تجمع مدرسة Gulf British Academy

[BaLLoNa]

اليوم دقيت عليهم شالت وحدة اتهبل وقالت لي لا تحاتين في تسجيل بشهر تسعة حق الكي جي ، يعني الحمدلله في امل ان ولدي يكون بهلمدرسة كنت وايد احاتي ان التسجيل طافني وولدي راح يكون بلحكومة لأني سجلته بحكومة وتحسفت وايد

 

[new woman]

ترا اهم وااااايد متعاونين

وان شاء الله ترتاحين من وجود ولدج بالمدرسة

 

[BaLLoNa]

اي والله نيووو فرق عن الحكومة ، لما رحت اسجل ولدي حسيت جني اطر منهم غصب يردون عليي ونفسية عاد انا صج ماحب جذي وماتحمل ، قلت بقلبي شلون بواصل وياهم وانا احب اسئل وايد عن ولدي والمدرسات يالله يردون عليج ، بس هلمدرسة من البداية ارتحت لها لما دشيت داخل شفت اليهال ذربين شحلاتهم ولابسين احمر جنه والادارة صج متعاونة ويعطونج حقج بلرد.
عاد الحين راح اغثكم بلاسئلة كيفكم ابتلشتو فيني

 

[new woman]

حياج الله هاذي الساعة المباركة تواجدج معانا

اتزيدينه نور


حتا انا لاحظت ان اليهال من الصبح لي الظهر وهم مرتبين ونظاف

بس لما يكون عندهم أرت أحذي صدرية نايلون وخليها عندهم علشان يلبسها وما يوصخ ملابسه

لأنهم يخلون اليهال يلونون علا راحتهم

 

[Hessa.Om-M7md]

بالونه عاد ان شاءاللع يحطون ولدج مع ولدي بالكي جي
انا ولدي لأنه كان بالحضانه عندهم pre KG red فيودونه مع كل اللي كانو معاه نفس الصف KG red بس ان شاءالله يكون في مجال ... شوفي بعد KG blue مدرستهم اتهبل مس سو اهي هنديه بس تتكلم انجليزي عدل جنها بريطانيه و كنت أشوفها حنووووووووووووووووووونه و تدلع اليهال ... أصلا كنت أفكر أكلم الاداره يودون ولدي عندها بس بعدين قلت لا أخليه مع ربعه اللي عارفهم

 

[new woman]

الله يوفقهم ويخليهم لكم عيالكم

نصيحة مني لكم خلوا تعاونكم كله مع مدرسة الصف أحسن

يعني ولدج بيغيب ولا مو فاهم شغله او انتي بالدراسة كلمي مدرسته لا اتروحين الأدارة

لأن الناظرة حنونة من اليهال صح بس تعاملها مع أولياء ألأمور ما تعجبني مره كنت بطلع ولدي من المدرسة ما رضت وكانت أتكلمي بأسلوب كلش ما عجبني طبعا أهي ما طلع الياهل ألا أذا عنده موعد طبيب أو أسنان وتبلغين الادارة قبلها علشان تسمح انج اطلعين ولدج من المدرسة ----- بصراحة اهو هذا شيء زبن حق مصلحة الياهل بس احنا مو متعلمين أحد يردنا بشيء

 

[BaLLoNa]

ام حمود يعني تنصحيني اقولهم يحطونه بكجي بلو؟؟؟ اي والله والي يعافيج قولي لي وين احطه واهم شي الي وياه بلصف يكونون عجال ترا طفارتي ولدي ينطق او يقول كلمة وصخة ،انتي بعد يبي ولدج مع ولدي ماعليه خليه يتعرف على ربع يدد وانفيد بعض انا وانتي اذا متوهقين.

نيو ناظرتهم شنوو اصلها؟؟

 

[new woman]

ناظرتهم انجليزية كانت ناظرة مدرسة التكامل قبل اللي بصباح السالم

 

[new woman]

اشوفكم علا خير باجر بأذن الله بسافر شهر

بروح نيويورك حياكم الله

 

[BaLLoNa]

الله وياج بلسلامة انشالله ديري بالج على عمرج. وهاف فان

 

["MisS'MoOn"]

بنتي كانت فيها ،، المدرسه حييييل راقيه بتعاملها مع الاطفال
وبنتي خذت لغه ومخارج الحروف بريتش ،، الكل يسال شنو مدرستها
استاف التعليم الانجلش اجانب والعربي عرب

 

[BaLLoNa]

وااي مس كلامج يطمن اشوة اني طحت على علمدرسة ، والله اهم شي عندي المعاملة العدلة ويا اليهال والاكسنت الانجليزي ،ليش طلعتي بنتج او خلصت قريد ٦؟؟؟ ووين موديتها

 

[Hessa.Om-M7md]

بالونه ششوفي مثل ما قلت لج مدرسة ( بلو ) حنونه و تدلع اليهال بس مادري مثل ما قلت لج أبي ولدي يظل مع ربعه و بعدين وايد ناس قالولي أخليه ب ( رد ) دام انه مدرسته اهي نفسها المسؤوله عن قسم الروضه كله

بس بصفه عامه ترى آنا شفت اان كل مدرسات الروضه زينين بس آنا هذى اللي اسمها ( سو ) مادري ارتحت لها

 

[BaLLoNa]

خلاص بتوكل على الله وبقول لهم بحطه بلبلوو ، عاد بلوو لونه المفضل على قولته لوول ،باجي المدرسات شنو جناسيهم ؟؟؟

 

[BaLLoNa]

قوة امهات تجمعنا في احد اهني ، عندي جم سؤال ؟؟؟

 

[BaLLoNa]

وينكم متوهقة انا

 

[Hessa.Om-M7md]

أهلين بالونه
آمري

 

[BaLLoNa]

ما يامر عليج عدوو ، ولدي بيروح كي جي ١ وااي ماعرف شنو اشتري له قرطاسية ، وملابس المدرسة شنو اخذه له صيفي ولا شتوي ؟؟ وجم واحد ؟؟ ولازم من المدرسة نفسها او من براا؟؟وجنطة اي حجم وجنطة الاكل اي نوع البلاستك ولا العادي حدي ماعرف شي ، وريلي بتايلند شنوو اقول له ايييب حق اليهال من اهناك ؟؟ لووولوو وايد اسئل

 

[Hessa.Om-M7md]

ويييي وين ردي ! كتبت لج رد قبل يومين مادري وين راح !!!
المهم
كنت بقول لج ان مثل ما كنت قايله من قبل ان ولدي نفس ولدح رايح كي جي 1 ان شاء الله
نصيحه لا تشترين قرطاسيه كلش نطري لي أول الكورس راح يعطونه ورقة فيها كل المتطلبات اللي يحتاجها عشان مو تروحين الحين و تردين تروحين أول الكورس و طبعاً كل أغراض الياهل تظل بالمدرسه لي آخر السنه فما تحتاجين جنطة ظهر الا اذا مثلا تبين تحطين فيها هدوم حق ولدج تخافين يوصخ نفسه
بس طبعاً جنطة الأكل مهمه لأن ماكو مقصف حق الكي جي و صج ترى الكاكاو والحلاو و الشبس ممنوع

و بالنسبه للملابس اخذي البنطرون من بره مو من المدرسه شوفي ماركس أند سبنسر خوش بنطلونات كحليه عندهم 2 كافي ، بس طبعاً التي شيرت لازم من المدرسه عشان عليه الشعار و همن 2 أو 3 كافي و ملابس الرياضه همن لازم من المدرسه واحد كافي لأنه كلاس السبورت يكون بس يوم واحد بالأسبوع

ان شاءالله يكون جوابي مفيد
و اذا تامرين بأي شي بعد احنا بالشوفه

 

[Hessa.Om-M7md]

و صج ترى ىنا يايبه حق ولدي جنطتين أكل وحده بلاستيك و وحده عادي
انا أحس البلاستيك أنظف بس أخاف ما يعرف يصكها عدل السحاب اسهل