تجمع طالبات رابعة ثانوي مسائي 2011-2012 حياكم

[كويتية تستاهل]

أم مشعل كان تقديرج جم بشهادة الدبلوم اذا انتي كان معدل الدبلوم عندج 80 يصير تاخذين تفرغ دراسي حق كلية التربية الاساسية تبع الهيئة العامة للتعليم التطبيقي والتدريب ويصير عندج شهادة البكالريوس

 

[ام مشعل المطيري]

كويتية يالغلا انا قطاع خاص وبالموت رضوا بعطوني اجازة تهقين يصير وين اروح

 

[ام مشعل المطيري]

ووووووينكم يابنات صيام مقبوووول وذنب مغفور الله يتقبل منا ووووووووو منكم

 

[(أم روان)]

قوووه بناات

عساكم بخير

انا بنظم لتجمعكم

انا متخرجه دبلوم تشغيل حاسوب واشتغل سكرتيره

بس مو طموحي حلمي اصير مدرسه رسم

واللي خلاني افكر اعيد رابعه ثانوي اني كنت اشتغل بقسم تعليم الكبار بمنطقه مبارك الكبير واوزع الشهايد بيدي

ماشاء الله النسب روووووعه بس هاااا نصيحه لحد يروح مدرسه طليطله

روحو صباح السالم درجاتها كلها مرتفعه ويساعدون

وطليطله كلها سقوووووط وماكو نسب

المهم التسجيل بيكون وري العيد

واي شي تبون انا حاضره

واللي تبي تدرس بثانويه صباح السالم تعلمني

 

[جلكسيه اس 3]

مبارك عليكم الشهر

ام مشعل ما تمدحين القطاع الخاص

انا بعد شهر تقريبا اخلص من الدوره. اللي ماخذتها
بس خايفه اسقط بالتطبيقي


ام روان حياج الله

مدام بتغيرين وتكملين معناته المعاش مو حلو صح ؟
كلامج خرعني
انا عندي طريقه اقدر اسجل من خلالها بصباح السالم
ما شاء الله حلو الوحده يكون عندها طموح
زين اتسوين

 

[(أم روان)]

هلا وغلا سكرتيره مستقبليه

شوفي المعاش زادوه صار زين ٦٥٠

بس طبعا المدرسه غير ٩٨٠

وبعد احنا وظيفتنا كرااااف وشغل علي طووول ماكو راحه

وفوق هذا مافيها ترقيات يعني لو تشتغلين ١٠٠ سنه انتي سكرتيره وبس

قلت دام مشتغله مشتغله وقاعده الصبح قاعده

خلني ادرس واحقق حلمي واصير مدرسه رسم

والرسم تري وناسه من ناحيه الكليه ولما تتخرجين الوظيفه مريحه والمعاش قوي

والكليه سهالات مافيها دراسه بس تقعدين ترسمين

فتانسبني بما اني متزوجه وعندي بيبي والثاني جاي بالطريج

 

[جلكسيه اس 3]

اي عدل كلامج
انا اول شيء قلت ودي اييب نسبه قويه ادخل الجامعه
بس بعدين غيرت رايي
قلت انجح هالسنه و بعدين ادخل دورات خاصه

انا اذا بالجامعه بقعد ادرس نفسي و لا اعيالي

يالله الله يوفقنا و الله يتمم عليج

 

[(أم روان)]

انا بدخل التطبيقي
الجامعه صعبه يبيلها مجابل

 

[جلكسيه اس 3]

اي والله عدل كلامج

شنو تخصصات التطبيقي ؟ و جم سنه دراسه

 

[ام مشعل المطيري]

طحت عليكم تسولفون من وراااي هههههه لا عليكم بالعافية والله القطاع الخاص حلو وانا تخصص مساعد معلم ومعاشي 650 المشكلة ماكو ترقيات الا بالحركات يعني مو نفس الحكومة مرتب لا تضبيطات لانها شركة خاصة ومعاش الشركة غير عن الهيكلة والدوام بعيد علي مو قريب من بيتي وانا ابي القرب صراحة وخاطري اكون جامعية وحتى الاجازات احسن واريح تولدين تاخذين شهرين معاش كامل الخاص لا يقصون منة واجازات بفلوس في اشياء شكثر مضايقتني وبنفس الوقت حبيت المكان والوظيفة بس ودي اطور من نفسي وانا ساكنة بالمنطقة الرابعة ورفيجتي كانت بصباح السالم تمدح المدرسة حيل اقدر احول عندكم اذا في مجال انا ابي النسبة ابي اكون جامعية

 

[جلكسيه اس 3]

امممم دوريلج طريقه اتسجلين فيها بالمدرسه اذا تقدرين اجري شقه بالمنطقه
ام مشعل انا رحت حضانه و سالتهم عن اذا عندهم وظايف قالو فيه بس يبون ابلات و قلت بقلبي انا وين والتدريس وين بالذمه اشلون بدرس اليهال عن شيء انا ماعرفه

يعني لو يحطوني سكرتيره اوكي بس اهمه ما يبون
و بعدين الحمدلله انا معاشي بينزل بعد 3 اشهور تقريبا ادعولي الله يسهل علي و ينزل بسرعه انا ودي جذي اشتغل مكان فيه يهال احب اليهال بس احس التدريس تعب مو نفس السكرتاريه كله قاعده و جدامج الكمبيوتر

 

[(أم روان)]

حياج ام مشعل

شوفي المشكله انج مو نفس المحافظه اذا تقدرين تجيبين عقد ايجار في محافظه مبارك الكبير زين علي زين

واذا ماقدرتي

تعالي منطقه مبارك الكبير قسم تعليم الكبار عند الاستاذ ناصر المطيري (ابو عبد الله)

واهو رجال سنع وماراح يقصر معاج اذا يقدر انا كنت اشتغل عنده قبل لا احول مدرسه

روحي انتي والاحسن خلي زوجج او اخوج يروح له لانه مطوع ومايحب يحتك بالحريم<<<<< الله يخليه لامرته

واهو ولد عمج وبيساعدج ان شاء الله

*

 

[كلي ذوق وسنع]

ان شاء اللة يا بنات راح اعيد رابعه ثانوى ادبى مسائى وانا تبع محافظة مبارك الكبير منطقة صباح السالم وزوجى سأل ادارة تعليم الكبار قالولة فى ثانوية فارعة راح تكون الدراسة فيها وانا ترى متخرجة من زمان وقالولة تعيد رابعة بس حتى لو كانت متخرجة من سنة التسعينات ادعو:yaaaaaarb: يا بنات إن الله يوفقنا ترانى شاطرة ومجتهدة وانا حاضرة لأى مساعدة لايردكم إلا لسانكم واللة انا صادقة واتمنى نساعد بعض وانا أولكم :eh_s(9):

 

[pyaar]

السلام عليكم ومبارك عليكم الشهرانا بعد مثلكم بعيد الثانويه بس بسالكم انا تخرجت من الادبي يصير لما اعيدها الحين احول علمي ولا مايصير

 

[pyaar]

السلام عليكم



بنات الشاطرات شلونكم؟؟؟
حابه انظم لكم بعد اذنكم وانشالله اكون عضوه نشيطه بالتجمع وافيد واستفيد معاكم


من فتره مقرره اعيد مسائي طبعا توني اطيح على تجمعكم
وقبل عشر ايام تقريبا كنت بالتعليم العالي رحت استفسر وذكروني اكتب لكم متطلبات الثانويه والاوراق المطلوبه ووقت التسجيل...
خلوني اقولكم اشياء مهمه


اول شي فكري لي بعيد وطالعي المستقبل
وسألي نفسج
انا شنو ابي اكون؟؟؟؟<<< يعني دكتوره/مهندسه/محاميه ..ألخ
وشنو راح اتخصص بالجامعه؟؟
بناءا على هالاجابات راح يتحدد تخصصج بالثنويه


انا طبعا تخصصي القديم ادبي
وودي هالمره ادرس علمي بما ان مخي صافي وبما اني عقلت اكثر من قبل
والحمدلله قادره احدد مستقبلي عدل لاني جربت الحياه العمليه شلون صايره


فا اللي تبي تغير تخصصها لازم تعيد سنتين بالثنويه
يعني تعيدين 11 و12
واحنا افهم وانضج من البنات لصغار
فا اكيد ان شاءالله راح نستوعب المعلومه
والبنات لصغار مو احسن منا صح؟؟؟؟


عموما
انا مفكره باذن الله ان حبيت ادرس حقوق راح اظل على تخصص الادبي واعيد فقط سنه وحده من الثنويه
وان فكرت ادش كلية علوم الاداريه وادرس محاسبه راح اظل على تخصص الادبي واعيد فقط سنه وحده من الثنويه
وان حبيت ادرس هندسه ولو اني مستبعده هالتخصص>> راح اضطر اعيد سنتين عشان اغير تخصصي بالثنويه


والحين انا محتاره مابين الحقوق والمحاسبه
ومحتاره اعيد سنتين وادرس علمي>>> اغير تخصصي وله لاء؟؟


انا الحمدلله شاطره بالانجلش ماعندي مشكله
وكنت يايبه درجات عاليه بالفرنسي ماعندي مشكله الف حمدلله


مادري احس للحيني ما استقريت على تخصص علمي وله ادبي متردده؟
حتى لو استخرت ماعرف الشعور عدل اللي يخليني استقر على قرار معين
الله كريم

انا نفسج بعد محتاره وايد بين دراسه الحقوق ودراسه الهندسه وانا صراحه بخاطري ادرس هندسه كمبيوتر وخايفه من العلمي حدي اخاف اتوهق فيه :eh_s(11):

 

[نـ(المطيري)ـازكـ]

السلام عليكم ومبارك عليكم الشهرانا بعد مثلكم بعيد الثانويه بس بسالكم انا تخرجت من الادبي يصير لما اعيدها الحين احول علمي ولا مايصير

اي ياقلبي يصير .. تعيدين 11 و 12 بس ..

 

[ام مشعل المطيري]

واللة انا ودي احول صباح السالم عشان المدرسة يمدحونها حيل بس لو اسمع تجارب بنات الرابعة مافي احد سجل بمدارس الرابعة ويقدر يفيدنا

 

[عــاشــقــه]

ان شاء اللة يا بنات راح اعيد رابعه ثانوى ادبى مسائى وانا تبع محافظة مبارك الكبير منطقة صباح السالم وزوجى سأل ادارة تعليم الكبار قالولة فى ثانوية فارعة راح تكون الدراسة فيها وانا ترى متخرجة من زمان وقالولة تعيد رابعة بس حتى لو كانت متخرجة من سنة التسعينات ادعو:yaaaaaarb: يا بنات إن الله يوفقنا ترانى شاطرة ومجتهدة وانا حاضرة لأى مساعدة لايردكم إلا لسانكم واللة انا صادقة واتمنى نساعد بعض وانا أولكم :eh_s(9):

نفسي أنا تبع مبارك الكبير

خريجة 2008 بعيد رابعه إنشالله

وفارعه مدرسستي جان زين ندرس فيها تهبل وتفتح النفس

لأن ثانوية صباح السسالم بصرآحه تخرع :

الحين اللي مقررات بتسوي معادله بالمنطقه التعلميه ولا بالوزاره ؟

ولازم أسوي معادله الحين ولا عادي بعد العيد مع التسجيل ؟

 

[ام مشعل المطيري]

هلا وغلا عاشقة تسوينها بالمنطقة التعليمية وتعيدين رابعة فقط

 

[عــاشــقــه]

هلا وغلا عاشقة تسوينها بالمنطقة التعليمية وتعيدين رابعة فقط

هلا فيج حبيبتي مشكوره
إنشالله يمكن هالأسبوع أروح أسوي المعادله