جذبة ابريل ودرتني مع خطيبي

[cat-girlq8]

بصراحه ............ ذكرتيني بآخر المشاهد بالافلام العربيه القديمه ... لما يخلص الفيلم والمشكله مالقوا لها حل ...... يكتبون ... ويبقى الحال كما هو عليه خخخخخخ :eh_s(9):

=================

بالضبط نفساللي قاعد تصير معاي
مثل ماقلتي ويبقي الحال كما هو عليه
لوووووووووووول

 

[kaify q8ya]

الله يهديه لج يارب ويعينج على طبعه

حدها ماتسوى السالفه كل هالزعل اشدعوه اشصار

حبيبتي قولي اللهم اجرني في مصيبتي واخلف لي خيرا منها

وان شاءالله تنحل هالسالفه على خير يارب

واذا دق عليج عاد يوزي لاتضحكين عليه وتخربين السالفه شكله كلش مومال ضحك وغشمره الله يعينج عليه

 

[صابرة رغم الجروح]

لووووووووووول وهو صادق حبيبتي لا تزعلين مني
الحين حطي نفسج بمكانه لو هو مسوي فيج هالحركه يمكن يوقف قلبج اسم الله عليج وهو اكيد عصب مسكين
بس يلا عدى الموقف على خير راضيه وقولي له تعيش وتاكل غيرها

الله يسعدكم

 

[جنتي نوف]

اثقلي اشويه..توج مادخلتي عليه...وجذي غشمره وضحك ودقات
ماعليه كلامي قاسي..بس من صالحج..حتى اتصالاتج ومسجاتج..خففيها..انا متأكده انو مو بس زعلان الا ناقد..ومبين عليه شخصيه وثقيل..وهالفتره مثل الإختبار ديريبالج

 

[ما كو اسم]

حبيبتي نصيحه اذا تبينه راضيه لانه ما راح يراضيج .............. لا اتحطين راسج براس ريال
وريلج والنعم فيه ما يتعوض انت اللي رغله

 

[نور دربي]

الله يكووووووووووون بعووووووووووونج تحملي مارده بتصل ولي متى بضل زعلان وراسه يابس والله اهو الخسران


اوكي قلنا دقه قوية وانتي بينتي له بس مو لي هالدرجه الزعل الماصخ

ازعل يوم يومين عاد شهر لوووووووووول لو حزن ما صار سوه جذي استغفر الله


عيشي يومج واستانسي والحمدلله انتي مريحه حالج ان من نصيبج بيجمعكم وبتكملين معاه وان مو من نصيبج ربي يعوضج باذن الله بيرجع لج وبتعيشين بسعاده يارب

 

[*حبيبة جراح*]

واااي حده موقف خايس ومااحبه
يلااا عادي كلها يومين وينسى بس لاتعيدينها ​

 

[سناء]

مزح عن مزح يفرق يا عسل ....

 

[Zen&7ala]

الصراحة مو حلوه

حتى لو تتذكرين و تضحكين سوري بس هذا خطيبج حلو انج تثقلين جدامه

و خلج رزيينه !! مو حلوه هالحركات انا متزوجه ما اسوي جذي عشان ما ينقد علي !!


ترى الرياييل ما يحبون الهبله او الي تستعبط جذي

اسمحيلي بس الريال معاه حق و الظاهر قال هذي ياهل او مو مستوعبه اني خطيبها لان مو ياهل او ميانه او

واحد من الشارع

ياليت تتقبلين كلامي انا بنصحج و الله يوفقج و عساه يدق عليج و انتي لا تدقين خلج ثقيله و قوليله قاعده اتغشمر ماله داعي

و اذا انا غلطة بحقك انا اسفه (قوليله اذا دق لا تدقييين)

 

[..Ro$e..]

لحــد الـحين باال كم صارلج

انا دشيت اقــول اكــيد رضا سي السـيد


بس انصـدمت لـحين شــدعوه ماسارت ..

اللي بقوله الله يكتب لج اللي فيه الخيرر

 

[عديمه احساس]

:eh_s(15):

‏​‏​تبين الصراحه؟
زين يسوي

عيل خطيبته تيي تقوله انت حجر ومادري شنو؟ هذا وانتو توكم ليلحين ما تزوجتو
بيقول هذي من اولها جذي بس همها اللبس والطلعات وبتهدني على شي سخيف

زودتيها بعدين وقلتي جذبه ابريل!!

مو بكل وقت ومع اي شخص نسوي دقه ومقالب

 

[متفائله بلا حظ]

الثقل زين
وشهالكلام انا موميته عليه وبالطقاق يبيني يدق علي شكلج ماتبينه ومدامج ماتبينه الله لايتمم اللي بينكم ويرزقه بالثقيله اللي تعرف قدره

 

[cat-girlq8]

الله يهديه لج يارب ويعينج على طبعه

حدها ماتسوى السالفه كل هالزعل اشدعوه اشصار

حبيبتي قولي اللهم اجرني في مصيبتي واخلف لي خيرا منها

وان شاءالله تنحل هالسالفه على خير يارب

واذا دق عليج عاد يوزي لاتضحكين عليه وتخربين السالفه شكله كلش مومال ضحك وغشمره الله يعينج عليه

========================

تسلمين ياقلبي ماقصرتي
اي اهو اخذ موقف انتي لو تشوفينه شلون سكت فتره وسكر الخط
ويوم دقيت بعد خمس دقايق قالي صدمتيني فيج
ماسوت عليه هالجذبه والله بصراحه ليومج انا كريكره
كل ما اتذكرهالموقف
لووول

 

[cat-girlq8]

لووووووووووول وهو صادق حبيبتي لا تزعلين مني
الحين حطي نفسج بمكانه لو هو مسوي فيج هالحركه يمكن يوقف قلبج اسم الله عليج وهو اكيد عصب مسكين
بس يلا عدى الموقف على خير راضيه وقولي له تعيش وتاكل غيرها

الله يسعدكم

====================

اتصدقين والله لو انه مسوي فيني هالحركه وقتها صج بتنرفز بس اذا عرفت انها جذبة ابريل بطووف عادي
لكن اهوا مصخها حييييييييل
عاد أمس شايفته بستاربكس كيفان كنت مع صديقاتي وكان موجود مع ربعه طالعني بنظره وصد
قلت هذا اللي صج بروح افلعه بااكبر ماعندي
خمرت وسكت لاتعليق مع انه صديقاتي قالو لي دزي له مسج قوليله شلونك
قلت لهم مستحييييل

 

[cat-girlq8]

اثقلي اشويه..توج مادخلتي عليه...وجذي غشمره وضحك ودقات
ماعليه كلامي قاسي..بس من صالحج..حتى اتصالاتج ومسجاتج..خففيها..انا متأكده انو مو بس زعلان الا ناقد..ومبين عليه شخصيه وثقيل..وهالفتره مثل الإختبار ديريبالج

====================

أثقلللل؟
ليش انا من رايج ريشه ولا خفيفه عشان اثقل
لا حبيبتي انا ماحب اكون شي وبعد الزواج شي ثاني انا شخصيتي جذي
علي طبيعتي ماحب امثل
وبعدين الكل يدري انه خطبتنا رسميه ليش
... وليش ناقد ... ؟؟ علي شنو بينقد يعني ؟؟

 

[cat-girlq8]

حبيبتي نصيحه اذا تبينه راضيه لانه ما راح يراضيج .............. لا اتحطين راسج براس ريال
وريلج والنعم فيه ما يتعوض انت اللي رغله

==============

لا ماراح اراضيه انا راضيته بما فيه الكفايه وعطاني طاف
اذا اهوا عنيد انا اعند منه

 

[cat-girlq8]

الله يكووووووووووون بعووووووووووونج تحملي مارده بتصل ولي متى بضل زعلان وراسه يابس والله اهو الخسران


اوكي قلنا دقه قوية وانتي بينتي له بس مو لي هالدرجه الزعل الماصخ

ازعل يوم يومين عاد شهر لوووووووووول لو حزن ما صار سوه جذي استغفر الله


عيشي يومج واستانسي والحمدلله انتي مريحه حالج ان من نصيبج بيجمعكم وبتكملين معاه وان مو من نصيبج ربي يعوضج باذن الله بيرجع لج وبتعيشين بسعاده يارب

================


لوووووووووووووووووول
اي والله صدقتي لو حزن جان ماسوه جذي
والله عايشه حياتي ومستانسه وانا قلت حق ابوي اذا فيه خير الله بيجمعني معاه واذا مو من نصيبي الله يعطيني الاحسن منه
بس بصراحه اهوا خوش ريال وايد محترم وطيب وصريح
يعني ماعنده لف ودوران

 

[cat-girlq8]

واااي حده موقف خايس ومااحبه


يلااا عادي كلها يومين وينسى بس لاتعيدينها ​

================

بالعكس وقتها صج مت ضحك
وبعدين بيصير لنا شهر والحال كما هو عليه
انا قلت نفسج يومين وينسي بس اشوفه طووول
لووول

 

[cat-girlq8]

مزح عن مزح يفرق يا عسل ....

========

الله كريم

 

[cat-girlq8]

الصراحة مو حلوه

حتى لو تتذكرين و تضحكين سوري بس هذا خطيبج حلو انج تثقلين جدامه

و خلج رزيينه !! مو حلوه هالحركات انا متزوجه ما اسوي جذي عشان ما ينقد علي !!


ترى الرياييل ما يحبون الهبله او الي تستعبط جذي

اسمحيلي بس الريال معاه حق و الظاهر قال هذي ياهل او مو مستوعبه اني خطيبها لان مو ياهل او ميانه او

واحد من الشارع

ياليت تتقبلين كلامي انا بنصحج و الله يوفقج و عساه يدق عليج و انتي لا تدقين خلج ثقيله و قوليله قاعده اتغشمر ماله داعي

و اذا انا غلطة بحقك انا اسفه (قوليله اذا دق لا تدقييين)

========

تسلمين حبيبتي ولا بالعكس كلامج مافيه شي
بس انا بصراحه احب اكون علي طبيعتي واضحك واسولف واقول اللي بقلبي
اطق الثقل ليش يعني اهوا يعرفني عدل قبل لا يخطبني .. فاللحين بقعد اطق الثقل عليه
لا ماحب اكون بويه ثاني
)))
والله ليوومج ما افكر اني ادق