يا حلو مواقفكم بنات :eh_s(7): ربي يتمم لي ولكم على خير إن شاء الله
. .
بالنسبة لي والفحص صار على عدة مراحل
وكان مأساه بالنسبه لي وعكس ما كنت أتوقع :eh_s(16): البنات تصيرلهم مواقف حلوه وأنا العكس :eh_s(2):
بما أني من منطقة واهو من منطقة ثانية كل واحد فينا سوا الفحص بمستوصف ويوم النتيجة التقينا بنفس المستوصف
على أساس إن هالنظام يمشي عندنا لكن سوولي سالفة من لاشيء واختي وخطيبها نفس الشي كل واحد سوا الفحص بعياده ويوم النتيجة بنفس المكان
كان المفروض أسوي التحليل السبت بس قعدت من النوم 11 ونص والمستوصف يسكر الساعه 1 الظهر يومها يعني مستحيل ألحق قلت اجرب حظي
قمت ولبست بسرعه ورحت المستوصف ووصلت الساعه 12 وربع تقريباً
سويت أوراقي وكل وحده تشوفني وير از يور فيانسيه ؟! أقولهم القصه ان اهو بيسوي الفحص بمستوصف وأنا بمستوصف ويوم النتيجة بناخذه بنفس المكان لأن النتايج ممكن يطلعونها من السستم
وكل شوي تمر علي وحدة وتهزئني :eh_s(4):
رحت عبيت البيانات وكل شي ودخلت عن الطبيبه وسألتني كم سؤال بس قالت لي إن العينات نقلوها المستشفى عشان يحللونها ومافي مجال إني اسوي التحليل بنفس اليوم ورحت ثاني يوم العصر لأن الصبح عندي جامعة
رحت اليوم الثاني العصر بعد الجامعة واختي معاي
أنا أخاف من التحليل وقالت بنزل معاج واليوم الي قبله رايحه بدون ما أعلم أحد
قصدي ما أكدت عليهم اني رايحه لوول
المهم قبل ما تسحب النيرس مني دم احس اني اصفريت وتلونت وكل أنواع الشعور قلت لها ترا أنا أخاف قالت لي عادي مايعور قلت لها مو بس جذي يمكن أدوخ
وطلعت لي ابره صغيره الـ butter fly والحمدلله ما حسيت وعدا الموضوع على خير
بعد أسبوع رحنا أنا وأمي المستوصف وخطيبي وأمه
واهم تأخروا مو عارفين يوصلون للمستوصف هههههههه
وأمي كل شوي تتصل تشوفهم وتحاول توصف لهم المكان لين وصلو بالسلامه
أول ما وصلو شفتهم من الباب (زجاجي) سويت نفسي مندمجه بالبي بي ودخلو قمت سلمت على امه ومستحيييه حيل ما رفعت راسي واهو ما تكلم لوول
وقعدنا بانتظار النساء واهو مكان انتظار الرجال وبعدين نادونا ودخلنا عند طبيب سوداني أبوي كان طالبه لما أخذلنا الموعد
على أساس إنه زين
( كنت ثاني مره أشوف خطيبي وحسيت شكله غير عن أول مره وهم ثالث مره شكله غير وشكله كان أقصر على بالي طويل حيل ولي الحين ماقدرت أشوفه عدل :$ )
المهم عطيناه صورة الجواز والصور الشخصيه وطوّل ! يقلب في الأوراق وعينه شوي في الكمبيوتر وشوي في الأوراق
بعدين قال بالنسبه لـ (فلان) النتيجة سليمه أما (فلانه) فطلع عندها ..................... (مرض :|) بسم الله علي شي مو زين
ولازم نعيد الفحص . . أنا دارت فيني الدنيا وكتب لي ورقه عشان أعيد التحليل ورحت طلعو مودين العينات المستشفى والوقت متأخر وماقدر أسوي التحليل فقالولي أروح اليوم الثاني
( خطيبي اخته طبيبه كان ماخذ نتيجة فحصه عشان يراوي اخته قالت له فيك كل الأمراض اهو خاف هههههههه قالت له أمزح معاك . . عرفت من امه قالت لي بيوم الفحص
)
رحت اليوم الثاني وسويت التحليل ونفس القصه أوصي الممرضه علي قلت لها أنا أخاف قالت لي ما يخوف قلت لها يمكن يغمى علي قالت الحين انتي خوفتيني هههههههههههه وطلعت لي نفس الابره الي الثانيه استخدمتها لي بالمره الأولى
وبعد يومين طلعت النتيجة الحمدلله سليمة مافيني شي
حياتي كانت مأساه هالكم يوم دموع وما أنام وحالتي حالة المشكلة إنه ذكر المرض جدامه :eh_s(2): المفروض هالأشياء تكون بسريه تامه يعني إذا ما صار نصيب لا سمح الله مو لازم يعرفون شنو المرض !
لما طلعت النتيجة رحنا مره ثانيه أنا وأمي واهوا كان بروحه على أساس إنه بيمر العياده وبيروح لمنطقة ثانيه عشان دوامه
وقبلها رحنا أنا وأمي عشان نتطمن ع النتيجه ولما تأكدنا إن كل شي تمام الحمدلله والطبيبه الي دخلت عندها عصبت شلون يسوون فيكم جذيه !! ودقينا على ام خطيبي عشان نستلم شهادة الفحص
ورحنا اليوم الثاني وكل شوي يقطونا على طبيب/طبيبه واهوا كان مستحي يومها ومنحرج لأنه بروحه وليما وصلنا آخر شي لنفس الطبيب السوداني وكنت حاقده عليه ومقهوره بشكل ما تتصورونه
ولا أنا ولا اهو ماخذين صور الجواز لأن الطبيب قال بيخليهم بملفي وضيعهم الحمدلله كنا ماخذين الهويه وأدت الغرض
وقبل ما ندخل عند الطبيب أمي كلمته شلون تسوي جذي البنت ما تنام وخوفتوها ومافيها شي
وبعدين دخلنا ووقعنا ع الأوراق وأنا اتصبب عرقاً من الإحراج ومادري شلون وقعت وأنا أوقع أقول بخاطري أكيد يضحك على توقيعي :bbbiu: توقيعي نملة جدام توقيعه كبير لووول
ولما طلعنا اعتذر لنا الطبيب وإنه كان مجرد خطأ في النتيجة وتوصى فينا ووصى العامل عشان يحط شهادات الفحص لكل واحد فينا بظرف وعليه الختم بالعاده بس يعطون الشهاده بدون ظرف ههههههههههههه
وإذا ما ملجت خلال شهر بتنتهي شهادة الفحص مدتها 3 شهور بس ومابي أعيد الفحص مره ثانيه كرهت المستوصف باللي فيه :eh_s(2): ذكريات سودا
الحمدلله على كل حال وهذي قصتي المأساويه
ادعولي ربي يتمم لي على خير والله يرزق كل البنات الزوج الصالح إن شاء الله :eh_s(7):
