اميره بكلمتي
Active member
- إنضم
- 9 يوليو 2008
- المشاركات
- 15,309
- مستوى التفاعل
- 6
- النقاط
- 38
رد: Re: تجربتي التكميم بالتفصيل ~د. خالد العنزي~
ماشاء الله
عسى الله يتمم عليج يااارب ويستر عليج
عاد تصدقين الدكتور ماعطاني فيتامين الا بعد اسبوعين من العمليه بس حق الشعر
امس تاريخ 24-3 الخميس كانت ثاني مراجعه لي ورا العملية
رحت حق الدكتور خالد العنزي و اول ماشافني قالي ما شاء الله الويه صغران و متغيرة علي
نصحني اني امشي مع قسم التغذية لاني ماروحلهم مو ملتزمة معاهم
وبنات وقفني على الميزان كنت حدي خايفة و احس الميزان مرعب له هيبة هههههه
ما شاء الله .. نزولي 13 كيلو والحمدلله عسى ربي يتمم
قالي برافو وشاطرة و عطاني فيتامين قالي اخذيه بس يفتح الشهية شوية .. قلت له مابي شي يفتح الشهية
قالي اخذي الفيتامين بليل قبل نومج بساعه علشان بتكونين نايمة وما تحسين بشهية و هذي صورة الفيتامين شريته من الصيدلية
لانه مو موجود عندهم بالمستشفى اسمه سينتروم و سعره 6.480 ست دنانير واربعمية وثمانين
وقالي يا بنات ان الحركة مهمة .. اول شي تكسر الدهون وتساعد على شد الجسم
خصوصا الي مثلي اوزانهم فوق الـ100 ضرورية الحركة لهم .. انا هدفي الياي اوصل 100 ان شاء الله
ليلحين ممنوع الرياضة والمجهود الزايد بس مشي مشي مشي .. المشي احسن شي حق هالفترة الي اهي المرحلة الثانية
عطاني موعد تاريخ 24-6 يعني بعد ثلاث شهور ان شاء الله .. قلت له دكتور شكثر لازم اضعف بالشهور هذي ؟؟ قالي انتي وشطارتج
وحذرني حذرني من الحلويات والكاكاو .. قالي لا يقص عليج ابليس وخري عن الكاكاااااااو لا تخربين على روحج
هذي صورة الوصفة الطبية مع اسم الفيتامين :
اهم شي بالصورة .. البي بي .. يعني شوفوني عندي بي بي هههههه
والشي الثاني حاطة ورقة يعني مغطية اسمي ( محد درا عني اصلا )
هذي اخر اخباري يا بنوتات يا حلوات واتمنى منكم الدعاء لي في ظهر الغيب
ياااااااااااااااارب افيدكم كثر ما اقدر الله يشهد علي اني ابي اشجع كل البطوطات و مستعدة اوقف وياكم وحدة وحدة لان الصحة اهم شي
ان شاء الله يومياتي و قصتي لها تكملة
ماشاء الله
عسى الله يتمم عليج يااارب ويستر عليج
عاد تصدقين الدكتور ماعطاني فيتامين الا بعد اسبوعين من العمليه بس حق الشعر
