ترددت كثييير إني أكتب بس تعآلو وإدعوو لي أهلي معيشيني بجحيييييم : (

[حلمي سرآب]

يااااافديتكمم وربي كلامكم يريح
غزلان لبى قلبك مااقصرتي ياحياتي ..

 

[حلمي سرآب]

شلون تقولين بنتي يعني انتي متزوجه ومنفصله وعندك بنت ولا كيف
اختي لا تصيرين حساسه زياده ولا تبينين لحد هالشي حتى لو كنتي متضايقه او مخنوقه
حاولي تفرقين مشاعرك ع ورق وكل همومك وترتاحين .. ثبتي شخصيتك قدام امك وخواتك ..
حاولي تجلسين يم اهلك وتسولفين وتخلين الدنيا غيررر .. لاتخلين اي احد يحرق اعصابك
طنش تعش تنتعش .. اذا مابتسوين الي نقولك راح تجلسين بدوامه ضيق وتعب وبتجلسين مهمومه طول عمرك
ماراح يتغير عليك شي الا اذا انتي حاولتي تغيرين من وضعك ..
وبعدين ليه تتضايقين من كلام اختك يوم قالت تكلمين واثق الخطى يمشي ملكا .. دام ماسويتي هالشي لا تهتمين ولا تتضايقين واسفهي اي شي مايعجبك دامك كبيره ومسؤوله عن تصرفاتك
ربي يسهل امورك

لاااا قصدي امي ماتقول بنتي مااتفكر فيني
أنااا عادي ماهمتني بس اهي رايحه تقوله لنااس يعرفووني زين واني مااسوي كذا
عيب والله عيب هالتصرف يطلع منهااا
للحين أتحسب عليهاا وماراح اقول لكم ايش صار فيهاا بعد مادعيت عليهاا
لأن دعوة المظلوم مستجاابه وانا واثقه بهالشي والحمدلله ربي تقبل دعائي

حسبي الله ونعم الوكيل

 

[سكوتي بذوقي]

الله يفرج همك يارب

ويرزقك بالزوج الصالح يارب

 

[غززلان]

ولبــى قلبكك ي بععععدي


ويآآقلبي ححآآآآولي تغيرين من نفسسسكك مو عششآنهم عششآنكك آنتي


لاتضآيقين نفسسكك عشآنهم لان ذولي مو خووآت لو خوآت كآن حسسو فيكك

وحاآآولي تتقربين لـ آمــكك لآن رضآـى آلله من رضى الوآلدين مهمآ كآآن وكلن يممر بظرووف

اهم شئ آمك وآبووك تقربي منهم ححيل حتى لو ماآهتمو لكك كثير في النهآآيه تبقين بنتهم

خوآآآتك طنششيهم لين يتعدلوووون ...


وتقربي لـــــرب العبآآد .. بالتسبيح والآستغفآآآر

مآبي آطووول عليكك آكثر وآنآ مآقلت كل هذآ الا آن يتغير ححآلكك آن شآآء آلله

آللهه يسسسعدكك ويبعد الهم والضيق عنك




اللهم صلي وسسلم ع نبينــآ محمد

 

[حلمي سرآب]

الحمدلله على كل حاااال
ان شاءالله برجع أقرا البقره وأحاول اتغاضى عن كل شي يضايقني
بس أخاف أسكت وانفجر زي مره وربي انهرت وصرت أبكي بصوت عالي
آه بس يارب اذا كان الموت راحه لي فخذني اليك روح طاهره ياااارب

 

[حلمي سرآب]

تسلمين حبيبتي دعوووواتي لك ..

 

[سكوتي بذوقي]

لا لاتدعين على نفسك بالموت مايجوز

ربي بياخذ لك حقك اختي

بس انتي اصبري وادعي الله ودايم اقري قرآن

عسى همك ينفرج يارب بأقرب وقت وتعيشين بسعاده

 

[غززلان]

ي حبيبتي لاآتنهآرين ولآ ششي

اصلآ بمجررد آنكك ماتقرين سسورة البقره وتذكريــن آلله بكل ووقت

رآآآآح تحسييين برآحححه عجييبه وبتنسسين هموومكك

المووت جآينآ كلنآ لاآمححآله بس لاآتكدرين نفسسك ع شي آبد

ليتني عندكك وآوآسيكك

مريت بظرووف آنآ بعد بس مآنسسيت ربي آستغفر وآصـــــلي الصلآه بوقتهاآ

والحممد لله تيسررت آمووري


وآلله ييسر حالك مآفيه عسسر آلآ بعده يسر بآذن آلله


مووفقه حيآآآآتي

 

[frasha.q8]

تنزين ليش جذي اعاملونج أكيد في سبب
الله يفرجها عليج انشالله دنيا وآخره حبيبتي ميخالف تحملي الله يعوضج انشالله

 

[LoLaTi]

الله يفرج همج يااااارب
صيري شرسه معاهم وشوفي شلون بيحترمونج يعني عامليهم بالمثل

 

[حلمي سرآب]

يعاااملوني كذا لأنهم يغارون منييييي
هذا مو سبب كافي؟؟؟
ولا لازم اكون مسويه مصااايب لا الحمدلله وربي عالم اني محافظه على نفسي وعارفه ايش الصح والغلط

 

[حلمي سرآب]

تسلمون ياللي دعيتووو لي
غزلان والله خانني التعبييير يالبيه ياليتك اختي ماشاءالله عليك
رااسي صصصصدع دايماا ابكي لمماا يصدع راسي : (

 

[دوووووووووووبا]

الله يفرجها عليج ياقلبي

 

[حلمي سرآب]

وربي يابنات اهم الحين موجودين تخيلو يتركون بيوتهم وأزواجهم ويجون ينامون
بس عشان يضيقون علي
حسبي الله ونعم الوكيل

 

[_كلي دلع_]

ليييش ..؟؟ يغآرؤن على شنؤؤ ..؟؟

ؤالله يهديهم يـآرب .. آقري سورة البقره ..ؤآستغفري ؤآدعي .. ؤصلي الثلث من الليل .. ؤالله يفرجهآآ عليج ..’’

 

[حلمي سرآب]

يغاارون مني لأني أحسن منهم بأشياء كثيره ماشاءالله
بس من ناحية اني مرتاحه نفسياً لا مو مرتااحه ابدااً

 

[SOKAR MALE7♥]

♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font][font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥[font=&quot] [/font]♥
[font=&quot]لا اله الا انت سبحانك اني كنتي من الظالمين [/font]
[font=&quot]ياحي ياقيوم برحمتك استغيث اصلح شأني كله ولا تكلني الى نفسي طرفه عين [/font]
[font=&quot] [/font]
[font=&quot]رددي وشوفي العجايب من راحه البال [/font][font=&quot][/font]
[font=&quot]دمتي بود..[/font] ♥[font=&quot][/font]

 

[Vdieta]

دامج تتحسبين فيهم كل يووم مع الايام شوي ربج شيسوي فيهمـ

 

[* شوية أمل *]

الله يكون بعونج حبيبتي ,,

عليج بالبقره تفرج الهم

والصيام في هذه الأيمم ,,

 

[هب العطر]

اهم شيء تقوين شخصيتج



ترا الضعيف بها الدنيا ينوكل , لا تقولين ماما و لا بابا , ما عاد فيه ماما و بابا بهالزمن ! الا من رحم ربي


صيري قويه ,,,



و خواتج حطي لهم خط احمر , و انشغلي عنهم بدراستج او شغلج او سوي لج بزنس

ان شاء الله طباعه بحوث و عمل بروشورات و مطويات , و اكسبي فلوس

ان شاء الله تطبخين و تسوين بوفيهات و تكسبين فلوس


و اذا خلصتي شغل , دشي غرفتج و شغلي فيديو رياضه و العبي و ناقزي

و اذا خلصتي لعب و مناقز روحي تسبحي و بعدين عبي البانيو ماي و قطي فيه اعشاب و عطور و سوي استرخاء


و اذا طلعتي من الحمام , ,, آخر شيء ايي وقت الراحه , فتحي مصحفج و اقري فيه


و اي احد يسألج , قولي بس اكمل قرآن انزل وياكم , و تاليها حقريهم , و لازمي مصحفج لين اييج النوم


اي شيء تسمعينه , دخلي من الاذن و طلعي من الاذن الثانيه ,, و طااااااااااااف , و الله صج .


انشغلي عنهم , انشغلي , تخلصين من شيء , تبدين بشيء ثاني , حطي لج برنامج


اشتري لج عدة رسم و ارسمي لوحات , و لا تخلينهم يشوفونها خخخخخ و اذا شافوها ( و اكيد راح يعلقون و يعيبون ) , قولي لهم

" تصدقين اني مره نزلت صوره لوحتي بموقع فيه رسامات و فنانات تشكيليات و انعجبوا بموهبتي و قالولي لكل موهوب اعداء

و محبطين , وااي يا حلو نصايحهم "


اشتري عدة خياطه و جوخ و خرز و صممي اطقم و توزيعات للمواليد و تيجان و فيونكات للبنات و بيعي على الحريم

و خواتج لا تعطينهم , ( بيعيهم بفلوس ! ) و الله صج , و خل يقولون اللي يقولونه

و الحجة ( انا شريكه لوحده معاي بالمدرسه او بالدوام .. و هذي الاسعار اللي متفقين عليها )

بس اقول لكم : خلاص حرام حرام , عشان بنتج فلانه , واي كسرت خاطري , أعطيها ابلاش




و حتى لو منيه مناك غصبوج تقعدين معاهم بنفس القعده , خلي الفون يمج

و كل شوي قومي نقزي على بو انه عندج مكالمه مع رفيجتج

و اذا كررتي هالحركه , قعدي وياهم و سوي روحج سرحانه , و خليهم يقطون كلام ليما يشبعون و آخر شي قولي

Sorry حبيبتي ما كنت وياج , شنو كنتي تقولين ؟؟


و الله الله بالعنايه الشخصيه ,,, الريجيم و الرياضه و العنايه ,

و شعرج دوووم مستشور و يلمع

و اظافرج مصبغين , مو مشكله تحملي بكل صلاة تشيلين الصبغ , بس اهم شيء جدامهم انتي لوزه و تهبلين .



و امج اذا هي صافطه وياهم و تفضلهم عليج , صكي باب محبتها , و يبقى الدم و الواجب و المسؤوليه ,, يعني اشلون ؟ خليني افهمج


يعني حطي في بالج ( هذي الانسانه ما راح ايي منها حب ,, خلاص بكيفها لأن ماكو شيء غصب )


امي احبها و احترمها و اقدرها و احطها على راسي , لكن اتوقع منها حب ؟ اطلاقا


اكيد هذي امج ما تكرهينها و لا تحقدين عليها , لكن لا تتوقعين منها ( حب ) عشان ما تتعبين نفسيا

لا تتنظرين تبوسج , و لا تتنظرين تلمج

و غداج و عشاج , بالطقاق , عساهم ما سألوا ,, عادي يبا , تدرين ليش : عشان انتي مسويه ريجيم و بتصيرين رشيقه كمان و كمان

صح ؟

صكي بابها , و خلاص . الحب بيي لج لما تكونين قويه , لأن محد يحب الانسان الضعيف , قاعده عامه .


الحب بيي لج من زوجج و عيالج ان شاء الله , دام اسرتج ما فيها خير


تعاملي مع والدينج ببر ( لوجه الله ) فقط لا غير .


و خواتج الافلام هذيلي , سوي اللي قلت لج عليه ,و خليهم يحسون انهم حشرات , و ان كلامهم ما يهمج


و كلما يزيدون كيد , زيدي ( جمال + فلوس + اناقه ) , و صيري شخصيه مهمه .

و اياني و اياج تقولين لهم ( كلامكم ما يهمني , انا مو معبرتكم ) لأن هذا معناته العكس

احقريهم , و مثلي انج البنت اللي تسوي روحها مركزه معاهم و مخج مع شيء ثاني اهم من خرابيطهم


دايما صيري مشغوله , دايما صيري وراج شغل و تجاره , او عنايه شخصيه , او صالون , او رياضه

خليهم يدورونج دواره

و اي شيء او ملامه منهم , خلي هالرد على لسانج ( وي يا حبيييييييبتي يا حياااااااتي ياعمري انتي , و الله كنت مشغوله


وااااي لاعت جبدي , تكسرت عظامي من الرياضه , و آخر شيء تفاجأت ان الخلطه الفلانيه متكتله و ما ضبطت مقاديرها ,


عاد بسرعه بسرعه سويت حمام استرخاء , يالله فجت عظامي شويه ,, آمري تدللي ,, شنو تبين ؟ )


و اهم شيء انج ما تلينين و ترجعين ضعيفه مثل قبل


تعاملج راقي و باحترام , بس انتي قويه , التبجبج و التنوح عمره ما يفيد احد



و ابوج هذا ضبطيه تضبط


اقعدي وياه , سولفي وياه , ضحكي وياه , قهوته و الشاي , دايما عليج انتي

و البخور خليه يعط بالبيت

و على لسانج ( حاضر يبا ) ( ان شاء الله يبا )


اي شيء تعالي اسأليه و اخذي شوره , حتى لو شيء بايخ , و طيعي اللي يقول لج عليه




اقول لج كلامي هذا من تجربه , و اسأل مجرب و لا تسأل طبيب


و بالتوفيق .