ديوانية --<-@ {{ One Day We Will Be Slim}}

[Lady <3 A]

مرحبا :eh_s(17): شلونكم بنات

يومي كان حددددده بزي بس قلت لازم اطل عليكم وارد اهم شي عشان يتحرك التجمع شوي لوول

بزبز يا رشيقة قامت ماتترس عينج الستينات تبين تصيرين عصاقيل لوووووول نفس شعوري
اقول خل اصير 55عشان اذا اكلت ما اخاف لووووول
الله يرزقنا ضعف بصحة وعافية
والله عاد اشتقت حق سوالفج غناتيا مو تقولونها جذي

ههههههههههههههه
والله عطوفه الـ 60 صارت كابوس بالنسبه لي جذي احس نفسي اخف الحمدلله ولو ان مافي فرق وايد
اليوم تحطمت سألت اختي ما تغير فيني شي ما ضعفت ؟ لأني ما شفتها غير مرتين اخر شهرين قالت لي ما لاحظت :\ انقهرت لوول بس ماعليها هم شي الوزن تغير وحصلت كمن كومنت من الناس
لا لا غناتي نطقها يصير هيك "غناااتيييه " وهالشي يعتمد على الاماره او المنطقه او العايله لووووول

ترا تفكيري مثلج ابي اوصل 55 عشان اكل وانا مطمنه هههههههههه واكون بعيده عن الستين
يالله ان شاء الله نوصل 55 ويروح عنا شبح السمنه

بزبز بتليقف واجاوب ههههههههههه
شوفي اكلي لان انا نفس وضعج بس اكتشفت حل رهييييييب قبل لا اخذ قطعة الحلو الي خاطري فيها اشرب ماي لو نص قلاص والله عقبها يدووووب اكل نص القطعة منها ما حرمت نفسي ومنها ما هجمت عالحلو
ودايما جدمي الماي قبل الفطور والسحور واي شي بيدش حلجج
انا خطتي ماي تمر ولبن وسلطة وعقب ادري بشبع فاطقطق اي شي جدامي عن خاطري لو شنو ماراح اقدر اكل وايد لان الماي والسلطة تسد النفس
يارب تعبنا ما يضيع يارب نضعف برمضان

ان شاء الله بطبق الي قلتيه .. ثانكس عطوفه :eh_s(17):

اليوم وزنت ووزني كان 98.4، الحمدلله

صج شوشو نسيت أقولج الحمدلله عالسلامة والله يشافي مريضكم إن شاء الله

ما شاء الله تبارك الرحمن
كيب ات اب برووت ويارب توصلين الثمانينات بالعيد وتطلعين بنيو لووك وان شاء الله ما تصير 2012 الا وانتي واصله هدفج

هلا بزنز، اي إن شاء الله أغلبه

ميخالف، لما تخربطين اليوم الثاني كملي رجيمج وعوضي بالرياضة
ولا تنسين إن وراج زواج إن شاء الله مع إن ماشالله جسمج حلو، أهم شي حافظي عليه

ان شاء الله هذا الي احاول اسويه الحين ويارب اقدر اوصل لهدفي واحااافظ عليه هذا اهم شي لووول
يخوفوني يقولون لي فترة الملجة المعاريس يمتنوووووون من اكل المطاعم ههههههه

اهلين بزبز ابشري الزنجبيل الطازج وحطي عليه ماي مغلي وخليه يخدر واشربيه اهم شي تحسين بحراره الزنجبيل او فوريه عادي

تسلمين ام عمور ان شاء الله بجربها وقت الحاجه الحمدلله اخر يومين كنت تمام :eh_s(7):

هممم كلي نفس لولو معلقتين من كل صنف و مو كل يوم ,,, يعني ايام طوفي الحلو

و اشربي شاي اخضر بعد الوجبه ,, انا في ادوحه كنت اشرب 3 الى 4 كوب شاي اخضر من لبتون و احيانا شاي اخضر مع زنجبيل

و الحمدلله كنت اكل بس ما اترس و ما زاد وزني بس بطني شوي شكله منتفخ لاكن مافي زياده

حاول ما تهملين اتمرين سوا مشي ولا في البيت قدام التي في اتسطحي و العبي

و انشا الله تضعفين على رمضان :yaaaaaarb:

انا محتاره الحين اذا الافطار 8:45 و انادي يصكر 9:00 متى اروح ؟؟

تتوقوعون اقدر اروح و انا صايمه ولا اخاف ادوخ ​

ان شاء الله كتون بحاول اسوي مثل ما قلتي اهم شي اكثر سوائل عشان ما يتم مكان للأكل لوووول الله يصبرنا ونقاوم المقالي والحلويات وكل الاكل الي يزيد الوزن

وان شاء الله بحاول اتمرن عشان احرق الي اكله :\ واحافظ على وزني وانززززل بعد ان شاء الله

على طاري الجيم من رايي تمشين بس برمضان وافضل وقت للمشي قبل الافطار الجسم يحرق اكثر خاصه وقت الصوم
وبعد رمضان ردي للجيم

ثانكس كتونه :eh_s(7):

بنات وين مزمز ما شفتها من زمااااااااااااااااااااااااااان ؟؟؟

وحشتني هدبه :eh_s(2):

و لولو اين انتي يلله خلصي مشاغلك و تعييي

بوبو مشا الله كل يوم وزن جديد يا رب يستمر انزول اليومي ليييين اخر رمق

شدي حيلك حبيبتي و انشا الله يجي اليوم الي ننتظر تحكين لنا اشلون كان القاء مع حبيب القلب بعد انيو لوك و ارشاقه :ggdw:​

مزمز صارلها فتره مختفيه دزيت لها رساله وان شاء الله تطل علينا وتطمننا

اهلين بنات
صارت سالفة باييخة مع زوجي الاسبوع الي فات
وكل يوم تشعلعل اكثر
صار لنا اسبوع ماحد يكلم الثاني
علشان كذا نفسيتي زفت وكمان بطني وظهري الم مو طبيعي من الدورة الي مانزلت

نونه لاتشيلين هم وان شاء الله الامور تهدا يارب وترجع المياه لمجاريها .. اذا شد رخي وان شاء الله تنحل كل الامور :eh_s(7): الله يفرج همج يارب
وماتشوفين شر ان شاء الله شربي سوائل حاره وجرفه وزنجبيل وان شاء الله بتنزل

مزمز مختفية وبزنز اليوم ما بينت

انا هوون نص يومي طالعه واختي كانت عندنا اهي ساكنه بالعاصمه مانشوفها الا كل شهر مره تقريباً قعدت معاها والحين شبكت

اليوم الحمد لله خلصت كل تنظيف البيت كان عفسه كانه شايلين الحمد لله كل شي رد نفس اول واحسن
عاد الخين ببلش اجهز حق رمضان عساكم تستعيدونه كل سنه وانتوا سالمين

بالنسبه لوزني الحمد لله ناقص 300 غرام يعني صار 51.200 وااايد حلو وان شاء الله يثبت
وصار لي كم يوم شاريه القرص الدوار ومستانسه عليه التمرين فيه واااي حلو احس روحي خفيفه وجني بطير وعيالي يتهاوشون منو بيركب فوقه اول
واكلي ليلحين تخفيف الحمد لله

الله يعطيج العافيه كوكو :eh_s(7):​

 

[Lady <3 A]

ما راح اكتب يومي لأنه يفشششل :\

ابي وحده تركض وراي بالخيازرين عشان التزم ​

 

[Queen of Sadnes]

الله يعافيج بزبز
يعني تبين وحده تركض وراج ها
انا لو امسكج ابسدحج وبتولاج بالخيازرين شنو هذا كل يوم تقولين ماراح امتب يومي يفشل
يعني بعدين وياج مايصير ماراح تضعفين وال ٥٥ ماراح تشمين ريحتها اذا انتي جذي
يالله عاد شدي حيلج وبلا دلع وترا انا ابي مصلحتج مو تزعلين

 

[Queen of Sadnes]

الله يعافيج بزبز
يعني تبين وحده تركض وراج ها
انا لو امسكج ابسدحج وبتولاج بالخيازرين شنو هذا كل يوم تقولين ماراح امتب يومي يفشل
يعني بعدين وياج مايصير ماراح تضعفين وال 55 ماراح تشمين ريحتها اذا انتي جذي
يالله عاد شدي حيلج وبلا دلع وترا انا ابي مصلحتج مو تزعلين

 

[Melazlaza]

كتون حبيبتي اهم شي صحتج وتعليقات الرياييل ماتخلص عوديه انج دلوعة خل اهوا يشيل لووول حدي شريرة
لا كتون لا اتطيعيني انتي ادرى بريلج مني والله يزيد حنيته وشوقه وحبه لج يارب


بروووتة حبيبتي ماكو شي بعيد على رب العالمين ادعي تضعفين بصحة وعافية وخلج على التزامج ماشالله نادي وتخفيف اكيد رشاقة وصحة


بزبز غنااااتيييييه هههههههههه تعلمتها منج خلاص عاد مادري مالت اي منطقة واي عايلة المهم انها عاجبتني
خلج ملتزمة والا بتزيدين عن ال60ما اخرعج بس هذا الصج
بزبز شرايج نراقب بعض انا معاج برمضان يمكن بتشجيعنا حق بعض نضعف ونصير55 دام ان هدفنا واحد










كوكو شخبارج يعطيج العافية حبيبتي

 

[Melazlaza]

بنات في احد منكم راح المعرض؟

 

[Queen of Sadnes]

هلا والله ملزلزه الله يعافيج حبيبتي انا بخير وانتي شلونج

 

[LadY BuG 80]

هيللو ليديز

سوري شوشو عظم الله اجركم و الله يثبته و يغمد روحه الجنه

مرسي كوكو على صور ناياجر حسيت انه وصلني ارذاذ :eh_s(8):

امس شربت 3 كوب شاي لبتون اخضر و بشرت عليه حوالي معلقه زنجبيل و كنت اشرب من اترمس ورا كل وجبه و اليوم نازله 700 جرام من غير دايت بس تخفيف

و العشى ما كان روب نفس اتقشف ,, لا

اكلت صمونه مع جبنه لايت و خيار و طماط و شاي حليب دايت و حليت 2 كوكي شوكلت شيب 150 كالوري في كل كوكيتين

يعني مافي حرمان و الحمدلله نزلت بس 3 اكواب شاي اخضر كبار يعني مق تبع الكوفي

و اليوم زوجي شرب علي كوب من الترمس هههههههه اصلا هو ما يحتاج يضعف بس شتقولون الحسد و ما يصنع هههههههههههههه

اليوم فطرت كليجه بلعسل و القرفه مع شاي حليب

كوب شاي اخضر مع زنجبيل

الغدا 8 ملاعق رز ابيض و مرقه عدس و 4 ملاعق سلطه

و كوب شاي اخضر بزنجبيل

و حليت ابل كريسب 300 كالوري ( اكلت قطعتين )

و الحين اشرب شاي اخضر بزنجبيل

و اعتقد بتعشي صمونه جبنه و شاي حليب

و اختمها بشاي اخضر بزنجبيل

اليوم راح يكونو 4 كوب شاي اخضر :eh_s(15):​

كتون حبيبتي اهم شي صحتج وتعليقات الرياييل ماتخلص عوديه انج دلوعة خل اهوا يشيل لووول حدي شريرة
لا كتون لا اتطيعيني انتي ادرى بريلج مني والله يزيد حنيته وشوقه وحبه لج يارب

مشكوره على ادعوه و لكي بلمثل

دلوعه ههههههه الحين مع ظهري غصب ادلع ... احيانا انسى كثر ما اقول اه يا ظهري ,,,اغلط و احط يدي على بطني و عبالي حامل و امشي مشسة الحامل .. هاذا ادلع المفتعل و اتصنع هههههههه


امس الزقه الي سويتها روعه هذيلا تبع اظهر كأنها سحر :eh_s(15):​

بروووتة حبيبتي ماكو شي بعيد على رب العالمين ادعي تضعفين بصحة وعافية وخلج على التزامج ماشالله نادي وتخفيف اكيد رشاقة وصحة


بزبز غنااااتيييييه هههههههههه تعلمتها منج خلاص عاد مادري مالت اي منطقة واي عايلة المهم انها عاجبتني
خلج ملتزمة والا بتزيدين عن ال60ما اخرعج بس هذا الصج
بزبز شرايج نراقب بعض انا معاج برمضان يمكن بتشجيعنا حق بعض نضعف ونصير55 دام ان هدفنا واحد





كوكو شخبارج يعطيج العافية حبيبتي

بنات ما انصح في اقل من ال 58

لمن صرت 55 صح كنت رشيقه و اهبل بس كان شكلي بنت 14 سنه يعني ممسوحه و ناشفه

صحيح بلبس اضيق جسم خالي من العيوب ولا سفطه و خفيفه

بس يوم صرت الحين ,,, احم احم 59 احس اني معبيه هدومي و رزه و امشي اتهزهز هههههه و هاذا الي عجب زوجي قالي كذا برفكت بسس لا تفكرين تضعفين اكثر ,,,
يعني على طولي 165 ال 60 حلووووووه اكثر من كذا نووو

سو قررت اضل على ال 59 او 58 هيك و خلص بأه

​

بنات في احد منكم راح المعرض؟

جان زين ارووح ,,,, اقول اذا منزلين تغطيه مصوره للمعرض في منتدنا العزيز بليز حطو ارابط هنا ودي اشوووووووف :eh_s(16):​

 

[Queen of Sadnes]

هلا والله كتونه بالعافيه وزين تسوين تشربين شاي اخضر بالزنجبيل
وانا ودي بعد ودي اشوف المعرض ياليت احد يحط لنا الرابط هني

 

[Lady <3 A]

مرحبا :eh_s(17): شلونكم بنات

اليوم بعد كنت بزززي وما فضيت الا الحين

الله يعافيج بزبز
يعني تبين وحده تركض وراج ها
انا لو امسكج ابسدحج وبتولاج بالخيازرين شنو هذا كل يوم تقولين ماراح امتب يومي يفشل
يعني بعدين وياج مايصير ماراح تضعفين وال 55 ماراح تشمين ريحتها اذا انتي جذي
يالله عاد شدي حيلج وبلا دلع وترا انا ابي مصلحتج مو تزعلين

ههههههههههه
يبيلي تلحقيني بالخيازرين كوكو تنفعين
لا والله ما ازعل بالعكس انا ابي حد يشد علي :ggdw: وان شاء الله بشد حيلي اكثر
امس ما كنت لهالدرجه مخربطة بس الي خرب علي اني اكلت كيك ع العشا "كيكة عيدميلاد اخوي" بس الحمدلله وزني ثابت اليوم لأني حاذفه وجبة الغدا وكنت متعشيه 4 حبات مني فطاير ما يوون قد صمونة كامله حتى فاستحيت اكتب اني ماكله كيك بتقولون اي رجيم هذا وكل يوم كيك ههههههههه

بزبز غنااااتيييييه هههههههههه تعلمتها منج خلاص عاد مادري مالت اي منطقة واي عايلة المهم انها عاجبتني
خلج ملتزمة والا بتزيدين عن ال60ما اخرعج بس هذا الصج
بزبز شرايج نراقب بعض انا معاج برمضان يمكن بتشجيعنا حق بعض نضعف ونصير55 دام ان هدفنا واحد

ههههههههههههه
ملزلزه ترا اهل دبي ينطقونها عادي "غناتي" .. غناتيييه تبع المنطقة الغربيه العين وابو ظبي لوول
ان شاء الله بلتزم
وحبيت فكرة المراقبه .. يالله هدفنا 55 .. والي توصل للـ 55 قبل هي الفايزه .. :eh_s(9): هيك احسن بنتبه على اكلي اكثر وبحاول اخفف برمضان بعد ان شاء الله

بنات ما انصح في اقل من ال 58

لمن صرت 55 صح كنت رشيقه و اهبل بس كان شكلي بنت 14 سنه يعني ممسوحه و ناشفه

صحيح بلبس اضيق جسم خالي من العيوب ولا سفطه و خفيفه

بس يوم صرت الحين ,,, احم احم 59 احس اني معبيه هدومي و رزه و امشي اتهزهز هههههه و هاذا الي عجب زوجي قالي كذا برفكت بسس لا تفكرين تضعفين اكثر ,,,
يعني على طولي 165 ال 60 حلووووووه اكثر من كذا نووو

سو قررت اضل على ال 59 او 58 هيك و خلص بأه​

كتون تو بي اونست انا استانست اكثر شي لما وصل وزني 57.3 هالمره قبل اسبوع تقريباً هذا اقل شي وصلته وحبيت جسمي اكثر شي لأن بطني كان ممسوووووووووووووووووووووح الحين فيني كروشة صغيره اليوم كان وزني 58.3
بس فيني عناد ابي اوصل الـ 55 خاطري اجرب لوول بس اذا يأست خلاص بثبت ع الـ 57 او الـ 58 :eh_s(15):

​

 

[Lady <3 A]

يومياتي :

ما تريقت شربت ماي ع الريق
وتغديت مرق نخي ويا خبزة جباتي

العصر شربت شاي احمر + ملة روب وخيار

وتعشيت تشيكن فاهيتا سالاد من ماك

وشربت لتر ماي تقريباً اليوم والحين اشرب ميغا دايت

والحمدلله ع النعمه

 

[Melazlaza]

كتون يا دلوعة خلاص بلقبج بالدلوعة
الحمدلله ان ظهرج تحسن وصج اللزقة اموت فيها حدها تريح
كلامج عن الخمسينات يخليني انفجع عالاكل انا مو مال جذي مال خيازرين تلسبني عشان احس بقيمة الرشاقة







بزبز والله صج غناتيه هههههههه خل نلتزم انا معاج برمضان ندش ونكتب يومنا ونحط يوم نقيس فيه وزننا عشان لا ننفجر برمضان ولو ما ضعفنا نثبت



كوكو انا بخير حبيبتي اسأل عنج

 

[Melazlaza]

بنات توه قريت ان المعرض مو شي
وشفت بالتلفزيون شكله مايشجع عاد الله اعلم شلون بالصج

 

[Queen of Sadnes]

بالعافيه بنات
مزمز حبيبتي اي جذي يومج نااايس وانا والله ابيج تشدين حيلج وتوصلين للهدف بعافيه يارب
عطوفه سالت عنج العافيه وحتى اناقريت عن المعرض انه موشي
بس جايز لانه المكيف كان مخترب
عالعموم الله يوفق الجميع

 

[Blonde B]

بنات ما انصح في اقل من ال 58

لمن صرت 55 صح كنت رشيقه و اهبل بس كان شكلي بنت 14 سنه يعني ممسوحه و ناشفه

صحيح بلبس اضيق جسم خالي من العيوب ولا سفطه و خفيفه

بس يوم صرت الحين ,,, احم احم 59 احس اني معبيه هدومي و رزه و امشي اتهزهز هههههه و هاذا الي عجب زوجي قالي كذا برفكت بسس لا تفكرين تضعفين اكثر ,,,
يعني على طولي 165 ال 60 حلووووووه اكثر من كذا نووو

سو قررت اضل على ال 59 او 58 هيك و خلص بأه

عجبني كلآمج عندي لج سؤآل
انا طولي 168
ووزني 64 وابي انزل لي 58
بيطلع حلو او لآ ؟
الكل يقول بس حلو وقفي لان قبل نزلت ل 60 والكل قال ويييع
مو حلو انتي ببتزوجين ماحلو جذي وما فهمت قصدهم
وبعدين سافرت 3 اسابيع وقليتها مطاعم وزدت 4 كيلو
والحين الكل منصدم يقول شكلج وخدوودج روعه
بس ودي انزل وزني ؟
شرااايج ؟

 

[LadY BuG 80]

هللوووووووو يا حلوين الي يحضرون و يا خايسات القاطعات يلي يتغلون علينا :eh_s(4):

اشتأتلكون .... و بعد

جمعه مباركه على الجميع و رمضان كريم
اليوم يحليلي كاشخه و ميك اب و متبخره و متعطره و تسريحه من صباح الله الخير لابسه تنوره ضيقه مديل سمكه احمرر في احمرر على قولت المثل( اذا كان حبيبك ثور البسلو احمر )
و ماشيه ادلع قدام الحبيب لا مو امشي الا اتمخطر و شايفه نفسي الا تطلع مشقوقه حوالي شبرين طييييييييييييييييييط :krkrkr: و هو الي قالي :eh_s(2):

تفشلتتتتتتتتتتتتتتتتتت اشوه انها منشقه من عند اساق لو من عند الفخوذ كنت بنتحر ,, بقول فخوذي من المتن سوت فيضان :krkrkr:

المهم رحت اجر ذيول الهزيمه و اتنيلت على عيني و غيرت و لبست دراعه عشان اسوي الغدا :eh_s(1):

مرحبا :eh_s(17): شلونكم بنات ​

​

كتون تو بي اونست انا استانست اكثر شي لما وصل وزني 57.3 هالمره قبل اسبوع تقريباً هذا اقل شي وصلته وحبيت جسمي اكثر شي لأن بطني كان ممسوووووووووووووووووووووح الحين فيني كروشة صغيره اليوم كان وزني 58.3
بس فيني عناد ابي اوصل الـ 55 خاطري اجرب لوول بس اذا يأست خلاص بثبت ع الـ 57 او الـ 58 :eh_s(15):​

شوفي انا عمري ما جربت ال 55 بس هلمره قلت ودي اضعف و اوصل وزن عمري ما وصلت له عشان انتصر على المتن

و جربت ال 55 ,,,, ضعيفه مرررررررره و راحت كل معالم الانوثه عجبني انا لاكن ايش الفايده حسيت نفسي مو مره

يمكن و انتي بنيه يهجبك لاكن لين تتزوجين مارح يعجبك خلي شويه لحمه اغراء ​

كتون يا دلوعة خلاص بلقبج بالدلوعة
الحمدلله ان ظهرج تحسن وصج اللزقة اموت فيها حدها تريح
كلامج عن الخمسينات يخليني انفجع عالاكل انا مو مال جذي مال خيازرين تلسبني عشان احس بقيمة الرشاقة

جربيها منتي خسرانه ,, انا ما ارتاح قلبي الا لمن جربت و ما عجبني بس زدت لا ارادي و الحمدلله عجبني ال 58 - 59

سو جربي عشان تقتنعين و اذا ما عجبك ادري انه سهل بنسبه لنا نزيد كم كيلو لوووووول احنا خبره في ازياده ما يحتاج نحاتي
​

بنات توه قريت ان المعرض مو شي
وشفت بالتلفزيون شكله مايشجع عاد الله اعلم شلون بالصج

وناسه على ال تي في بعد :rerrerek:​

عجبني كلآمج عندي لج سؤآل
انا طولي 168
ووزني 64 وابي انزل لي 58
بيطلع حلو او لآ ؟
الكل يقول بس حلو وقفي لان قبل نزلت ل 60 والكل قال ويييع
مو حلو انتي ببتزوجين ماحلو جذي وما فهمت قصدهم
وبعدين سافرت 3 اسابيع وقليتها مطاعم وزدت 4 كيلو
والحين الكل منصدم يقول شكلج وخدوودج روعه
بس ودي انزل وزني ؟
شرااايج ؟

اذا طولك 168 اذا بنيه عادي اذا 60 اذا تزوجتي احسن شي ال 62 - 63 هاذا الي انا اشوفه

يعني اخذي ال 68 من طولك و نقصي منها 6 او 5

هاذا يكون رشيقه و مربوبه فيها لحمه

اكيد المزوجه حلاتها مربربه ,, البنيه تنشاف بلعين حلاتها رشيييييييييقه ماحد يلمسها :eh_s(22):

المتزوجه كل شي مستباح لووووووول ارجال ما يحب كل ما لمس يحس عظمه و يحبون المدوره الي تمشي تهزهز بس مو كرش :krkrkr: فهمتي حبيبتي :eh_s(17):​

 

[brat]

هاي بنات شلونكم؟ شخباركم؟

يومياتي أمس:

تريقت بران فليكس باللوز والعسل مع حليب خالي الدسم ويوز

مرت ٤ ساعات وما كليت شي لأن كان عندي مراجعة بالطبيب، فلما رحت النادي خذيت موزة كليت نصها والنص الثاني كليته عقب التمرين
عالتريدمل تمرنت ٤٥ دقيقة بس ٤ دقايق ركضت، ودشيت كلاس spinning ٤٥ دقيقة، صايره وايد أحب هالكلاس أحسه ممتع وأتسبح من العرق وانا أتمرن لوول

رجعت شربت عصير برتقال فريش وغداي من أمريكانا تبولة وتيركي ساندوج (أسمر)

وبعدين حسيت بيوع وتعشيت نخي

---

اليوم تريقت بران فليكس باللوز والعسل مع حليب خالي الدسم ويوز

تغديت ببيت يد ريلي بس سلطة ما كانوا مسوين سمج مشوي، بغيت بعد سلطة بس استحيت
عقبها بساعة كليت رقي وشمام من اليوع

بما إن اليوم اليمعة النادي مسكر، بغيت أروح معرض كويتيات بس أختي وبنت خالتي خونوا فيني (لأن بنت خالتي الثانيه ما مدحهم)
فرحت سويت مساج، كنت وايد وايد يوعانه، طلبتلي أكل من لو فات، ساندوج دياي مشوي + بطاط بالفرن، كنت مشتهية سويت، والصراحة خذيت red velvet cupcake من crumbs بس ما أعتبر روحي إني خربت، لأن بس خذيت كبكيكه وحده، لو مخربه جان ماخذه ثلاثه وكليتهم بكل وحشية لووول
هذي كليتها بكل ذرابة

اي لما رحت حق الدكتورة أمس (آنا كنت ماخذه كلوميد) قالتلي البويضات صغيرة وتبيني أراجعها عقب يومين يمكن يكبرون
آنا قلتلها الصراحة آنا مو متحبطة لأن البويضات صغيرة، ارتحت أكثر لأن ودي أحمل على رشاقة، وقلتلها برمضان ودي أوقف الحبوب وأرجعلها بعدين، قالتلي اي ريحي وإن مع الضعف فرصي أحسن
عالأقل إذا وصل وزني ٨٠ هني أفكر بالحمل

أقرا سوالفكم وأرجع
*

 

[Lady <3 A]

مرحبا ^_^ شلونكم بنات

قبل ما انسى مزمز ردت علي يحليلها مشغوله وتسلم عليكم وحده وحده وتقولكم وحشتوووني

بزبز والله صج غناتيه هههههههه خل نلتزم انا معاج برمضان ندش ونكتب يومنا ونحط يوم نقيس فيه وزننا عشان لا ننفجر برمضان ولو ما ضعفنا نثبت

ان شاء الله :eh_s(9): خلاص تم التوقيع ع الكونتراكت لوول والميزان ان شاء الله بيكون كل جمعه برمضان واحسن الكل يلتزم بهالشي عشان ما ناخذ راحتنا وايد

جد والله قبل لما اننزل اوزانا كنت احس اني ملتزمه اكثر استحي احط وزني وهو زايد :\

بالعافيه بنات
مزمز حبيبتي اي جذي يومج نااايس وانا والله ابيج تشدين حيلج وتوصلين للهدف بعافيه يارب
عطوفه سالت عنج العافيه وحتى اناقريت عن المعرض انه موشي
بس جايز لانه المكيف كان مخترب
عالعموم الله يوفق الجميع

كوكو قصدج بزبز
تدرين .. ؟! كنت مستانسه اني ملتزمه بالاكل امس وكنت متفائله ان وزني بينزل لكن المفاجأه وزني زايد 600 جراااااااااااااام ! لييييش انا ماسويت شي والله :eh_s(16):

هللوووووووو يا حلوين الي يحضرون و يا خايسات القاطعات يلي يتغلون علينا :eh_s(4):

اشتأتلكون .... و بعد

جمعه مباركه على الجميع و رمضان كريم
اليوم يحليلي كاشخه و ميك اب و متبخره و متعطره و تسريحه من صباح الله الخير لابسه تنوره ضيقه مديل سمكه احمرر في احمرر على قولت المثل( اذا كان حبيبك ثور البسلو احمر )
و ماشيه ادلع قدام الحبيب لا مو امشي الا اتمخطر و شايفه نفسي الا تطلع مشقوقه حوالي شبرين طييييييييييييييييييط :krkrkr: و هو الي قالي :eh_s(2):

تفشلتتتتتتتتتتتتتتتتتت اشوه انها منشقه من عند اساق لو من عند الفخوذ كنت بنتحر ,, بقول فخوذي من المتن سوت فيضان :krkrkr:

المهم رحت اجر ذيول الهزيمه و اتنيلت على عيني و غيرت و لبست دراعه عشان اسوي الغدا :eh_s(1):

شوفي انا عمري ما جربت ال 55 بس هلمره قلت ودي اضعف و اوصل وزن عمري ما وصلت له عشان انتصر على المتن

و جربت ال 55 ,,,, ضعيفه مرررررررره و راحت كل معالم الانوثه عجبني انا لاكن ايش الفايده حسيت نفسي مو مره

يمكن و انتي بنيه يهجبك لاكن لين تتزوجين مارح يعجبك خلي شويه لحمه اغراء ​

ههههههههههههههههههههههههههه كتون مت من الضحك على موقفج

وبالنسبه للوزن .. خلاص عيل خليني اجربها دام اني ما زلت في حياة العزووبية لوول ان كيس حصلت تعليق مني ولا مني بزيييد سهلة الزيادة بس النزول هو الي صعب لووول

هاي بنات شلونكم؟ شخباركم؟

يومياتي أمس:

تريقت بران فليكس باللوز والعسل مع حليب خالي الدسم ويوز

مرت 4 ساعات وما كليت شي لأن كان عندي مراجعة بالطبيب، فلما رحت النادي خذيت موزة كليت نصها والنص الثاني كليته عقب التمرين
عالتريدمل تمرنت 45 دقيقة بس 4 دقايق ركضت، ودشيت كلاس spinning 45 دقيقة، صايره وايد أحب هالكلاس أحسه ممتع وأتسبح من العرق وانا أتمرن لوول

رجعت شربت عصير برتقال فريش وغداي من أمريكانا تبولة وتيركي ساندوج (أسمر)

وبعدين حسيت بيوع وتعشيت نخي

---

اليوم تريقت بران فليكس باللوز والعسل مع حليب خالي الدسم ويوز

تغديت ببيت يد ريلي بس سلطة ما كانوا مسوين سمج مشوي، بغيت بعد سلطة بس استحيت
عقبها بساعة كليت رقي وشمام من اليوع

بما إن اليوم اليمعة النادي مسكر، بغيت أروح معرض كويتيات بس أختي وبنت خالتي خونوا فيني (لأن بنت خالتي الثانيه ما مدحهم)
فرحت سويت مساج، كنت وايد وايد يوعانه، طلبتلي أكل من لو فات، ساندوج دياي مشوي + بطاط بالفرن، كنت مشتهية سويت، والصراحة خذيت red velvet cupcake من crumbs بس ما أعتبر روحي إني خربت، لأن بس خذيت كبكيكه وحده، لو مخربه جان ماخذه ثلاثه وكليتهم بكل وحشية لووول
هذي كليتها بكل ذرابة

اي لما رحت حق الدكتورة أمس (آنا كنت ماخذه كلوميد) قالتلي البويضات صغيرة وتبيني أراجعها عقب يومين يمكن يكبرون
آنا قلتلها الصراحة آنا مو متحبطة لأن البويضات صغيرة، ارتحت أكثر لأن ودي أحمل على رشاقة، وقلتلها برمضان ودي أوقف الحبوب وأرجعلها بعدين، قالتلي اي ريحي وإن مع الضعف فرصي أحسن
عالأقل إذا وصل وزني 80 هني أفكر بالحمل

أقرا سوالفكم وأرجع
*

يعطيكي الف عافيه برووته وبالعافيه عليج الاكل

وان شاء الله يارب تحملين في الوقت الي تبينه وتبشرينا يااارب :eh_s(17):

.

انا اليوم من الاحباط الي صابني (زيادة وزني) اكلت :bbbiu:

ما تريقت غداي كان 5 حبات كفتة لحم + قفشتين مرق بطاط يمي يمي + شوية روب وخيار

والعصر شربت كابتشينو واكلت بتي فور

وعشاي مشاوي وحمص واكلت نص خبزه لبنانيه صغيره وربع خبزه لبنانيه صغيره عرايس

وبعدين كلت ايس كريم كون من ماك

رديت البيت شربت ميغا دايت الحين اشرب قرين تي

والحمدلله ع النعمه

​

 

[Lady <3 A]

اي صح صارلي 4 ايام تقريباً اشيل دمبلز اعتقد 2 kilos each
اسوي التمرين 20 مره الصبح و20 بالليل

ثاني يوم لاحظت ان طلعت لي عضلة صغيره لوووول واعتقد قريت مره هون وحده من البنات كاتبه ان هالعضله هي الي تشد الزنوود او شي من هالقبيل
استانست رحت قلت لاختي طلعت لي عضلات وضحكت علي خبرت اخوي وهي ميته من الضحك قال لها صح انزين بس هذي عضله وحده مو عضلات يسمونها عضلة مبتدئين وتروح عقب

بستمر ان شاء الله احصل نتييجة حلووه وتنشد زنوودي

 

[Queen of Sadnes]

بالعافيه بنات
سوري بزبز والله هالايام ماادري شفيني ماكو تركيز
وصج فقدنا مزمز ولولو ماادري وينهم اشتقنا لهم
ويالله ماعليه هالزياده جايز تكون سواءل بالجسم