تجربتي التكميم بالتفصيل ~د. خالد العنزي~

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
السلام عليكم ورحمة الله وبركاته ,,,

حبيت اكتب لكم تجربتي كاملة مع الدكتور خالد العنزي و يارب افيدكم و استفيد منكم عمليتي كانت بيوم الاحد الموافق 13-2-2011 :eh_s(7):

مادري من وين ابتدي يا بنات انا مثل اي وحدة فيكم جربت الدايت سنتر و جربت رجيم الدكتور بو عباس وجربت رجيم الدكتور طالب الشمري .. مابي اظلم احد فيهم انا ضعفت وياهم كلهم بس مصيبتي ماقدر استمر اكثر من شهر ارد اخربط و الوزن كله يردلي و فوقه كيلوين دعاية بعد و من ناحية رياضة انا ماتحرك كلش .. انا تزوجت سنة 2007 كان وزني 90 و مرت اربع سنين الحين وزني 128 ادري صدمة بس حبوب منع الحمل والهرمونات و الفاست فود و قلة الحركة والنفسية شوية الله المستعان كلها سببت لي زيادة وزن بس الحمد لله على كل حال حتى من المتن صارلي اربع سنين متزوجة ما يبت عيال لان المبايض كلها دهون

بنات كنت كل يوم اقول باجر ببدي رجيم يديد وعلى نفس المنوال ارد اخربط ماكو فايدة تعبت صار شكلي مو حلو خصوصا اني قصيرة 162 ووزني فوق ال 120 تخيلو شكلي شلون ؟؟ اخر شي قلت مو لازم اضعف لين الله يفرجها .. يوم من الايام ياني صداع قوي قوي رحت الطبيب الصبح ولا فيني ضغط و مرتفع وايد انصدمت انا عمري 25 سنة وفيني ضغط شلون حرام بديت اخذ حبوب و صار مستواه طبيعي بس خل انسى اخذ الدوا راسي يفتر و يعورني ويرتفع عندي و ياني عوار مفاصل بسبة السمنة والثقل و بعدين ضرب عندي الكلسترول .. لا هني بيت اقول ستوووووب لي متى ؟ لين انام وماقوم لاسمح الله ؟ ليش اهملت نفسي جذي بديت اصحصح

فكرت طول الليل شسوي شسوي ماكو احد يحس فيني لان خواتي كلهم ضعاف اوزانهم خمسينات وستينات و حتى امي ضعيفة ومنحرجة انا ابي احد يشجعني ماكو .. بس احباط وطنازة و يخرعوني بدال لا تخرعوني شجعوني ؟ بس الله كريم ان شاء الله .. قمت اببجي ياتني حالة تعب و بعدين نسيت الموضوع

منتدى كويتيات كنت كل يوم ادش اقرا اقرا واشوف تجارب البنات لكن ولا عمري شاركت بشي وياهم دشيت صدفة ابي اقرا عن المتن والرجيم لقيت اني جربت كل شي بس العمليات مافكرت فيها و لقيت ان ما شاء الله مفعولها سريع .. قريت مواضيع عن وايد دكاترة و قريت عن الثلاث عمليات تكميم و تحويل مسار و حلقة و عرفت عيوب و عرفت مميزات كل عملية و قلت بقلبي ليش مافكر اسوي عملية استخير ربي ؟ فكرت واستخرت وارتحت الحمد الله .. كانت مشكلتي طول الوقت منو يساعدني ؟؟ بروحي قررت وبروحي استخرت بس عرفت ان ربي سبحانه مو مقصر وياي انا توكلت عليه ... سألت زوجي وخذيت موافقته طبعا كلمته من ناحية صحية وقالي توكلي على الله قلت حق امي وقالت احسن شي قررتيه وانا بكون وياج بكل خطوة سألت اقرب رفيجة لي تقول بنات اخوها مسوين ومرتاحين .. وما قلت حق اي احد بس زوجي وامي و رفيجتي القريبة حيل

الحين السؤال بديت افكر اسوي اي عملية فيهم ؟؟ انا وحدة ولا عمري جربت التخدير ولا ولادة ولا غرفة عمليات كنت ميتة من الخوف والرعب مادري اي عملية اسوي قلت ابي الحلقة خلاص الحلقة لانها اسهل شي بعديت قمت اقرا ولا نتايجها مو ذاك الزود ؟ تحويل المسار له سلبيات بالمستقبل ؟ قلت ماكو الا التكميم ويارب يسهل على والله ياني الرعب حتى قبل لاقرر اي دكتور اروحله

انا خالي يا بنات تخصصه جراحة عيون شجعني على التكميم وقالي روحي حق الدكتور خالد العنزي ولا تحاتين ولا تخافين ولا تعلمين احد خلي كل شغلج بالكتمان واذا ربي قومج بالسلامة قولي حق الي تبين سمعت نصيحته و عطاني رقم الدكتور خالد العنزي والدكتور ماقصر قالي تعالي العيادة بالاميري و طبعا يا بنات هالكلام كله من شهر 12-2010 يعني من زمان مو توه ..

رحت عند الدكتور خالد رحب فيني ماقصر وخذو طولي ووزني وشرح لي كل استفساراتي و سألني ليش تبين التكميم اشمعنا و وين قريتي عنه و اخر شي شافني صج محتاجة العملية ريلي تتعب اذا مشيت وايد والنفس عندي ماكو لياقة .. المهم حولني على دكتور باطنية لان فيني ضغط و الدكتورة الي حولني عليها اسمها الدكتورة ايناس الياسين .. طلبت مني اخذ ابرة فيتامين دال و تحليل دم و اشعة صدر وتخطيط قلب وسونار قلب وفحص قدمين وسويت هالفحوصات على مراحل لان مو كلهم نتايجهم سريعة بعضهم تاخذ وقت خصوصا السونار .. طلع فيني كلسترول و نقص حاد في فيتامين دال و الضغط مو اوكي زادولي جرعه ادوية الضغط لين موعد العملية .. الدكتور حطلي موعد تاريخ 13-2-2011 من شهر 12 وانا احاتي العملية ومانام وبعدين اقول حق روحي ان شاء الله ماكو الا العافية :eh_s(11):

خلصت كل فحوصاتي وبشهر يناير كتبولي مثل ورقة ان المريض اوكي لائق للعملية .. وانا قلبي يرقع مادري شسوي .. دقيت على الدكتور خالد قلت له عن كل شي سويته قالي اخذي رقم فلان الي يبيع الدبابيس و رحت قبل العملية باسبوع شريت الاغراض انا نصيحة مني اي بنت تشتري الاغراض لا تطالعهم يخرعون :eh_s(2): بس لا تخافون تييكم السالفة .. الدبابيس كلفتني 870 دينار و رحت سويت دخول مستشفة بتاريخ 9-2-2011 ولقيت غرفة خصوصية الحمد الله و عمليتي كانت يوم الاحد 13-2 خلوني ادش المستشفى السبت بليل .. اول ماوصلت وقعوني على ورقة موافقة للعملية و سوولي تحليل دم و عطوني لبس العملية وقالولي باجر الساعه 6ونص بتنزلين العمليات الله لا يوريكم الرعب خلوني تكرمون اشيل اي شعرة على بطني اخذ شور سريع و قعدوني الصبح الساعه 5 ونص تسبحت وصليت و قعدت ادعي ربي وامي المسيكينة مانامت تحاتيني يابعد قلبي يا يمة شالتني وانا صغيرو شالتني وانا شكبري وين اطلع من يزاها عسى الله يطول بعمرها و يدخلها الجنة بدون حساب .. طبعا الصيام على الاقل 12 ساعه انا اصلا قبلها بيوم ماقدر اكل من الخوف مو لازم يصوموني :D

دشت السستر الساعه 6 ونص قالت لي صباح الخير مستعدة و لبسوني اللبس مال العمليات و غطة شعري وسدحوني على السرير و امي تقولي تقومين بالسلامة يا نظر عيني ودعتج الله ياتني بجية والله خفت عليها تحاتيني اكثر من خوفي من العملية سبحان الله والسستر تقولي شفيج تبجين لا تخافين قلت لها مو خايفة بس طمنو امي علي اول ماخلص العملية لا تخلونها تحاتي .. انا بنتها العودة فتحبني وايد غير عنهم .. المهم هني بدا الفلم الهندي انا ماعرف شلون التخدير اول مرة ادخل عملية سدحوني و يابولي شي مثل كمام و بدو بلفون ريولي من تحت مادري ليش ليلحين مادري شنو هذا و من الخوف اقوله هذا شنو اكسجين ؟ جان يضحك طبيب التخدير يقول لا مو اكستجين اخذي نفس عميق بس وتعرفين شنو ما مداني خذيت نفس الا انا بعالم ثااااااني طبعا يا بنات طول الوقت وانا اقول ادعية واذكار وسورة الكرسي والمعوذات واللهم لا سهل الا ماجعلته سهلا والدكتور خالد قبل العملية بثواني ياني قالي مستعدة قلت ايه .. قال لا تخافين قولي بسم الله و من وقتها وانا اشاخر مادري شصار

قعدت الساعه 11 ونص طولت وايد بالنومة ورا التخدير لاني مانمت قبلها قالولي يا فلانة الحمد الله على السلامة خلصتي العملية ابتسمت لهم استانست اني خلصت اكبر خطوة بحياتي وقلت الحمدلله رب العالمين الفضل لله وبعدين صعدوني الغرفة ولا الوالدة وزوجي ناطريني و باسوني و تحمدولي بالسلامة و ارتحت .. بالبداية ماكو الم احس التخدير و المسكنات لاعبة دور .. ورا العملية صيام يوم كامل ودربات بس اليوم الثاني يمكن ربع جغمة ماي ..

التعب من المنظار ورا العملية تحسين ان ريجج ناشف وفي الم بلاعيمج شوي و البطن غازااات تعور من داخل ودوخة وخمول وكلا تبين تنامين مافيج طاقة .. طبعا القعدة بالمستشفى 3 ايام ورخصوني .. انا بصراحة تعبت بس كلمة حق اقولها .. مو التعب اللي ماتتحملينه لا والله تتحملينه مع المسكنات .. انصح كل بنت تخاف من الامراض ومتينة تتوكل على الله لان فايدتها بالاخير كبيرة على صحتج وشكلج و ثقتج بنفسج يكفي وين ماتروحين يقولون شنو هالضعف ماشالله عليج محلوة هذي تكفي .. وعطوني موعد مع دكتورة التغذية واهي اصلا بالمستشفى يات وشرحت لنا طريقة الاكل بالبيت

الحين من يوم العملية صارلي 12 يوم والحمد لله امشي واروح وارد التعب اول اسبوع بس يا بنات
نظام اكلي سوائل و شغلات لينة حيل شوربة مضروبة بخلاط نتفة سيريلاك و عصاير و لبن خالي الدسم وماي .. عطوني حبوب لوزك حق المعدة واخذ حبة الفحم حق الغازات و عطوني مسكن اي وقت يعورني شي اخذه والحمد لله يا بنات ما شاء الله حبوب الضغط من يوم العملية ماخذتهم الله يشهد واهم شي المشي ثم المشي الي تبي جروها تبرا ودمها يتحرك و تمنع الجلطة الله لا يقول لازم تمشي .. ما اقص عليكم في دوخة و مافي طاقة كلش و ماحب الفيتامينات و الم بالبطن من الغازات والشرب بصعوبة بس ابشركم يوم عن يوم تتحسن الحالة والحمد لله .. وزني الحالي 117.3 قولو ما شاء الله حبيباتي العين حق

كلمة حق تنقال .. الدكتور خالد العنزي قمة في الاخلاق وفي التشجيع و في التعامل و في الرقي وشاااااطر ويحب شغله و عنده امانة و يبسط لج كل شي صعب والله انه يستاهل كل خير ادعيله كل يوم وامي تدعيله :eh_s(7):

حبيت افيدكم واستفيد منكم اي شي انا حاضرة من عيووووووني :rerrerek::rerrerek:
 

الفراوله1

New member
إنضم
2 سبتمبر 2010
المشاركات
134
مستوى التفاعل
0
النقاط
0
رد : تجربتي التكميم بالتفصيل ~د. خالد العنزي~

الحمدلله على سلامتج والله يوفقج يارب والدكتور خالد معرووووف باخلاقه وشغله وانه مسويه عنده العمليه صار لي 25 يوم والحمدلله يارب
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : تجربتي التكميم بالتفصيل ~د. خالد العنزي~

الله يسلمج حبيبتي ويوفقج .. ويارب توصلين حق الهدف بصحة وعافية مشكوووورة على المشاركة والدعوة شرفتيني

استانسي اليووووووووووم عيد وطني :$ ماوصييييييج والحمدلله على سلامتج
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : رد: تجربتي التكميم بالتفصيل ~د. خالد العنزي~

الحمد لله ع سلامتك
وفااااااااالك الرشااااااااقه


الله يسلمج اختي غادة وياااااااااااااااااااااااااارب الله يسمع منج :eh_s(7):
 
إنضم
21 يوليو 2008
المشاركات
1,852
مستوى التفاعل
0
النقاط
0
الإقامة
في قعر داري
رد: رد : رد: تجربتي التكميم بالتفصيل ~د. خالد العنزي~

الحمدلله ع السلامه يا الغاليه
وماشاءالله تبارك الله نزولج يدنن ويشجع صراحه


والله يهنيج يارب وفالج الرشاقه بصحه وسلامه
 

bnt_kwt

**مشرفة قسم بيــتك & ركــن تأخـر الانــجاب**
إنضم
8 مايو 2005
المشاركات
12,425
مستوى التفاعل
0
النقاط
0
العمر
44
ماشاء الله تبارك الرحمن
الحمدلله عالسلامه
وتوصلين للوزن اللي تبينه وانتي بصحه وعافيه
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : رد: رد : رد: تجربتي التكميم بالتفصيل ~د. خالد العنزي~

الحمدلله ع السلامه يا الغاليه
وماشاءالله تبارك الله نزولج يدنن ويشجع صراحه


والله يهنيج يارب وفالج الرشاقه بصحه وسلامه

الله يسلمج حبيبتي الزين

مشكوووووورة والفال لج ان شاء الله شجعتيني ياوخيتي :eh_s(17):
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : رد: تجربتي التكميم بالتفصيل ~د. خالد العنزي~

ماشاء الله تبارك الرحمن
الحمدلله عالسلامه
وتوصلين للوزن اللي تبينه وانتي بصحه وعافيه


الله يسلمج من كل شر بنوتة

آمين وانتي بعد يارب وكل بنوتاتنا :eh_s(17):
 

ranoona55

New member
إنضم
14 أكتوبر 2006
المشاركات
589
مستوى التفاعل
0
النقاط
0
دكتور خالد مو اهو نفسه اللي يشتغل بمستشفي العرف بالجهرا
 

اميره بكلمتي

Active member
إنضم
9 يوليو 2008
المشاركات
15,309
مستوى التفاعل
6
النقاط
38
الحمدالله ع السلامه ياالغاليه وماتشووفين شر والصرااحه اختيارج مووفق وحلوو باختيارج للدكتور خالد العنزي

وفاالج الرشاااقه
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : رد: تجربتي التكميم بالتفصيل ~د. خالد العنزي~

دكتور خالد مو اهو نفسه اللي يشتغل بمستشفي العرف بالجهرا


لا حبيبتي

الدكتور خالد بالاميري و بهيلث كير كلينيك في بنيد القار :eh_s(17):
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : رد: تجربتي التكميم بالتفصيل ~د. خالد العنزي~

الحمدالله ع السلامه ياالغاليه وماتشووفين شر والصرااحه اختيارج مووفق وحلوو باختيارج للدكتور خالد العنزي

وفاالج الرشاااقه

الله يسلمج من كل شر حبيبتي امورة الشر ماييج يارب

الحمد لله اخترته بعد استخارة

واستفدت من تجاربكم انتي والبنات :eh_s(17):
 

سنجوبه

New member
إنضم
18 فبراير 2011
المشاركات
239
مستوى التفاعل
0
النقاط
0
رد : تجربتي التكميم بالتفصيل ~د. خالد العنزي~

الحمدلله على السلامه حبيبتي شفتي كل هالخوف الي حايشج بالضبط حايشني الحين :krkrkr:
بواجهه شي ماعرف شنو اهوا .... بس انشالله الايام اليايه ادخل اهني واكتب لكم باركولي

سويت العمليه واي انشالله احس هم على قلبي والله ... والله يتمم عليج حبيبتي
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : تجربتي التكميم بالتفصيل ~د. خالد العنزي~

الحمدلله على السلامه حبيبتي شفتي كل هالخوف الي حايشج بالضبط حايشني الحين :krkrkr:
بواجهه شي ماعرف شنو اهوا .... بس انشالله الايام اليايه ادخل اهني واكتب لكم باركولي

سويت العمليه واي انشالله احس هم على قلبي والله ... والله يتمم عليج حبيبتي

مالومج يا وخيتي والله الخوف شعور طبيعي هذي عملية مو حلاو

بس حبيبتي قلت لج ماكو اجبن مني .. والحمد لله اهي مرحلة واتخطينها و تصير ذكرى ان شاء الله

وانا و البنات ناطرينج وبنمشي خطوة خطوة وياج :eh_s(17):
 

سنجوبه

New member
إنضم
18 فبراير 2011
المشاركات
239
مستوى التفاعل
0
النقاط
0
رد : تجربتي التكميم بالتفصيل ~د. خالد العنزي~

مالومج يا وخيتي والله الخوف شعور طبيعي هذي عملية مو حلاو

بس حبيبتي قلت لج ماكو اجبن مني .. والحمد لله اهي مرحلة واتخطينها و تصير ذكرى ان شاء الله

وانا و البنات ناطرينج وبنمشي خطوة خطوة وياج :eh_s(17):

يا قلبي تسلمين .. والله كلامج شجعني وعطاني باور :rerrerek: لان ماكو احد ايشجعني الكل امطنش

والله يكتب اللي في الخير
 

sheraZia_Q8

New member
إنضم
16 أبريل 2010
المشاركات
1,979
مستوى التفاعل
0
النقاط
0
عليج بالعافيه انا والله ودي اسويها بس مواعيد الاميري بعيده يعني بعد سنه @@ وانا التي الماده ما تسمح خاص لاني للحين بالجامعه ادرس :(
عليج بالف عافيه وعقبال ما تصيرين سندريلا :*
 

CuTe KuwaiTia

New member
إنضم
17 فبراير 2011
المشاركات
647
مستوى التفاعل
2
النقاط
0
الإقامة
الكويــت
الموقع الالكتروني
www.q8yat.com
رد : رد: تجربتي التكميم بالتفصيل ~د. خالد العنزي~

عليج بالعافيه انا والله ودي اسويها بس مواعيد الاميري بعيده يعني بعد سنه @@ وانا التي الماده ما تسمح خاص لاني للحين بالجامعه ادرس :(
عليج بالف عافيه وعقبال ما تصيرين سندريلا :*

الله يعافيج حبيبتي مشكوورة

انتي منتي خسرانة حطي موعد بعيد ومني لي الموعد خففي اكل وسوي الي عليج

لا تقولين بعيد المهم تحطين اخذيها نصيحة من اختج الكبيرة روحي وحطي موعد :rerrerek: