تجمع رشيقات صيف 2011 Yes We Can Do It " Lets Go Girls

[brat]

كوتن

شلونج؟ شخبارج؟ يالله ما تشوفين شر إنشالله حبيبتي
لا تحاتين، آنا طالما إني أستمر << وهالكلمة مهمة بالنسبة لي لأني عادة ً متخاذلة، هذا أهم شي عندي، بالصيف راح أكون موجودة ببريطانيا :/ وإنشالله أكون ملتزمة بالنادي. بس زين تسوين، حلو التغيير، آنا إذا أهلي يولي بالصيف إنشالله كله أكتيفيتيز وراح أتحرك أكثر من الحين
لوووول اشتريلج جنطة كافئي روحج لأنج وصلتي اللي وصلتيله، وزنج ماشالله حلو

ــ

كوكو

عليكم بالعافية الله مرق القيمة شكله عجيب أحب البطاط اللي فوقه، وشهيتيني بالكباب، حسافة ما في مطعم إيراني بمنطقتي، بس أشوف يمكن آكل كباب تركي مع إن الإيراني أحلى. آنا مثلج أحب أطول بالجمعية أقرا كل شي

ــ

بزنز جيرل

عليج بالعافية، حتى الكيكة لا تحسين بالذنب لأن صغيرة
وآنا خبري إن أمريكا أغلى من الكويت، بس بالنسبة للإلكترونيات خاصة منتجاتهم اهما وايد وايد رخيصة

ــ

أحبج ماماتي

هلا والله، وين اختفيتي؟ شلونج؟ شخبارج؟ يالله زين تسوين. اي بين فترة وفترة مرينا

ــ

طبعي خجوله

بالعافيه ويومج كان حلو

ــ

عطوف بالعافية، بس خلاص لا تتعشين اليوم، وباجر استمري بالرجيم
ونصيحة!! لا تروحين مطعم أو جمعية أو عزيمة وانتي يوعانه

ــ

لولو بالعافيه، الله اشتهيت جبدة، جان زين لو شارية اليوم من الماركت. على طاري الجبدة، القلوب تنفع للرجيم؟
لوووول اي سويت بزاليا، أحسن عشان لا أيوع

ــ

صبوره لا تروحين صوب الميزان، الوزن يثبت مرات، أهم شي الشكل ولو ماخذه قياساتج من الأول وايد أحسن، وإنشالله هالأسبوع تنزلين أكثر من كيلوين
وخوش فكرة المشتريات
وانتي مثلي عيل، بس نزلتي ٥ كيلوات خلال جم أسبوع؟

ــ

كوكو مره ثانيه الله يعافيج
أمبييييه شلون الدور الخامس ومعاج أغراض لأ، آنا أصعد لي الدور الثالث وألهث لووول
وhave fun بالبارك

ــ

ضيون

الله يعافيج، اي سويتها بس انتي شلون طريقتج؟
وشنو بتطبخين اليوم؟ (لقافة)


ـــ

المتان من كثر ما يسوون بهالرجيمات ويقرون عن الأكل المفروض يصير أخصائيين تغذية لووول

 

[أم عامر]

السلام عليكم


قهر كتبت رد شطوله وانمسح :eh_s(16):

 

[brat]

أمس طلعت جينز كنت شاريته من شهر ١٠ بس ما كان كبري، وما رجعته لأن بمنطقة ثانية وما رحت لها مرة ثانية، كان ما يوصل لي نص الفخوذ، بس أمس جربته ولا يتسكر!! حدي حدي استانست
وهم عندي لبس كان ضيج صوب الزنود فلما ألبس حجابي غصب أرفع إيدي، وهم كان واسع شوي

 

[brat]

هلا أم عمور
اي والله قهر لما يصير جذي
يالله ردي كتبيه مرة ثانية :/

 

[LadY BuG 80]

لولو هههههههههههههههههههههه انا نسيت الميزان و الجم و الاكل بعد لووووول

ادويه و بس ايه و الغربه الي على بطني ,,, بس اليوم احس اني احسن و ادكتوره قالت لي يومين ثلاث و تقدرين تروحين الجم :eh_s(10): ما صدقتها اول لاكن اليوم ابتديت اقتنع الحمدلله احسن بكثير
بس ماني مستعجله احس اني يبيلي اسبوعين راحه :eh_s(1):

احبج ماماتي :ggdw: من طول الغيبات جاب الغنايم :rerrerek: مبروووووك الوصول و انشالله تتهني برشاقه و اصحه يارب يحفظك من كل شر ,, انتبهي اذا رايحه مكان اول مره يشوفونك بعد الضعف انتبهييييي ما تحصنينن نفسك ترى الوحده من الوناسه تنسى ,, كل يوم اصباح رددي( بسم الله الذي لا يضار مع اسمه شيء في الارض ولا في السماء وهو على كل شي قدير )
العين تسبق القدر , :eh_s(7):

و ابقي زورينا ياختشي

صبوره شخبارك حبيبتي لا تحاتين الميزان طنشيه و استمري نظامك روعه و راح ينزل

انا الحين راح اطنش الميزان , لو مو لازم نحط الاوزان كل اربعاء كنت باخذ الميزان و اخبيه في اسرداب و استمر اكل صحي و رياضه ولله بينزل الميزان يعقد بس ,,,

اذكر زمان ايام الكليه , كنت دراسه و كلاسات لين العصر و قبل لا اروح البيت كل يوم اروح الجم الي في الكليه نفسها و اتمرت 45 دقيقه ,

و اكلي عادي بس صحي .. ما كنت اسوي رجيم ولا ابغا اضعف, صحباتي يقولون وزنك ينزل ,, و انا منكثر ما انا مشغوله دراسه امتحانات مو فاضيه للميزان و كان بغرفه ماما يعني مو تحت امري ,, وزنت نازله 3 كيلو في 20 او 22 يوم .. هاذا و انا ما اخفف ,,
الي ودي اقوله خليكي على طريقت اكلك امشي كل ما انتي فاضيه تمرني و انتي قدام التي في , لا تنتضرين الوزن لانه نمل لمن يثبت كم يوم , لو ما نشوف الميزان الا كل اسبوعين ثلاث ما ندري متى ثبت و متى نزل و بنرتاح نفسيا لانه راح نوزن مره بشهر

و راح ينزل اكيد :rerrerek:​

 

[om l3yal]

برووووووت وناااااسة احلا شي احساس الملابس الضيجة اللي تصير كبرج
عساج علا الصحة
وبالنسبة للجبدة مادري بس انا من زمان مشتهيتها

 

[brat]

برووووووت وناااااسة احلا شي احساس الملابس الضيجة اللي تصير كبرج
عساج علا الصحة
وبالنسبة للجبدة مادري بس انا من زمان مشتهيتها

اي شعور حلو
مشكورة حبيبتي
لا الجبدة أتوقع عادي، بس قصدي القلوب
خل أشوف جم سعرة فيها

 

[صبرت ومل الصبر]

ضي فديتج وزنى كان 95 والحين 89

انا ابى 85 الحين يارب نضعف بصحه وعافيه

بنات انا طولى 170 بس على قولت ام العيال اخاف نقص من الحمال ههههههههههههههههههههههههه

 

[LadY BuG 80]

بنات ودي اسألكم شغله اشتهيتها و انا ما اعرفها لووووول

دايم اشوفكم تقولون مرق عدس,, تاكلونه مع العيش ,,, و انا احب العدس اسويه شوربه او ممكن اثخن شوي و اكله مع براتا على اطريقه الباكستانيه

الحين ودييييييي بطريقتكم اشلون تسون مرق العدس اكيد يصير نفس الايدام صح ؟؟ يمي بليز الي طريقتها حلوه تكتبلي و مع انواع البهارات كلها و العدس الاحمر صح ؟ ولا الاخضر ؟ ة تسونه مع لحم او دجاج او بروحه بس ؟ و ارز يكون عادي ابيض مفلفل ؟ ​

 

[Lady <3 A]

باك :eh_s(7):

قبل شوي رحت مول اوف ذا امرتس وتعشينا بمطعم تشاينيزي P.F Chang's وحاسه بكآبه وضميري يأنبني :eh_s(2):

شربت شوربة خفيفه فيها مشروم وخضار وقطع دياي
وطلبنا انا واختي (انا وهي مسوين دايت ) المين كورس دياي بصلصة سبايسي وسويت sharing
وكل وحدة ملة عيش بس ماكملته :eh_s(2): آآآخ قلبي يعورني
والحمدلله اني سيطرت على نفسي وما طلبت سوفت درينك
اكلهم لذيذ هالمطعم مادري عندكم بالكويت ولا لا ووايد زحمه عليه :rerrerek:

بزنز بالعافيه بس ترا انا كوكو خخخخخخخخخخخخخخ

لوول خلاص كوتن بناديها كتونة وانتي كوكو :eh_s(7):

بزبز مادري حبيبتي عن السعرات بس انا سامعة واللي اعرفه اني في حسبة علا وزن الانسان
وبالنسبة للجيز كيك عليج بالعافية حبيبتي واهي اصلا مع جيلي بس خفت تخترب فقلت لها احسن لج حطي التوبنق هذا

إن شاء الله بحاول ألتزم من ناحية السعرات الحرارية
الله يعافيج لولو وإن شاء الله بجرب طريقتكم :eh_s(7):

بنات اشرايكم تحطون مشتريات معينه حق الرجيم عشان نستفيد اكثر يعنى لما تروحين للجمعيه اش تاخذين عشان رجيمج

وش رايكم بالفكره عشان اشوي نكسر روتين السوالف ومنها نستفيد فكره حلوه والا لا

فكره حلوه
:ggdw:

بزبز ميخااالف ليش تتحبطين وانتي عاااارفه السبب؟ السبب الدوره فما انحبط وياااارب ينزل وزنج بصحه وعافيه

صح كلامج ضيون .. :eh_s(7): وليكن شعارنا لا حياة مع اليأس ولا يأس مع الحياة :ggdw:

أمس طلعت جينز كنت شاريته من شهر 10 بس ما كان كبري، وما رجعته لأن بمنطقة ثانية وما رحت لها مرة ثانية، كان ما يوصل لي نص الفخوذ، بس أمس جربته ولا يتسكر!! حدي حدي استانست
وهم عندي لبس كان ضيج صوب الزنود فلما ألبس حجابي غصب أرفع إيدي، وهم كان واسع شوي

ما شاء الله مبروووك برات :ggdw:
وعقبالي يااارب البس الجينزات الضيقه :ggdw:

بزنز جيرل

عليج بالعافية، حتى الكيكة لا تحسين بالذنب لأن صغيرة
وآنا خبري إن أمريكا أغلى من الكويت، بس بالنسبة للإلكترونيات خاصة منتجاتهم اهما وايد وايد رخيصة

مادري والله بس بالنسبة لأسعارنا .. قالت إن الأسعار بشكل عام وايد وايد أقل منا :rerrerek:
​

 

[ضي]

لوووووووووول صبوره اي الوزن صاير ينقص مع الرجيم

ان شااااءالله تضعفين بصحه وعااافيه

 

[صبرت ومل الصبر]

كيوتن شلونج حبيبتى ان شالله للحسن طمنتينى عليج وماتشوفين شر

ومشكوره على الكلام الى يفل القلب فل خوش تعبير هههههههههههههههههه

فديتج وياحلو الطله

 

[أم عامر]

اليوم كانت زواره اهلي

وكنت محترمه طول اليوم :rerrerek:

على المغرب خربتها مو اكل ثقيل لا اصلا صايره تلوع جبدي من الاكل الثقيل

بس خربطت حلو وعااادي ماراح اتضايق

لأن الامر صار وعدى وباجر ان شاء الله يوم جديد

من الغد ان شاء الله راح اسكر حلقي بالترباس وراح ارمي المفتاح بالترعه

لأن ادري ما يحرك وزني غير سدت الحلق واصلا مو لاعب فيني غير الحلو

فراح احلف عنه ما ينفع معاي غير جذي ابي اخلص من ال5 كيلو الباقين

ودام الشهر ما كو حمل فرصه اضغط على عمري

دعواتكم الحلوه لي


فاليكن شعارنا القادم

(( جسم ممشوق خالي من الشحوم ))

 

[صبرت ومل الصبر]

بارت انا طولت على رجيم طالب الشمري بحدود شهر وزياده خمسه كيلو

 

[صبرت ومل الصبر]

هلا ام عمور هلا والله اشتقتلج احس من زمان ماسولفت وياج بعد عمري ام عمور

حنا وش ضيعنا الاالحلو حاولى تتوبين من الحلو توبه نصوحه

 

[شوكولاته&فانيلا]

السلام عليكم بنات

سوري اليوم ماكتبت شئ بس اتابعكممن خلف الكواليس لوووول

عوافي عليكم جميعا

تريقت توسته وجبن

والغداء صدر دياي+ثلاث ارباع كوب ذرة مسلوقه

والسناك شريحتين كيك

العشاء كورن فلكس +حليب

​

 

[صبرت ومل الصبر]

شخبارج ام عمور انتى الحين قاعده تعالجين عشان الحمال

والله ماعندج مشاكل بالحمل يعنى مساله وقت بغيت اعرف

 

[ALMZa^_^JeYa]

باااااك


بالعااافيه عليكم كلكم



بالنسبه ليومي

اليوم زوارتي بيت اهلي

وكثر ماقدر حاولت ما اكل عيش

بس ابوي الله يخليه عصب علي

قالي يايه عشان تشوفينا مثلا

وحطيتلي ملاس صغيرون عيش والحمدلله اني ما كلمت الصحن والايدام كان سمج وطحتله خضرا وكثرت بقدونس وسبحته بالليمون


وبعد الغدا كانت الطامه الكبرى

والله من بلشت الرجيم ما كليت حلو غير الفواكه

بس اليوم كليت جم قفشة حلوو ككاو وشوية إلبا

وحاولت اغسل معدتي وشربت ماي واااايد

والحمدلله ان بعد هالتخربط تكرمون احتجت الحمام هني ارتحت نفسيا

قلت احسن عشان تتأدبين وما تخربطين مره 2

 

[أم عامر]

هلا ام عمور هلا والله اشتقتلج احس من زمان ماسولفت وياج بعد عمري ام عمور

حنا وش ضيعنا الاالحلو حاولى تتوبين من الحلو توبه نصوحه

استغفر الله واتوب اليه

اللهم تب علي من الحلو توبه نصوووحه :krkrkr:مخدرات مو حلو

شخبارج ام عمور انتى الحين قاعده تعالجين عشان الحمال

والله ماعندج مشاكل بالحمل يعنى مساله وقت بغيت اعرف

لا صبوره الحمد لله مافيني شي بس انا اركب لولب ولما اقطه ما احمل على طول يسبب لي مناعه

4او 6 اشهر عادي بعده احمل وانا قطيته من شهر 1

 

[صبرت ومل الصبر]

بنات انا اقترحت اقتراح كل وحده تنزل اصور حق مشترياتها حق الرجيم لو من قوقل بس عشان نستفيد ونكسر اشوي الروتين وحبيت اصير اول وحده تنزل اصور بس كبيوتر موراضى ينزل الصور مادري اشفيه

اشرايكم بنات عشان بعد انتحمس اكثر ونقير اكلنا اشوى اذا فيه تجديد في المشترى

وش رايكم تتفقون معاي بالفكره حتى بنات لو كريمات حق الجسم الى يمنع التشقق او الى ينحف اي شى بس يكون مجربته ومضمون

اش رايج صاحبه الوضوع كيوتن