انا من زمان احبج وريلج مايستاهلج

[~ حـــــلآ ~]

عسى ربي يفك عووقج

مالج الا ربج

وعساه ينصرج ع من عاداج

ادعي يا قلبي وكثري من الدعاااء

 

[حواري]

انا لازم احل المشكله بعقل انا عارفه شنو النتيجه لو فتحت حلجي بلاوي و مصايب و بطيح من عين اهله هذا اذا خالتي ماقالتله طلقها هذي تفرق بينكم حتى لو انا مالي ذنب بنهايه اخوها الصغير و المدلل و تحبه ماراح تفضلني انا الغريبه على اخوها من لحمها و دمها غير اني راح اخسر ريلي اكيد ريلي بعد ماراح يشتهيني عقب هذا كله اصلن بقولي روحي بيت اهلج وتوصلج ورقتج لانه ماراح يقدر يعيش معاي و الشيطان بوسوسله مثل ماوسوسلي

 

[ماني من الناس]

انا خايفه اذا ريلي درا يروح يطقه يذبحه يسوي فيه شي
وخايفه اذا قلت حق اخواني نفس الشي
واخسر ريلي
الله لايقوله
و الله خايفه
خايفه انطق بكلمه و اتسبب على اهلي وريلي

لا لا تخبرين احد مستحيل يدرون ,,,,,,,,,,الا اذا قلتيلهم

وبعدين صدقيني انسي السالفه مسأله وقت مع مرور الايام والسنين بتضحكين على هالخبال وبتقولين الحمد لله افتكيت من ناس مرضى ,انتي بس كلمي ريلج عن سالفه الاختلاط وانج تدينتي

 

[الوردة المكنونة]

حبيبتي الحل بكل بساطه

اولا:- تروحين تقولين كل شي بالتفصيل الملل للوالده (امج)
ثانيا :-تغيرين رقم تلفونج والعذر اللي بتقولينه حق ريلج ( تلفوني ضاع وبما ان ضاع ودي ابدل رقمي في وحده من رفيجاتي ملوعه جبدي ومالي خلقها وبغير رقمي دام ضاع تلفوني وارتاح منها )
ثالثا:- روحي زوارة اهله عادي وخلج دايما لاصقه بريلج او خواته او خالتج يعني لا تعطينه مجال يقعد يمج لانج لو بتقطين عن زوارتهم ماكو فايده لان ريلج قاعد يعزمه في البيت ما راح تستفيدين شي من قطع الزواره بالعكس اذا قطعتي الزواره اهله بشيشونه عليج ولو صار شي بيوقفون ضدج
رابعا:- تذا ريلج عزمه في بيتج طلعي اعذار كل يوم عذر يديد حق ريلج واذا ريلج قالج ليش خالي مضايقج بشي او. سامعه شي قوليله لا حبيبي بس تبي الصج قمت اغار من خالك احس تحبه اكثر مني يعني تعاليله من هالناحيه مع شويت دلع مال الحريم بعد مايبي اعلمج شلون اتضيعين الموضوع بالدلع
خامسا :-اي مكان تصادفين خاله لاتوقفين ولاتردين عليه اذا كلمج
سادسا :- اشحقه تمسحين الواتس اب سوي على رقمه بلوك وخلي يولي

ملاحظه المسج اللي واصلج منه يدينج قبل لا يدينه تخلصي منه لان ذاكر بالمسج ان ما هنتي عليه وانتي تبجين وهذا الكلام يدينج يعني ريلج بقول اذا مافي بينهم شي اشحقه تبجي ومو بس ريلج اي احد يقرا المسج بقول جذي نصيحتي تخلصي من المسج *

 

[حواري]

هيلو كاتي و الله انج قلتي الي بقيت اقوله بالضبط عليج نور ينفهم بطريقتين
هذا حقير و ذكي مو غبي مالعب هلعبه الا وهو عارف شبسوي ودارس الكلام عدل قبل لايكتبه
انا الي قاهرني انه صارله ثلاث ايام كل مايي ريلي يدق عليه يسوي نفسه بيسأل عني هذا انسان منحط مافيه احساس
قلت حق ريلي هو شكو يسأل عني مابي احد يسأل عني قالي ريلي شفيج قتله بس مابي احد يدري بلي فيني مابي احد يتشمت ريلي حبيبي يقولي هذا اخوج ويسأل عنج ريلي وااايد على نيته و مايدري بلي يصير من وراه و الله لو درا بموووت قهر على طيبته ادري ريلي حنون و مايتحمل كل هذا
انا شصار فيني و الله ويهي تغير ملامحي تغيرت من الصدمه اشلون هو


قلب ضعيف اذيتكم وسهرتكم وياي مشكووووووووووووره يالغاليه و عسى الله لا يحرمني منكم و الله انتو بحسبت اهلي و انشالله بطمنكم عن الي يصير معاي اول باول يكفي وقفتكم انا لو مو انتو تكلموني و تناقشومي جان انا الحين اكلم الطوفه


ماني من الناس و الله خايفه اني انا يصير فيني مرض عدم الثقه من بعد الي صار و اشك بظلي و الله زين ما اين

حلا الله يريحج يالغاليه مثل ماريحتيني و دعائكم و الله بلسم اصلن كلامكم معاي ريحني على الاقل لقيت من يشيل همي وياي

 

[روح مغليهآ]

خال ريلج حده خفيف وتصرافات مراهق مو ريال عاقل شنو يمشي ويحب مايعرف يحب عدل الله يرفع عنه ولايبلانا

الحل : تقولين حق ريلج الصج

 

[ماني من الناس]

انا لازم احل المشكله بعقل انا عارفه شنو النتيجه لو فتحت حلجي بلاوي و مصايب و بطيح من عين اهله هذا اذا خالتي ماقالتله طلقها هذي تفرق بينكم حتى لو انا مالي ذنب بنهايه اخوها الصغير و المدلل و تحبه ماراح تفضلني انا الغريبه على اخوها من لحمها و دمها غير اني راح اخسر ريلي اكيد ريلي بعد ماراح يشتهيني عقب هذا كله اصلن بقولي روحي بيت اهلج وتوصلج ورقتج لانه ماراح يقدر يعيش معاي و الشيطان بوسوسله مثل ماوسوسلي

الحل انج تقولين لريلج ان انا صراحه مو متعوده على اسلوب الاختلاط عندكم ما أخذ راحتي واحس بالذنب

1) قوليله ما ابي احس بتأنيب الضمير والذنب والاثم انته بس حلالي اللي اقعد معاك وااسولف معاك محد له حق يكلمني غيرك او يشوفني غيرك ,,,,,,,,,,,,,مابي اجمع ذنوب ولا ابيك تاخذ ذنوب بسببي


2) وابي اتدين اكثر واعرف حدود ديني ,,,,,,,انتو طيبين وعلى النيات بس الحلال بين والحرام بين

ولو ما أحبك ما خفت عليك ولا خفت علي من الذنوب

 

[الوردة المكنونة]

سامحيني وايد بدليات ماعليه شابكه من الموبايل

 

[منجامور]

اراء البنات تقريبا متقاربة

اولا قومي حبيبتي اقري قران بردي خاطرج بكلام الله وادعيييييييه


ثانيا علمي اهلج لاااااازم علمي امج او اختج وهي توصله الى ابوج او اخوج اذا مو قادرة
ثالثا
لاتعلمي ريلج مابيتحمل


مابيصير اللي الله كاتبه وان شاء الله فيه الخير يارب

لاتقولي خايفة تقولين الى اهلج انتي مابتقدري على هالمشكلة بروحج لازم احد وياج
وشوفيه المسج كانج مشتركة معاه استغفر الله يعني يقدر يقلب السالفة عليج لاسمح الله
اقلها احد يحمل السالفة وياج حتى لو ذاك الجبان ماسوى شي

الله يستر عليج

قاعدة افكر فيج ترى الله يعينج حبيبتي

 

[T R F]

أنا بكون متابعه لك ... ودعواتي لك

الله يسمعنا عنك اخبار طيبه

وربي يفرح خاطرك ... باللي يحفظلك سرك ... ويبعده عنك

حان وقت النوم

 

[zrzora]

هذا دعاء الكرب
{اللهم أنا عبدك ، ابن عبدك ، ابن أمّتك، في قبضتك، ناصيتي بيدك، ماض في حكمك، عدل في قضاؤك، أسألك بكل اسم هو لك، سمّيت به نفسك، أو أنزَلته في كتابك، أو علّمته أحداً من خلقك، أو استأثرت به في علم الغيب عندك ان تجعل القُرآنَ نور صدري، وربيعَ قلبي، وجلاء َحزني، وذهابَ همي}.



دعاء يرد الروح صج دعاء ارتاح وايد لما اقراه
صليلج ركعتين وادعي

((اللهم لاتشمت اعدائي بدائي ، واجعل القرآن العظيم دوائي وشفائي ، انت ثقتي ورجائي واجعل حسن ظني بك شفائي ، اللهم ثبت علي عقلي وديني ، وبك يا رب ثبت لي يقيني وارزقني رزقاً حلالاً يكفيني وابعد عني شر من يؤذيني ، ولاتحوجني لطبيب يداويني ، اللهم استرني على وجه الارض ، اللهم ارحمني في بطن الارض ، اللهم اغفرلي يوم العرض عليك ، بسم الله الرحمن الرحيم طريقي والرحمن رفيقي والرحيم يحرسني من كل شيء يلمسني ، اللهم اعوذ بك من شر النفاثات في العقد ومن شر حاسد اذا حسد بفضل قل هو الله احد ، اللهم اني عبدك ابن عبدك ابن امتك ناصيتي بيدك ماض في حكمك ، عدل في قضاؤك اسالك بكل اسم هو لك سميت به نفسك أو أنزلته في كتابك ، أو علمته أحداً من خلقك او استاثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي ، اللهم يا مسهل الشديد ، و ياملين الحديد ، و يامنجز الوعيد ، و يا من هو كل يوم في امر جديد ، اخرجني من حلق الضيق الى اوسع الطريق ، بك ادفع ما لا اطيق ، ولا حول ولا قوة الا بالله العلي العظيم ، اسالك اللهم بقدرتك التي حفظت بها يونس في بطن الحوت ، ورحمتك التي شفيت بها ايوب بعد الابتلاء ان لاتبق لي هما ولاحزنا ولاضيقا ولاسقما الا فرجته ، وان اصبحت بحزن فامسيني بفرح و ان نمت على ضيق فايقظني على فرج ، وان كنت بحاجه فلا تكلني إلى سواك وان تحفظني لمن يحبني وتحفظ لي احبتي ، اللهم انك لا تحمل نفساً فوق طاقتها فلا تحملني من كرب الحياة مالا طاقة لي به وباعد بيني وبين مصائب الدنيا وتقلب حوادثها كما باعدت بين المشرق والمغرب ، اللهم بشرني بالخير كما بشرت يعقوب بيوسف وبشرني بالفرح كما بشرت زكريا بيحيى ، اللهم يامن لا تضيع لديك الودائع ، اني امانة لديك فاحفظني واهلي والمؤمنين ‏​‏​‏​‏​في هذه الساعه المباركه ، اللهم انزل على قبور موتانا الضياء والنور والفسحة والسرور ، اللهم جازهم بالحسنات احسانا ، وبالسيئات عفوا وغفرانا حتى يكونوا في بطون الالحاد مطمئنين
يارب اجبر كسر قلوبنا على فراقهم ، ولا تجعل آخر عهدنا بهم في الدنيا ، وابني لنا ولهم بيوتا في الجنة ، واجعل ملتقانا هناك))
،آللهّمً آمٌيّـنً يَآرْبً آلعّالمٌيْنً،

الله يهون عليج مصيبتج ويارب مايعدي اليوم الا واهيا محلوله

 

[حواري]

الورده المكنونه كتبتلج رد اشطوله و نمسح
بنسبه حق قضية الاختلاط مالتهم هذي بقطعها من عرجها بس خلارجع و نفسيتي تتعد لو انا اعرف اشلون اقطعهم ماراح اروح الا العصاري و ايام الاسبوع و ان قالوا ليش ماييتي بقول يمعت اهلي و فعلن بخلي امي تغير يوم اليمعه عشان يصادف يوم يمعتهم و بجذي اقطع الشك من راس ريلي

اما بنسبه حق الخط ماقدر الحين اغيره اخاف يشك ريلي خاصه اني كنت في بيت اهلي 3 ايام و النفسيه صفر لانه اليوم ريلي لامني يقولي اخ لو اعرف بس شنو الي عفسج قتله مافيني شي بس ضايق خلقي على عيوني يقولي عييل ليش تبجين قتله مابجيت عيوني تدمع من الحرقه على شنو ابجي قالي بسج دلع حسيت بعيونه فيه شك مادري

بنسبه حق خاله هو اليوم قالي ليش ماتبين تكلمينه هو بكلمج ترا من يومين فشله قتله مالي خلق اتكلم مع احد بعدين لا تقول حق احد اخاف يتشمتون المصيبه انه مايرضا عليه يقولي هو مثل اخوج لو اخوج يتشمت فيج هو يتشمت فيج

تخيلوا هذا الي قاعد يشحني


سالفت المسج مخرعتني و الله خايفه منها وايد انا بخشها بلابتوب اختي و الله مادري شسوي و الله

روج مغليها قررت اني ماقوله شي انا خايفه عليه خايفه عليه واااااايد مابي اخسره و لا اهدم بيتي عشان واحد مريض نفسي بس راح اخليه يبتعد عنه كثر ما اقدر من باب اني قمت اغار عليك من خالك

ماني من الناس هذا الحجي راح اقوله له بس حبه حبه مابي يلاحظ تغير مفاجأ خاصه انه خاله وايد مكثر اتصال عليه ويسأل عني و الله خايفه الشك يدخل قلب ريلي


الورده مكنونه حبيبتي بالعكس الكلام واااااااااااضح يمكن انا بعد بدلياتي مثل بدلياتج فنفهم حق بعض هههههههه حبيبتي و الله ضحكتيني و انا الضحكه مادري عنها صارلي3 ايام



منجامور كلامج صح الاراء متقاربه و كلها متفقه على اني ما اقول بس اتصرف بحكمه و ارجع بيتي و اعدل كلشي حبه حبه و الله يسهل علي بس لازم ادخل طرف من اهلي ويكون ريال عشان يوقف معاي لاني احس هلحمل هذا انا ماقدرله بروحي

 

[حواري]

T R F مشكوره يالغالهي و ماقصرتوا عسى الله لا يحرمني منكم و بدعيلكم بالتوفيق و العافيه وكل خير واكيد راح اقولكم شنو راح يصير معاي اول ماحصل فرصه بعيد عن ريلي


zrzora
مشكووووووووووووووووووووووووووووووووووره حبيبت يماقصرتي
يالله الله يريحكم مثل ماريحتوني
و الله مادري شقولك كلمت شكر قليل بحقكم يكفي اني سهرتكم وشيلتكم هم موو همكم يارب الله يفتحها عليكم من كل مكان

 

[حواري]

اي و الله صدقتوا وقت النوم و انا 3 ايام ماضقت النوم ماني عارفه احط راسي علمخده احس انه ضميري يأنبني

 

[أُلَجّـۇۈۉهّـره]

نامي يالغاليه , ومايصبح الصبح الا ربي ماخذ حقج من هالنذل وترجعين لزوجج حبيبج , عسى ربي مايفرق بينكم ويبعد عنكم كل شخص يحاول يفرق بينكم

 

[حواري]

وباجر بروح الكليه صارلي 3 ايام مادري عنها مادري شلون بقوم من النوم
هذا اذا نمت خايفه اشوفه خايفه اصادفه احس اني لمن اطلع بتلفت عناس مثل المينونه من الخرعه الله يستر

 

[حواري]

الجوهره تسلمين يالغاليه
و الله انكم اخجلتوني بكلامكم و مشاعركم و الله ما ادري شقول كلمة الشكر ماتوفيكم حقكم ووقفتكم
ويارب اكتبلكم الاخبار الطيبه

 

[ام كوشه منكووشه]

حبيبتي الله يعينج والله

بصراحه موقفج صعب وماني عاارفه ششور عليج فيه

بس لو صادفتيه مع الايام عطيه جم كلمه تخليه يصحى من هالاوهام اللى براسه

ذكريه انج مرت ولد اخته ورفيج عمره ونصحييه حطيه بلوووك من اللسته وافتكي بيدق مره مرتين لين يمل وماراح يحصل رد

وحاولي تدريجي تمنعين زيارته لشقتكم واذا ريلج تكلم قوالي له انج تربيتي على عدم الاختلاط ومو متعوده على جذي ببيتكم وانج جاريته بالزواره لان البيت مو بيتج وماتقدرين تتحكمين بالناس لكن ببيتج شي ثاني وتبين ترتاحين ولو قالج انج قبل عادي كان ايي عندكم وتقعدين معاه قوالى له كنت اجامل عشان خاطرك لكن بداخلي مو مرتاحه وخليه اذا بيطلع معاه يطلع لكن ماايي بيتكم ..

والله يفرجهاا عليج ويبعد عنج الشر ان شاءالله

 

[حواري]

ام كوشه اشكرج يالغاليه على ردج
و انشاله بحاول بشتى الطرق اني امنعه يدخل بيتي
اعتقد اذا حاول بعد هذا ما عنده كرامه

 

[الوردة المكنونة]

يا معوده هونيها وتهون وحطي راسج ونامي واول ما تشبعين نوم روحي غرفة ماما وبطي الجربه وطلعي كل اللي بقلبج ماكو احن من قلب الام ومهما كان مره عوده رايها افضل من راينا اكيد وماله داعي قعدتج اطول في بيت اهلج وردي نوري بيتج وكل شي ينحل بإذن الله واذا على تلفونج في خدمه بالتلفون تحط رقمه بلوك او حولي خطج مسيو وبترتاحين واهتمي في ريلج ودلعيه وانسي الموضوع انا لو منج ادلع ريلي اكثر جدامه وابط مرارته بدال ماهو غاثج غثيه ههههههه والله اني ماره علي بلاوي وحالتها كلها بالضحك والغشمره الكل يقولي لو احنا مكانج عمرنا ما نضحك وانتي الابتسامه ماتفارقج