جيل الستينيات ...وينكم؟؟؟؟

[حضرمية اصيلة]

هلا ام خالد

كيفك حبيبتي

 

[الغاليه ام احمد]

بنات تسلم عليكم مشااااااااااوي وفطوووووووووومه وام عبدالله

 

[عصير ليمون]

اللهم يا جامع الناس فى يوم لا ريب فيه اجمع بين ضالتى


صاجه أنا دايم أقول هالدعاء عجيب على طول ما تاخذين شوي إلا إنتي لاقيته
وقلت لخوي يقوله :eh_s(16):كشت فيني :eh_s(1):
المهم الظاهر راح طلع له جواز ثاني بس بعد على ما يخلص بطريقة ما ؟؟؟!!!!:eh_s(15):

الدعاء : اللهم يا جامع الناس ليوم لا ريب فيه أجمعني بضالتي .

صج هذا دعاء وحده بوحده:eh_s(17):

 

[حضرمية اصيلة]

بنات تسلم عليكم مشااااااااااوي وفطوووووووووومه وام عبدالله

الله يسلمك ويسلمهم حبيبتي

وانت سلمي عليهم

 

[عصير ليمون]

بنات تسلم عليكم مشااااااااااوي وفطوووووووووومه وام عبدالله

الله يسلمج ويسلمها وبلغيها سلامنا قولي لها عصوووره تسلم عليكم :eh_s(8)::eh_s(8):

الله يردهم بالسلامه لديرتهم وحبايبهم :eh_s(8):

 

[حضرمية اصيلة]

عصورة حبيبتي وعسى ان تكرهوا شيء وهو خير لكم

يمكن مالك خير في السفر معوضة ان شاء الله

 

[عصير ليمون]

عصورة حبيبتي وعسى ان تكرهوا شيء وهو خير لكم

يمكن مالك خير في السفر معوضة ان شاء الله

صاجه حضرميه والله يكتب اللي فيه خير

حضرميه أنتي تشتغلين وإلا ست بيت ،، وإذا تشتغلين فين تشتغلين ( س سؤال )

يالله الميكرفون لك ،، :eh_s(4):


صج خلونا نلعب لعبه جذيه ( الميكرفون لك ) :eh_s(9)::eh_s(9)::eh_s(9): عجبتني الميكرفون لك :eh_s(15):ها شرايكم دورو لنا لعبة جذيه :eh_s(15):

 

[الغاليه ام احمد]

عصوووره خلينا نسوي ( الميكرفون لك ) برامج عن تجهيزاتنا لرمضان

 

[حضرمية اصيلة]

لا ست بيت بس ايام المدرسة اقوم بتدريس بنت وولد في المساء

 

[عصير ليمون]

يالله أم أحمد الميكروفون لك :ggdw:

شنو رح تجهزين حق رمضان ؟
وشنو طبقج المفضل ؟
وشنو الشي اللي ما تحبينه بس مجبوووره تسوينه حق أبو العيال ؟؟


الميكرفوووووون لج >>>>>>>>>>>>>>> مستانسه على الميكرفون ما تبي تهده:eh_s(20)::eh_s(20):

 

[ميثا الغريب]

راعية ورق العنب يا أم أحمد ماقالت شنو حشوته وشلون طريقة التفرزن

الميكروفون لج (راعية ورق العنب )

سوري نسيت منو

المع

 

[ام حمنو]

ابله ابله ابله ممكن اتكلم

:eh_s(9)::eh_s(9)::eh_s(9)::eh_s(9):

 

[ميثا الغريب]

بنات دور دور

اللي رافعه إصبعها تنزله لو سمحتوا
المايك مع أم أحمد

بسرعه الرد في سطرين لا تطولون

 

[عصير ليمون]

راعية ورق العنب يا أم أحمد ماقالت شنو حشوته وشلون طريقة التفرزن

الميكروفون لج (راعية ورق العنب )

سوري نسيت منو

المع

هووب هووب ميثا :eh_s(1):دورج ما جاء الميكرفون حق أم أحمد خل تجاوب على أسئلتي اول شكلج داشه عرض

 

[الغاليه ام احمد]

وناسه انا اول وحده

اولا امس قلت بروح اشتري لحم وبرغل وسمبوسه وبخلي الطباخه مع الباقي يسوونه

واشوه اني ما رحت

لان اليوم رحت لجارتي الا حاطه كبب وايد لذيذه مسويتها صديقتها وتبيعها

وبما اني اعرف صديقتها واثق بنظافة شغلها قلت خليني اطلب منها احسن

وطبعا طلبت كبة عربه وكبة برغل وكبة بطاط وعيش محشيه لحم مفروم وكبة بطاط محشية جبن ابيض

وهم كبه بطاط على شكل مثلث ما اعرف اسمها محشيه قطع بطاط

وطبعا ما سالتها اذا تسوي سمبوسه ولا انا الفها

 

[عصير ليمون]

أم حمنو شكوووو داشه عرض صفي دور

أم أحمد بتجاوبين وإلا بنسحب سؤالنا

 

[عصير ليمون]

حلو منك نستفيد كملي جاوبي على باقي الأسئلة راجعي اسئلتي


وبعدين نبي رقم صديقة جارتج لو سمحتي حتى نجرب إحنا بعد <<<<<< غير مذيعه حار بحار

 

[الغاليه ام احمد]

اي ما كملت الطبق اللي احبه شوربة الشوفان بالمشروم

واهم طبق يومي التشريبه

وماكو شي ما احبه

 

[ام حمنو]

احسن طريقه تسوين جدول حق الفطور يعني كل يوم

شوربه+سلطه+طبق رئيسي+طبق جانبي+سويت


مثلا يوم السبت 0 0 0 عدس+شمندر+جريش+بيتزا+لقيمات


يوم الاحد0000000000مشروم+فتوش+تشريبه+كبب وسمبوسه+بلاليط

وتكملين الجدول 00000000

 

[الغاليه ام احمد]

والله عصووووره الصراحه كببها حلوه ومو مالحه

الا كبة البطاط بالجبن الابيض ملحها حلو لانه الجبن مالح

دلولتي استانست عليها قالت طلبي منها حق الحين