حبيباتي. منو جربت سحب البويضات في بنج موضعي احس يعور
نصيحة اخت في الله سوي موضعي انا بقولج تجربتي بالضبط انا كنت حييييل متردده من الموضعي تالي شفت عالشاشة شرح الدكتور فاطمي شلون ان البنج الكامل يأثر عالبويضات قلت انا صراحة مابي اي شي يضر البويضات وانا من النوع اللي ما احب البنج الكامل اتعب منه حييل
عاد توكلت على الله وسويت موضعي .. اول شي تدشين يحطون لج الالة اللي تفتح الرحم سمونها حلج البطة طبعا شعور بايخ بس مو مؤلم وبعدين يغسلون الرحم يضخون سائل داخل وتالي ينزل من نفسه نفس الدش المهبلي تقريبا هم شعور مزعج بس ما يعور بعدين تطقج ابره في عنق الرحم تعور شويه عوار الابره العادي ... ينطرون شويه وبعدين تبدا السحب
بدت بالمبيض اليسار ما حسيت الا بشي بسيط حتى اقولها دكتورة بس هذا الالم قالت اي انا استانست قلت الحمدلله ما يعور
المبيض اليمين قالت لي راح يعورج لان مكانه تحت الرحم صاير فعلا كان مؤلم وكنت تقريبا بقولها خلاص وقفي بس تحملت بس لما تسحب تخلي النبيرس تضغط عالمبيض فيخف الالم شويه انا كنت خايفه اشد لان سمعت الشد مو زين عالبويضه كنت اقولها اوقفي شوي بس اخذ نفس جان تقولي خلصنا فالحمدلله المهم النتيجة
الدكتورة لما خلصنا قالت لي انا كنت خايفه منج لانج دلوعه قلت لها انا مو دلوعه بالعكس انا قويه واتحمل بس عيبي وسواسية وحنانة
المهم وايد قرقت ... بس بالنهاية انصحج بالموضعي يمكن ما يعورج كلش مثل ما صار معاي بالمبيض اليسار وماشاالله اللي كانت داشه بعدي ما تألمت كلش تسولف مع الدكتورة وتضحك ان شاالله تكونين نفسها
