تجمع مدرسة Gulf British Academy

[عاشقه غربه]

بناتات حلوين متى راح يبدي الدوام ؟؟؟انا ولدي بيروح ريسيبشن والثاني يير توو

 

[Hessa.Om-M7md]

ممم تأكدي من المدرسه أحسن دقي عليهم
آنا ولدي كي جي يداومون باذن الله يوم الأحد 11 سبتمبر

 

[BaLLoNa]

ام حموود حياتي انتي كفيتي ووفيتي مشكورة. بس بعرف اخذ له شورت كحلي بعد او لأ؟؟ وتكرمين جوتي اي لون ، في لون معين ولا عادي اي شي؟؟ واكل شنو اسوي له ماعرف ومطارة ماي اخذ له؟؟

 

[BaLLoNa]

ام حمووود اخذ له تيشيرت صيفي ولا شتوي؟؟ واخذ له بلوفر او لا؟؟ وزي رياضي شتوي ولا صيفي؟؟

 

[Hessa.Om-M7md]

حبيبتي تاخذين له صيفي أكيد و الشتوي تو الناس عليه
و بالنسبة للشورت الكحلي بدل البنطلون انا والله شفت بماركس أند سبنسر اشحلاتهم بس خفت أشتري و ما يرضون المدرسه فشريت بنطلونين اهم حق الصيف و حق الشتا بس ألبسه تحتهم أندروير
و بالنسبه للمطاره أكيد مهمه عاد اتصدقين اني ما شريت لولدي بعدي مطاره ما لقيت له على ميكي ماوس و هو كل شغله على ميكي
و الأكل ترى عادي سويله توست و جبن أو كرواسان الجاهز مع كب كيك أو جزر و عصير و ماي و بس الحمدلله اذا أكلهم

 

[Hessa.Om-M7md]

و نسيت صج بعد تكرمين الجوتي أسود

 

[AJWAN]

شلونكم ياحلوين
انا انشالله ولدي هالسنه يروح يير ون منو عياله معاي
بالنسبه حق اللبس توني دقيت عليهم قالولي مومتوفره المقاسات الصغيره مادري متى بييبون
مع ان المفروض يكون كل شي متوفر يعني اهيه مو مدرسه عاديه
بالنسبه حق اول يوم شلون يكون يعني يخلوني اقعد مع ولدي وشنو احسن صف حق يير ون علمين ترا انا تايها

 

[Hessa.Om-M7md]

أجوان انا بعد اتصلت فالولي ما وصلت اليونيفورمات بعد و قالولي خلي ولدج يداوم في أي تي شيرت أبيض عادي على ما يوصلون يمكن يوم الخميس أو الأسبوع الياي!
و ترى أحسن حق ولدج ما يشوفج, خليه و امشي خل يتعود يكون بروحه

 

[BaLLoNa]

تسلمين ام حمووود ماقصرتي

 

[naglaa]

اخوانى الاعزاء واخواتى ارجوا ان تفيدونى حيث انى جديدة فى الكويت ولا اعرف ماهى افضل مدارس الكويت للغات بشكل خاص؟ مع مراعات المصروفات السنوية ايضا حيث انى لا أستطيع أن أدفع أكثر من 1000 دينار كويتى للعام ومن جهة اخرى ايضا فقد تاكدت ان مدارس اللغات الهندية والباكيستانية غير معترف بها خصوصا لدينا فى مصر ارجوا الرد باسرع وقت ولكم جزيل الشكر وكثير الدعاء.

 

[AJWAN]

تسلمين حبيبتي ام حمود
بس انا ماقالتلي تي شيرت ابيض قالت يبلس لبس عادي
بس انا بقعد معاه اول يوم على الاقل الان شكلهم ماراح يطولون
حتى انا قالتلي احتمال يوم الخميس يوصل اللبس اصلا احلا يداوم بالبس المدرسه
انتي ولدج يير ون

 

[AJWAN]

اخت نجلا حياج الله فيج حبيبتي في بلدج الثاني لكويت
وبالنسبه حق ميزانيتج مستحيل تلقين مدرسه انجليزيه بهالسعر
واذا كنتي ماتبين مدرسه باكستانيه او هنديه عندج المدارس الاهليه سعرها رخيص بس مناهجها مثل مناهج الحكومه
وانا اتوقع ان احسن وحده القطوف بس اذا عندج ولد حده لي ثالثه ابتدائي ام اذا بنت تقدر تكمل لي الثانوي
وبالتوفيق حبيبتي

 

[BaLLoNa]

السلام عليكم ، ما بقا شي على المدارس مادري شفيني احاتي

 

[Hessa.Om-M7md]

أجوان آنا اليوم مريت آخذ ورقه الكشف الطبي و كلمتهم مره ثانيه قالولي المفروض هاليومين يوصلون بس ما ظنتي عادي يلبس أي لون آنا قالولي بنطلون كحلي و تي شيرت أبيض
عاد اتصدقين آنا أختي ولدها بالتكامل تقول حتى أهم ما وصلت يونيفورماتهم قايلين لها في تأخير على أغلب المدارس !
و لا حبيبتي انا ولدي كي جي

بالونه لا تحاتين بالعكس استانسي آمن حق الياهل يروح المدرسه من مجابل الخدم

 

[AJWAN]

حق شنو فحص طبي انا ماطلبو مني

 

[Hessa.Om-M7md]

حق الملف الصحي حق الطالب ، هذا الزامي بكل المدارس الخاص و الحكوميه من الروضه لي الثانويه و حق كل الطلبة ... تسوينه لمن يدخل الياهل الروضه و يظل معاه طول مراحلة الدراسيه و اذا نقلتيه من مدرسه لي مدرسه تاخذين الملف من المدرسه القديمه حق المدرسه اليديده
فيه الوضع الصحي للطالب و التطعيمات و الطول و الوزن و فحص النظر
عاد أنا أمس خذيت ورقة الطلب من المدرسه و رحت المستوصف فتحت له ملف و فحصه الدكتور و لازم أودي الملف المدرسه

أكيد سويتيه حق ولدج لمن دش الروضه

 

[الشهد كله]

للأسف ويعز علي إني أقول إن ال GBA أسوأ مدرسة مرت علي بحياتي :eh_s(14)::eh_s(14)::eh_s(14):

دخلت ولدي فيها وطلعته من سوء التدريس

بصراحة ماكو مستوى

بمعنى أصح يطلع الطفل منها كرتون مستواه ضعيف بالقراءة والكتابة

كل اللي أعرفهم طلعوا عيالهم منها :bbbiu::bbbiu::bbbiu:

فالحين كل سنة يسوون مسرحية وطق ورقص

أما مستوى تدريس مييييييييح

والدليل إن هالمدرسة صار لها سنين من فتحت بس للحين

التربية والتعليم الخاص مو راضين يفتحون لهم صفوف

السابع والثامن والتاسع

للحين حدهم صف سادس لأن ماكو مستوى

الله يعينكم​

 

[Hessa.Om-M7md]

ما عليه اختي بس من وين يايبه هالمعلومه ان التعليم الخاص مو راضين يفتحون لهم صف سابع و ثامن !

آنا الي سمعته يوم سجلت ولدي و سألت اذا راح يفتحون أو يكبرون المدرسه ردوا علي ان اهي مدرسه بس تأسيس حالها حال أي مدرسه خاصه للتاسيس بس و في وايد مثلها و بعدين المبنى ما يتحمل يفتحون صفوف زياده المبنى صغير يلائم بس روضه و ابتدائي
و ترى المنهج نفسه منهج كل المدارس البريطانيه ، عيال اخواني بالكويت انجلش سكول كانو يعطونهم نفس اللي ولدي ياخذه و يوم شافو الحفله مالت اليهال قالولي وايد احسن من اللي عندهم

عموماً ماكو مكان الكل يجمع عليه اكيد في ناس يمدحون و ناس يذمون حتى هارفارد تختلف الآراء عليها

 

[BaLLoNa]

انا اول مرة اشوف احد يذم بهلمدرسة !! الكل يمدحها !!
المهم ريلي لما راح عندهم قالوو بيفتحون صفوف للثانوية

 

[الشهد كله]

انا اول مرة اشوف احد يذم بهلمدرسة !! الكل يمدحها !!
المهم ريلي لما راح عندهم قالوو بيفتحون صفوف للثانوية

حبيبتي هذا الحجي صار لهم 5 سنين يقولونه كل سنة لكل ولي أمر يمر عليهم

بس مو حاصلهم !!!!!!!!!!!!!!!!!!!!!!​