ديوانيه الهبه.. بيتنا العووود ..حياكم

[<miss botamba>]

اليوم رحت الافينيو

والله السوق يهبل

الي تقول السوق مافيه شي ماعندها سالفه

طبعا مادرت كل مكان لان كنت رايحه علشان امي بتتسوق حق السفر تبي بلوزات وساع و جم كارديغان و الحمدالله لقت و خلصنا

عادي دخلنا سبلاش + ايفانز + نيو لووك + ماماز اند باباز + محل حوامل لزيج سبلاش


سبلاش قسم القياسات الكبيره صاير يهبل والله جد شريت جم قطعه و لي رجعه لان لقيت جم نفنوف خام توييد يصلحون حق الشتا

وامي خذ كارديغانز حلوين بعد الي ايي كارديغان و الغوله جنها شال عرفتوهم

وفي منهم الوان ( اووف وايت - بيج - اسود - بني - عنابي ) و جنه رمادي وكحلي و بنفسجي فاتح

ويايبين capes لقيت اسود و بيج وانا خذيت اسود











وخذيت هالسويتير مع ليقينز



وهالتوب مع قميص او جاكيت جينز




نفانيف الماكسي بعد ملوت القياسات الكبيره حلوين


ايفانز عندهم جم بلوزه حلوين و في جم نفنوف بعد حلوين

نيولووك عنده شغلات تصلح للعيد سوالف ميتاليك و شك


ماماز اند باباز لقيت عندهم نفنوف قصير حلو بس ماخذيته وهم في بلوزه اعجبتني صوف بس ناعمه و خفيفه مقلمه اسود و كحلي و الجتوف مشكوكين واايد حلوه بس حسافه قياسهم صغير

يعني انا البس 18 فصاير ال 18 جنه 12

فالي ضعيفونه تمر تشوفها

وبس

 

[دآيم آلحب]

بنات شنو هبات الصبغات الحين !!!

انا صبغتي انزلت وابي اصبغ باجر ومب عارفه اي لون

 

[<miss botamba>]

بنات شنو هبات الصبغات الحين !!!

انا صبغتي انزلت وابي اصبغ باجر ومب عارفه اي لون

شوفي اهيا قاعده

الصيف الناس تميل للفواتح مع هاي لايت و لو لايت

والشتا غامج او لون فاتح بس بحدود البنيات و الكستنائي مو افتح


بس اذا صبغج زين سوي رينزاج

 

[دآيم آلحب]

شوفي اهيا قاعده

الصيف الناس تميل للفواتح مع هاي لايت و لو لايت

والشتا غامج او لون فاتح بس بحدود البنيات و الكستنائي مو افتح


بس اذا صبغج زين سوي رينزاج

ايه ادري وانا اساسا كنت مقرره بس اصبغ الجذور
تالي قلت ليش ما اصبغه كله
معنه لون شعري بني على عسلي

 

[دآيم آلحب]

دايم الحب.. حبتك العافيه.. سوالي كان ايش اكتر مكان تحبين تشتري منه مكيب واغراضك من قطر

مكياجي انا اخذ الكريم الاساس من ديور مع البودره والشدوات والارواج اخذهم من K STAR لما تجي المعرض لبنانيه :eh_s(17):

وبعد اذا رحت الحسا اخذ من هناك مكياج شدوات ارواج وعندهم بودره بالاسنفجه تحطين فيها ماي فضيعه فضيعه ماتحتاج كومباكت باودر ورخيصه :rerrerek::rerrerek:

وبعد في متجر حميد عند سوق فالح عندهم ارواج اتهبل ومحددات مثل محل الهنود اللي اهني

وملابسي من فيلاجيو اغلب شي اتش اند ام وبعد سبلاش قاموا ينزلون اشياء حلوه

واذا عجبني شي من النت اروح وغالي يعني مايسوى سعره رحت سوق الديره خذت لي خام وفصلت عليه

 

[دآيم آلحب]

اليوم رحت الافينيو

والله السوق يهبل

الي تقول السوق مافيه شي ماعندها سالفه

طبعا مادرت كل مكان لان كنت رايحه علشان امي بتتسوق حق السفر تبي بلوزات وساع و جم كارديغان و الحمدالله لقت و خلصنا

عادي دخلنا سبلاش + ايفانز + نيو لووك + ماماز اند باباز + محل حوامل لزيج سبلاش


سبلاش قسم القياسات الكبيره صاير يهبل والله جد شريت جم قطعه و لي رجعه لان لقيت جم نفنوف خام توييد يصلحون حق الشتا

وامي خذ كارديغانز حلوين بعد الي ايي كارديغان و الغوله جنها شال عرفتوهم

وفي منهم الوان ( اووف وايت - بيج - اسود - بني - عنابي ) و جنه رمادي وكحلي و بنفسجي فاتح

ويايبين capes لقيت اسود و بيج وانا خذيت اسود











وخذيت هالسويتير مع ليقينز



وهالتوب مع قميص او جاكيت جينز




نفانيف الماكسي بعد ملوت القياسات الكبيره حلوين


ايفانز عندهم جم بلوزه حلوين و في جم نفنوف بعد حلوين

نيولووك عنده شغلات تصلح للعيد سوالف ميتاليك و شك


ماماز اند باباز لقيت عندهم نفنوف قصير حلو بس ماخذيته وهم في بلوزه اعجبتني صوف بس ناعمه و خفيفه مقلمه اسود و كحلي و الجتوف مشكوكين واايد حلوه بس حسافه قياسهم صغير

يعني انا البس 18 فصاير ال 18 جنه 12

فالي ضعيفونه تمر تشوفها

وبس

توني انتبه على المشاركه

بغيت اسالج اول واحد من سبلاش ؟؟؟؟ غريبه منزلين اشياء مثل جذي :eh_s(10):

وااااايد حلوين الاغراض ملبوس الهنا:eh_s(22):

 

[<miss botamba>]

توني انتبه على المشاركه

بغيت اسالج اول واحد من سبلاش ؟؟؟؟ غريبه منزلين اشياء مثل جذي :eh_s(10):

وااااايد حلوين الاغراض ملبوس الهنا:eh_s(22):

اي كلهم من سبلاش قسم القياسات الكبيره

وميرسي :eh_s(17):

 

[زبــــــــدة]

بوتمبااا

وااايد حلووووو عليج بلعافيه ..اينن عاللبس ....

والسوق انا عجبني وصج اللي تقول مو حلو ماعندها سالفه خخخخ

 

[فرس بيضا]

بناات ماا عبرتوني 
شنو البس تحت بلوزه لونها صدفي و فيها لمعه فضيه
يصيير تاايقر
واذا بحط حزام اي لون يلووق .. البلوزه تهبل من زارا وتوهقت فيها

 

[فرس بيضا]

صج صج يهبل الافنيوز بس يهد الحيييل و يبييله روآآآن ع الآآخرررر

 

[زبــــــــدة]

فرس بيضا

لا شلون تايقر مع سلفر وصدفي !!! مو حلووو

لبسي معاها اي لون لايق بس اهيا شلون موديلها عشان نقولج ؟ شنو يلوق معاها او لا

 

[فرس بيضا]

زبده حياتي اهي جايه مفتوحه من جدام تقريبا نفس الكارديغان بس من جدام اطول من اللي ورا و الجم ثلاترباع ولونها حلوو الصدفي اللي فيه لمعه ع فضي البنطلون ابيه جبكلوت اسود بس البلووزه اي لون والحزام اذا بحط اي لوون

 

[فرس بيضا]

زبده هالبلوزه عليه مخامط ذاك اليوم ب زارا
قلت خلني اخمطلي وحده بعد 

 

[LuLiTa]

صباح الخير


و اخيرا عدلت نومتي ...

 

[<miss botamba>]

بوتمبااا

وااايد حلووووو عليج بلعافيه ..اينن عاللبس ....

والسوق انا عجبني وصج اللي تقول مو حلو ماعندها سالفه خخخخ

عيونج الحلوه :eh_s(22):


....


لوليتا


صباح النووور

انا عيل مانمت

بنام بعد شوي وبرد اقعد بعد 3 ساعات

لوول بروح الجمعيه و ارجع البيت واكمل النومه

 

[Miss Golden]

بوتمبه..

عليج بالعافيه وااايد حلو عاللبس







بنات انا بدوامي اليديد اول اسبوع ..

فيني نوم لاني نمت متأخر و مو متعوده عقب قعدة بالبيت 3 سنين :/

واااي ان شاءالله أصحصح خل اشرب لي جاي ولا كوفي و أسير عليكم

 

[Pissy Missy]

هههه عاد لوكي الخميس الي طاف هاوندز توث





وحطيت معاه احمريكا

coooool :rerrerek:

انا من كثر ما احب هل نقشه خليت امي تاخذ الصوفا مالت معيشتنا نفسه :ggdw:

 

[Miss Golden]

^
^

هالنقشه عندي منها جنطه بس شتويه
و سكارف
و ساعه شريتها من Aldo بس عشان اطقم ويا الجنطه

 

[LuLiTa]

قطوة - سالم الروح

الله يبارك فييييكم


لوليتا

مو اسبوع يعني ؟؟؟ البنات بتجمع الفحص يقولون اسبوع على ماتطلع ..

انا كلمتج بخصوص الفحص قبل الزواج ؟ امبيه حدي فاقدة ... صايرة نساية من المحروسة :eh_s(22):... اي النتيجة تطلع خلال يوم .. يعني تفحصين اليوم و باجر اتكون النتيجة طالعة ...و هـ الحجي بـ الحكومة و الخاص ... ماكو فرق ...

بنات اليوم صار معاي شي عمري ماتخيلت يصير معاي انا واهلي خوفني موت
اليوم كنا راكبين انا واختي ولد خالتي عمره 12 سنه مع سايق اخذت رقمه من المنتدى صارلي سنه معاه
اطلبه اذا رايحه لمكان اول مره لاني توني سايقه وخوافه
هالغبي دش بسيارة قدامه بس مو ذاك الحادث الحمدلله مليون مره
ولد خالتي ياه راسه بالجام الامامي ورغم ان الجرح الخفيف بس نزف دم غرق دشداشته
واختي نشقت لثتها من تحت وخيطوه والله لايوريكم الوضع
انا والحمدلله والسايق بعد ما صابنا شي
هالحشي من 4 ساعات يينا من المستشفى
الموقف فضيع بنات الي يشوف غير الي يسمع
راح تقولون ليش يايا تقولنا
لاتي صرت اعرفكم من الدوانية وياما ساعدتوني
خاصة بوتمبه
عشان جذي بسالكم
انا سامحت السايق رغم ان قلطه وكان مسرع ليما زهق من الزحمه
واهو اتصل من نص ساعه بس يسالنا شلونكم تخيلوا
قتلها بخير وقال بييب اغراضنا بكره
ياترى يابنات انا قلطانه المفروض احاسبه
لو كنتم مكاني بامانه شكنتم سويتوا
تسامحونا ؟

الحمدلله على سلامتكم ... و بـ الحديد و لا فيكم ... و اللي صار قضاء و قدر ... و انتي حاسبيه و اعتبريها دفعة بلا عشان طلعتو من هـ السالفة بـ السلامة ...

 

[LuLiTa]

انا ماقصدت الفلوس بوتمبه
المحقق الي بالمستشفى قالي تقدرين تحاسبينا لان هذا كل يوم يوصل ناس لازم يكون اهل بهالشي

و اذا حاسبتيه شـ راح تكسبين ؟ دام انه الحمدلله ما صار فيكم شي ..فـ ماله داعي اتحاسبونه ... قدر الله و ما شاء فعل ..

لوليتا
صباح النووور
انا عيل مانمت
بنام بعد شوي وبرد اقعد بعد 3 ساعات
لوول بروح الجمعيه و ارجع البيت واكمل النومه

لوووول هذا و احنا ما دشينا الشتا و بدا مرض النوم




عندي عيد ميلاد رفيجتي باجر و مسوية حفلة تنكرية .... و انا لا شارية شي و لا متزهبة ...لانه اول ما قالت لي كنت توني طالعة من العملية فـ ما هقيت اني بروح ....بس الحين عقب ما صحصحت من العملية استوعبت الموضوع !


عاد انا لا مزهبة لبس و لا حتى شارية هدية لها ! و ميزانيتي هـ الشهر حدي عافستها ...فـ تهزأت عـ الخفيف عشان سوء ادارتي :eh_s(22):