*¤§x§¶ قروب تحديني وكسري عيني للرشاقة ¶§x§¤*((التسجيل اسبوعي كل خميس ))

[le corbusier]

صاجه عيل خنروح انام عشان اقعد الصبح و ابلش يومي بتارياضة

 

[كيكه محروقه]

هلا بنات
غداي صينيه خضار بالدجاج مع خبزه سمرا
العشا
شابوره مع كوب حليب
الحين بشرب كمون وليمون
تصبحون على خير

 

[+ ازهار +]

خساره اسمي مش موجود في الجدول​

 

[نظر عينـَه ..]

صباح الخيررر

 

[ربيعة]

السلام عليكم ورحمة الله وبركاته

حبوبة روج انا حابة اشارك معكم يالغلا وانا عضوة جديدة انا ما اقدر ارسل لك رسالة خاصة لان مشاركاتى قليل الله يرضى عليك اقبليني وترا انا مجتهدة بس ابي ناس تشجعني بس عندى مشكلة ان وزني ثابت هالاسبوع ونفسيتى تعبت وانا لو اقعد للخميس الجاي بضيق نفسي انتظر حتى التسجيل والاسبوع من بدايته ياقلبي ليتك توافقين تسجلين اسمى

 

[تفداج روحي]

صباحكم وررررد


شلونكم يا عسولات


انا اليوم اخر امتحان فاينال ادعولي بالتوفيج

انشالله عقب الامتحان بزور حمولتي وغداهم سمج مشوي اشوه
وانشالله راح ابلش رياضه من باجر بحيل اللي ما تنام عينه




يالله انا بروح اراجع قبل الامتحان واشوفكم العصرررر

 

[تفداج روحي]

ماشالله العدد في تزايد وحيالله كل اللي حابين يشتركون معانا
والله يعين روج على المتابعه بعد قلبي مو مقصره ومحملينها المسئوليه

رووووج


سي يوووو حبيبات قلبي



ويا ملكتنا العسوووله اتمنى لج ايام سعيده ورشاقه اكيده 

 

[تفداج روحي]

كتكووووووته


قوليلي متى تشبكين خل اسولف وياج ما صدقت اني بخلص فاااينال

ولهت على سوالفج والله

 

[CUTIE-THUG]

هلا بنات بما اني جديدة فما اعرف العضوات بالتجمع هني بس هم خلينا نسولف نضيع وقت

انا تريقت شاي اخضر بدون سكر بالنعناع مال توينيجز و اشربه قبل و بعد كل وجبه
و كليت برتقالة و الحمدالله شبعت

 

[CUTIE-THUG]

بنات شوفو حطيت تيكر فتوقيعي الي تبي اسويلها تقولي من عيوني

 

[CUTIE-THUG]

نسيت اقولكم عن غداي!

كليت بيض مقلي و شرايح ديك رومي و خيار مقصص دوائر و بس!

و على العشا بسوي دجاج و مشروم بالكريمة + عصير ليمون

و طبعا الماي لازم اشرب منه كل 20 دقيقة ماقدر ما اشربه اموت من العطش

بنات لقيت هالرجيم و انا اسوي بحث في النت اشرايكم فيه؟

أسرع ريجيم فى العالم يخسس كل يوم 1 كيلو،رجيم سريع وفعال جدا،أروع رجيم،رجيم بسيط لكنه فعال جدا أسرع ريجيم فى العالم يخسس كل يوم 1 كيلو،رجيم سريع وفعال جدا،أروع رجيم،رجيم بسيط لكنه فعال جدا أسرع ريجيم فى العالم يخسس كل يوم 1 كيلو،رجيم سريع وفعال جدا،أروع رجيم،رجيم بسيط لكنه فعال جدا

اليوم الاول:زبادي فقط وبأي كميه

اليوم الثاني:بطاطا مسلوقه كل اليوم


اليوم الثالث:برتقال كل النهار

اليوم الرابع:موز كل النهار

اليوم الخامس:سلطه كل اليوم

اليوم السادس:دجاج مشوي أومسلوق منزوع الجلد

اليوم السابع:سلطه

اليوم الثامن:سمك أو لحم مشوي

اليوم التاسع:برتقال
​

حدددده قاسي لول اقعد طول اليوم اكل موز لوول
​

 

[CUTIE-THUG]

مراحب بنات

شخباركم عقب الجدول

الصراحة انا كلي همة و نشاط وزوجي و اهلي يشجعوني على الرجيم

و الموضوع اللي حاطته nonita.78 صج يشوق ان الوحدة تضعف!

جنيفر هدسون جسمها مثلي تقريبا... ان شاءالله اضعف مثلها!

ان شاء الله تصيرين احلا منها بعد
​

 

[CUTIE-THUG]

صباحكم وررررد


شلونكم يا عسولات


انا اليوم اخر امتحان فاينال ادعولي بالتوفيج

انشالله عقب الامتحان بزور حمولتي وغداهم سمج مشوي اشوه
وانشالله راح ابلش رياضه من باجر بحيل اللي ما تنام عينه




يالله انا بروح اراجع قبل الامتحان واشوفكم العصرررر

موفقة حبيبتي الله يسهل عليج و تيبين درجة زينة :yaaaaaarb:
و خوش غدا عند حمولتج :rerrerek:
بس هاا مو تخبصين :eh_s(14):
​

 

[CUTIE-THUG]

uuuupppp

 

[๓ИΣ-Яo7ķ§]

انا الحين بتريق
نسكافيه بدون سكر + 2 توست +قفشة لبنه

 

[CUTIE-THUG]

انا الحين بتريق
نسكافيه بدون سكر + 2 توست +قفشة لبنه

صحتين على قلبج حبيبتي

 

[عشق قلبين]

هلا هلا بنات

بدايه اسبوع موفقه للجميع

ابتديت يومي بكاس حليب قليل الدسم مع قفشه سكر

بنات انا برجيمي الجاي والقهوه والحليب من دون سكر ياربي ماحب اشربهم من دون سكر
طيب قفشه تأثر بالرجيم؟
جم سعره فيها؟

 

[CUTIE-THUG]

حبيبتي اكيد تاثر مو بس عالسعرات تنقص من القيمة الغذائية
ما عليه حبيبتي تتعودي

 

[CUTIE-THUG]

بنااات وينكم

 

[ميميتو]

اليوم تريقت شاي ونص خبز وجبن
وبشوف شنو بتغدا
يوم الاثنين عندي موعد مع دكتور علي الظن بس اخذ الرجيم منه بكتبه لكم اول باول
يعطيكم العافيه