تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[Dark SouL]

بسم الله شريت حق بنوتي .. من امازون

بما اني من مواليد الشتا شهر " 12 "

بتبلابتنسلانب

اذا كملت اصوره لكم

 

[ليمون ونعناع]

صج سنتربوينت ساعات يخدع
انا خذيت طقم داخل كرتون وكان رخيص خذيته عساس انه تبانات و بجايم
طلع شي ثاني
طلع صراويل و فنايل حفر داخليه
وقيلسهم اقزااام
يعني مو عمليين طاحو بجبدي ههههه
عيبهم مو حاطين رسمه من بره شنو الي داخل

 

[ليمون ونعناع]

دارك سول
عليج بالعافيه
يونسون سوالف البنات

 

[ليمون ونعناع]

ماشاءالله شوقتيني لوووووول ملبوس العافيه يارب
اذا قلت حق ريلي سوق يذبحني لاني ماخذه لي عمر سنه هههههههه

ام الحوراء
شمسوووويييييه بدعتي
عليج بالعافيه
بسج لاتشترين
ساعات البيبي يكون متين او ضغيف طويل قصير
يعني لاتشترين لين تشوفين جسمه ليم 3اشهر كافي

 

[بخـــارى]

ريريز
ودارك سول عليكم بالعافيه

 

[بتبوتااا]

محد جاوبني التنزيلات الى متي

ماعندي فكره حياتي :eh_s(17):

بتبوت
شوفي هذا رقم ام فيصل لادويه النفاس بجابرالعلي
23840860
وبخصوص التبخر اكيد بالحمام شلون اتبخر بالدار. ريحته خااايسه مقرفه
مستحيل بالغرفه

انزين زينانه ولامره بخرت من تحت بعرف شلون وعالريحه ؟ اكيد بتطبع بالجسم :/ ؟

ودي اجرب بس بحكم اني ابيتي شلون اوخر الريحه من جسمي بعدين :bbbiu:

وفي هالشفاطة وايد امدحوهاا ... بس سعرها بـ 45 وشي .. وفي اليدوي يمكن بـ15
ماادري ودي فيها بس استغليتها ابصراحه .. اشرايكم اخذها ؟

وبخصوص غسيل الملابس ... احسهم ان انغسلوا بيصيرون جنهم قدم ولا ملبوسين
الحمدلله والشكر خو الخدم الي عندنااا انواع التمغط يسوونهم علج .. بحاول انقعهم بماي وصابون بس مو الحين ليما ان شاء الله اكمل باقي التجهيززز لان ولادتي بالشتا وبنطر مذركيرر ينزل الشتوي ... للحين ماشوفه نزل فناتقه ... اذكر شفت عندهم العام سوالف التايقر الفرووو و الدببه يزووغون بس الحين نصابين مو منزلين شي حلو ..

ما انصح بالشفاطات يكبرون الصدر :/ احسن حل تطلعين الحليب بيدج وترى الطريقه سهله واحسن من الشفط ..




ريرز + دارك

بالعافيه عليكم ماشاءالله ..

ريرز من وين السرير وزين سويتي خذييتيه لي اربع سنين :>

 

[ReRez]

نارنجه وناسه سالفة الدشداشه احس تريح حيل راح اسويها واتذكرج بس اخاف برد عليها لأن بتنولد بداية الشتا ان شاءالله

و بخصوص السله الخضرا خذيتها من مذر كير السالميه القديمه اللي يم نكست و بدي شوب واتش اند ام بس كانت اخر قطعه مادري اذا يابو غيرها او لأ

و على المقراضه ام مكبر ماشفت منها بسنتر بوينت حولي !!

وتره شفاط مديلا كهربا لقيته بصيدلية مستشفى الراشد ب 26 وهم بمذر كير نفس السعر بس طبعا الصدر الواحد مو الصدرين وانا شبي بالصدرين باخذ صدر واحد واسوي شفتات بينهم
---

ايا فيد كلج ذوق حبيبتي مشكوره

و ام عفاف وباجي البنات تسلمون حبيباتي و عساكم تشوفون اللي ببطنكم بخير وصحه يارب
---

دارك سول يهبلون الملابس عليج بألف عافيه انا بغيت اطلب من الامازون بس خفت من الشحن الكل قالي غاااالي عاد ماتهورت وطلبت

 

[ReRez]

ليمون ونعناع اي صح مقاساتهم مقاسات اقزام بس شكلي بلبسها اياهم بالاربعين وبس
وتره مرسوم عالعلبه من ورا شنو داخل الكرتون وجم قطعه
---

بتبوتا خذيته من سنتر بوينت حولي
---

نارنجه
حلففففي ان سنتر بوينت عندهم جناط وجياس بيبي بسبعه وشي؟؟!! اللي شفتهم ب30 واكثر فماخذيتهم

 

[منااووي]

Rezez

ماشاءالله تبارك الرحمن فعلا احلى تجهيز بنوته شفته .. احسه كامل وشامل ومرتب ..

ملبووووس العافيه يارب


بس ياريتج كنتي حاطه اسعارهم ومن وين السرير وبعض الاغراض ؟

ومتى صارت تنزيلات سنتر بوينت هذي ؟ وفي تنزيلات الحين ولا خلاص ؟

 

[زينانه]

سنتربوينت
التنزيلات كانت اخر شهر ٥ الى ١١-٦
حسافه طافتج
انا اشتريت الملابس والجنطه مع كيس البيبي
بسعر حلو تقريبا الاثنين ١١ دينار

 

[نارنجه]

بتبوتااا

والله أنا عندي معاناة مع الرضااعه الطبيعية يصير معاي تشقق و اصلا الحلمة عندي غائرة مو بارزة ما اقدر اعصر فيها ولا عيالي قدروا ههههههههههه
بجرب عدسة الصدر هالمرة يمكن صج تفيد. ولازم شفاط على الاقل احس رضعت وسويت الي علي

Rerez

لا حبيبيتي ان شاء الله ماتبرد اسم الله عليها لإنج اصلا بتقمطينهااا فدييييت البيبياااااات
وانا بعد ولادتي بحيل الله باخر عشرة او اول 11 ان شاء الله يعني ابي شتوي اكثررر من القطني

شوفي بأجر بحيل الله روحي لسنتر بوينت الي بحولي و بتلاقين الجياس او بمقولة اخرى المنز
أنا أخذت السااادة و الي فيها تطريززززز فضي مثل التاااج تحسينه نعوم شغل اجانب
واذكر كان فيه وردي و بنفسجي فااااتح ان شاء الله تحصلينه حسيته وايد عملي وينفع حق التنقل

إيه وبخصوص الاوفرولات مالت السنتربوينت والله نصيحه لو تبدلينهم بمقاس اكبر وايد احسن لانه صج صج صغيررر ً رديتهم خفت على ريول البيبي حسيته بالغضب راح تكفي اصابعه أخذي من سته شهور

والمقراضه ان شاء الله :krkrkr: لأني قبل جم يوم بس اشتريت منهم اغراضي تلاقينها معلقه بكرتونه وعليها صورتهاااا صوب المميات

وترا عندهم كوبونات على المشتريات يعطونج دينارين عن كل ما ادري جم
اختي توها شارية منهم ومعطينهاااا اشكثررر قلت لها خشيهم لي ههههههههههه

 

[نارنجه]

ما عليه عيوني السموحه ما ادري من وين طلع لي ألويه الي يضحك
ذبحني الاي بااااااد يكتب بروحه ههههههههههه ولا اقدر امغط صفحه الرد عشان اعدل فيه خاصة اذا كان رد طويل

وناسه والله بالراشد ٢٦؟
أنا الي شفتها ب٤٥ بمذركير و سنتربوينت بنفس السعرررر و حق صدر واحد ههههههههههه امبيه تخيلت عمري اشفط من الاثنين
ههههههههههه هذي اكبر عملية انتحااااارية اسويها بحياتي

مشكورة حبيبتي ان شاء الله أخذها من الرااااااشد

وعسى الله يتمم علينا وعلى كل الحوامل و نفرح بشوفه عيالناااااا وهم بكامل صحتهم وعافيتهم يارب

 

[ReRez]

مناوي مشكوووره حبيبتي من ذوقج وتره انا تجهيزي تقريبا كله من سنتر بوينت وقت التنزيلات حتى السرير خذيته منهم ب ٣٩ دينار

و السله الخضرا سعرها مبين بالصوره خذيتها ب ٧ من مذر كير اللي بالسالميه القديمه و مخدة الرضاعه ب ٤ دنانير هم من مذر كير والسعر بعد مبين بالصوره

و باجي الملابس كله سنتر بوينت حولي و الاسعار موجوده ببعض الصور بس كان وقتها تنزيلات ف أكيد الحين الاسعار ردت ارتفعت للأسف
---


نارنجه حسافه ماراح اقدر اردهم شريتهم من زمااان وبوقت التنزيلات الحين ماينردون
ولي روحه ان شاءالله سنتر بوينت حولي على يوم الاحد و احط لكم اللي شريته من اهناك ان شاءالله
*

 

[معذبتهــم]

ماشاءالله لا حول ولا قوه الا بالله حلوو تجهيزكم

ان شاءالله اذا عرفت جنس البيبي ابلش تجهيز

 

[Violetta]

لا تسترون هالشفاطه مووووشي عندي و خساره فلوس لاتشفط ولاشي شاريتها ب ٤٤ و قطيتها بالزباله تكرمون ام بطاريه العاديه احسن

 

[نارنجه]

Rerez

موفقة حبيبتي


فيوووليت
صج !
يعني أخذ من نفس الماركة بس الي بالبطارية ولا ماركة ثانية ؟

 

[بتبوتااا]

بتبوتا خذيته من سنتر بوينت حولي
---

تمام حتى انا اشتريهم من هناك اقويه وحيل يكدون :eh_s(15):

بتبوتااا

والله أنا عندي معاناة مع الرضااعه الطبيعية يصير معاي تشقق و اصلا الحلمة عندي غائرة مو بارزة ما اقدر اعصر فيها ولا عيالي قدروا ههههههههههه
بجرب عدسة الصدر هالمرة يمكن صج تفيد. ولازم شفاط على الاقل احس رضعت وسويت الي علي

والمقراضه ان شاء الله :krkrkr: لأني قبل جم يوم بس اشتريت منهم اغراضي تلاقينها معلقه بكرتونه وعليها صورتهاااا صوب المميات

وترا عندهم كوبونات على المشتريات يعطونج دينارين عن كل ما ادري جم
اختي توها شارية منهم ومعطينهاااا اشكثررر قلت لها خشيهم لي ههههههههههه

اقول لج على شي؟ ترى انا هم كنت ماخذه شكثر قبل لا اتعلم اعصر لروحي ومافاد يمكن اذا صدري متروس ينزل حليب بروحه من عصره فأنصحج ترى العاديه والغاليه نفس الشي ..

 

[منااووي]

هذيله حماي يابهم لي من امريكا بس للأسف قياسهم ٣-٦ و بنكون من شهر ١-٤ بيكون برد ماقدر البسها جذي *

----

وهذي شوية اغراض من مذر كير

سلة احطها يم راسي بالاربعين تنظملي الشغل فيها مكان حق حفاضات و رضاعات ومقسمة الحليب و بعد تقدرين تحطين فوط صغار او اي شي

--

وهذا لحاف حياكه اعجبتني الوانه و اللي يمه مخدة رضاعه اهي مو بس حق الرضاعه حتى حق القعده العاديه مع اهلج تريح لأنها تلمج من الخواصر وتريح ظهر البيبي

--

وهذيله رضاعات و حلمات زياده خذيت ٣ سمول و ٢ وسط و فرش تنظيف المميات واللي تقسم الحليب وعدة البدكير والمنيكير مع شفاط خشم ومقياس حراره

---

ومع اني مجهزه الملابس ومخلصه بس ايدي حكتني وخذيت طقم اوفرول آي لوف مامي وآي لوف دادي مع التبانات ملوتهم و خذيت كبوسين بيض

*---

*وهالصدريات والتبانات من مذر كير واللي يمهم من التاجره ام مريوم فديتها طقم مهادات اللصق ٣ مع بعض و جيس بيبي وبنفس الوقت مهاد على ويني ذا بوه من دزني ومعاه كبوسه

--

وهذا مهاد سحاب من تاجره بالمنتدى يهببببل والله ضييييج يعني راح يمسك جسم البيبي عدددل و شكله ذرب

وهذي صورته بموضوعها

و شكرا ^_^


حبيبتي بغيت اسألج عن صورة اخر مهاد من اي تاجره ماخذته ؟ وبجم ؟

 

[ReRez]

خذيته من التاجره منى مودا و كانت مسويه عروض تصفيه عاللي عندها و باعت الواحد ب ٨ بس الحين ردت اسعارهم الطبيعيه و رد الواحد ب ١٤ و هذا موقعها

http://monamoda.piczo.com/wrap?cr=6&linkvar=000044

ورقمها موجود بصفحة الموقع الرئيسية

و لو تروحين لها معرض كويتيات احسن منها توفرين سعر المندوب ومنها تشوفين فناتك المعرض انا بروح ان شاءالله
---


نارنجه انا رحت سنتر بوينت وشريت جم شغله ابيها من اهناك بس حرااام نروحه واهو مو تنزيلات تخيلو
شريت شوووية اغراض طلع ٧٥ ونص و بالتنزيلات خذيت اضعاف اضعافهم ومع السرير طلع ١١٢ دينار
بس يللا فداها بنوتي تستاهل

ان شاءالله اصورهم و انزلهم لكم قريبا *

 

[ليمون ونعناع]

رزيز

السرير كان تنزيلات بعد؟
واشكثر نزلوا عليهم