جيل الستينيات ...وينكم؟؟؟؟

[ميثا الغريب]

يلا يا أبله متى الدور ؟

 

[ام حمنو]

ويييييي شكلي صج دشيت عرض 0000ما عليه سامحوني

فيني النوم

على طاري الكبب يمدحون كبب سما لبنان مره شفته بالمعرض وعنده وايد انواع واسعاره حلوه ما جربتوهم؟؟؟؟

 

[عصير ليمون]

يالله مشكووووووووره أم أحمد على مشاركتج

يالله ميثا دووووووورك الميكرفون لج الحين

مع أنه أم حمنووو كل شوي مقاطعتنا بس ميخالف هم مداخلتها حلو طريقة الجدول حلو عجبتني

المهم نرجع لمحور حديثنا ،،،

ميثا

شنو طبقك المفضل ؟
شلوون تقضين يومك في رمضان عطينا فكره يوم كامل
متى بتدين بالطبخ ، يعني الساعه كم
شنو الطبق اللي لازم يكوون موجوود على السفره يوميا
ومتى بتدا زوارتك في رمضان للتهنئة والتبريك


يالله الميكرفوووون لج

 

[الغاليه ام احمد]

ام حمنو وخري عن كبب سما لبنان

والله رمضان اللي فات طلبت منه يتفجج بالقلي

والحلو مال الشركه الكويتيه

السنه اللي فاتت كانوا يحطون اعلاناتهم يم بعض بالوسيط قلت خليني اجربهم

وطلبت من الاثنين

سما لبنان مو حلو

اما الشركه الكويتيه كببه ميني وحلوه

 

[ميثا الغريب]

ج1- طبقي الأول والأخير تشريبه
ج2- أقعد على الساعد وحده أشوف المطبخ وشنو خطتة اليوم
ج3- أبدي الطبخ في الصيف بعد صلاة العصر
ج4- الطبق الرئيسي البلاليط الليقيمات التشريبه الفيمتو الجرثي
ج5- أزور وأبارك بعد التراويح طبعا ماشاءالل لمدة أسبوع وإحنا نبارك

 

[ميثا الغريب]

شوفوني إشحلاتي خفيفة

مختصر مفيد

 

[ميثا الغريب]

لا تعلقون على البدليات

كتبت بسرعه علشان أصير شاطره

 

[الغاليه ام احمد]

والله ميثااااا

شنو مختصر مفيد ما قلتي شنو اللي جهزتي

 

[عصير ليمون]

ما شاء الله سرعه في الإجابه

أم حمنوووو تعالى دوورك الحين

تعالي قولي لي

تتفطرين في مكان غير بيتك ؟ ومنو عنده ؟
شنو أهم شي تحطينه حق ضيوفك لما يزووروونج ؟؟ هالسؤال بما إنك عندك خبره بالكبب والتشري
شنو الحلويات اللي تحبينها في رمضان ؟
شنو طبقك المفضل في رمضان ؟
متى تبدين تحضرين حق رمضان ؟

 

[ام حمنو]

اشوف الناس يشترون منه بالمعرض انا بشتري من جارتي

ومن وحده ثانيه اعرفها

عدل ما شاء الله شغلها نظيف

 

[عصير ليمون]

:ch12::ch12:ام حمنو يوم صار دورج ما تجاوبين

 

[ام حمنو]

لا ما اتفطر الا في بيتي

اهم شي احطه حق ضيوفي المعجنات والكبب

واللقيمات والشربت

احب المحلبيه والحلويات البارده

طبقي المفضل الجريش

وان شاء الله ببتدي احضر من الاسبوع الياي

 

[ميثا الغريب]

أم أحمد ولا شيء زهبت حق رمضان كل شي بوقته حلو

يعني قبل رمضان ب10أيام أضبط شغلي

 

[عصير ليمون]

مشكووووووووره على هالإجابات الصريحه

يالله الحين فاصل ونواصل :eh_s(17)::eh_s(17)::eh_s(17):

 

[ميثا الغريب]

الحين عندي السؤال

خيطتوا دراريع رمضان ؟

وين خيطتوا ؟

 

[الغاليه ام احمد]

ذكرتيني ميثااا الله يذكرج بالشهاده

عندي حراير بوديهم الخياط حق رمضان

ومره وحده اشوفلي عنده دراريع للعيد

 

[ام خالد الغلا]

ايله ابله ابله عصوره اجاوب

يا حلو سوالفكم

 

[ام حمنو]

ام احمد قولي لي اي خياط انا بعد ابي

 

[ميثا الغريب]

وين خياطج وإلإ سر علشان لانقلدج

ترى أنا خيطت وخلصت

 

[ميثا الغريب]

أم خالد ماراح تدخلين الصف
جيبي ورقه من الوكيله