0000 تجمع اللى يعالجون عند الفريق البلجيكي000

[منال66]

زوارة خميس الله يثبت اجنتج ياااااااااارب و يرزق كل محرومه ياااااارب

 

[kitty eyes]

بنات شلونكم بنات انا لي 6ايام من الترجيع واليوم احس بعوارات الدوره ونغزات بالمبايض مدري اخاف الدوره بنات ادعولي

ان شاء الله ما عليج الا العافية

لا توسوسين

شيلي التفكير من راسج

عسى الله يثبت لج اجنتج

اللهم امين

 

[kitty eyes]

شلونكم بنات

اهلين حلومة

ها شلونج وشلون صحتج

بشري هل من جديد

الله يسهل امورج وييسرها لج

يا رب يا كريم

 

[kitty eyes]

هذه اول مشاركة لي بالمنتدى حبيت ابتدي مشاركاتي بدعوة مني لنا ان الله يرزقنا ان شاءالله بالذرية الصالحة عاجلا غير اجلا

حياج الله بالمنتدى

وجزاج الله خير على هالدعوة الحلوة

والله يرزقج ويرزقج كل البنات

اللهم امين

 

[حلمي الأمومة]

والله ماكو جديد بس التفاؤل موجود

مدام رب الارض والسموات موجود

 

[روج كرزي]

كيتي آيز شلونج ؟ وشلون الحمل معاج ؟؟ فاطمي قالي راجعي عند دكتور قريب عليج بس ودي اراجع عند د.ماجده ,,,
الف مبروك غزل بنات والله يثبت حملج وحملي وحمل الكل يارب ,,,
ام رنا انا زوجي حالته انعدام والحمدالله الله رزقنا ,,,

 

[kitty eyes]

والله ماكو جديد بس التفاؤل موجود

مدام رب الارض والسموات موجود

واهم شي انج تتفاءلين

ان شاء الله ربي بيعطيج

والله يرزقج عاجلاً غير اجل

 

[ام دلال ومنال]

تكفون تكفون تكفون ردوا علي ضروري ولكم دعوه ​

انا بعالج على حسابي بالفريق البلجيكي لانه عندي بنتين الله يخليهم لي بس بسألكم كم يكلف العلاج تقريبا واي افضل دكتور/ دكتوره ترشحولي بامانه
وشلون يبدا العلاج
باطفال انابيب​

ردوا علي كلكم عشان استفيد خواتي وعسى ربي يثبت اجنتكم وتشوفونهم باحضانكم ياااااااااااااااااااااااااااااااارب​

 

[kitty eyes]

كيتي آيز شلونج ؟ وشلون الحمل معاج ؟؟ فاطمي قالي راجعي عند دكتور قريب عليج بس ودي اراجع عند د.ماجده ,,,
الف مبروك غزل بنات والله يثبت حملج وحملي وحمل الكل يارب ,,,
ام رنا انا زوجي حالته انعدام والحمدالله الله رزقنا ,,,

الله يسلمج حبيبتي


انتي شلونج الحين

انتي شوفي اللي يريحج والله انا مرتاحة اني هناك برويال وما بي اغير

وهم الدكتورة حيل ممتازة

مع ان بيتي حيل بعيد عن المستشفى

بس اهم شي الراحة النفسية وما ابي اروح حق حياالله دكتور

والله يتمم علي وعليج وعلى كل البنات

اللهم امين

 

[kitty eyes]

تكفون تكفون تكفون ردوا علي ضروري ولكم دعوه ​

انا بعالج على حسابي بالفريق البلجيكي لانه عندي بنتين الله يخليهم لي بس بسألكم كم يكلف العلاج تقريبا واي افضل دكتور/ دكتوره ترشحولي بامانه
وشلون يبدا العلاج
باطفال انابيب​

ردوا علي كلكم عشان استفيد خواتي وعسى ربي يثبت اجنتكم وتشوفونهم باحضانكم ياااااااااااااااااااااااااااااااارب​

اهلين

شوفي حبيبتي

انا كلفني تقريبا 2500

لاني سويت منظار عندهم

وسويت مرة تلقيح صناعي قبل الانابيب

وانتي دشي على الدكتور فاطمي بالاول وشوفيه

وهم اثنين راح تمرين عليهم كلهم

والله يرزقج ان شاء الله

 

[ام دلال ومنال]

اهلين

شوفي حبيبتي

انا كلفني تقريبا 2500

لاني سويت منظار عندهم

وسويت مرة تلقيح صناعي قبل الانابيب

وانتي دشي على الدكتور فاطمي بالاول وشوفيه

وهم اثنين راح تمرين عليهم كلهم

والله يرزقج ان شاء الله

مشكووووووووووووره ويعطيج العافيه على ردج لي وللبنات وعسى الله يعطيج على نيتج ولايحرمج من شوفة ضناج ياااااااااااااااارب:yaaaaaarb:

 

[شيخه و طيبه]

مساء الخير على الجميع و عسى كل ايامكم خير

وجاليوم مثل ما قتلكم عندنا موعد و رحنا شاف اوراقنا الدكتور قال مشاكلكم محلوله بس انا خايف عليج اكثر لان المخزون اباي لحظه ينفقد و قال هذا بعلم الغيب مع انه نسبة المخزون عندي مو كلش ضعيفه 9 من 10 و سولي سونار داخلي و قال الحمدلله بويضتج سانتين و انا اليوم لي من الدوره 12 قال يعني تبويض منتظم و هرمون الحليب اللي قتلكم عنه انه مرتفع سبحان الله يا بنات اليوم نسبته 9 بدون علاج لاني شربت المرقدوش و لانه وقت التحليل كنت ماكله حبوب معده ف وايد سوت النسبه عاليه
هذا بالنسبه لي

و بالنسبه حق زوجي قاله استمر عالحبوب اللي وصفتهم لنا دكتوره حفصه الفيتامين اي و مالتي فيتامين و ان شاء الله 3 شهور و تتحسن الحركه
و عاد انا دشي ابخلاقه قتله يقولون الحركه مالها علاج و الفيتامينات ما تسوي شي و من هالحجي قالي كله مو صحيح انا دكتور و اعرف

و عطانا جدول انه زوجي يستمر عالحبوب 3 شهور و يعيد التحليل و انا اكل حبوب مانع عشان احفظ اكبر قدر من بويضاتي و قال هذا اختياري مو ضروري و انا ابصراحه مراح اكل اخاف تتخربط هرموناتي
و قال ان شاء الله ابهالفتره اتحملين طبيعي
و اذا ماصار حمل بعد هالثلاث شهور انروحلهم يتابعون تبويضي و يعطوني كلوميد و ابر و نسوي تلقيح صناعي
بعدها نريح شهر او شهرين و نلجأ للأنابيب او الحقن المجهري

و عساني احمل قبل هالعمليات يارب
و اهوا قال انا افضل ما نستعجل بالخطوات بس عطنا حد اقصى بعد 6 شهور اذا ماصار حمل طبيعي او بالتلقيح الصناعي قال ضروري نسوي انابيب او حقن لانه انا خايف عليج انتي بويضاتج يقلون و دايم المبيض يفقد الافضل فالاسواء

اي ونسيت اقولكم زوجي مقفل حده اقوله خلنا نسوي التلقيح الشهر الياي انا دورتي تكون واحد من الشهر يمدينا و التلقيح سهل جدا حتى الدكتور شذحله قاله نفس لبسونار الداخلي نستغل وقت و الله وكيلكم ماكو نطريني اكمل علاجي يمكن اتحملين انتي مافيج شي انا اللي اتعالج اقوله و المخزون يقولي اذا الله كاتبلنا بنييب و النعم بالله بس مايصير جذي تفكيرك و النقاش معاه عقيم من هني لي شهر7 الله يسخره اذا ما حملت طبيعي ابسوي تلقيح صناعي و عسى الله يهديه و يرضى
وسلامتكم

 

[dodoooo]

بنات شلونكم بنات انا لي 6ايام من الترجيع واليوم احس بعوارات الدوره ونغزات بالمبايض مدري اخاف الدوره بنات ادعولي

سبحان الله اعراض الحمل تشبه الدورة الله يرزقج ان شالله وتبشرينا

 

[dodoooo]

ام منال انا في وحده من المشاركات كاتبه مو خطوات بالتفصيل اشوفلج اياها

شيخة وطيبة الله يوفقج بعلاجج وتبين نصيحتي اتبعي الخطوات بالضبط عشان ما تتعرضين حق هرمونات وتنشيط وانتي ممكن تحملين من التلقيح بدون طفل الانابيب وانصحج بالاستخارة والله انا الحمدلله احس اموري تيسرت بسبة صلاة الاسنخارة قولي ان كنت تعلم ان علاجي في هذا الوقت عند الدكتور فلان فيه خير حقي يسره لي

 

[dodoooo]

خطوات العلاج


رحت لها 5 يناير كان ثاني يوم الدورة
سوت لي تحاليل وفحصوا عينة من ريلي وسوله تحليل دم

بديت بالبخاخ 22يناير

يوم 27 كان مفروض ابدا تنشيط بس لما سويت تحليل طلع الهرمون مو نازل كفاية اهو المفروض يكون تحت الخمسين وانا كان 70 زادت لي جرعة البخاخ لمدة 4 ايام وبديت تنشيط 1 فبراير طبعا مع التنشيط كل جم يوم تسوين تحليل وسونار يشوفون لون الاستجابة

خذيت الابرة التفجيرية في 11 فبراير
السحب كان 13 فبراير
الترجيع كان 17 فبراير

يعني المدة كلها تقريبا شهر ونص
طبعا في احتمالات ان العملية تتأجل مثل ما صار معاي اول مره لان طلع في التهاب مع ريلي واضطرينا نأجل شهرين لمن تعالج

 

[منال66]

شيخه الله يبشرج بالخير خوش اخبار ما شاء الله و جم نسبة تحليل مخزون بويضاتج و ليش معطيج موعد بعيد غريبه المفروض بسرعه يبلش فيج لان المخزون قليل عندج

 

[منال66]

دودو انتي قصدج اي هرمون الي صاعد ممكن تذكرين اسمه ؟

 

[منال66]

الله يعينه بالغبار

 

[dodoooo]

دودو انتي قصدج اي هرمون الي صاعد ممكن تذكرين اسمه ؟

هرمون البروجسترون اهو لازم ينزلونه لي تحت ال50 عشان تبديين التنشيط لانه كل ما كان نازل احسن لانهم راح يردون يرفعونه بالتنشيط

 

[مبدعة]

حبيباتي. منو جربت سحب البويضات في بنج موضعي احس يعور