تجمع امهات الصف الرابع ابتدائي 2011/2012

[الطير الاسير]

انا بنت اخوي برابعه ومدخلتها معهد عشان يدرسونها عربي وانجليزي ورياضيات والله البنات وايد شاطرين 99746231- 66502597

 

[JANAA]

وانا بعد بشارك وياكم وسجلت بالمنتدا عشان تجمعكم

عندي ولدي برابعه بس مستواه ضعيف وخصوصاً بالعربي

معني ما خليته مدرسين ومعاهد بس هو من النوع اللي بسرعه ينسى المعلومه

وما أدري شسوي معاه

هلا والله حياكي الله معنا بالتجمع ولا تحاتي كلنا خواتك ومعنا حبيبتنا الغاليه ام عبود ماراح اتقصر معاكي ان شاء الله

شوفي يا قلبي لازم تخليه يقرا كتير مثلا اشتري له قصص من المكتبه يكون فيها التشكيل وخليه يقرا راجعي معاه الحروف بالمدود والحركات وال الشمسيه والقمريه وهمزة القطع والوصل معلش اتعبي شوي اي شي مجلة جريده وشوي شوي ان شاء الله راح يقرا بس طولي بالك واذا احتجتي اي شي نحن هنا نعاون بعضنا وربي ينجح عيالنا واعيالكم

 

[JANAA]

بنات نصيحه حلوه لكم جميعا يا امهات

طبعا كلنا حاسين انو المنهج دسم كتير ومليان طبعا اغلبنا موظفات وعندنا مسؤوليات فنصيحة يا خواتي بالله لا تنقلون خوفكم وتوتركم حق اعيالكم دايما حسيسوهم ان سهل وهين ومافيه شي وانت شاطر وذكي بس ركز اشوي معاي لأن لو حسستيه انه صعب ويبي شغل وايد خلاص راح اتضل الفكره براسه وتضلها معاه طول السنه فديروا بالكم انا هيك امسويه مع ابني اعطيتيه من اول ان المنهج اسهل منه مافي نفس شرب الماي بس بدوا تركيز وحفظ اشوي والحمد لله سالك معاي​

 

[Um Hasan]

يعطيج العافيه ام حسن شرحج يهبلوسهل

بس عندي ملاحظه بعد اذنج

حبوب اللقاح تنتقل من السداة عن طريق الرياح او الحشرات وتصل الي ميسم الزهرة ثم المبيض وتتم عملية التلقيح باتحاد حبوب اللقاح مع البويضه .

العضو المذكر هو السداة وليس المبيض

بس حبيت انبهكم على هالغلطه

مشكووورة حبيبتي على التصحيح

والله يوفق عيالنا يارب :yaaaaaarb:

 

[أم عبووووود]

وانا بعد بشارك وياكم وسجلت بالمنتدا عشان تجمعكم

عندي ولدي برابعه بس مستواه ضعيف وخصوصاً بالعربي

معني ما خليته مدرسين ومعاهد بس هو من النوع اللي بسرعه ينسى المعلومه

وما أدري شسوي معاه

حياج الله ياقلبي

تفيدين وتستفيدين ان شالله

وربي يوفق وليدج ان شالله

 

[أم عبووووود]

حبيبتي ام حسن العفو ياقلبي

وان شالله نشوفهم من المتفوقين ولايضيع تعبنا ولا تعبهم

 

[blue rain]

بنات نصيحه حلوه لكم جميعا يا امهات​

طبعا كلنا حاسين انو المنهج دسم كتير ومليان طبعا اغلبنا موظفات وعندنا مسؤوليات فنصيحة يا خواتي بالله لا تنقلون خوفكم وتوتركم حق اعيالكم دايما حسيسوهم ان سهل وهين ومافيه شي وانت شاطر وذكي بس ركز اشوي معاي لأن لو حسستيه انه صعب ويبي شغل وايد خلاص راح اتضل الفكره براسه وتضلها معاه طول السنه فديروا بالكم انا هيك امسويه مع ابني اعطيتيه من اول ان المنهج اسهل منه مافي نفس شرب الماي بس بدوا تركيز وحفظ اشوي والحمد لله سالك معاي



​

ماشاء الله عليج خووووووووووووووش نصيحه وفعلا هالشي هذا انا حيل احرص عليه مع عيالي
اني ما اخوفهم واحسسهم ان في شي صعب
وعسى الله يفرجها علينا يارب

 

[نجاة80]

ام عبوووود قلبي ... وين راح تجمع سابع ..

بسم الله امس شايفته اليوم موموجود معقوله انحذف؟

انحولت وانا ادور

 

[أم عبووووود]

هلا نجاة حبيبتي

لا موجود الحين ارفعه لج ولا يهمج

 

[حناينq8]

يعطيكم العافيه حبيباتي
هالسنه بنتي برابع
وضعيفه وااااايد بالعربي لانها تاسيس انجلش اكادمي

والمشكله الاكبر - انجليزي الحكومه مو قادره تستوعبه

دخلتها القاعده الشاميه وانشالله تييب نتيجه

 

[mbmkf]

انا بعد معاكم عندي ولدي برابع الله يوفق الجميع

 

[عيوني انت كحلها]

هلا والله حياكي الله معنا بالتجمع ولا تحاتي كلنا خواتك ومعنا حبيبتنا الغاليه ام عبود ماراح اتقصر معاكي ان شاء الله

شوفي يا قلبي لازم تخليه يقرا كتير مثلا اشتري له قصص من المكتبه يكون فيها التشكيل وخليه يقرا راجعي معاه الحروف بالمدود والحركات وال الشمسيه والقمريه وهمزة القطع والوصل معلش اتعبي شوي اي شي مجلة جريده وشوي شوي ان شاء الله راح يقرا بس طولي بالك واذا احتجتي اي شي نحن هنا نعاون بعضنا وربي ينجح عيالنا واعيالكم

تسلمين حبيبتي

هو الاكيد بتعب معاه .. بس مشكلتي ذاكرته والله يعيني ويعينه

 

[عيوني انت كحلها]

حياج الله ياقلبي

تفيدين وتستفيدين ان شالله

وربي يوفق وليدج ان شالله

تسلمين حبيبتي

أن شاء الله .. وربي يوفق الكل

 

[أم عبووووود]

يعطيكم العافيه حبيباتي
هالسنه بنتي برابع
وضعيفه وااااايد بالعربي لانها تاسيس انجلش اكادمي

والمشكله الاكبر - انجليزي الحكومه مو قادره تستوعبه

دخلتها القاعده الشاميه وانشالله تييب نتيجه

الله يعافيج ياقلبي

ان شالله تتقوى بالاعربي شوي شوي بس يبي لها تاسيس

ليش مو قادرة تستوعب انجليزي الحكومه ؟ مافي تغيير عن الخاص كلمات واسئلو وقواعد

اتوقع هي فارق معاها اسلوب التدريس وان سالله ربي يوفقها وتشوفينها من المتفوقين يارب

 

[أم عبووووود]

انا بعد معاكم عندي ولدي برابع الله يوفق الجميع

حياج الله حبيبتي معانا

تفيدين وتستفيدين ان شالله

 

[مقمش لولو]

انا معاكم حبيبات قلبي

بنتى برابعه وخيتها نصيحه من اخوى اهو موجه يقول خلال وقت التدريس الياهل مايقدر يقعد على بعضه اكثر من عشر دقايق فكل شوي وانا ادرسها لازم اسوي فصله
اخليها تحوس شوي والا نقعد نضحك او نسولف او اطرشها مني مني علشان ماتتملل وتقفل

اللى ملوع جبدى الرياضيات لان فيه لف ودوران بطرق ايجاد الحل وعندى بعض الامتحانات شفت طريقة طرح السؤال مونفس العام السؤال مباشر لا

العلوم واااى طبعا قارنته بكتاب العام لقيت ان حاذفين اربع مواضيع بتعارفيها يعنى مخففين بس يضل صعب
يعنى لو نقول كل درس عليه اكثر من خمس اسئله وبنفس الوقت حفظ المصطلحات اخر السنه راح يكون عندنا مجلد

العربي طبعا طفره من ثالثه الى رابعه الكلمات وايد صعبه الضد ..الخ
الىالحين ماخذين التالى
اسلوب الامر
اسلوب النهى
اسلوب النفي
اسلوب التعجب
التنوين
المد
المراد
الضد
همزة القطع
همزة الوصل
واو الجماعة
طبعا هذا اللى اذكره

هذا غير الاجتماعيات والدين والانجلش الانجلش القواعد اللى كنا ناخذها بالثنويه

الله يعين عيالنا كل هذا علشان يحلون مشاكل النسب ومايدخلونهم الجامعه بيحلون مشاكل عدم توفر المقاعد على عيالنا
من الحين

 

[floreda]

صباح الخير ياامهات انا بعد ولدي برابعه وبصراحه ماني قادره الحق على التدريس لان الواجبات ماخذه كل وقتي وانا ولدي مييييييح بالانجلش تاسيسه ضعيف وماني عارفه شسوي اللي تعرف مدرس يجي البيت اكون ممنونه لها لاني حيل احاتيه بالانجلش. وسلامتكم وربي توفق عيالنا جميعا

 

[أم عبووووود]

مقمش لولو

ربي يسهل ان شالله ويوفق عيالنا

انا عندي ولدي الله يحفظه عادي وانا ادرسه ينسدح ولا يقوم يتكوكس ولا مادري شيسوي وطبعا مليون مرة يعطشون ولا تكرمون يبون الحمام بس المهم يقومون من الدراسه

الله يعينهم والله يهال والمناهج دسمه وااايد عليهم

 

[أم عبووووود]

صباح الخير ياامهات انا بعد ولدي برابعه وبصراحه ماني قادره الحق على التدريس لان الواجبات ماخذه كل وقتي وانا ولدي مييييييح بالانجلش تاسيسه ضعيف وماني عارفه شسوي اللي تعرف مدرس يجي البيت اكون ممنونه لها لاني حيل احاتيه بالانجلش. وسلامتكم وربي توفق عيالنا جميعا

صباح النور حبيبتي
الله يعينج ان شالله شوفي الموضوع المثبت فيه المدرسين الخصوصيين يمكن تحصلين اللي تبينه

ربي يوفق عيالي وعيالكم

 

[مقمش لولو]

بعد قلبي قلبهم والله زين منهم عيالنا يوم كنا كبرهم نلعب ونستانس
والحين اهم مكروفين بالدراسه والا اهم شكو بهالمواد الصعبه