تبين عيالج يصيرون مميزين .. تعالي هني فيدي واستفيدي

[عبق البنفسج]

zain-bh
أنا بعد مثلج كنت أكلم عيالي وهما ابطني والحمد الله ماشاء الله عليهم بسرعة تعلموو الحجي ..

nazek_q8
حياج الله معانا

 

[zain-bh]

تسلمين عبق متى اقدر ابدي اعلمها

 

[دنيا أبوها]

أنا حامل ببجري ، دخلت عشان أستفيد ، عسى الله يجزاكم خير و يخلي لكم عيالكم و يرزق كل وحده الشي. اللي تبيه و تتمناه ....

 

[همسات ليالي]

هلا والله

يعطيج العافيه ع هالمواضيع الحلوة

بس ياليت تقولين لنا طرق التعامل مع المراهقين

لاني انا عندي بناتي ع14 و12 ونص وبدت خيوط التعامل تفلت مني

واكوووووووووووووووون شاكره لج

 

[alhnan]

بااااااك
انا صارلي اسبوع احاول مع بناتي يقطعون الحفاظه ......... شنو تعب هلاااك ولي الحين ما تعلموااا
كل يوم نغسل زوالي مع ان شقتي صغيره خيسوها كلها... رحت اليوم سوق الجمعه شريت زوالي جديده رخيصه و خفيفه... افف لوعوا جبدي....
دعواتكم تنجح المهمه المستحيله هههه

لي عوده ان شاء الله

 

[عبق البنفسج]

zain-bh
بنسبة حق عمرها الحين تقدرين تعلمينها بس شغلات بسيطة مثل ماما وبابا ودادا .
وعقب ثلاث تشهر تقريباً تعلمينها نوووو ولا والشغلات البسيطة
أما برايي أحسن عمر عشان تعلمينها الحجي فهو سنة وشهرين او سنة وثلاث تشهر .. أنا كل بناتي بديت معاهم من هالعمر وماشاء الله الحمد الله تعلمووو .. وأنا ذكرت برد من ردودي ان بهالعمر تقدرين تعلمينها أصوات الحيوانات ومكان كل جزء من أعضاء الجسم وعلميها تسلم وتتأسف ..

دنيا أبوها
الله يسهل عليج ويرزقج الذرية الصالحة

همسات ليالي
بصراحة أنا ما تعاملت مع المراهقين كأبناء لأن أكبر بناتي عمرها ست سنين ..
بس ان شاء الله بذكرلج جم شغلة أعرفها أوشفتها من تربية أختي لعيالها .. أو طريقتي في تعاملي مع بنات أختي وان شاء الله أقدر أفيدج ..
بشكل عام المراهق يحب يفرض شخصيته بين أهله بهالمرحلة ومايحب انه يكون انسان مهمش بالبيت وماله أي أهمية .. يحب يكون له رايي وكلمته مسموعة وانتي حسسيه بهالشغلة مثلاً اذا كنتوا تناقشون بشغلة أخذي راي عيالج هني بتحسسينه ان هو انسان مهم وله راي .. طبعاً ماتخلينه يتدخل بأي موضوع بس اذا كان الموضوع عادي وتحتاجين مشورة وراي فاخذي رايهم
الشغلة الثانية والي انا أشوفها جداً جداً مهمة انج تكونين صديقتهم وكاتمة أسرارهم، هني بيقولولج كل شي عن حياتهم .. خليهم يقولولج حتى أغلاطهم وقعدي معاهم وحاولي تحلينها حتى لو شغلات موزينة سوووها لا تزفينهم بس حليها معاهم كصديقة ..
خليهم ينشغلون بهواية أو نادي أو شي مفيد
ودايماً مدحيها اذا سوت شغلة زينة حتى لوو هالشغلة صغيرة وبسيطة
ودايماً راقبيهم من بعيد لي بعيد بدون لا يحسون فيج .. شوفي منو رفيجاتهم، وفي حاولي تشوفين المواقع الي يدشونها بالانترنت (يمكن في بنات مايأيدوني بهالشغلة بس انا أشوووف هذيل بنات ويمكن أي كلمة بهالعمر تأثر عليهم فخليج انتي على اطلاع ومعرفة من وراهم بكل شي يسوونه)
هذا كل الي أعرفه .. بس اذا عندج مشكلة معاهم يريت تطرحينها هني عشان نقدر نفيدج ...

وحطي بقوقل عن كيفية التعامل مع البنات أو الفتيات المراهقات .. وان شاء الله تحصلين شغلات تفيدج

alhnan
جم عمر بناتج .. ؟؟
أول شي قعدي معاهم وحاجيهم انهم كبروو وخلاص لازم مايلبسون حفاضة من يوم ورايح وعيب اذا أحد شافهم لابسين الحفاضة
ثاني شي لمدة اسبوع كامل لازم كل ساعة يروحون الحمام .. اذا ماتبينهم يوصخون لازم كل ساعة يروحون الحمام حتى لوو مايبون قصبن عليهم يروحون وقبل النوم يروحون الحمام وعقب نومتهم بساعتين ونص أو ثلاث قعديهم ووديهم الحمام وهم عقبها بثلاث ساعات قعديهم ووديهم مرثانية (يعني مثلاً لما تقعدين حق صلاة الفير قعديهم) وبين فترة وفترة سإليهم اذا بيروحون الحمام وعيدي عليهم هالحجي وايد وذكريهم انهم مايوصخون على روحهم .. بتتعبين اسبوع او اثنين بالكثير وعقب خلاص بيكون كل شي اوكي .. وما أنصحج بالنهار تودينهم الحمام وبليل تلبسينهم حفاضة جذي ماسويتي شي وانتي بتتعبين لأنج طول اليوم تعلمينهم وتخلينهم بليل يسوون بالحفاضة

 

[alhnan]

عبق البنفسج
بناتي عمرهم 3 سنوات ما اقدر اقطعها نهار وليل مره وحده صعبه حييل خصوصا اني طول النهار مجابلتهم مجابل غفوه ما اخذ فنومة الليل ما اقدر اقوم احب ادرج هالشغله يقطعونها نهارا مده 7 شهور و بعدين اقطعها بالليل
صاجه حلاته التعب مره وحده بس ما اقدر واهم ما يقدرون لان نهار ومجابلتهم يسوونها بملابسهم وكل ساعه اوديهم الحمام وهم مأذييني

 

[عبق البنفسج]

alhnan
على راحتج أختي
بس أنا قتلج رايي صدقيني أنا مجربة ..
أنا ماشاء الله عندي أربع بنات الصغيرة للحين ماقطعت عنها الحفاظة لأنها صغيرة بس الباجي جربت مع أول وحدة اني أقطع الحفاظة بالنهار .. وبليل ألبسها ظليت اسبوعين شفت مافي فايدة فقطعتها حتى بليل وماطولت معاي اسبوع إلا هي ماشاء الله متعلمة عالحمام والباجي نفس الشي .. وكل شوي أذكرهم اذا يروحون الحمام
ترى وايد تنطرين لي 7 اشهر تلبسينهم بس بالنهار .. تذكري ان وراهم مدارس عقب ال7 أشهر ولو ماعلمتيهم من الحين بتتعبين وايد معاهم بعدين

 

[بدوية بملامح كشميرية 86]

صباح. الخيررر

 

[عبق البنفسج]

بدويه ستايل 86
صباح الورد ..
شصار على ولدج للحين يعاند ويبي الشغلات بيده ولا في تحسن

 

[همسات ليالي]

مشكووووره اختي عبق البنفسج علي ردج

وانا عندي الصغار هين التعامل معاهم بس الكبار لا صعبه

اذكر امي الله يطول بعمرها تقول التربيه مو حليب وحفاضات

التربيه تعلمينهم هذا صح وهذا غلط

التربيه صج تحتاج تهتمين بأكلهم ونظافتهم بس مو هذا الاساس

الاساس يكونون علي معرفه بالتصرف في المواقف التي تواجههم في حياتهم

مثلا

بنتي كان عيد ميلادها صديقاتها ما قصروا بالهدايا والكيك مع اهي مو مسويه عيد ميلاد......... بس وحده فيهم عاليه عليها ما جابت لها هديه

وظلت بنتي تسولف لي واسمع لها بدون ما ابين رده فعلي ......ولما جا عيد ميلاد هالبنت قامت بنتي وشريت لها هديه

تدرين حسيت ان تربيتي صح لاني يوم سألتها ليش تهادينها واهي ما عطتج

قالت : انا مو مثلها انا استحي اروح لها وما بيدي شي

قلت والله انتي صح وهذه تربيتي

شراااايج

 

[بدوية بملامح كشميرية 86]

عبق. البنفسج

والله. للحين الله. يهديه

هذا جدامي. يصيح. بجي يبي موبايلي

ومخليته يبجي غثني. والله






همسات ليالي

ماشاالله تبارك الرحمن

الله. يخليج لبناتج ولعيالج

عسي. ربي. يصلحهم لج وتشوفينهم باعلي المراتب

 

[عبق البنفسج]

همسات ليالي
ماشاء الله تبارك الرحمن
الله يخليلج بنتج ويحفظلج اياها ..
صح كلام امج التربية لازم تعلمينهم الصح من الغلط ..

بدويه ستايل 86
الله يهديه ان شاء الله

 

[opera]

السلام عليكم شلونكم بنات شخباركم

انا كنت كاتبه عن معاملتي مع ولدي العود

الحين صار عنده اخو عنونو


علمته يحب اخوه من اهو في بطني لاني وايد اسمع عن غيرت الاطفال

وكنت مهدتله الطريج باخوه اللي ياي

الحين والحمدلله .. ما شفته يغار منه بالعكس يحبه .. ومايرضى عليه

ودايما اقوله اخوك الصغير يحبك وااايد

ولمن يقعد من النوم اقوله تعالي اخوك يبي يبوسك

و علمته يساعدني لمن اسبحه او ابدله او حتى لمن اسويله حليب

بس في شي تقريبا مخرب

طبعا وين ما اروووح الكل يركض بيشيل البيبي و خالتي بعد تبي البيبي فاهو حاس انه تغيرو عليه

شفته يسأل خالتي : تحبيني ؟؟

وكل يوم بللليل قبل لا ينام يسألني ماما تحبييني ؟؟

عاد المه واقوووله انت حبيبي انا احبك واااايد وااايد


الحمدلله غيره ما يغار بس احسه يخاف

 

[جلكسيه اس 3]

بنات انا محتاسه مع اعيالي متعلمين الكلام الماصخ و السب المشكله ما يخافون لا من قرصه ولا من فلفل عفيه عطوني طريقه تنفع معاهم المشكله مو بس اعيالي حتى اللي معاهم فالبيت فكلهم يتناقلون الكلام

 

[جلكسيه اس 3]

عبق البنفسج انا قريت كلامج عن العصبيه

انا كنت وايد عصبيه والحين بنتي عصبيه اذا كانت تبي شيء ماعطيتها ااتقط روحها علارض ماتقوم الا اذا شلتها
انا الحين خفيت من العصبيه بس اشلون اخلي بنتي اتصير العكس

 

[مطنـوخهـ]

خوووووووش موضوع ان شاء الله اصير ام واشارككم

 

[qazlaan]

بنات عفية ساعدوني انا عندي بنت عمرها سنة و11 شهر بتكمل سنتين نص شهر ستمبر علمتها اشياء حلوه مثلا وقت الاذان تسكت وتسمع تحط ايدينها في اذونها نفس المؤذن او القاري القرأن الصبح نفرش مع بعض الاسنان تشوفوني وتستانس حيل تجيب لي غرض اذا بعيد عني تحب اخو الصغير عمره 5 شهور كل تمسك ايده ودها يقوم ويلعب معها علمتها بعض كلمات انكليزي علمتها اذا سويت الشي الثقيل في حفاضتها تجي تشد في ايدي وتوديني الحمام يعني غسلي لي بس هذول الي اذكرهم طبعا احافظ على نظافتها واقرأ عليها المعوذات بس مشكلتها وقت الاكل ماتبي تاكل ترفض تلتفت يمين ومره يسار او تمسك ايدي تعبت معاها نوعت في الاكل ما كو فايده لعبت معها او شغلت لها كرتون ماكو فايده طكيتها ماكو فايده وانا مشكلتي العصبية وثاني اذا احدطلع من العايلة تبكي بصوت عالي وتصيح تبي هي يطلعونها واذا وديتها حديقة وشافت احد سابقها في اللعب تقعد تصارخ بصوت عالي وتقول لا كأن العبها اشلون اغير عنها هالعادة السيئة

 

[رمانة الكويت]

ماشاء الله عليكم في شغلات قريتهاا عجبتني وفي صفحات ما قريتهااا بس برجع لهاا

اما انا ولله الحمد عندي ثلاث بنات ورا بعض اعمارهم متقاربة حييل حتى الناس مرات حسبالهم تواؤم

الكل عاجبته طريقتي بتربية بنااتي لاني صايرة صديقتهم .. مثلهم .. اسولف معاهم واضحك ومرات العب معاهم ..
..
بما ان بناتي خوافات >> طالعات على امهم

اعلمهم ان المكان اللي نصلي فيه الله يحميه .. ومعلمة بناتي انهم اذا بينامون يسمون بالله واذا خافو يفكرون بأشياء حلووة

والله يا بنات هالطريقة انفعت مع وحدة من بناتي ماكانت اتنام الا واهي تبجي وتتخيل اشياء تخرعهااا ..

قمت اخليهاا اتخيل الغرفة مصنوعه من ككاو وحلاوو .. وااايد استانست وصارت هاذي طريقتهاا ليما تعودت اتنام بالظلمة ...

معلمتهم ان الشباصات والاكسسوارات الكل يستخدمهم .. اهم شوي شوي متقبلين هالسالفه ..

البيبسي والحلاو ممنوع عندي بالبيت .. مرة وحدة بالاسبوع وشرط مايكون صيني او تايلندي .. ومعلمتهم ان الحلاو الملون فيه صبغ يغير لون الدم اذا أكلنا منه وايد ..

انا عايشة في بيت حمولة ويروحون ويلعبون مع عيال حمولتي بس معلمتهم اذا طرشت لكم الخدامة او سمعتو صوتي اناديكم تردون علي على طوول ..


معلمتهم اذا رحنا الجمعية او ابو امية اني احدد لهم الكمية اللي يشترونهاا .. يعني اقولها اربع او خمس اشياء يشترون نفس الكمية اللي قلت لهم ...


بس الشي اللي ما قدرت اعلمهم عليه اهو انهم يعتمدون على نفسهم في حل الواجبات واهتمامهم بدراستهم للاسف ما يطاوعني قلبي اللي لما اراجع وراهم ومرات لما ينامون اعدل جناطهم .. يااريت تساعدوني ..


هاذا اللي في بالي الحين ولي عودة ...

 

[برونزية رشيقة]

خووووووووووووووووووووووش موضوووووووووووووووووووووووع لي عودة له