هلا وغلا فيج حبيبتي
شفت مشاركتج وماحبيت اطنش وانا محروق قلبي على ضياع بنتي والسبب الاشتراكات بالانشطه المدرسيه
بنتي على كلام المدرسات مبدعه وشاطره وماشاء الله عليها بالابتدائي وبالمتوسطه الى السنه اللي طافت كانت في ثامن وقامت تحن باشترك بالمرشدات ما ادري اسسمها الزهرات المهم اشتركت وبعدها باشترك بالتمرينات ولا ياخذونا من الحصص والتدريب بالفرصه واللي يطوفنا يعيدونه المدرسات ومن هالكلام
خليتها تشترك والنتيجه سقوط اول شهر بالانجليزي وباقي الواد على الحفه والماده الزينه جايبتلي فيها زياده عن الحفه بدرجتين وموفاهمه شي ودخلتها تقوية الوزاره الكورس الثاني اللي من الساعه 4 الى الساعه 8 ونتايجها مثل الزفت واخر السنه علامتها بالانجليزي كانت بالشهاده 50 يعني اصلا كانت ساقطه وزادوها علامات الرافه او علامات الرحمه ..ولا المفروض هي دور ثاني ..
اهم شي المدرسه فازت بالمركز الاول على المنطقه بالتدريبات
والمركز الاول بكرة السله
والمركز الاول بالموسيقا
يعني كل انجاز للمدرسه بس بنتي موفاهمه شي
وخواتي لو تلاحظون وتدققون بالمناهج المطوره تلاحظون ان العلوم والرياضيات يتبعون للسنه اللي طافت بس بمعلومه جديده ...
والحين بنتي لان السنه اللي طافت اكثر شي برا الصف للتدريب والمسابقات موقادره تمشي بالرياضيات وكل شوي تسال المدرسه والمدرسه تقولها اصلا هذا كله ماخذينه العام بس طبعا هي مو فاهمته لان العام كل برا الصف ...
وامس بالذات بنتي اللي بالابتدائي جايبتلي ورقه علشان حفل العيد الوطني وتقولي ما ياخونا من الحصص ... ولما قريت الورقه لقيت كاتبين التدريب اولا بالمدرسه ومن ثم بقصر بيان يعني كل يوم تروح الصبح وتركب بالباص وتروح لقصر بيان تترقص وتجيني الظهر ونهاية الكور انتي ياوليت امر حوسي مع بنتج ودوريلها مدرسات ومعاهد ..
طبعا انا بكلامي ابد ما الوم المدرسات اللي ماتبي تشرح لبنت كانت مشتركه بالانشطه
المدرسه هذي اكيد اتعبت وحضرت حصه واشرحت الله يعطيها الصحه والعافيه
ولا هي ملزومه تعيد الشرح ... والله لو انا منها حتى لو تطلب الاداره مني ما اعيد ..
وترجتني اوافق بس بعد اللي شفته من تدهور حالت بنتي اللي بالمتوسطه كتبت غير موافقه وقلت لابوها يوقع وهو ماتكلم لانه شاف موافقته على بنته الكبيره واشتراكها بالمرشدات اشلون دهور تفوقها
لان انا مثلج اختي ماوافقت على اشتراكها بس ابوها قال خليها بسم الله عليها متفوقه ولا ينخاف عليها
والله العظيم يا اختي ان بنتي مو بس متفوقه كانت مبدعه بشهادة مدرساتها والكل متوقع لها مستقبل ..
والنتيجه الحين نجاح جواز بالانجليزي وباقي المواد على الحفه يعني نسسبتها بالستينات ..
هذي تجربتي مع الاشتراك بالانشطه المدرسيه وماكتبت تجربتي الا من حرقة قلبي ع بنتي ..
الله يوفق عيالي وعيالكم وعيال المسلمين جميعا اللهم امين ..
،
