فرص عمل لحملة الدبلوم و البكالوريوس من kpc إعتبارا من 31\7\2011

[frawlah_83]

هوني ماجربتي ادورين بالجوجل او تدشين موقع ال kpc حوسي في شوي يمكن تحصلين مكان او نبذه عن شركاتهم التابعه

 

[honey lust]

امبله فراوله دشيت بس يبطون الجبد مو يايبين طاري المكان كلش بس حاطين ارقامهم :/

 

[frawlah_83]

انزين جربي دقي عليهم شوفي

 

[nonosha]

مو متاكدة بس الرقم 2233
يعني مو الاحمدي ولا الشويخ
على مااعتقد بالصالحية


(استنتاج مو اكيد ترا )

 

[سمو ذاااتي]

عيل ليش الناس وايد ذابحين عمرهم علي النفط @@

انا اهلي يقوليلي قدمي وانا متردده 

 

[honey lust]

مشكورررين بعد قلبي فراوله و نونوشا

شكلها صج الصالحيه لان حست بقوقل و شفتهم يايبين طاري الصالحيه

 

[fri2010]

بنات كاتبين حقوق وشهاده دبلوم شنو قصدهم؟

 

[nonosha]

مشكورررين بعد قلبي فراوله و نونوشا

شكلها صج الصالحيه لان حست بقوقل و شفتهم يايبين طاري الصالحيه

اي لان kpi
بالصالحية
فيمكن اهيا بعد وياهم

لان حد علمي هذول ال 3 مناطق اللي تابعة للمؤسسة

 

[frawlah_83]

عيل ليش الناس وايد ذابحين عمرهم علي النفط @@

انا اهلي يقوليلي قدمي وانا متردده 

بيئه عمل احسن ومميزات اكثر وبونص وزيادات سنويه تعتمد على الاداء وفوق هذا في شغل وتتطور وظيفي

 

[سمو ذاااتي]

فراوله ودي اقولج وضحي اكثر لاني صج ماعرف عنهم شيييي

 

[bnt_7waa]

on_ly


مو شرط حبيبتي كل جم اسبوع امتحان ساعات يصير امتحان قدرات باجرها انجليزي وساعات الاسبوع الي وراه على طول

انا الاعلانات الي طافت صادف معاي جذي

 

[قرنبيطوو]

بنااات انا ما قدمت لي الحين

ممكن احد يقوولي لازم واسطه وهالسوالف؟؟؟

وشلون طريقه الامتحانات

 

[دَلالْ]

بنات متى يقولون يحطون منو المقبولين ويدقون عليهم ؟
يطولون ؟ منو ساءلتهم وتدري تقول لنا

 

[دَلالْ]

@@
هالرقم وين طلع لج؟

سويت كلك يمين وبعدين properties وطلعلي :/

 

[سمو ذاااتي]

التقديم لي اخر الشهر

 

[frawlah_83]

فراوله ودي اقولج وضحي اكثر لاني صج ماعرف عنهم شيييي

شوفي انا صارلي فتره افر بمنتدى النفط وهم في اهني مواضيع قديمه

النفط الراتب صج شوي بس يصعد بسرعه وبالحكومه كل سنه ازيدونج 10 دنانير بس بالنفط لا تكون نسبه من الراتب على حسب الاداء وعندهم بونص اخر السنه وفي بونص ثاني اسمونه مشاركه اداء يكون مبلغ من ارباح الشركه شهر 4 اصرفو لهم 4 اضعاف الراتب وهذا غير تذاكر السفر والتامين وكافي انه في شغل وتطور وظيفي بس ترى شغل التزام وموسؤوليه مافي غشمره يعني حق الي تبي راحه ماينفع لها كلش

واذا تبين معلومات زياده دشي منتدى التوظيف مال القطاع النفطي وسالي عن المميزات اكثر اهناك في موظفين واكيد بتحصلين عندهم معلومات

 

[bent_7awa]

يبارك بحياتج والفال للكل ياااا رب :eh_s(9):

يمعي كل الملفات اللي يبونها داخل فولدر واحد بجهازج وسوي Right Click عالفولدر وبعدين Properties إذا جهازج وندوز أو Get Info إذا ماك وشوفي حجمه

إذا أصغر من ٢ ميغا وايد زين بس هم لازم يكون انترنتج سريع لأن السايت عليه ضغط

إذا أكبر من ٢ ميغا وما عرفتي تصغرينهم أشرح لج بعدين لأني معزوومة الحين

اي سويت اوراقي وحطيتهم كلهم بصيغة PDF وكل شي زين بس لما سويت رايت كلك والا طلع الحجم 4.25 ميغا :eh_s(11):

شسوي الحين :eh_s(2): :eh_s(2): اشرحيلي واللي يعافيج ...ناطرتج

 

[frawlah_83]

سمو ذاتي انا راي من راي اهلج قدمي ماكو شي تخسرينه ماتدرين يمكن الله يسهل الامور وتالي تقدرين تستفسرين عن مميزاتهم شنو بالضبط واذا ماعجبج رفضي

 

[bent_7awa]

بنات انا تخصصي علمي يعني فنيه وين يحطون الفنيين ؟ بـ أي مكان ؟ من تعرف ؟

 

[فديته يخرب بيته]

Honey

انا نفسج طلعت لي OSCO بس مافي شي عنها بالنت لقيت لها مكان بالعراق لووووووووول تخيلي يقطونا هناك :d

عفية الي تشتغل بالنفط تسأل لنا عنها والي تعرف عنها اي شي تقولنا بلييييز