˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

حبتج العافية ., وعسى الله يبارك في هالتجمع .,
خوااات على قلب واحد .,

يساعدون بعض
يسألون عن بعض
وينصحون بعض
يخففون عن بعض
ويحبون الخير لبعض
وما يحشون ف بعض
وقلبهم على قلب بعض
والله يسلم منول الي مجمعتنا مع بعض

ههه حلوة الاخيرة ياية مع الوزن

:eh_s(7):

اللهم آمين :yaaaaaarb:

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

فديييييييييييت قلبج منول

بعد شبزي

انا اليوم عصبت على وحدع عيزت وانا اغير مكانها و اشخلها و اخزها ماكو فايده

عاد اول مادخلت و اهي دو دو دو دو دو دو <- صوت السوالف

جان اسكتها اول مرة

ثاني مرة طالعتها جان اقولها

برررررررررررررررررررررررررة

انصدمت

لمت ايدها على جسمها لي رقبتها جان تقول

سوري!!!!!!!!!!!!!!!!!!!!!!!!!!!!!!!!!!!!!!!

قلت برااااااااااااااااااااااااااااااااااااااااااااااااا

واااااااااااااااااااي الصف انخمر

اخر شي راحت و طولت شوي

قلتلها لما تروحين حق الاخصائية قوليلها الي سويتيه ان الابلة تسكتني وانا مو راضية اسكت من اول الكورس وماكو فايده فيني..

شوي جان اتييني بورقة دخول من الاخصائية ..

الصف ظل صخه و قلتلها المرة الياية عالناظرة على طول وورقة ماتدخلج الصف.

عقبها يات مسكينة تبي تشيل اغراضي عشان تراضيني لووووول

ولا وحده من البنات كاتبتلي على دفترها بصفحه تركتها بالغلط

انا اسفة يا احلى ابلة بالدنيا تركتها بالغلط .. اي لف يو سو مج لوووول

فديتهم ك ل ا ب ودج تطيحين الميانة وياهم بس ماتقدرين ..

صاااااااجه ماينعطون وي اذا عطيتيهم وي لعوزوج مايسوى عليج وزين سويتي فيهم

اهما يبون جذي

 

[اريج الرياض]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

.. أحـــبـــكم واايــد ..

وانا امووووت بالتجمع ودائما اتابعكم احب اقرا يوميات كويتيه عسل ومنال القلب وتعليقات توتي فروتي احبكم يااحلى معلمات :eh_s(7):
الله يعينكم ياكويتيه ومنول عالطالبات

 

[زمزم @]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

الله يعطيكن العافية ياأبلات منال القلب وكويتية عسل ودرة وسوري للمعلمة اللي نكها بالانجليزي موعارفة اسمها
وينسيكن ربي تعبكن قريب مابقي شيء على العطلة بجد مهمة يبغالها قلب من حديد وجبدة سودة

يلا ماباقي شيء على شهر 9 وبكون مثلكن واسوولف لكن عن مواقفي مع بنات هالزمن الأغبر وي وي عليهم من جيل <<الله يعين على الصقع والرقع معهن


مناااااااااااااااااااااااال القلب حبيبتي أنتي أمووت عليج تسلم أناملك ِعلى هالتوقيع وأحلى بوسة لج :hjy5jewf:ومشكورة ياروحي

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

تسلمون بنات جد لو مو هالحزب جان انا منبطة من زمان لانه المكان الوحيد الي ممكن احد يفهمني فيه وافضفض واحس صار أكثر من حزب صرنا مثل صديقات نتيمع بمكان ونفضفض بأشياء تخص مدارسنا واشياء برا المدرسة... علشان جذي احبكم

كويتية عسل & توتي فروتي & عوشني تسلمون يا قلبي على كلامكم....

انا بعد لو هالحزب لانفجرت :eh_s(2): كل مايصير موقف في المدرسه ويكون قلبي محترق من موقف ودي بسرعه اخلص حصصي وشغلي علشان ادخل الحزب واشوفكم وافضفضلكم واسولف معاكم حتى ساعات ودي ادخل الحزب في المدرسة لان جهازي ايفون وفيه نت بس ماعندي وقت من اول ماادخل المدرسة لي الهده كرف وشغل ماارتاح دقيقه :eh_s(2):

كويتية عسل: حياتي والله لبسي احمر واصفر وكل الألوان دام تحسين انها بتعدل نفسيتج. شوفي انا ودي أقولج شي وبالنهاية القرار قرارج.. بالنسبة حق الدرس الريادي الزفت انا لو منج اعتذر صج ترا المثل يقول الكلمة الي تستحي منها بدها.. قوليلها عندي ظروف وما أقدر اسويه وارتاحي.. صح صعبة بالبداية بس بعدين بترتاحين من الترقب والتهرب منها.. لأنها ماراح تخليج قطيعة وراج وراج...

منوله انتي ماتدرين عنها قاعده تهددني بطريقه غير مباشره بالنقل لي مدرسة بعيده

وكاتبه فيني تقارير ومضخمه الامور على سوالف تافهه والموجهين عندهم عصابات ماتدرين عن سوالفهم :eh_s(2): خليني ساكته ماابي اخرع الابلات اليدد اللي يتابعون الحزب

بنات اليوم بلاعيمي شوي تعورني وكل شوي قاعدة أخذ حلاو مال البلاعيم. المهم وانا بالصف اشرح ولازم بعد اشرح بصوت عالي.

ماتشوفين شر لا تشربين شي بارد كلا دافي وحار وحاولي تريحين صوتج ولا تتكلمين وايد في البيت عندج الينسون مع العسل

حاولي لا تصارخين وتقضبين نفسج في الصف وتتحاشين الصراخ
<<<علمي نفسج

سوي اي شي الا الصراخ
بعدين يصير فيج احتقان
او غده او التهاب في الاحبال الصوتيه

انا بلاعيمي تعودت من اول صرخه يصير فيني احتقان سخونه وحرقه في البلاعيم ولا اقدر آكل ولا اشرب ولا اتكلم وصوتي رايح وبلغم تكرمين :eh_s(2):
واحتاج 3 ايام على الاقل علشان اصير زينه


عاد البنات اليوم يانين وقاعدين بنات صج اليوم أول مرة بحياتي بالكورس أصرخ وأعصب بهالطريقة وان شالله تكوون الأخيرة

صار عدة مواقف:

1- في بنت كسلانة ولسانها طويل، قلتلها هدى أنا أفضل تقعدين مكانج لا أسويلج استدعاء ولي أمر، ولما تيي أمج تصيرين مثل
الدياية، جان تقولي أنا مثل الدياية جدام أمي؟ قلتلها إي عندج مانع؟ جان تقول خلاص لما تييي أمي بقولها إنج قلتيلي دياية.. قلتلها
اي قوليلها وانا بعد بقولها، واليوم معطيتهم اوراق حصة صامتة شنو مسوية حصرتها؟ مشخطة ومشخبطة على الورقة كلها من ورا ومن جدام
قلتلها شفتي هالورقة الحلوة؟ راح اوريها حق امج لما تشرف المدرسة ( تخيلوا بنات تلاسنني وترادد هذي واهي بسادس )

هالجيل جيل الملاسن عندنا وعندج خير الشرهه على اهلهم اللي مومربينهم

2- وحدة تتحرك وايد وكل شوي ابلة بروح الحمام بروح اشرب ماي، تقوم من مكانها يعني فيها دودة ما تقعد بمكانها. وشفت جم طالبة من ورا يتكلمون جان مرة وحدة ادخن واعصب جان اخذ كل شي على طاولتي واقطه على الارض قطيت جنطتي + الغياب + معطر الجو وجيس فيه حلاو كله تنثر على الأرض
ومسطرتي امبي فورت وما حسيت بنفسي كلش.. بطوا جبدي ما يخلوني اشرح الدرس ( الحصة الأخيرة ) جان اقولهم زين جذي
تبون تدخلون ابلة منال المستشفى؟ هذا الي تبونه ارتحتوا؟ من باجر لي شغل ثاني وياكم.. وبعدها طق جرس الهدة ويت جم طالبة ساعدتني وشالت الأغراض وياي.. وااي متحلفة فيهم عدل باجر، بقطع عنهم الهدايا وبكلمهم بنفسية بمشي وياهم بدفتر الدرجات بخليهم يكرهون الساعة الي لما انا اكون عليهم.. هالصف مبلتعات وانا ساكتة عليهم وايد.........


3- اليوم كان عندي مراقبة على طالبة ايدها مكسورة امتحان رياضيات وبعد ما خلصت المراقبة طق الجرس جان اروح صف البنت
علشان اعطي الابلة الي تراقب عليهم امتحان البنية تحطه مع الامتحانات الباجية. جان لقيت ابلة رياضيات واقفة بالممر ، قلتلها هذي ورقة البنت الي ايدها مكسورة. جان تقولي وين ورقة البنت الثانية؟ ( كان فيه بنت ثانية ايدها مكسورة ومعلمة ثانية تحل لها ) جان قلتلها بعدها ما خلصت.. جان تقولي: روحي هاتي ورقتها بلهجة امر حيل بايخة... جان أقولها: روحي انتي هاتيها انا مالي دخل والابلة كانت مصرية مو كويتية بعد.. جان المدرسة الأولى مالت الرياضيات تقولي يعطيج العافية ابلة ماقصرتي وااي كانت حدها عسل عكس الابلة..

المصريات كلا يتأمرون جنه خدم عندهم


4- دخلنا بالصيف ودخلنا بأزمة التكييف داخل الاقسام، صارلنا 3 أيام تكييفنا عطلان يعني مابي أقولكم جو الفطيس الي داخل القسم، الي ودج تحطين راسج داخل حوض سمج من الحر والخيسة.......

كلمو الوكيله ليش ساكتين روحي اخذي اغراضج وقعدي في مكتب الوكيله قوليلها قسمنا حار التكييف خربان اذا الوكيله عندها احساس وتخاف اولياء الامور يشوفون الابله قاعده تشتغل عندها في المكتب وتنحرج ويوصل الحجي للمنطقة التعليمية ويشتكون فجذي راح تتحرك وتصلحه

<<<مايفيد معاهم الا جذي

* منقهرة من صفي عدل، عاد أمس كنت قاعد أقرا سالفة كويتية عسل وكلامها عن درجات الشفوي وانهم يحلمون تحط لهم 5 انا اوريهم حق الفترة الرابعة بوريهم عدددددددددل مو يحلمون بالـ 5 الا يناقزون حتى 4.5 ماكو لأن اليوم الي سووه مو طبيعي امبي بطوا جبدي حيل... وباجر تييكم الاخبار بوريهم الويه الثاني حق ابلة منال شلون صاير >>> شريرة


ههههههههههههههههههههههههه :krkrkr:

أحلى شريره

اهما يحدونا نعاملهم هالمعاملهم مايستاهلون الطيب


اما الصف الثاني عكسهم تماما يهبلووون ومن خزة وحدة مني يسكتون ولا كلمة واعطي درسي كله وزيادة اما الصف المزعج ما أقدر أعطي كلمتين على بعضهم من شطانتهم ...........

*****

اقولج حركه تبردين قلبج تحرين الصف الثاني الصف السنع باجر ونسيهم خليهم يطلعون من الحصه مستانسين بالحجي الحلو والنجوم في دفاترهم وهالحركات وسويلهم مسابقه وجو حلو وقوليهم آخر الحصه كل الصف زايدته درجه خل يوصل الحجي للصف الثاني
واذا تبين تضمنين يوصل بسرعه شطي عمرج بالدلال والحجي الحلو لطالبه عندها رفيجه من الصف الشيطان عاد انتي راح تعرفين لما تكونين عليهم راح يتشرهون عليج ابله شمعنه وابله ليش ؟ وانتي استلميهم ولا تعطينهم وي ؟
ولا تردين عليهم اذا تشرهو عليج ولا جنج سامعتهم ابدي بالدرس ولا تضيعين وقت حصتج

الله شالزيييييييييييييييييييين :eh_s(7): مشكوره فديتج :eh_s(7):

 

[قطوه وجذابه]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

هاي ابلات شلونكم ؛)

بقولكم .. شنو يعني نصاب المراقبه يكون حسب نصاب الحصص
اهو له حسبه معينه بس انا ما اعرفها ؟

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منال بعد بقولج طريقه عن تجربه

تخلين الطالبه تحرم تعيد اللي سوته وتموت من الخوف وتصير آدميه

اذا الطالبه ام ديايه لعوزتج باجر وانتي تشرحين الدرس سكتي وقفي الشرح

وقوليلها بهدوء تعالي عندي <<<خليها تييج لي مكانج

راح تشوفين ويها منصفق من الخوف والطالبات راح يسكتون من الخرعه

خليها تعرف غلطها بطريقه سؤال وجاوب مثلا اهيا قاعده تلعب في الحصه مومنتبهه

سأليها شنو قاعده تسوين ؟

الطالبه ام ديايه ام لسان راح ترد عليج وتقولج اسولف

سأليها شتقولين تسولفين عن شنو ؟

وسأليها انتي وين قاعده ؟ راح تقولين في صف

سأليها والصف شنسوي فيه ؟ راح تقولج ندرس

والحين شنو عليكم؟ راح تقولج عربي

لحد ماتستنتج بنفسها شنو غلطتها وشنو المفروض تسويه

وقوليها هالشي صح ولا غلط ؟

وحطي عينج في عينها وقوليلها كلام جد وبشد بس بدون صراخ وعصبيه

وديريبالج تضحكين قوليلها : انتي تتتعدمين تسوين جذي تحبين الابله تعاقبج ؟

ام ديايه راح تقولج : لأ واذا اهيا خوافه راح تسكت من الخوف

قوليلها انتي الحين عرفتي غلطتج و انا تكلمت معاج كبنت كبيره بس اذا تكرر مره ثانيه راح تزعلين حيل من عقابي لاني راح اعاقبج تدرين شلون بعاقبج ؟ وطول ماانتي تكلمينها عينج في عينها

ام ديايه : اتوقع تقولج شلون ؟

قوليلها جربي كرري غلطتج اللي توج سويتيه وتعرفين شلون <<خرعيها

ولا تخلينها ترد مكانها خليها توقف يمج يم اللوحه جم دقيقه

<<<خليها تصير طماشه للبنات

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

وانا امووووت بالتجمع ودائما اتابعكم احب اقرا يوميات كويتيه عسل ومنال القلب وتعليقات توتي فروتي احبكم يااحلى معلمات :eh_s(7):
الله يعينكم ياكويتيه ومنول عالطالبات

مشكوره حبيبتي هذا من ذوقج :eh_s(7):

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

زمزم

الله يعافيج حبيبتي :eh_s(7):

قطوه وجذابه

مراقبة الامتحان ماله نصاب بس الحصص

 

[*لبيه*]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بنات انا معلمه تحت التنفيذ ..

وتخصصي رياض اطفال ثاني سنه ماقدر اقعد فيه احس مكتأبه مااااااااااااااااابيه شسوي ؟

ابي احول تربيه اسلاميه بس مو قادره مافيه الا مساند عربي انا مابي عربي .؟؟؟؟؟

وقالولي تبين امشي على مجرشيت 2010 فاصلين كل تخصص بروحه .. وشفت المجرشيت ولا شي من المواد اللي خذيتهم موجوده كلش اللهم 6 مواد جذي بنات شسوي احول له واقعد زيياده سنتين والا اكمل رياض اطفال

عفيه ابي نصايحكم

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بنات انا معلمه تحت التنفيذ ..

وتخصصي رياض اطفال ثاني سنه ماقدر اقعد فيه احس مكتأبه مااااااااااااااااابيه شسوي ؟

ابي احول تربيه اسلاميه بس مو قادره مافيه الا مساند عربي انا مابي عربي .؟؟؟؟؟

وقالولي تبين امشي على مجرشيت 2010 فاصلين كل تخصص بروحه .. وشفت المجرشيت ولا شي من المواد اللي خذيتهم موجوده كلش اللهم 6 مواد جذي بنات شسوي احول له واقعد زيياده سنتين والا اكمل رياض اطفال

عفيه ابي نصايحكم

ويييييه ذكرتيني ايام الدراسة لما كنت اساعد الطالبات
ايام التسجيل صج ايام

انتي في الجامعه ولا تربية اساسية ؟

جم وحده خلصتي ؟

 

[Ajmal E7sas]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

يعطيكم العافيه ابلات ..
انا شكلي بلحقكم بس مادري متى =)

 

[*لبيه*]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتيه عسل انا بجامعه الكووووويت

خلصت 39 وحده

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتية عسل: وااااي يمكن دقيقة قاعدة اضحك على " أم دياية " هههههه صارت علوقة عليها. اهي تموت خوف من أيييب طاري أمها بس تسوي نفسها عادي وتكابر. وطريقتج وايد حلوة والله باجر ان سوت شي يمين أو شمال راح أسوي الطريقة مالتج حياتي والله تسلمين ما قصرتي على النصايح... وانتي نفسي سبحان الله بعوار البلاعيم تكرمين بلغم وعوار ولا اقدر اكل ولا اشرب ان شالله بحاول أريح صوتي قد ما أقدر والله كريم. والمكيفات للاسف كلمنا الوكيلة للمرة المليون وماكو فايدة اذن من طين واذن من عجين.. وانتي صاجة الوحدة بالمدرسة ما يمديها تلقى وقت فراغ اصلا لو حصلتي ربع ساعة فاضية هذا يعتبر كأن المدرسة بهاليوم مدلعتج.. وأما بخصوص الموجهة والدرس الريادي، اكيد راح تخوفج تبين الا غصب طيب تسوين هالدرس وتقولين بأساليب غير مباشرة علشان تسوين درسج.. انا مو باط جبدي الا انهم يتفشخرون ويتشيحطون على حسابنا!!! عبالهم احنا ماعندنا التزامات ومسؤليات!!


زمزم: حياتي انتي وانا بعد احبج وااايد والله يسهل امورج ان شالله ونشوفج ويانا معلمة بشهر 9 ونشوف سوالفج وتشاركينا..

أريج الرياض: حياتي انتي رغم قلة مشاركاتج الا لج حضورج بالحزب حتى لو ما كنتي قاعدة تردين وايد...


ديجتال: حبيبتي انتي الحلوة...

توتي فروتي: الله يعين والله والحمدلله على كل حال، وشي احسن من شي، والله الادارة عندنا يوقولون ويتكلمون بالطابور بس الطالبات ماكو فايدة فيهم كلش.. واذا ما احط اسمج احط اسم منو بالتحية...

------

قاعد أشرب جاي ينسون وانا اكتب الردود على نصيحة كويتية عسول وان شالله اصير احسن..

يا اني حدي متشوقة حق باجر هههههههه احس بسوي تمثلية عدلة في صف المشاغبات وتييكم الأخبار

 

[*لبيه*]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

أبله منآل خفي على البنات شوي

احس انج عصبيه هههههههههههههه ..

الله يوفقكم ابلااات ..~

 

[زمزم @]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ههههههه
ياحليل سواليفكم ياكويتية ومنال اتييننون

بس ابفهم هذا الدرس الريادي اللي جنه عرس بيكلفكم مبلغ وقدره يعني لوباجر بنسويه كم يبقى من معاشنا على مجاملاتهم ومظاهرهم واحنا الأيجار بيأكل رواتبنا لأنه ماراح نكون ببيت أبائنا

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتيه عسل انا بجامعه الكووووويت

خلصت 39 وحده

جنه مايصير تغيرين تخصصج يمكن غيرو القرارات انتي سألي التسجيل

وصلي استخاره وروحي قعدي في كلية التربية وكلية الشريعه

وسولفي مع البنات وتعرفي على البنات اللي تخصصهم اسلاميه واخذي ارقامهم وايميلاتهم

يفيدونج في المستقبل عن خبرتهم بالتخصص لانهم قلبج عرفتي

وشوفي المواد وسألي الدكاتره وشوفي الميجر شيت مالهم

واخذي مواد اختياريه علشان يعادلونلج بسهوله ولا تروح عليج

وترى المواد اللي اخذتيها ملوت تخصص رياض اطفال ماتروح عليج تدخل بالمعدل العام فقط

بس نعدل التخصص لا وتتسجل انج ماخذتها بس ماتنحسب من وحدات التخرج

وانشالله عقب صلاة الاستخاره راح يبين اذا فيه خير التخصص الله راح يكتبه لج

واذا مايناسبج انشالله يوفقج

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتية عسل: وااااي يمكن دقيقة قاعدة اضحك على " أم دياية " هههههه صارت علوقة عليها.

هههههههههههههههههههههههه :krkrkr: الطالبه ام ديايه ايه خلاص صارت علوقتها رسمي ههههههههه

اهي تموت خوف من أيييب طاري أمها بس تسوي نفسها عادي وتكابر.

حلو يعني هذي نقطة ضعفها
المراهقات كلا جذي يسوون روحهم شخصيه
في اجتماع اوياء الامور اذا يت امها قوليلها عن كل سوالف بنتها حتى لو تسنعت

وطريقتج وايد حلوة والله باجر ان سوت شي يمين أو شمال راح أسوي الطريقة مالتج حياتي والله تسلمين ما قصرتي على النصايح

عفوا حبيبتي انشالله تنفع طمنيني باجرعلى ام ديايه

وانتي نفسي سبحان الله بعوار البلاعيم تكرمين بلغم وعوار ولا اقدر اكل ولا اشرب ان شالله بحاول أريح صوتي قد ما أقدر والله كريم.

ماتشوفين شر اجر وعافيه :eh_s(7):

والمكيفات للاسف كلمنا الوكيلة للمرة المليون وماكو فايدة اذن من طين واذن من عجين..

باجر اخذي اغراضج وقعدي في المكتبه او اي مكان بارد وقولي لرئيسة القسم علشان لا تحاتيج صج رئيسة القسم شنو محلها من الاعراف ماتكلم الادارة؟

وانتي صاجة الوحدة بالمدرسة ما يمديها تلقى وقت فراغ اصلا لو حصلتي ربع ساعة فاضية هذا يعتبر كأن المدرسة بهاليوم مدلعتج

الله يعينا شنسوي عاد اليوم قاعده اتحلطم واختي تقولي بتموتين من هالمدرسه خلاص انتقلي روحي وزارة ثانيه ماتدري ان هالوزارة سجن ماكو طلعه وانا خريجة كلية التربية يعني مؤبد

وأما بخصوص الموجهة والدرس الريادي، اكيد راح تخوفج تبين الا غصب طيب تسوين هالدرس وتقولين بأساليب غير مباشرة علشان تسوين درسج.. انا مو باط جبدي الا انهم يتفشخرون ويتشيحطون على حسابنا!!! عبالهم احنا ماعندنا التزامات ومسؤليات!!

لما تزوني الموجهه تغثني بملاحظاتها التافهه وغير السلبيات اللي تسطرهم وتهددني بالتقارير وتبيني اسويلها درس ؟!!! انا ناويه ابطها بس اشوفها وخل تنقلني بالطقااااااااااااق لاني تعبت ذبحوني حرب نفسيه :eh_s(2):
وكل مااقولهم شي يقولونلي انتي مومتزوجه ماعندج عيال وريل ومسؤوليات يعني المسؤوليات ماتكون الا للمتزوجات


قاعد أشرب جاي ينسون وانا اكتب الردود على نصيحة كويتية عسول وان شالله اصير احسن..

عليج بالعافيه انشالله احسن ودوم انشالله


يا اني حدي متشوقة حق باجر هههههههه احس بسوي تمثلية عدلة في صف المشاغبات وتييكم الأخبار

ههههههههههههههههه <<<شوقتيني :krkrkr:أعرف شبيصير

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ههههههه
ياحليل سواليفكم ياكويتية ومنال اتييننون

بس ابفهم هذا الدرس الريادي اللي جنه عرس بيكلفكم مبلغ وقدره يعني لوباجر بنسويه كم يبقى من معاشنا على مجاملاتهم ومظاهرهم واحنا الأيجار بيأكل رواتبنا لأنه ماراح نكون ببيت أبائنا

حلت ايامج الدرس الريادي ايه والله هههههههههههههههه:krkrkr: جنه عرس
حتى العرس أونيس على الاقل تونسين اهلج والناس تفرحلج من قلبها وتعزمين اللي يحبونج

الدرس الريادي = نفاق X خساير

محد مستفيد الا الموجهه والناظره وياريت يعطونج امتياز الامتياز حق ربعهم المنافقات

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

سلام عليكم

إييييييييييه حاطين ايدكم عالجرح
ابلة منال مثل ما يصير فيج يصير فيني :\

ومرادد الطالبة يكون غير شكل بعد
اقول حق رائدة الصف وديها حق الوكيلة
تقول ماني نازلة
على اي اساس انزل
شمسوية انا
جذي ترد @@
اقول لها رئيسة القسم اقرب وديها لها
تقول انا اروح بروحي
راحت يت تتضوحك مو موجوده بالقسم

كملت شرح الدرس
و ااهي و لا بالبال
جان تيي رئيسة القسم شصاير
قلتلها وانا خانقتني العبرة و طبعا مبين بصوتي ماكو احترام بهالصف
عاد اهي يمكن شافتني بطقها بجية
قالتلي روحي القسم
و اسوي احتفال بالقسم

مادري شقالتلهم عاد كان باقي 10 دقايق على الحصة
فيوني بنات عقب و قالو لي ابلة مو تزعلين منا و من هالحجي
قلت انا مو زعلانه منكم من البنية بس
و اللي تقول ابلة لا تروحين عنا
تعودنا عليج
و جان تيي اللي ترادد ابلة اسفة
قلتلها شيفيد الاسف
ههههه
واقفه ترادديني جدام الطالبات بدون اي احترام
عاد قالتلي رئيسة القسم اقول لها كلامي معاج عند الاخصائية
و لا رحنا

اليوم كنت عليهم
الصف هدوووووووووووووووووووووووووووووووووووووووووووووووووووووووووووووء