تم رفض الكادر (تم دمج المواضيع المتشابهه)

[دخون ازرق]

رد: نحن لا نريد الكادر يا سعادة الوزير...

رووووعة ليتج داخله موضوعي وكاتبه اقتراحاتك ----جميع القبعات ترفع لك ياالعنووووود ومعهم قبعتي

 

[دخون ازرق]

رد: شكرا لأسقاط الكادر

لانه الغالبيه الحين بتوع الدروس الخصوصيه طبعا عرفتيهم ما يحتاج اقول جنسيتهم ماخذين معاشات قويه بالنسبه لديرتهم وموفرين لهم سكن معلمات ببلاش وكل شي وما يقطون ولا فلس في المدرسه مع هذا مو عاجبهم متعودين على الدروس الخصوصيه بدمهم ما يقدرون يخلونه وما يهين عيالنا غيرهم تربية الحواري ذابحهم الحسد والغيره

صح صح صح كلامج

 

[عنووود]

رد: نحن لا نريد الكادر يا سعادة الوزير...

مشكورة حبيبتي دخون .. كفايه سكوت لازم صوتنا يوصل

 

[مدرسة المستقبل]

رد: الكادر يولّي [ الأهم سعادتنا ] مبروووك العطلة تعالوا تعالوا نحتفل

هههههههههههههههه

منول امبدعه

تحسين مو مصدقين انه خلص الدوام وبدت العطله

أنا معاج لازم نستانس ونستغل عطلتنا صح
ونستمتع كثر ما نقدر

بالنسبة حق السفر ما راح أسافر
وبالنسبة حق التسوق فمعطية حق نفسي صلاحية بالتشري كثر ما تبي
وبالنسبة حق العناية بأزيد لي جم كيلو نزلتهم بالدوام فطايحتله بلع
وبعد آخذ حبوب الخميره هم تزيد الوزن وما منها ضرر لأنها فيتامينات
وآخذ كبسولات هير فيت حق الشعر لأن شعري صاير خفيف
وأستخدم جم كريم حق ويهي علشان تردله نضارته

 

[دخون ازرق]

رد: شكرا لأسقاط الكادر

يابنات قولوا الحمد لله والشكر
ترى احنا فى نعمة والله لاتخلون ربنا يقلبها علينا
واللى تقول عن الدروس الخصوصية اقولها يا اختى جابلى بيتج وعيالج ليش دروس خصوصية
ليييييييييييييييييش ؟
ترى انتوا السبب هايتين وبعدين تجيبون هالمدرسين وبعدين تشتكون

حبيبتي باثو اول شي عيالج باي مرحلة---هدا واحد
اثنين شلون حكمتي انا احنا هايتين هدا اختي قدف علينا وهدا مايجوز---اختي باثو تعالي نتكلم بالعقل احنا خريجين الثانويه بالثمانينيات يعني بالحسبة صار لنا 18سنة متخرجين اتكلم عن نفسي شلون كانت المناهج قبل وشلون صارت الحين --والله انا مدرسة وزوجي مهندس كيميائي بنتي بالصف العاشر يايبه درس رياضيات نشرحه لها قبل الأمتحان قعدنا ساعة نحاول نفهمه قبل لانفهمه لها ما قدرنا
الأستادة الوزيرة موضي واللي قبلها الأستاده نوريه قولبوا بالمناهج وعفسوا الدنيا وصعبوا المناهج بشكل موطبيعي:bbbiu: وهدا علشان يرتقون بالتعليم؟؟؟؟ ----------لاتعليق
ثالثا حبيبتي اغلب المعلمات الوافدات وليس الكل من تجربة تجي بنتي وتقول يما قطوا هالكلمة شمعناها؟؟؟هم لاتعليق ابي الوزارة شلون ماتعطيهم دروس قبل لايدرسون عن ضرورة انهم يتكلمون باسلوب سنع بعيد عن ----مع ابناءنا والله العظيم اقول هالكلام عن تجربة ودخلت على الناظرة وبلغتها---ويقولون ليش عيال الكويت الغلبية انحرفوا ------غاب المعلم القدوة اللي لازم يحل مكان الوالدين ان كان هناك قصور فيهم اختي السالفة معادله ----


للعلم ولله الحمد عيالي متفوقين بدراستهم وبنتي الأولى عالمدرسة ومتربين احسن تربية ماشاء الله لاقوة الا باالله وانا عندي عيالي مصلحتهم وعلمهم وتربيتهم قبل كل شي وانا من النوع اللي بيتي وزوجي وعيالي فوق كل شي واحترم رايج ولو كان فيه بعض التجريح لأمهات كويتيات والله قدوة مع عيالهم ويموتون على مصلحة عيالهم شاكرة لك عزيزتي

 

[دخون ازرق]

رد: شكرا لأسقاط الكادر

حسبي الله ونعم الوكيل
والله انا مومدرسه بس زوجي مدرس والله العظيم زوجي صار معاه دسك والسبه الوقفه بالحصص والمراقبه في الفرص
وساحات المدرسه والله يا بنات حسرا علينا نطلع معاه مكان نتمشي الا المسكين يدورمكان يبي يقعد فيه من وجع ظهره
والله اني خايفه عليه من هالمهنه المتعبه وفوق هذا يقولون المعلم مايستحق حرام عليهم حرام
حسبي الله ونعم الوكيل
والا سلوي الجسار شر البلية مايضحك
الاخت تقول انا مع الكادر بس صوت ممتنع
يعني شنو بفهم هذي الظاهر فيها شي يمكن مخها غيب في الجلسه
او معها انفصام بالشخصيه وقت الجلسه طلعت شخصيتها الثانيه
او ماجمع المره تقط خيط وخيط
صراحه انا متعاطفه معاج حيل روحي حق طبيب نفسي يشخص مرضج لا حول ولا قوة الا بالله
مسكينه سلوي الجسار الله يعينها علي نفسها
واخيرا حيبي الله ونعم الوكيل ع النائبات وين تروحون من حوبت المدرسين المساكين

الله يشافيه وان شاء الله تنحل

 

[هجوره 2009]

رد: شكرا لأسقاط الكادر

انا ما قول الا حسبي الله ونعم الوكيل

 

[MiSs_6a7LooSHA]

رد: الكادر يولّي [ الأهم سعادتنا ] مبروووك العطلة تعالوا تعالوا نحتفل

وانا بعد وياكم

صج إني مسافرة والحمدالله مغيرة جو بس يعني مالي غناة عن المنتدى ولا عن مواضيع معلماتنا التوووحفه وبالأخص منال القلب فديتها


استانسواااا يلا أشوف جدامي يويلها اللي ماتستانس فاهمين ولا لأ

 

[درة أهل الطولات]

رد: الكادر يولّي [ الأهم سعادتنا ] مبروووك العطلة تعالوا تعالوا نحتفل

جوج ونااااااااااااااسه

 

[أميرة 22]

رد: نحن لا نريد الكادر يا سعادة الوزير...

ودي اطلع من وزارة التربية ... اللي كلها ظلم .. وهم وغم
بالدوام وحتى بالبيت ... !

 

[قاهرتهم 2011]

رد: نحن لا نريد الكادر يا سعادة الوزير...

كل التركيز والعين على المعلم اي تدني بمستوى الطالب قالوا المعلمات الكويتيات السبب
اي صعوبه بالمنهج وتراكم المعلومات فيه قالوا المعلمه الكويتيه السبب مع العلم انه ما ياخذون راينا بالمناهج وكمية المعلومات فيها.. المنهج يا جماعة مفروض علينا فرض من الوزاره لازم نخلصه بالمده المحدده لنا دون مراعاة للوقت والمنهج الصعب على مستوى الطالب بالمرحله الابتدائيه والمتوسطة

اي طالبه يغمى عليها من ضربة شمس بالساحه قالوا المعلمة هي السبب زين ليش ما يلومون الوزاره اللي ما هيئت مدارس تتناسب مع مناخ الكويت ليش ما يوظفون مراقبات على البنات يستلمون المناوبات عن المعلمه الهلكانه من تدريس الحصص والتصحيح وطلبات التوجيه اللي ما تخلص والاحتياطات

أتمنى يفرغون المعلمه للتدريس بس بدون مناوبات بالفرص ومربيات فصول اللي هي اصلا شغل الاداريات

 

[الجوهرة777]

كادر موضي الحمود

السلام عليكم ورحمة الله وبركاته


احنا الحين افلسنا من كادر جمعية المعلمين والحمد لله على كل حال

السؤال : هل راح ينزل كادر موضي ؟

ومتى ؟


وبأثر رجعي أو لا ؟ وكم ؟؟

يا ليت اللي تقدر تفيدنا ترد على هالأسئله

الحمد لله محد ياخذ غير رزقه وعسى الله يبارك لنا في رزقنا

أهم شي البركة

 

[منال القلب]

رد: الكادر يولّي [ الأهم سعادتنا ] مبروووك العطلة تعالوا تعالوا نحتفل

فديتكم يا بنات
ماقصرتوا والله على كلامكم الطيب
يارب تتهنون بالعطلة وتسوون كل الي تبونه ان شالله آمين..

 

[ساندريلا]

رد: كادر موضي الحمود

حبيبتي من قالج ان فلسنا من الكادر
في جلسه شهر 10 او بدايه 11 وهمن راح تكون عن كادر الجمعيه
وبالنسه حق كادر موضي اتوقع انه راح يمشي عادي واذا خذينا انشالله الكادر اليديد راح يعدلون عليه
استغفرالله محد دهور كادرنا الا عيون الناس حتى الفراشه عرفت زيادة المعلمين

 

[ساندريلا]

رد: كادر موضي الحمود

كتب عبدالعزيز الفضلي:
ما لم يتم التفاهم عليه في الاجتماعات المباشرة رفضه المعلمون من الوزير المليفي عبر الهاتف برفض جمعية المعلمين طلب الوزير تشكيل لجنة مشتركة لدراسة وجهات النظر في شأن الكادر والتقريب بينها.
المكالمة الهاتفية علمت بها «الوطن» وكشف عن تفاصيلها رئيس جمعية المعلمين متعب العتيبي الذي قال انه تلقى المكالمة من المليفي بعد المؤتمر الصحافي الذي عقده امس الاول حيث طرح الوزير تشكيل اللجنة غير ان طلبه قوبل بالرفض.
واوضح العتيبي انه ابلغ الوزير اصرار الجمعية على الكادر كما تم الاتفاق عليه اول مرة بإقرار الجدولين 1 و2 وهو ما شهد اخلالا من الوزير بما وعد به منوها الى انه طلب ان تتم المخاطبة بهذا الشأن رسميا ليكون الرد برفض اللجنة المقترحة رسميا أيضاً.
http://alwatan.kuwait.tt/ArticleDetails.aspx?Id=122081

===================


طلب تشكيل لجنة مشتركة في اتصال أعقب مؤتمر رئيسها الصحافي أمس الأول

«المعلمين» رفضت مبادرة هاتفية للوزير المليفي

«متعب العتيبي»: المليفي لم يأت بجديد والمخاطبات يجب أن تكون رسمية

كتب عبدالعزيز الفضلي:

ما لم يتم الاتفاق عليه في الاجتماعات المباشرة لن يجد صدى متجاوباً في مكالمة هاتفية بادر بها الوزير احمد المليفي مع رئيس جمعية المعلمين علمت بها «الوطن» وكشف عن تفاصيلها متعب العتيبي.
فبعد ان اعلنت جمعية المعلمين الكويتية تمسكها برأيها حول كادرها والاستمرار في المطالبة باقراره ووصول المفاوضات بينها وبين وزارة التربية الى طريق شبه مسدود طلب وزير التربية ووزير التعليم العالي احمد المليفي في مبادرة منه لاحتواء الازمة من رئيس جمعية المعلمين متعب العتيبي بتشكيل لجنة مشتركة للخروج بتوصيات وحلول ترضي الطرفين، جاء ذلك في اتصال هاتفي أجراه الوزير المليفي مع رئيس الجمعية متعب العتيبي عقب المؤتمر الصحافي الذي عقدته الجمعية امس الاول، وقد حاول المليفي خلال الاتصال اقناع العتيبي ومجلس ادارته بوجهة نظر الحكومة بخصوص الكادر والموافقة على «البونص» الذي تقدم به.
وقال رئيس جمعية المعلمين الكويتية متعب العتيبي ان وزير التربية عرض عليه خلال الاتصال الهاتفي تشكيل لجنة مشتركة بين الطرفين لوضع ضوابط وشروط لكادر البونص الذي تقدمت به الوزارة لافتا العتيبي الى ان الجمعية ترفض رفضاء قاطعاً هذا المبدأ خاصة وان الوزير اخل بالاتفاق الذي كان بيننا والذي يتعلق بضرورة اقرار الجدولين 1 و2.
واضاف العتيبي في تصريح خاص لـ «الوطن» ان الحكومة اذا كانت لديها الرغبة في الموافقة على جدول 1 و2 وبراتب شهري فليس لدينا مانع من الجلوس مع الوزير وتشكيل لجنة للاطلاع على الشروط الموجودة من ناحية الامتياز وتقويم الكفاءة والغياب مشيراً الى ان الوزير في اتصاله لم يأت بجديد وقال انه طلب من الوزير مخاطبة الجمعية بشكل رسمي بخصوص تشكيل لجنته حتى نرد عليها بكتاب اعتذار، متمنياً ان تكون المخاطبات رسمية بين الجمعية والوزارة.
وذكر العتيبي انه اكد للوزير ان الكرة في ملعبه وقادر على ايجاد الحل الذي يرضي الطرفين خاصة وان مجلس الخدمة المدنية ليس لديه مانع على الـ 231 مليون دينار للكادر فالمطلوب من الوزير ان يقنع مجلس الوزراء وينتهي الاشكال ونتفق ويكون ليس هناك أي داع للتصويت عليه مرة اخرى.
وبين العتيبي ان الجمعية ماضية في مطالبها بخصوص اقرار الكادر ولن تتراجع وترفض اي مبادرة مالم تتضمن الموافقة على الجدول رقم 1 و2 وبراتب شهري.

 

[بنات حواء2]

رد: بعد مارفضتوا الكادر تحملو رفضنا

بنات حواء2


احنا فعلا فلووسنا تنقط عالوسايل


وترا مو من مسئوليتنا انوفر حتى قلم لووح

تدرين اني تمييت ماعندي مكتب اول سنة لي بالمدرسة معنهم كانو يوزعوون مكاتب


اضطريت ارووح اشتري مكتب


والوسايل و الشغل والبطاقات

ولا الحيين يبون داتا شوو ؟؟؟؟؟ شكوو اوفر انا داتا شوو

المفروض اهمه في كل صف يوفرون داتا شوو


حبيبتي احنا لما طلبنا الكادر علشان نقدر انقط على التدريس و التحضير


اما الحيين مانقدر لأنه معاشات ماتكفي

الحين اغلبنا طالعيين بشقق و انساعد رياييلنا بالمصرف


اذا مايبون يفروون كادر عيل يوفروون لنا ميزانية من قيمة 500 حق قسم

مخصووصة للوسايل

انا وياج بكل كلمه قلتيها بس مسأله المكتب انتي غلطانه خليهم ييبولج قصب عليهم و سويلهم بلبله و طلعي لسانج اذا تطلب الامر لانه هذا ابسط حقوقج
بنسبه للداتا شو المفروض اهمه يوفرونها بس انتي شتقولين شتخلين مدارسنا ملأها الاخطاء بس معذلك ترا الداتا شو يساعدج قبل لا يمتع الطلاب يكفي انه بذكرج النقاط و بنفس الوقت يكسر حاجز الملل صح و لالا فهو متعه و فايده لج و للطلبه وصج مو المفروض انتي توفرينه لاكن في حالت الظروف الي احنه فيها شنسوي مالنه الا نشتري واحد يظل ويانا و لا تنسين انه بيوفر عليج فلوس الوسايل لانه من خلاله بترضين صور و فيديوات فراح تستغنين عن الوسايل حتى المخططات السهميه خليها جاهزه و وفري على نفسج الكتابه الا فيما يحتاج التبسيط
انا وياج يا اختي بكل كلمه ظروف الحياه صارت معقده و كل شي زاد الا معاشاتنه مازادت و هذا ظلم يم وظيفه تتظمن ل 100 وضيفه و شغل و كد و هذا اكيد بخلينه نقصر بالوسايل لقله الماده لاكن ياجماعه ترى احنه بديرت خير سوق بو 100 موجود خصصيلج 10 دنانير كل شهر روحي اخذي منه خرابيط و على فكره ترى الوسيله مو بقيمتها الوسيله قيمتها في قدرتها على توصيل المعلومه
انا اختلف وياكم بشغله وحده بس و هي ادائج بالفصل لايأثر فيه هذا الكادر صحيح الي صار يطلب رده فعل قويه من المعلمين و غضب نتيجه التلاعب و النفاق الي صار للاسف لاكن خلتكون رده الفععل بعيده عن الحصص مالوتنه و عن الطلبه لانه اهم مالهم ذنب بلي صار
لاكن لو بتكون لنه ردة فعل فلتكون ضد الورش ضد الاحتياطات ضد المعارض ضد اي شي خارج وضيفتي كمعلمه جذي نكون حطينه النقاط علحروف و انام بليل و ضميرنه مرتاح صح و لا لا
اما الورش و غيره محنه ملزومين فيهم و محد يقص الراس الا الي ركبه
و الله يوفقنه يارب و يوفق الجميع و يسهل علينه

 

[الجوهرة777]

رد: كادر موضي الحمود

مشكورة حياتي


الله العالم بيقرون كادر الجمعية شهر 10 او لا

الله يسهل الأمور

 

[ام الحلوه والمزيون]

رد: بعد مارفضتوا الكادر تحملو رفضنا

احمدو ربك علي النعم( ولان شكرتم لازيدنكم ) الله ماكتبها لكم لو مكتوب كان جاكم

 

[بنات حواء2]

رد: بعد مارفضتوا الكادر تحملو رفضنا

مدرسة المستقبل
قلبي وايد عورني يو قريت ردج تدرين ليش
لانه يجوز اني انا مافهمتج و السموحه اختي الانسان مو معصوم عن الخطأ
ولاكن الطامه الكبرى انج انتي فاهمه الموضوع كله على بعضه غلط في غلط
اشلون انا اقولج اشلون
بس حبه حبه لانج كليتيني بالحجي ماشالله لا اله الا الله
برد على كلمه كلمه قلتيها

حبيبتي احنا وظيفتنا تدريس المنهج وايصال المعلومات للطالب بالامكانيات الي توفرها الوزاره

بس الي قاعد يصير ان احنا قاعدين نقط من جيوبنا علشان نوفر الامكانيات الي مقصره وزارة التربية بتوفيرها

انا بهذا الحجي وياج مو مختلفه فيه معاج نهائيا لاكن اذا كل شي تطور من حولنه للاسف انتوا ماتبون تطورون من نفسكم يا اختي الحواسيب دخلت كل مكان في الدوله و هي قاعده توفر ععليج فلوس واااااااايد خاصه ان انتي تخصصج علوم تقدرين تعرضين لهم فيديوات لين تقولين بس وصور و مجسمات مصوره و بهطريقه تكونين وفرتي فلوس الوسايل هذا من ناحيه ماديه
لاكن من ناحيه الحق الوزاره مطالبه في انها توفر لكم الدااشو و مجسمات و انا واايد استغربت لمن قلتي مافي مجسمات هذي مصيب اذا العلوم ما عندهم مجسمات عييل منو عنده
بس عمومن هذي المشكله ممكن تحلينها بصور و الله يعافي الن مافي شي هذا اذا حبيتي تبسطين المسائل لطلبتج و تخلينهم يطلعون فاهمين اما اذا فهمهم مو مهم عندج فدشي بقلو صبور و انتهى الموضوع دام هذا الشي يحسسج انج راضيه على نفسج و على ادائج

وكل الي قلته ان هذا مو واجبي توفير الوسايل وطباعة أوراق العمل الملونه وتكبير الصور a3 مع التغليف الحراري وغيره وغيره وعلى حسابي وبشكل يومي

معاج مو مختلفه في هلاطار

يعني انا مو قاعده أشجع على التقصير في الأداء بس أنا ضد الصرف على الوسائل

اختي الاثنين مرتبطين في بعض لانج مضطره و لا تنسين احنه ابلات و عارفين ان في ابلات ويانه خاملات و ممكن يكون هذا الكلام تشجيع لهم لزياده كسلهم هذا شي مايختلف عليه اثنين
ثانيا الوسيله يا اختي مو بقيمتها و بجم ؟؟؟ الوسيله هي اشلون انا اقدر اوصل المعلومه من خلالها انتي منتي مجبوره تشترين مجسمات اذا الوزار نفسها مو موفرتها في حل بديل داتاشو و عرضي اي مجسم تبينه و الله مكثرهم بنت
بديت احس ان مسئلة رفض الكادر الحين بتصير شماعه للاهمال و الكسل عند البعض الي اهمه اوردي حصصهم تدوخ و تنوم
اما بنسبه لردي هذا

عرفت ان الضمير له مقياس خاص فيج لاكن واثقه تماما انه ماله وزن فيه مع تحياتي لج

اختي انا الي تكلمت عن الضمير بالموضوع صح و لا لا فلمن يي ردج و يقول

والخوات الي يقولون ضمير ما ضمير

يعني منو المقصود انا و الا يدي , و الكلمه نرفزتني لانها حسستني ان الضمير مسئله هينه عندج و ممكن نتهاون عنها هذا واحد
اثنين
الكلام يا ختي له وجهين و انتي فاهمه انا شنو اقصد وجه ضاهر و وجه باطن و اضاهر انج خذيتي الضاهر و فهمتي مثل ما انتي تبين و انا ماقصدت الي انتتي فهمتيهه هذا عباره عن مثل فرنسي يقال لمن يكون الانسان محتار بين امرين او يبي ينصف بين امرين فيجب ان ينضر الى الامور في عين الموضوعيه فيكون مثل الميزان في قياس الموضوعين و يرجح الكفه الاثقل اي الكفه الاعم فائده و انا لمن قلتلج الضمير له مقياس خاص فيج اي انتي تقيسينه بطريقتج و لا كن في طريقتج هذي و استهزائج بضمير و تهاونج فيه معناه ان كفت موضوع رفض الكادر غلبت عن الكف الاخرى ، اتمنى اكون وصلتلج القصد بقدر المستطاع لاكن ايما كان فهمج للمقصود ثقي تماما اني ماقصد الي في بالج لانه مو من اسلوبي و لا من تربيي اني استتحقر او اهين احد فمابالج فيج انتي زميلتي بالعمل و مظلومه بقرار الكادر
ثالثا انا ما خصيتج بالحجي انا وحده ماعرفج و لا تعرفيني فمو داشه اقصدج انتي بروحج بينما انا وضحت ان ردي كله من باب فذكر و اني انبه
لاتنسين الانسان بعض المرات الغضب يخليه يتصرف و يسلك سلوك خطأ و يحط حرته في الي ماله ذنب فحبيت انبه
وفي ضوء ذلك قال الإمام علي (عليه السلام): (إياك والغضب!.. فأوله جنون، وآخره ندم)..
و وعن الإمام الصادق (عليه السلام): (من لم يملك غضبه، لم يملك عقله).
فقط لا اكثر عل و عسى تخذون القرار الاكثر صحه وهو ان نكون ضد الورش المعارض الاحتياطات المناوبات اما الوسايل لا لانه تقصير وحرام نظلم الطلبه شوفوا مدارس اليابان وين وصلو و اذا كان كل شي قاعد يطور دارمدارنه عيب المدرس الاكاديمي مايتطور الحين منو ماعنده لابتوب و داتا شو بعدين انتو يا جماعه بديرت خير حمدو ربكم سوق بو 100 فلس موجود شفيكم؟؟ لا تصعبون الامورو ترمونها علوسائل لاثبات احقيتكم في الكادر انتو تستحقونه هذا امر مافي خلاف اصلن اكثر الوضائف تعب و ارهاق و مسؤوليه و ظلم و اصلن الي مرهقنه مو الوسائل الي مرهقنه هو الورشات و غيره من الامور الي مو من واجبنه اصلن
يكفي ان احنه الوضيفه الوحيده الي نشتغل فوق شغلنه و خارج اوقات عملنه من غير اوفر تايم هذا وين صار ماصار الا في الكويت و في وزارة التربيه فظلم واقع علينه مافيها روح تعال

اما ردج هذا

وشي ثاني أحب أقوله لج كلامج استفزني وبالأخص جملتج هذي وكنت ناويه أرد عليها بشكل ثاني

مادري اشلون ارد عليه بس حبيبتي اذا بخاطرج تردين ردي و خذي راحتج بعد
بما انج معلمه لازم تتعلمين احترام اراء الاخرين و ان كانت لا توافقج لانه ربما انا اكون على خطأ فتقنعيني و ربما اكون على صوب فاقنعج فلكلام يا اختي اخذ و عطى و مايقف عند راي
و اعتقد بعد ماوضحتلج قصدي يمكن تتستحين من هجمله الي كتبتيها عمومن قولي ماشئتي فانا صدري واسع و احتترمج مهمن قلتي هذي تربيتي

اما هذي

بس تدرين شنو الي منعني ؟؟

ياريت يا اختي الي منعج تتعلمين منه احترام اراء الاخرين وحسن الرد لاخرين في هذا الاطار انتي عارفه اي قضايا تراجعين فيها اقوال الامام علي عليه السلام و اشلون كان يرد على خصمائه والي اختلفوا معاه و كفى في ذلك الاطلاع على نهج البلاغه

علشانه اهوه بس غضّيت الطرف عن الكلام الي قلتيه بحقي..

وايد تكبرين الامور و هذا اوضح دليل انج فاهمه الكلام مثل مانتي تبين ، لو كل واحد فينه بيفسر الكلام مثل مايبيه انا برايي على الدنيا السلام
اما هذي

ولا علشان أصحح نظرتج فيني لا.. أنا ثقتي بنفسي أكبر وايد

واااااااااااااااااااايد ماخذه المسأله على محمل شخصي اختي انتي سويتي و لا ماسويتي مو داش شي بجيبي و لا انا راح اخذ اجرج انتي وربج تنيازين و انا ييت اذكر الجميع انا ما اخصج انتي بس من كلامج الي على راسه بطحه يحسس عليها بعد لا تفهمينها غلط هذا مثل كويتي اذا بتعرفين شرحا اقري كتب

أنا مدرسه علوم ومختبرات مدرستي تصفر مافيها الا ادوات قديمه متهالكه لا فيها مصورات ولا وسايل وأنا طول الكورس الي طاف كنت كل أسبوع أشوف شنو الأدوات الي أحتاجها حق الأسبوع الياي وأروح أشتريها بالويكند وأشتريها حق 5 مجموعات + شريت داتا شو لأن مدرستي ما فيها + يومياً أظل سهرانه لي الفير أدور صور تناسب الدرس وإذ ما لقيت أصممها بالفوتوشوب وتالي أطبعها + نفس الشي أوراق العمل الي المدرسه ما تكلف نفسها وتطبعهم لنا ولازم نطبعهم من جيبنا الخاص + الأفلام التعليميه الي أصممها بنفسي ببرامج المونتاج المتطوره مو موفي ميكر وأقعد بالساعات أصيغ الحوار و أسجل صوت قطورة ولا أي شخصيه ثانيه بصوت واحد من اخواني علشان توصل المعلومه بسهوله ومتعه للطالب

قواج الله اختي و هذا شي حلو هل تعتقدين ان كل هذا عند ربج يضيع ؟؟؟؟؟؟
(قل اعملو فسيرى الله عملكم ورسوله والمؤمنون )
اذا انتي هني تسعين لرضا منو ؟الله و بس و هني الضمير الي انا اتكلم عنه و الي انتي قلتي عنه ضمير ما ضمير
لا ناظره لا رئيسه قسم و لا موجهه من الله وبس و هني احب انبه المعلمات الي جدام الموجه شي و من وراها حصصها نوم و ضقت خلق هي مالها خلق حصتها فمابالك بطلبه الي من الصبح ماده فوق ماده و كل منهج محشو حشو كلام هذا غير الامتحانات و كلنه كن ه طلبه و عارفين هذا شكثر يأثر على نفسيت الطلبه فحلو ان نكون المخفف عنهم و الملطف و المخفف
و الا لا ما كاد المعلم أن يكون رسولا

مجتمع ما يقدّر وناس تيي تقول مقياس الضمير عندج ماله وزن

مصيبه لمن نفهم المسائل غلط قسم بالله يتني الضحكه حبيبي من هلباب ابي انصحج انتي اذا ظليتي على هنمط بحياتح بتموتين قهر و بتشيبين حرام عليج رحمي نفسج انتي سويتي قواج الله لاكن لا تتمنين و قولي هذا لوجه الله خالص هذا شي
الشي الثاني لا تنتظرين شكر او تقدير خاصه من مره احتسبي الاجر و الثواب بس هذا الي يفيدج بلاخره لا شكر و لا تقدير بفيديج و لو انه ضروري لنفسيه و كدافع لاكن لا تخلينه يكسرج و واضح انج انسانه مبدعه لاكن لا تخلين سفاسف الامور تأثر فيج خليج اقوى منها
وارجع اقولج لا تفسرين الامور مثل مانتي تبين فهميها قولبيها او اقل مافيها
((التمس لأخيك سبعين عذراً))
بعض المرات تقعدين وي ناس تسولفون في موضوع واحد لاكن تلقين كل وحده لها راي لانها هي تشوف الموضوع من زاويه و الاخرى تشوغه من زاويه ثانيه مثل الشي بالحوار و الكلام
بعطيج مثل احنه لمن نييب خدم و يكونون مو سريعين في الشغل شنقول عنهم ثلاجه هل نقصد انها ثلاجه بالمعنى اللغوي لا مانقصد نقصد انها بارده مثل الثلاجه
وهذا الشي موجود في كل اللغات الا انه اكثر في اللغه العربيه وهو التشبيه و كثر لدى العرب في العصر الجاهلي حكم كثيره لها وجهين من حيث الفهم
و لاقربلج قصدي اكثر احكيلج قصه علي بن الجهم مع المتوكل حين وقف امامه لاول مره فقال ابيات شعريه للخليفه كتالي :

أنت كالكلب في حفاظك للود وكالتيس في قِراع الخطـوب
أنت كالدلو ، لا عدمناك دلواً من كبار الدلا كثيـر الذنـوب

مشكوره وايد بنات حواء2

العفو ماتدرين شكثر تعبت بس عشان اوصلج الفكره و القصد الي مافهمتيه صح نهائيا و لا عليج امر شنو فهمتي ودي اعرف الي في بالج ههههههههههههههههههههههه
وبنهايه و كما قال الامام علي عليه السلام : الروح حياة البدن و العقل حياة الروح.
و من باب حلاة الروح اعتذر لج و لكل العضوات عن سوء الفهم الغريب الي صار

وفي النهايه انا ادعوكم الى حق حقوقكم و هذا لا يكون بالكلام لانه سهل بينما يكون بالفعل و الفعل الصحيح و ليس الخاطء
وهو ان نكرس كل تفكيرنه و اوقاتنه في التعليم فقط لا غير فانا معلمه فقط لست حارس في المناوبات و لست فراشه في الاحتياطات و لست عارضه في الورشات وووووووووو كل ماليس من عملي لا اقوم به
هذا الموقف الصارم الي لازم نتخذه وهذي الخطوه الصح
اما حصصنه نحطهم على راسنه من فوق و ندرس و نعطي من نفسنه و نحلل معاشاتنه غير ذلك لا
حالنه حال غيرنه مالهم الا بلي عليهم و زياداتهم واصلتهم من غير لا قيل و لا قال


و سلامتكم
وهذي ورده للجميع كتعويض نفسي عن الي بدى في حقكم من اجحاف و ظلم
وفي ذلك قال رَسُولَ اللَّهِ صلى الله عليهو آله وسلم قَالَ: "اتَّقُوا الظُّلْمَ؛ فَإِنَّ الظُّلْمَ ظُلُمَاتٌ يَوْمَ الْقِيَامَةِ".

 

[RowTow]

رد: بعد مارفضتوا الكادر تحملو رفضنا

الحمدلله حمدا كثيرا
هو طبعا كل واحد حر برايه, بس آنا شخصيا أعتقد إن معاش المعلمه كافي و وافي و لله الحمد, و ما فرقت معاي كادر من غيره.
أعترف إني وقت الميداني تعبت و صرفت مبالغ على الوسائل. بس لما توظفت وفرت حق طالباتي داتا شو من حسابي الخاص لعدة أسباب:
أولا: أسهل بالشرح و كطريقة عرض و يوفر وقت الحصة بشكل فظيييع
ثانيا: المسألة تكون واضحه للطالبه
ثالثا: جاذب لانتباه الطالبات بالذات إني أحط فيه حركات حلوه و فيديو للوقفه التربويه أول شي
رابعا: يوفر علي مبالغ الوسائل و يخلي مصرفي بس على بعض المجسمات و هدايا البنات اللي آنا من نفسي أشجعهم فيها مو لأني مجبره أو لأن المشرفه أو المدرسه الأولى حانه فوق راسي

بس طبعا مع الداتا شو جايبه الموزع عشان ما أتوهق ههه
آنا مدرسة رياضيات على فكره

فإن شاء الله المدرسه إذا تجاهلت المؤثرات الخارجيه برى الحصه راح تريح قلبها على الآخر
و شنو له الورش و الدروس الرياديه بالله؟
اللي يبيج يحضر لج بحصصج انتي عالأقل عندج حصتين يوميا, و هو أصلا ملزوم يحضر لج و يقدم فيج تقرير.
و أعلى ما بخيلهم يركبونه بخصوص التقييم, ترى ما يقدرون يسوون شي :eh_s(7):
​