تجمع امهات الصف الرابع ابتدائي 2011/2012

[الكادي والجوري]

حبيت اسالكم عن امتحانات الفاينل للفصل الاول راح يعطونهم كل الكتاب ولا يقسمونه لهم ؟

 

[الأميرة جوري]

بنتى من الاسبوع اللي طاف ابله العربي تعطيهم قطعه وعليها اساله والقطعه شطوولها قصه وبنتى تقول يمه انا اعرف القصص قصيره هذي دوخ وانا اخفف عنهااقول واااي شحلات القصه بالعكس تهبل والكلمات صعبه سرب <<يعني مجموعه وتسالني شنو معناتها اشلون بالامتحانات شبسوي منو بيشرح الكلمات الصعبه ...؟؟ وباجر عندها امتحان علوم .....بعرف التربيه الاسلاميه اشلون امتحانات ؟؟

 

[JANAA]

انا ابني مو تاركاه بلمره واحنا لحد هلأ ما استلمنا الكتب فبدات مع ابني من كتب ابن عمتو السنه الي فاتت والحمد لله ماشي كويس معاي بس برضو لسه خايفه من العلوم اكثر شي لأنو دسم كتير

 

[JANAA]

ياريت لو في مدرسات للصف الرابع معانا يفيدوني وجزاهم الله خير عن كيفية الدتريس والدراسه

 

[bedour18]

ولدي اسم الله عليه بمدرسة الشهداء بالرابع . ماطلبوا عليه اطلس!!!!! و لا عطوه مذكرة للعربي !!!!!

الله يستر مدارس الصبيان تدريسهم خوارة و بالاخير يتوهقون الطلبة بالامتحانات

 

[مبرقعة coool]

( الناس خيبتها السبت والحد وأنا خيبتي ما وردتش على حد )​

آآآآآآآآآآآآآآآآآآآه من ولدي طلع عيوني وعيون أبوه وكل ما ​

أجيب له مدرسة تنحاش من شطانته مع أنه ذكي حيل بس ​

يستعبط وذبحته الشطانه ... تكفون أدعوا له بالهداية ... ​

ويعطيني الصبر ... الله يحفظ عيالكم آآآآآمين .​

 

[أم عبووووود]

نصيحه نصيحه نصيحه مني كل شي درسوه عيالكم اول باول عشان لا يتاذون بعدين

رابعه ابتدائي دسمه بس جابلوا عيالكم انا بنتي العام برابع والله واااايد حفظ ومنهج دسم

هالسنه بديت مع ولدي من البداية

ربي يوفق عيالي وعيالكم يارب

 

[حورية بنت حواء]

مشكورة ام عبود على هالتجمع

انا حييييييييل خااايفة من العلوووم دسم وااااااااااااايد

واللي ادهى ان بنتي مالهاا خلق تدرس بس تحل الواجبات وتبي تروح تلعب :eh_s(16):

امس قلت خليني ادرس الولد علوممممممممممممممممممم


ههههههههههههههههه
وما ادراك ما العلوم
الجذور بس كليتها
جذور وتديو وجذور ليفية قعدتعليها جم ساعه

 

[حورية بنت حواء]

نصيحه نصيحه نصيحه مني كل شي درسوه عيالكم اول باول عشان لا يتاذون بعدين

رابعه ابتدائي دسمه بس جابلوا عيالكم انا بنتي العام برابع والله واااايد حفظ ومنهج دسم

هالسنه بديت مع ولدي من البداية

ربي يوفق عيالي وعيالكم يارب

صاجة

الرياضيات
كله رسم بياتني

اهوا الزائد والناقص ناسيه
لوووووووووووووول

والله قمت اراجعله بالزايد والناقص

 

[حبوبه]

هلا ام عبود ..
انا معاكم بالتجمع .. بنتي برابع هالسنه وضعيفه بالقراءه الله يعينا ان شاء الله ..

 

[أم عبووووود]

حياج الله حبوبة

ربي يوفق عيالي وعيالكم يارب

ان شالله نساعد بعض ونخطط حق تدريس عيالنا

 

[حبوبه]

ان شاء الله ..
بصراحه كنت المنقذه السنه اللي طافت الله يجزيج كل خير ..
هالسنه عندي اولى ورابعه وخامس ..

 

[الكادي والجوري]

ماجاوبتوا علي بنات شلون طريقة امتحانات الفاينل وكم امتحان يجيهم بالسنه كلها
وهل يقسمون الكتاب الى اجزاء ؟ والجزء اللي يمتحنونه خلاص مايعيدونه في الامتحان اللي بعده ؟
طمنوني الله يطمأن قلوبكم بنجاح عيالكم

وعندي سؤال محيرني اللي هو في الاجتماعيات الكويت ترتيبها الثالثه من حيث المساحه ؟
صحيحه هالمعلومه ولا يكون ترتيبها الرابع من حيث المساحه ؟*

 

[ma3boocha]

ما ادري عن طريقة الامتحانات ... بس بالكورس ٣ امتحانات .... الفتره الاولى و الثانيه و الثالثه .



ام عبووود ... انا جذي قاعده ادرسه كل يوم بيومه ... بس ما يقضبني نفسه مستعيل حسباله مثل ثالثه يحل واجبات و خلاص



و في شغله بالعلوم زياده هالكورس ... بالدرس بالكتاب الملون .. في مربع صغير مكتوب بالازرق الاستنتاجات ... نلزق ورقه صفره و يكتب فيها الطالب استنتاجاته مادري شنو فهم من الدرس ... المهم شي جذي .



و الابله شكلها تقيم على هالستيكرز .. لان اشوفها بأول درس مصلحه و كاتبه السادس




و نوافيكم بعد شوي بالواجبات البدعه ههههههههههه

 

[ma3boocha]

الحمد الله سلاماااات


واجبات سهله اليوم

 

[مــ_ــا مــ_ــي]

اشكرج ام عبودي على هالتجمع لاننا صج محتاجين له حييييييييييل ..

والامهات هني كلش ما تشجعون على التدريس كله تحلطم .. ومو نافعنا شي ان قلنا عيوب المدارس .. اهم شي خل نتناقش بالاسئله اللي مو عارفين نحلها لدروس عيالنا ..

ببدأمعاكم بالتربيه الاسلاميه وجان زين ام عبود تجيكين على اجاباتي اذا صح او فيها خطا

.. تقويم درس الكتب السماويه المنزله على الرسل الكرام عليهم الصلاة والسلام


أكمل ما يأتي
أ- ان كلام الله تعالى الى الناس اثبته في .......... كتبه السماويه ..... .
ب- حكم الايمان بان الله تعالى انزل كتبه على رسله عليهم السلام ..... فرض علينا .... .

اكتب الجدول التالي
ابراهيم عليه السلام موسى عليه السلام داوود عليه السلام عيسى عليه السلام محمد(ص)
صحف ابراهيم التوارة الزبور الانجيل القران الكريم



ضع علامة صح او خطا

أ- صح
ب- خطأ
ج- صح


اجب عما يلي

أ- ما حكم من ينكر كتابا من الكتب التي انزلها الله تعالى على رسله؟
يصبح كافرا

ب- ما جزاء الذي اعده الله تعالى للذي ينكر كتابا سماويا؟
نار جهنم
ج-علامه تشمل الكتب السماويه؟
على هداية الخالق للمخلوق.
د- بم تعلل حاجة الناس للكتب السماويه؟
لتنوير الناس بحقيقة وجوده التي جاء للحياة من اجلها .

 

[الأميرة جوري]

اليوم بنات خليت بنتى وصرت شديده معاها عطتها الابله قطعه عليها الاساله قلت اقريها وحليها بنفسج وانا اصحح الاخطاء ....لان مو عدله علي طول معاهم يتعودون ....والعلوم عن البذور بالازهار والمبيض وااي تسالنى ليش وشنو المبيض وليش ندرسها .....والانجليزي امهات اشلون الامتحانات تقول امتحنتنا الابله امتحان طويل بعضه رتبي الجمل ....المشكله مو عارفه المعنى ......وينج يام عبوووود نوريني او عطينا نبذه عن كل ماده ....؟؟

 

[مصندح]

السلام امهات رابعه العلوم دسم يبيله تحضير قبل يروح الطفل عند الابله لاتعتمدين علي المدرسه توصل المعلومه لانه كل طفل له مقدره استيعاب ناس من اول مره ناس من ثاني مره وناس تغثج

 

[كويتية222]

هلا خواتي اي استفسار سؤال باللغة العربية راسلوني خاااص لاني ما ادش التجمع وحاااضرين ​

 

[بنت البحرين]

مرحبا امهات انا معاكم بنتي البجر برابعه
والله يستر انا حيل خايفه

خبركم بجر فتجارب فيها بس انشاالله نتعاون مع بعض