اممم الله يهدي خواتك
وامك انتي تقربيلها خليك معها انا كذا مع امي واهلي امك انتي اساليها تعشيتي اولا مو هي تسالك ولا ليه تسالينها لاتتعشين الامعها اوتتغدين اقعدي معها اطلعي معها هي الكبيره انتي اللي لازم تتدارينها وتسالين عنها لاتزعلين من كلامي بليززز
انا وامي صديقات اشتريلها مثل ملابسي ومكياجي ونتمشى مع بعض افرض نفسي عليها لو مو طايقتني انتي كذا سوي
والله يحفظك انتي وامك وخواتك وهم اكيد يحبونك كل بيت فيه مشاكل

 

[برنسيسة2007]

قلبي هذولا اهلج وخواتج ومالج الا هم
خشمك لك لو اعوج
حبيبتي لاتناقضينهم خليج باضعف الايمان حمايه لنفسج يعني انتي دافعتي عن ابوج ويمكن بجذي حريتي امج وهذا غلط اقل شي اسكتي
واكسبيهم فالبدايه خليج صامته يعني لاتعارضينهم دايم
والله انا كنت اشوف اشياء ماتعجبني وادري انها خطأ ميه بالميه فأنفعل واتكلم وادافع وبالاخير ماتغير احد على ايدي بس كسبت عداوات
لذلك ماله داعي تنفعلين وتواجهين عصبه انتي مو قدهم
يد ماتقواها صافحها
ومهما كان هذولا اهلج والوصل فيهم واجب

 

[حلمي سرآب]

لبى اللي حاسين فيني
مشكوورين ع الدعوااات حبيباتي
الله يوفقكم يارب ..

 

[*الهنوف*]

واضحه انتم حزبين بالبيت امج وخواتج مقابل انتي وابوج
يعني هم يكرهونج لانج دايم تدافعين عن ابوج وهم بالمقابل مايحبون تصرفاته مثلا او ان امج مسيطره علي افكارهم ومخربتهم علي ابوج
وانتي ضايعه
الله يفرج همج وتتزوجين ولا ان اهلج يتغيرون مستحيل
الطابع غالب

 

[زوجة عزيز]

الله يعينج عورتي قلبي اكثر الاوقات الصريح ينظلم خاصه بين اهله

 

[مس لوتس]

كل العالم بمشاكل احتسبي الاجر والله يفرج كربتج

 

[{سيد العذارى }]

حيااااااااااتي كثري من الدعاء وقومي الليل والجي لربج انه يرزقج بالزوج الصالح ويهدي خواتج
ويخلي قلوبكم على بعض واذا جفتيهم قاعدين وانتي مب مرتاحه قومي من المكان شغلي نفسج باي شي
المهم ماتضايقين نفسج وطنشي ياعمري والله التطنيش سر من اسرار السعاده في الحياه


ولله يرزقج بالشيخ اللي يعرف قدرج يارب ويهنيج معاه

 

[Nmnoum]

الله يحنن قلوبكم على بعض