تجهـيز الـ baby بالصور ( كل مايخص أغراض البيبي صوريه وحطيه نفيد ونستفيد )

[Q.8.h.2]

انا اغسلهم لان فيهم مواد كيماويه تبعد الحشرات وقت التخزين وهذا كلام دكتور اطفال

 

[منااووي]

ملبووووووووووووس العافيه يابنات تجهيزاتكم رووووعه


انا للحين ما جهزت شي

 

[ام عفاف الكويت]

محد جاوبني التنزيلات الى متي

 

[ام الحوراء زينب]

ام عفاف تنزيلات اي محل ؟

 

[ام عفاف الكويت]

مذركير

 

[ام الحوراء زينب]

اعتقد اعتقد لي باجر
لاني سمعت الفلبينيه اللي بالبيرق تقول حق المرا ماتقدرين ترجعين الا بلاجر لانه اخر يوم
مادري والله

 

[كلاسيكال]

ام عفاف اتوقع نهايه 7 ، مادري

 

[ام الحوراء زينب]

عاد تصدقين تنزيلاتهم كانت واااو
بس شوق شرق كان ارخص من البيرق

 

[ام عفاف الكويت]

انا مو طالعه السوق من دهر
انا ماعرف شنو فيني بس ودي اشتري الابيض

 

[ام الحوراء زينب]

ام عفاف ماعليه اخذي موحد
انا قبل ما اسوي سونار خذيت كل شي موحد

 

[7elwa&3soola]

حدها عجيبه خخخخخخخخخخلا من وين ؟؟؟

 

[ReRez]

بسم الله الرحمن الرحيم*
*
شلونكم بنات ماشاءلله تجهيزكم يهبل عليكم بألف عافيه

والحين بحط لكم تجهيزي المتواضع
-----
*
اول شي هذا الطقم من ماذر كير ( تبانين + اوفرول + بنطرون و بلوزه + كبوس + دس )

*
---------
*
و هذا من دبن هامز المطار ( 3 تبانات من ديزني .. مقاسهم 3-6 بس شكلهم جنه 0-3 !!!! )

*
----------
*
*
والحين اغراض سنتر بوووينت ( حولي ) ..
طبعا مع التنزيلات مابقى الا اللون الوردي زين حصلت طقمن لونهم مختلف*
*
هذا طقم كامل داخله*
( تبانين + اوفرول + لفه + لحاف + بلوزتين + بنطرون + صروالين + صدريتين + 4 فوط صغار + دسوس + دلاغ + كبوس )
*

*
-----
*
وهذا هم طقم بس اصغر داخله ( بلوزه وبنطرون + صدريه + كبوس )
*

*
-----
*
وهذيله 5 تبانات مع الاوفرولات ملوتهم و 3 تبانات بيض
*

*
------
*
وهذا 6 صدريات و صروالين
*

*
طبعا مادري ليش شريت صراويل بس شوقوني ويوم رجعت البيت خالتي قالت كلش مالهم اي داعي *
بس مالي شغل بلبسها صروال الستر زين
*
--------
*
كل شي شريته من 0-3 بس هذيله الوحيدين اللي نيو بورن بس حجمهم جنهم 0-3 مايفرق عنهم
*

*
-----------
*
طبعا هذيله الوحييييديين اللي مافيهم وردي والله كل سنتر بوينت وردي زين حصلت هالطقمين
معاهم اوفرول + تبان + لفه + صدريه + كبوس
*

*
----------------
*
وهذيله بلوزتين داخليه و صراويلهم ( طوال )*
*

طبعا نفس العمليه خالتي قالتلي مالهم اي داعي لأن الياهل لازم يلبس تبان عن الهوا ومايصير بلوزه تطلع البطن :×
*
------------
*
وهذيله كبابيس معاهم دس ومال الريول
*

*
----------
*
وهذيله لفتين و 13 فوطه صغيره و دلاغين
*

طبعا اللفات خذيتهم عبالي غطى خخخخخ تحسون ماعرف شي بس اختي قالتلي يا شقول هذيله مهادات و الخيوط تاخذينهم من اي مكان
-------------
*
وهذيله كفرين الذهبي يهبببل شكله بالصج حييل راقي اهو على مخمل و من ورا ستن يلمع*
والثاني قطن على دبدوب وارنب ^_^
*

*
-----------------
*
وهذيله فوط سباحه و اللي على بو في معاه ليفه ناعمه و روب
*

*
------
*
هذا السرييير حق بعد الاربعين .. يكفي لي 4 سنين وايد عود ماشاءالله
*

*
------------

يتبع ،،

 

[ReRez]

هذيله حماي يابهم لي من امريكا بس للأسف قياسهم ٣-٦ و بنكون من شهر ١-٤ بيكون برد ماقدر البسها جذي *

----

وهذي شوية اغراض من مذر كير

سلة احطها يم راسي بالاربعين تنظملي الشغل فيها مكان حق حفاضات و رضاعات ومقسمة الحليب و بعد تقدرين تحطين فوط صغار او اي شي

--

وهذا لحاف حياكه اعجبتني الوانه و اللي يمه مخدة رضاعه اهي مو بس حق الرضاعه حتى حق القعده العاديه مع اهلج تريح لأنها تلمج من الخواصر وتريح ظهر البيبي

--

وهذيله رضاعات و حلمات زياده خذيت ٣ سمول و ٢ وسط و فرش تنظيف المميات واللي تقسم الحليب وعدة البدكير والمنيكير مع شفاط خشم ومقياس حراره

---

ومع اني مجهزه الملابس ومخلصه بس ايدي حكتني وخذيت طقم اوفرول آي لوف مامي وآي لوف دادي مع التبانات ملوتهم و خذيت كبوسين بيض

*---

*وهالصدريات والتبانات من مذر كير واللي يمهم من التاجره ام مريوم فديتها طقم مهادات اللصق ٣ مع بعض و جيس بيبي وبنفس الوقت مهاد على ويني ذا بوه من دزني ومعاه كبوسه

--

وهذا مهاد سحاب من تاجره بالمنتدى يهببببل والله ضييييج يعني راح يمسك جسم البيبي عدددل و شكله ذرب

وهذي صورته بموضوعها

و شكرا ^_^


 

[ام الحوراء زينب]

ماشاءالله شوقتيني لوووووول ملبوس العافيه يارب
اذا قلت حق ريلي سوق يذبحني لاني ماخذه لي عمر سنه هههههههه

 

[aya faid]

Rezez

ماشاءالله لا قوة الا بالله احلى تجهيز شفته


منوع وراقي وذرب وكاااااامل


عليج وعالبنوتة بالف عافية


ربي يبلغج فيها عروس وتتهنى ملبوس العافية حبيبتي

 

[زينانه]

لا تشوفين الفافورت عندي من هالمواضيع لوول وقت الولاده ان شاء الله ابطلهم واسوي مثل الي يقولون :rerrerek: وتعرفين احد عنده مردود موثوق ؟ وياقلبي مو زين البخور بالحمام ؟!



ناطرين حياتي:eh_s(7):



مو كلهم يعني اللي احس انه يبيلهم غسيل او فيهم ريحه اغسلهم ..

بتبوت
شوفي هذا رقم ام فيصل لادويه النفاس بجابرالعلي
23840860
وبخصوص التبخر اكيد بالحمام شلون اتبخر بالدار. ريحته خااايسه مقرفه
مستحيل بالغرفه

 

[نارنجه]

ام عفاف انصحج تروحين سنتر بوينت اول شي بعدين مذركير ...

انا خذت لي جم طقم من سنتر بوينت الي بحولي ... ماشاء الله حلوه ملابسهم صج ماعليها تنزيلات بس حلوين القطع خاصة انهم مبدعين باللون البيجي و الابيض ..
واللفات مالتهم التيركوو و الصوف وايد يهبلون .. والفوط تلاقين الكبيرة ومثلها صغاار

ولقيت عندهم جياس البيبي مع جنطهم .. نعومين خذت لي ابيض و بيج وسعرهم والله مايسوى بسبعه وشي .. وعندهم مققراضة اظاافر انصحكم فيهااا للبيبي وكنت ناوية اطلبها من امازون بس اشوى لقيتها عندهم ... صاير فيهاا عدسة مكبرة عشان ماتقرضين صبع البيبي وتعورينه بدينار وشي

مذركير الي عجبني فيه التبانات والافرولات بس طبعا القياسات النيوبورن والصفر لي 3 كلها خالصه ... يعني انتي و حظج ...

وفي شي عندهم حق الصدر .. مثل عدسة بلاستك تلبسينه عشان تهيئين صدرج للرضاعه
خاصة الي حلمتهم مو بارزة وايد تنلبس من الشهر الرابع او السابع ... وعقب الرضاعه تلبسينها عشان ماتتعور الحلمات ... ماركتها ميديلا تلاقونها يم شفاطة ميديلا بمذركير .. ستاند برووحه ....

 

[نارنجه]

وفي هالشفاطة وايد امدحوهاا ... بس سعرها بـ 45 وشي .. وفي اليدوي يمكن بـ15
ماادري ودي فيها بس استغليتها ابصراحه .. اشرايكم اخذها ؟

وبخصوص غسيل الملابس ... احسهم ان انغسلوا بيصيرون جنهم قدم ولا ملبوسين
الحمدلله والشكر خو الخدم الي عندنااا انواع التمغط يسوونهم علج .. بحاول انقعهم بماي وصابون بس مو الحين ليما ان شاء الله اكمل باقي التجهيززز لان ولادتي بالشتا وبنطر مذركيرر ينزل الشتوي ... للحين ماشوفه نزل فناتقه ... اذكر شفت عندهم العام سوالف التايقر الفرووو و الدببه يزووغون بس الحين نصابين مو منزلين شي حلو ..

 

[نارنجه]

rerez

ماشاء الله اغراضج تهبل و ملبوس العافيه يارب ...
اغراض البنات تشووووق فديتهم والله ...

سله المميات حلوة ماشفت مثلها بمذركير السالمية .. من وين ماخذتهاااا؟

وبخصوص هاللبس

تلبسين البيبي التبانه وفوقهاااا القميص .. بتلاقينه صاار دشداشة
هذي تنفع حق المستشفى و اول اسبوعين لين تطيح سرة الياااهل ... يعني ترا هذيل مثل الاطقم السورية مهاد ونفنوف ... بس هذااا مال الاجانب
وطبعااا السروال مايلبسه الياهل الا عقب ماتطيح السرة ... عشان مايتعور :eh_s(2):

اخذت منهم 2 وفي البيجي الي عليه رسمت دببه اخذت منهم الي فيه ربطات على جنب ...
اكيد مر عليج بسنتر بوينت ... بس طبعااا هذول حدهم 4 قطع بس لان البيبي اسم الله عليه يكبر بسرعه وهذول بالكثير حق اول اسبوعين ...
اذا لبستيهااا هاللبس تذكريني بتلاقينه يغطي حتى ريلوهااااااا اسم الله عليهااا ....




تبانات سنتر بوينت وافورولاتهم اذا كنتي ماخذه نيوبورن ولا من صفر لي 3 الي مجيسين
نصيحه روحي رديهم ... صغااااار وايد وايد .. كنت ماخذه منهم ومن مذكر كيررر نفس المقاس بس ملوت سنتر بوينت مقاس اقزاام ...
يعني تخيلي قياس مذركير صفر لي 3 يعادل مقاس 3 لي 6 من ملوت سنتر بوينت ... طبعاا كلامي عن القطع المجيسة مو القطع العادية

فتحي واحد فيهم وشوفي القياااس ...
:eh_s(17):

 

[ام عفاف الكويت]

عليج بالعافيه زوزووووو
والله يخلي لج البنوته وتشوفينها بحضنج
بالنسبه حقي انا ماقدر اجهز شي لانه ولاده شتا انطر المخامل