˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

...

عسى الله يوفق الجميع

 

[درة أهل الطولات]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

والله عادي

التربية متروسة مواقف منها راح نتعلم

لا تضايقون روحكم

المهم انج تعطين اللي تقدرين عليه

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

>>


درة كلامج درر

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بما إن دخلنا بالـ 12 فـ ( صباح الخير )..

درور: واحنا بعد كلنا نحبج حبيبتي انتي

قائم آل محمد: الحمدلله كان صفج هدوء من بعد العاصفة.. طفارتي طفارتي المرادد. وصج صج على قولتج يطلع علينا بالجانب السلبي ومنها عوار البلاعيم

توتي فروتي: أنا بسميج رواق القسم، مرات نكون مشحونين ف تحطين لنا ردود تخلينا نطخ شوي.. حبيبتي انتي والله يوفقج يارب..

ديجتال: حبيبتي انتي دايم تتعبين بالمدرسة وهالشي الاحظه من ردودج بالحزب كله اجر هذا وبالاخير معاشج لما تاخذينه تكونين صج محللته فلس فلس..

كلي أمل: أول شي وينج ودي اتل شعرج.. حبيبتي انتي ليش تبجين وتضيقين خلقج؟ البنات الي ردوا عليج ما قصروا والله وقالوا الي بقوله وأكثر بعد. أمول تدرين اني حياوية واستحي أكثر منج؟ امبي انا استحي من ظلي وويهي بيبي فيس ومن النوع اذا عصبت
أقط بدليات ف أحاول ما أعصب وايد، وانا طبعي كله غشمرة مع الطالبات لدرجة اني اقطع من الدرس اتغشمر وياهم وبعدين نكمل
يعني اسوي جذي علشان اخلي الطالبات يحبون الدرس واقضي على التشتت وعدم الانتباه.

أمج وخواتج كلامهم عين العقل انتي مالج ذنب بالظروف. وسويتي الي عليج وأكثر. انا صج استحي من ظلي بس الصراحة حاطة ببالي شي واحد أي وحدة دشت علي سواء ( ناظرة = موجهة = وكيلة = رئيسة قسم ) بالطقاق والله اصلا ما أعبر وجودها ولا أركز
عليها داخل الصف كلش ملش.. جنها اساسا مو موجودة، لاني قاعدة اركز على الطالبات والدرس. وعادي جم مرة دشوا علي وكان في جم طالبة مشاغبة اقولها روحي وقفي ورا.. عادي جدًا


الي بأول سنة لازم جذي أمول يعطونهم ملاحظات ف انتي قولي ان شالله واحلى طاف، المثل يقول ما شافوا بالورد شي قالوا احمر الخدين. تخيلي دشت علي الناظرة مرة وكانت حصتي من احلى ما يكون قالتلي ابلة انتي كل شغلج عدل بس ناسية شي.. قلتلها شنو؟ قالت لي موكاتبة القيمة التربوية للاسبوع هذا على السبورة؟ قلتلها كاتبه على اليسار كاهو شوفيه.. جان تقولي: وي ما خذيت بالي.. عادي حبيبتي الناظرات دايما جذي وخاصة ناظرتنا تدقق على النملة جم شعرها براسها فيه... بس مع هذا انا عادي ومو معبرتها اساسًا ودامج واثقة من نفسج محد يقدر يزحزح الثقة هذي..


أمول، ترا هذا صفج وهذيل طالباتج يعني انتي عارفتهم وخابزتهم اكثر من الناظرة والادارة وطوايفهم، واذا سألتج ليش واقفين الطالبتين ورا قوليلها بكل صراحة مشاغبات.. وهذا جزاهم لانهم قللوا ادب.. امول عمرج لا تحبطين نفسج على موقف، اذا من أول شي جذي عيل شنو خليتي حق جم سنة جدام!! ياما ياما بتشوفين سوالف تشيب الشعر واتوقع ابلات الخبرة ادرى بمعنى كلامي..

طنشي وولاعلى بالج.. ترا انا اول شهر لي كمعلمة كنت نفسج ارجع البيت بجي وابي استقبل وكل يوم انزل تحت عند اهلي بالصالة اتحلطم على راسهم والمح لهم اني بطلع من هالوزارة واروح مكان ثاني.. وبليل لما ابي انام احاتي باجر وان الله يعينيي كأني رايحة حرب وهذا غير تكرمين الاسهال وعوار البطن وكل هذا خوف..

بس بعدين


فكرت بيني وبين نفسي وقلت انا ليش أتعب عمري؟ ليش اخلي نفسي مريضة واخاف؟ منو هذيل اصلا؟ ترا هذي كلها مدرسة وادارة لاراحوا ولا ردوا، هذيل مو الله استغفر الله... الانسان مو معصوم عن الخطأ ومافيها شي لو اخطأت مرة واثنين وثلاث لحد ما أتعلم واكون بيرفكت.. انتي عبالج الابلات الي صارلهم 10 سنين أو 15 سنة صاروا تمام من أول يوم؟ أكيد لأ كانوا نفسج واردى بعد بس مع كل سنة تاخذين خبرة وتتعلمين من أخطاء السنة الي طافت


حطيها ببالج أمول وكل معلمة قيد الانشاء.. أول سنة لازم لازم فيها تخبط وطق روس واخطاء وبعد السنة تصيرين عادية.. هالشي جدًا طبيعي، شلون لما تكرمين تييلج الدورة الشهرية خلال هالفترة تنقلب حالتج النفسية فوق تحت؟ مرة معصبة ومرة رايقة؟ جذي اول سنة بالتدريس مرة ودج تكملين ومرة تقولين انا بستقيل من الأرف الي انا فيه..


تلقين نفسج يوم رادة من الدوام مو قادرة تطلين بويه احد ويوم ترجعين وانتي تحسين نفسج من أحسن ما يكون كلج أمل وتفاؤل. صبري أمول وتعلمي مني.. انا شارية راحة بالي اهم شي طالباتي فاهمين الدرس واخذ معاشي آخر الشهر وخلاص مابي لا منة هذي ولا ذيك، والي مايعجبها شغلي والله بالطقاق شنو بتسويلي يعني؟ بتفنشني وبتقولين ماكو معاش وقعدي بالبيت؟ أكيد لأ.. اصلا حامض على بوز بوزهاااااااااااااااااا ههههههههههههه


مسحي دموعج اذا كنتي بعد تبجين وقوي قلبج واحنا اكيد وياج، وهالحزب ماصار الا علشان نقوي بعض ونواسي بعض... الصراحة التدريس حلو بس تعب وما انكر ان فيه تعب ومشقة بس يا حلاة اللحظة الي لما تقولج طالبة أبلة شلونج من الصبح واي تدرين هالشي عندي بالدنيا كلها.. يعني ادخل المدرسة القى جم طالبة ناطرتني تقولي ابلة شلونج ابلة شخبارج؟ وغير مسمى ابلة ياحلاتها كأني عندي برستيج معين.. مادري احس كأن لي هيبة.. والصراحة يوم عن يوم اختياري احسه موفق اني صرت معلمة ما ودي أفرط بهالوظيفة لاني انا من داخل حابتها..

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

اليوم صف المشاغبات كان حده هدوء.. والسبب اني دشيت عليهم منفسة حدي، كنت أمثل اني معصبة داشة ورافعة خشمي كان فيه شوية سوالف وازعاج بس من دخلت رقعت الباب حيل وقطيت جنطتي على الطاولة قط هههههه عاد اهما فهموا اني لحد الحين معصبة منهم وااااي بغيت ابطها ضحك بس مسكت نفسي المهم قلتلهم يله بسرعة اشوف الكتاب + الدفتر وكتبوا التاريخ والعنوان بسرعة


اقولكم بنات، ولا كلمة ونفذوا الأوامر كلها.. وحتى خلصنا الدرس مبجر جان اخلي الصف كله يقرا الدرس..


أما الطالبة ( أم الدياية ) ف بعد الطابور رحت الصف واستأذنت من ابلتها وقلتلها ابي هدى شوي.. جان اقولها هاتي دفترج وتعالي القسم.. >>> حاطة ببالي اني افشلة بالقسم لأنها باطة جبدي من امس

يات القسم جان انا اطلع من درجي الورقة الي مشخطة عليها واروح عند رئيسة القسم واقولها شوفي شنو مسوية بالورقة جان تقولها رئيسة القسم ليش تسوين جذي؟ جان تنكر وتقول هذي مو ورقتي عذاري اهي ال شخطت عليها وورقتي مادري وينها..

جان اقولها بصوت عالي شوفي هدى انا ممكن اتحمل اي شي الا انج تقللين ادب على مدرستج.. جان تقولي ليش تقولين لي دياية؟ وتأشر علي بطريقة خايسة.. جان اقولها نزلي ايدج لما اكلمج فاهمة؟ جان اقولها اي دياية ونص بعدين انا معلمتج واي شي اقوله تسمعينه وما تبطلين حلجج.. سكتت جان اقولها عطيني دفترج.. فتحته طبعا مطوفة دروس بالهبل ومو كاتبة ولا شي.. واقول حق رئيسة القسم شوفي شوفي دفترها.. الحمدلله رئيسة القسم احسها متعاطفة وياي..


قلتلها انا هالمرة يبتج قسم العربي مرة ثانية راح اييب أمج وتدرين اذا يت امج شنو راح أقولها تعرفين عدل يا هدى.. خليناها توقع على تعهد وقلتلها ماكو ماي ولا حمام بحصتي >> لووول

بعدها لما طلعت انا رحت وراها بس طلعت من القسم رقعت الباب وراها..

لفيت ويهي ولا الابلات غشيانين من الضحك، يقولون لي هدي هدي شفيج معصبة.. ههههه جان اضحك قلتلهم ما تحملت لاني طول الوقت قاعدة امثل جدام البنت اني معصبة.. الصراحة بردت حرتي منها لانها قللت ادبها علي واحس اني جازيتها


وبعدين عاد لما صارت وقت حصتهم لقيتها قاعدة ولا كلمة مثل ما قلتلكم فوق.. حتى لما اكتب على السبورة تقولي:

ابلة ما اشوف >> يعني من طقة انها منتهبة وتبي تكتب كل كلمة على السبورة.....


بنات يمكن تشوفون اسلوبي معاها قاسي بس انا الصراحة احس الي سويته فيها زين حقها لان هالنوعية من البنات الي يراددون
ويكلمون الابلة جنها خدامتهم بالبيت يبيلهم هالنوعية من التعامل...

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منال .,


الله لا يحرمنا من تواجدج .,

كلامج صحيح .,
وبعدين على قولتج تعب لكن دامج حابتها يهون هالتعب وأجر من الله.,


بس في نقطة منول ماعجبتني .,
الي هي :

اننا لازم نتميز بشغلنا ومانكتفي بأن نعطي الدروس جذي والطالبات يفهمون .,
بمعنى ان لازم يكون لنا طموح بان نترقى ونوصل لأعلى المراتب عشان نرضي نفسها ونكون شي في المجتمع .,

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

...

اي منال حلو تصرفج ., لان مثل ماقلتي يتكلمون مع معلماتهم مثل الخدم عندهم,.
استغفر الله يغثووون

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

قوه ابلات شلونكم ويييييييييييه وايد سوالف طافتني

حسافه ماييت مبجر ومالحقت عليكم نمت وايد العصر

تبي تييلي الحلوه قريبا وحاسه باحباط واكتئاب من صوب وهموم الدوام من صوب ثاني

اليوم وانا اشرح مسأله ومندمجه قاعده اكتب الحل على اللوحه

التفت ولا اشوف طبق طائر يطير فووووووق وهبط عند طالبه

انا سكتت وصار الصف هدووووووء وقلت للطالبه اللي استقبلت الطبق الطائر

شنو اللي بايديج الطالبه انصدمت وقالت هاااه ؟!!!!

قلتلها عطيني الورقة واخذتها قلتلها هالورقه من منو ؟ قالت فلانه وويها منصفق

وهذيك الطالبه قالت ابله آسفه وعيونها غورقت دموع :eh_s(2): قلتلها قومي اوقفي

وقفتها ثلاثة ارباع الحصه والطالبه خافت لاني ماعلقت ولا زفيتها وقلتلها قومي اوقفي ببرود

وقامت تبجي والطالبات عطوها كلينكس وآخر احصه قلتلها قعدي

بس باجر راح اصدمها بكلم الاخصائيه وبسويلها استدعاء لان هم بعد مستواها نازل وصايره كسلانه ودفترها يلووووع الجبد وجم مره تنساه


لما ما كان عندي حصه مريت من صفي بروح السكرتيريه و كنت اكلم رئيسة القسم بالتلفون ووقفت وكان باب الصف مفتوح وطالباتي داخل الصف يسوونلي باي باي والابله اللي عليهم زفتهم زف وصرخت عليهم صرخه مرعببببه احس بلاعيمها شوي وتطلع من حلجها واللوز انفجرت من الصراخ وكان شكلها غلط انا تذكرت روحي لما اعصب امبيه لا يكون شكلي جذي يصير مثل شكلها

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

امبيييييه مافيني نوم :krkrkr:

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

...

لوول كويتية ,. اكيد نايمة العصر وين بتنامين ., نفس حالتي ):

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتيه انا الي عندي حضرتهم كانوا يلعبون لعبة المربعات
( مادري شلون اشرحها ., هذي الي كل وحدة تسوي خط والي يسوي عقب مربع يكتب حرفه ., والي اكثر مربعات يفوز )

وانا شاطة نفسي اشرح ):
اخذت الورقة ووديتها لرئيسة القسم قالت لي عطيني اسماءهم اوديها للوكيلة .,
وبس الحمدلله ودتهم

 

[درة أهل الطولات]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مسااااءكموووو عسلمووو

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

درور: واي فديتج مادري ليش من شفت صورة الياهل بتوقيعج يتني البجية، عسى الله يرزقج 10 مثله آمين آمين آمين

توتي فروتي: واااي يا برود قلوبهم، انتي شرح وشاطة عمرج وهذيل مربعات، امبي تحسين صج مايدرون وين الله قاطهم وصج لي قالوا عنهم يهال.. وولايحرمنا من وجودج انتي بعد، وتعقيبج على كلامي بخصوص ان الأبلة لازم تكون مميزة بشغلها عدل كلامج وصحيح بس في مرات لما تتميزين يحقدون عليج أو تبدا الطلبات التعجيزية من كل صوب بس هذا مو معناه انج تستلمين بس الحمدلله على كل حال

كويتية عسول: الله يعينج اليوم على النومة، الحين كل شي راح يكون مخربط، واي لا تذكريني على المسعدة راح تشرف علي الظاهر الظاهر الأسبوع الياي حاسة فيها. وزين تسوين على الطالبة وديها عند الاخصائية علشان مرة ثانية تحرم تطير شي بالحصة..


---------


مسا الخير بنات..

اليوم أكثر من ابلة ياية القسم ومن بعد ما خلصت حصصها تكون واصلة حدها وتأفأف ومالها خلق وتتحلطم على الطالبات
يقولون مو راضيين يدرسون وما يبون... ووحدة من المدرسات تقول وحدة من الطالبات قالت: اي بطني تعورني جان 5 طالبات يقومون ويقولون لها ابلة نوديها عند الاخصائية! امبي تخيلوا 5 يبون يودونها للدرجة هذي مالهم خلق حصص!! انا افضل الامتحانات تقرب اكثر واكثر لان اخاف الطالبات بكل مدارس الكويت يسوون يتحالفون ويذبحون المدرسات قبل العطلة من الشطانة هههههههه


صف المشاغبات كان اليوم هدوء مو طبيعي للمرة الثانية والسبب اني داشة عليهم منفسة، وااي بنات تبون الصراحة اشتقت لازعاجهم >>> برا

مادري احس انهم مو مرتاحين وانا رافعة الجام عليهم وما اتغشمر معاهم واااي مرات ودي اقطع عليهم الدرس واتغشمر نفس كل مرة بس اخاف يخربونها.. لحد الحين ادخل واقط الجنطة على الطاولة بعصبية عاد اهما يفهمون اني مالي خلقهم هههه وانا انواع التمثيل ومن داخل بموت من الضحك....

 

[كــلــ أمــل ــي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مشكوريـــن وااايد يــآ الغاليــآآت والله ماتدروون شكثر خففتوو عني .. فديــتكم والله يخليــنــآ لبعض دووووم ..

اماا انتي ياا منووول بتلييين شعري .. هين هين اعلم امي عليــــج هههههههههههههههه

ياحيــآتي والله ماقصرتي واناا اقتنعت بكلآآمــج الحمدلله ومثل ماقلتي شي يديد علي وتوني ماتعودت .. فديتج وربي يوفقج ويسعدج يالغاليـــه

منووووول اهم شي زفيتيهاا جداام رئيسة القسم وارتحتي صج البنــآآت منهبلاات تدريــن اناا مرآت افكر اخذ دوورة كيفية التعامل مع المراهقــآت

يعني استاانس ليمن ادش ع ساادس واحس مرتــآآحه ولله الحمد اماا ثــآآمن واااي اقعد وارتب شغلي قبل الحصه بجم سااعه ومااسوي شي ولاا اسوولف الا بعد ماتخلص حصتي وارتــآآح منهم ..

الحين الحمدلله بس باجيلي اسبووعين وافتك منهم

الا صـــج منووو اناا اختــآر المراحل اللي بدرسهــآآ ولاا لآآ يعني لي الحرية باختيار المراحل اللي بدرسهاا ...؟


,,,,,,,,,,,,,,,,,,,,,,,,,,,,,,,,,,,,,,

كويتية .. نووم العوافي

ههههههههههههههههههههههههه والله ضحكتيني يووم قلتي ليكوون شكلي جذي هههههههههههه

بس صج مايستحووون اناا تدرين شيسووون يطقوون بعض بالسيوور .. صبياان موو بناات الله يهديهم

,,,,,,,,,,,,,,,,,,,,,,,,,,,,,,,,,,,,,,

مســآء الورد دروور .. واااي شحلآآت الصوورة اللي بتووقيعج توونس تراا بقتهاآآ ^^

,,,,,,,,,,,,,,,,,,,,,,,,,,,,,,,,,,,,,,


منوووول واااي بالله عليج ماا تييلج الضحكه شلووون قدرتي تمثلييين لوو اناا مكاانج الف ظهري وابطهاا ضحكه بدوون صووت بس زين تسووين فيهم

بــآركوولي بنــآت اليوم خلصت تصحيح 6 صفووف عندي ورصدت درجــآآتهم والله شي متعب طااحت عيووني والسبب الارقاام دخت

تخيلووو بنــآآت اقوول للطالباات ليش درجااتكم جذي ليش مادرستووو يتبووسموون ويقوولون انله مادرسنــآ وااااي انقهرت شنوو هذاا انا اتعب واشرح واهمم ميييح جــآن اقووول الاسبووع الجاي اختبار قصير بارصد شفووي الفتره الرابعه لوو تشوووفوون اشكاالهم شووي ويذبحووني قريت بعيوونهم (ابله تونا مخلصين مامدانا ارتحنا عطيتينا اختبار قصير ) والله يستااهلوون شالاستهتاار بالدرااسة

عــآد تدرووون اليوم اكثر من نص الصف غايب يمكن الحضوور 11 طالبه بس ياعيني ماخذين راحه بعد الاختباارات يااريتهم شطاار لاا الشطاار مداومين والكسااله ايبين وبعدين اذا سالتهم ابله غايبه موو فاهمه انتحر من هالكلمه وخاصة من ثامن انتي كبيره واتعرفين مصلحتج ..

اليووم كان عندي حصه لساادس خلصت امبجر وياريت ماخلصت هذره ابله انتي وين ساكنة شنوو اصلج متزووجه عندج جم بنت وجم ولد ابله شنوو احلى فلم وشنوو فناانج عاد اناا اقوولهم مااجووف التلفزيوون كلهم يطالعون بعض اقوول ماعندي وقت مثلكم ..................الخ والاسئله لاا تنتهي وغير سواالف الاهل وشنوو صارلهاا .... بعد الحصة ع طوول ادوور بندوول هههههههههههه

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

..

كلي امل .,
عجبتني هذي " وياليتني ماخلصت " بس تصدقين عاد جربت سادس عسولين ينحبون ,. اقصد يخافون وما يراددونج .,

أما 8 و 9 10 قمة المراهقة ياااو

ويوولج 11 و12 هاديين كبار شوي ..

هذي الي اشوفه جدامي .,

شرايكم من المؤيد ومن المعارض ؟.

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

...

لوول كويتية ,. اكيد نايمة العصر وين بتنامين ., نفس حالتي ):

مانمت الا الساعه 3 ووصلت المدرسة متأخره واليوم نفس الحاله
صج توتي وينج مالج بيان في palringo متى تدشين القروب صاير يضيق الخلق قليل اللي يدشون

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتيه انا الي عندي حضرتهم كانوا يلعبون لعبة المربعات
( مادري شلون اشرحها ., هذي الي كل وحدة تسوي خط والي يسوي عقب مربع يكتب حرفه ., والي اكثر مربعات يفوز )

وانا شاطة نفسي اشرح ):
اخذت الورقة ووديتها لرئيسة القسم قالت لي عطيني اسماءهم اوديها للوكيلة .,
وبس الحمدلله ودتهم

شسالفة البنات هالايام تصدقين حتى اليوم في ابله وافده عندنا

في القسم تشتكي واهيا تشرح وفي طالبتين يلعبون في الحصه بالاوراق

ويحليلها رئيسة قسمج الله يتمم عليج ماقصرت

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

....

هلا كويتية ., بالعكس ادش وماحصل احد واطلع
شوفي من المكتسح الغرفة غير توتي لووول .,
انتي الي ما تبينين كلش ملش .,


اي الحين تصليح امتحانات للعصاري الله يعين .,

 

[jen2n]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

يا حلو سوالفكم ابلات مع ان بعضها تغث وبعضها تنرفز وبعضها تضحك وبعضها تخوف لووول

متى ايي اليوم واقول لكم عن سوالفي حدي زهقت من قعده البيت احس ان مخي مافيه ولا معلوومه لووول

ما ادري شنو راح اسوي بالمقابله

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتية عسول: الله يعينج اليوم على النومة، الحين كل شي راح يكون مخربط، واي لا تذكريني على المسعدة راح تشرف علي الظاهر الظاهر الأسبوع الياي حاسة فيها. وزين تسوين على الطالبة وديها عند الاخصائية علشان مرة ثانية تحرم تطير شي بالحصة..


---------

تصدقين نسيت مارحت للاخصائيه

واليوم الطالبه صايره سنعه وساكته وتكلمني بذرابه

وكسرت خاطري مقعدينها بروحها على الجنب

الظاهر في ابله ثانيه مشتكيه عليها ومغيرين مكانها

مسا الخير بنات..

اليوم أكثر من ابلة ياية القسم ومن بعد ما خلصت حصصها تكون واصلة حدها وتأفأف ومالها خلق وتتحلطم على الطالبات
يقولون مو راضيين يدرسون وما يبون... ووحدة من المدرسات تقول وحدة من الطالبات قالت: اي بطني تعورني جان 5 طالبات يقومون ويقولون لها ابلة نوديها عند الاخصائية! امبي تخيلوا 5 يبون يودونها للدرجة هذي مالهم خلق حصص!! انا افضل الامتحانات تقرب اكثر واكثر لان اخاف الطالبات بكل مدارس الكويت يسوون يتحالفون ويذبحون المدرسات قبل العطلة من الشطانة هههههههه

الطالبات فجوا وملوا ومالهم خلق ماينلامون الكورس الثاني طويل

حتى احنا الابلات تعبنا انا اليوم كل ساعه ابطل الكتاب واشوف خطة المنهج وأعد الدروس جم بقالي
علشان اخلص المنهج

صف المشاغبات كان اليوم هدوء مو طبيعي للمرة الثانية والسبب اني داشة عليهم منفسة، وااي بنات تبون الصراحة اشتقت لازعاجهم >>> برا

مادري احس انهم مو مرتاحين وانا رافعة الجام عليهم وما اتغشمر معاهم واااي مرات ودي اقطع عليهم الدرس واتغشمر نفس كل مرة بس اخاف يخربونها.. لحد الحين ادخل واقط الجنطة على الطاولة بعصبية عاد اهما يفهمون اني مالي خلقهم هههه وانا انواع التمثيل ومن داخل بموت من الضحك....

عيل باجر سأليهم عاجبكم أسلوبي اليديد؟

اهما راح يقولون لأ قوليلهم بعطيكم فرصه وشرطي عليهم وقوليلهم بشوف اذا شفتكم تلعوزوني بغير اسلوبي معاكم اذا شفكم صرتو عجال ولا تلعوزوني راح اعاملكم مثل قبل واعطيهم هدايا والاختيار لكم