تجمع طالبات رابعة ثانوي مسائي 2011-2012 حياكم

[جلكسيه اس 3]

انا بروح ثانوية طليطله و بشوف طلباتهم

 

[نـ(المطيري)ـازكـ]

بنات انا اليوم رحت لهم ...

رحت للمنظقة التعليمية الفروانية ..

اول شي رحت حق البنات اللي يطلعون الشهايد .. وطلعت لي بنت حلال قلت لها انا متخرجة مقررات ادبي

ابي ارد ادرس بس علمي قالت لي اي يصير روحي حق التعليم المبكر شوفي متى يبدا تسجيلهم بعدها تعاليلي

اسويلج معادله مواد وتروحين تكملين شغلج .. بما اني ادبي بدرس علمي قالت لي تدرسين 11 و 12


رحت حق الموظفات التعليم لكبار السن امبييييييييييية يهبلووووووون عسل عسل عسل ونفسية حلوة ..

اول شي قالوا لي سهالات ومافي طلبات غير الطلبات العادية البطاقة المدنية والشهادة والمعادله ..

وقالوا لي التسجيل ان شاء الله بعد العيد بإذن الله ..



<< عشان تنتبهووون ههههههههههههه :$

 

[نـ(المطيري)ـازكـ]

اووووو بالنسبة للثنويات بالرابعه ..

في ثانوية الرابية وفي ثانوية العارضية ..

طبعا اهم يحطونج ع حسب سكنج

 

[جلكسيه اس 3]

يعني الحين ما كو تسجيل زين احسن

 

[نـ(المطيري)ـازكـ]

لا ماكو ياقلبي

 

[ام مشعل المطيري]

مفتوحة المدارس الحين ماتوقع

 

[ام مشعل المطيري]

نفس ماسمعت قلتلكم بعد العيد نازك بنت عمي ياحلوج وياحلو اخبارج سنعه سنعه سنعه

 

[noor_alfala]

بناات مستعديين حق الدراسه؟؟ انا متحمسى حييل و ان شاء الله نييب نسب ترفع الراس

 

[نـ(المطيري)ـازكـ]

ام مشعل ياقلبي عليج تسلمين << استحت :$:$ ههههههههه

اممممم ام مشعل مالج شغل بالمدرسة انتي عليج بس بالمنطقة التعليمة بعد ماتخلصين اوراقج تروحين للمدرسة ..

 

[جلكسيه اس 3]

ما انصحكم تسجلون بالرابيه هالسنه فرقو البنات بامتحان نص السنه

 

[ام مشعل المطيري]

انا صراحة كنت مقررات ومتحمسة حيل حيل للدراسة وكل اتخيل النتايج ههههههه وموعارفة نظلم العام

 

[جلكسيه اس 3]

بنات بسالكم شنو طموحكم ما بعد الثانوي ?
هل ناوين تدخلون الجامعه ولا عادي راح اتيبون نسبة نجاح عاديه
انا بما اني اكبيره اشوي و عندي اعيال
فكرة فيها و قلت ماراح اقدر الجامعه صعبه و يبيلهأ مجابل اربع اسنين !
يعني بجابل دراستي و لا بجابل اعيالي فغيرت رايي
و قلت باخذ هالسنه رابعه ثانوي و بعدين بروح دورات خاصه سنتين اشرايكم ؟
علما اني حاليا ماخذه دورت سكرتاريه بمعهد الاثري باقلي تقريبا 3 اشهور و اخلص

بس صراحه شهادة الاثري مو مثل شهادة الثانوي
اكيد الثانوي غير و احسن

 

[قطعة حلا2]

قوه بنات .......مشكوره ام مشعل علا هذا الاطراء....ولا حد ينساني بليز اي شي تبونه علموني واعذروني بنقطع عنكم شوي لاني بسافر وبعد هالاب توب غثيث يالله يالله اكتب لا شريت واحد بشبك واعلمكم كوووول شي,,,,,,,,,بس بضل اتابعكم خلف الكواليس,,

 

[قطعة حلا2]

سكريتره مرحبا بك وباهللك,,,ايه انا اكل كاكاو وبطاط تعتقدين هذا السبب اللي مسبب الضعف بذاكرتنا

 

[ام مشعل المطيري]

هلا وغلا وكل عام وانتو بخير وانا اقول الدراسة هي الدراسة انا موظفة وبخاطري اعدل مستواي العلمي مع ان معاي دبلون بس بخاطري اصير جامعية وعندي عيال

 

[كويتية تستاهل]

نفس الحال ام مشعل شلونج كل عام وانتي بخير بس بسأل متى يبلش الكورس الأول
من شهر جم إلى شهر جم اذا عندج فكرة ويعطيج العافية انتي اي مدرسة راح تدرسين ​

 

[عواشه القرقاشه]

اييي والله انا ناويه اعيد الثنويه
انا عندي دبلوم محاسبه
ان شاءالله ربي يكتب لي التخصص اللي ابيه

بنات بغيت اسألكم انا كنت ادبي

عادي اعيد ثالثة ورابعه و اروح علمي ؟

ياريت اللي تعرف تفيدني

وحطوا في بالكم ان شهادة الثنويه اذا طاف عليها سنتين
ما يقبلونها جامعة الكويت !!!
هذا حق اللي تداوم مثلي وتنطر التفرغ الدراسي

 

[ام مشعل المطيري]

اي يصير تعيدين ثالثة ورابعة وتحولين تخصص ثاني وبالنسبة للمدرسة والله مادري اي مدرسة للحين

 

[ميشووو]

بنات الله يتم عليكم يارب


انا من زمان كنت افكر جذي


بس تكفون بنات اذا اوحده تخرجت تقدر تقدم علي جامعات برا مثلا جامعه سعود او البحرين الحكوميه

يعني نفس جامعه الكويت بس برا

 

[كويتية تستاهل]

اتوقع يصير بس روحي سألي وزارة التعليم العالي اللي بشويخ أدارة البعثات مبنى رقم (4) راح يعطونج جواب حتن الجامعة اللي تبين تروحين لها لازم تراجعين التعليم العالي بالجامعات المعترفه فيها وبعد تبطلين ملف اذا انتي غير موظفة لازم تبطلين ملف في مبنى رقم (1) انشاءلله فدتج حبيبتى .