تجمع امهاات 2007 خلونا نستفيد من بعض

[nono78]

وصج انتي ناويه اي حضانه

صراحه مابي شي غالي وابي دفع شهري

ليتل ستبس ب 90 دينار شهري جنه مع لبس واكل بس بروح استفسر اكثر ان شاء الله

 

[رفرف]

جكورة انا اسبح الياهل كل اسبوع ماحب التمصع كل يوم احس يكسرون خاطري انتف ولي كبرو شوية عقب الاربعين كل يومين او 3 ...
بس اذا الوضع يستدعي اني اسبح اسبح لو كل يوم ..

نونو اخف شي الرايس سيريالز من ميلوبا وعقبها البطاط المهروس والجزر المهروس

 

[nono78]

رفرف الرايس مال ملوبا حق اي عمر من اي شهر

اخييه عزوزي للحين بس عالحليب

شكلي اروح الجمعيه اليوم اشتريله

 

[Miss_Tiger79]

نونو عطيه خضروات مفيوحه بس كل يومين نوع لين اتعرفين انه مافيه حساسيه من اي نوع وعقبها خلطيها بالخلاط وعطيه وعليه بالعافيه

بس شنو سبوح اليوم العاشر ؟؟

 

[أم أحمد كول]

nono 78 :

وانا اعطى زوزو ميلوبا ارز وااايد زين وحبته .. وبالنسيه للخضار انا اعطيه كميه بسيطه عشان اشوف يوالمها ولا لاء .. انا مبلشه من شهر تقريبا اعطيها اكل .. وبالنسبه للحضانه انا رحت لتل ستبس بمشرف بس الاكل مو عليهم والله الحضانه حلوه وملمومه وااايد قالت البنت اللى تشتغل هناك ان يدرسونهم عربى وعلوم وانجليزى ويودونهم رحلات .. وعندهم غرفه للاسعافات الاوليه وفتح الملف ب 20 وكل شهر 90 وبالنسبه لى قريبه على صباح السالم ..

 

[جكورة]

اشلونكم بنات وشخباركم

وهلا جكوره النفاس بشقتج مريح بس الوحده بالنفاس تبي احد يقعد معاها
انا جربتها وكان ولدي العود بحضانه وعقب 15 يوم قمت اوديه تخيلي حضانته بصباح السالم وانا بالسالميه كل يوم الصبح وعاد الزحمه والصراحه تعبت بس على الاقل امي الله يعطيها العافيه كانت اهيه تسهر مع بنتي اهيه صج لويه واغراضج بكل مكان وعيالي حايسين بس كلها 40 يوم وتعدي وتذكرينها اتحسينها وناسه

والله يعينج وتطلعين من باجي شروره
وعلى سبوح الياهل احنا امي تسبح الياهل عقب ما يطلع من المستشفى وكل يوم وترك تدهن الياهل بالليل وتسبحه الصبح اتحسين هالسبوح يعطي حق الياهل عافيه ويشده بسرعه مع التدهن

يامال العافيه على الرد...وبالنسبة للنفاس ماأدري أحس إرتحت بشقتي أكثر شئ لإن أمي كبيرة بالعمر وماأقدر أهد عندها البنوته وخواتي كلهم متزوجات ومافيه أحد يساعدني ببيت أهلي وتعرفين لما تغيرين مكانج وعيالج بكل مكان منتشرين ونظام بيت أهلي غير عن نظامي... وتخيلي ولدي بثانية إبتدائي يروح يوميا من الصباحيه بيت أهلي لمدرسته لسلوى تعب ودرب....بس هني الحمدلله ارتحت على الأقل المدارس قريبه وعيالي بغرفهم وأنا زوجي عندي يساعدني مسكين كارفته معاي بس إن شاء الله معوض...ههههه

 

[جكورة]

جكوره
انا امي كانت تسبح الياهل كل يومين عشان التكيف اخاف يستمرض

وبيوم العاشر وبل اربعين يكون اجباري مع الغسل الي تغتسلينه

وبس عادي حتى لو كل يوم تسبحين البيبي بس اهم شي

يكون التكيف مصكر عشان الياهل يتدفى عدل

الله يخليه لج إن شاء الله نونو وأنا خوفي كله من التكييف إذا فجيته برد على دانه وإذا صكرته متنا من الرطوبـــــة...الله يعين ويتعدل الجو

 

[nono78]

نونو عطيه خضروات مفيوحه بس كل يومين نوع لين اتعرفين انه مافيه حساسيه من اي نوع وعقبها خلطيها بالخلاط وعطيه وعليه بالعافيه

بس شنو سبوح اليوم العاشر ؟؟

مس تايقر مو المره تغتسل باليوم العاشر لازم البيبي بعد يسبحونه
وتحطين بزوايا الحمام حلاو او قند بعد هذيلا عادات وتقاليد اهلا

بسم الله الرحمن الرحيم حق اهل الأرض بس هالسوالف ما ادري ليش


وبل ال40 بعد المره تغتسل مره ثانيه
وتسبح الياهل
بس مو معناته بل ايام الي قبلها الوحده ماتسبح البيبي

ما ادري بعد هذا انا الي قالولي ووسويته


لالا انا خالتي بعد قالتلي اشياء بس صراح ما طبقتها
قالتلي كسري بيض وما ادري شنو بس ما طبقت صراحه

 

[nono78]

nono 78 :

.. وبالنسبه للحضانه انا رحت لتل ستبس بمشرف بس الاكل مو عليهم والله الحضانه حلوه وملمومه وااايد قالت البنت اللى تشتغل هناك ان يدرسونهم عربى وعلوم وانجليزى ويودونهم رحلات .. وعندهم غرفه للاسعافات الاوليه وفتح الملف ب 20 وكل شهر 90 وبالنسبه لى قريبه على صباح السالم ..

ام احمد سجلتيه بلتل ستبس ولا حضانه ثانيه ؟؟؟
ميخالف حتى لو الأكل علينا ما عندي مانع بس اهم شي المكان يكون نظيف وزين

المشكله انا علاوي للحين يلبس بامبرز الأخ بعد ما يخلص شغله يقولي حمام
واغسله تكرمين وهوا قاعد بالمرحاض بس لازم بامبرز ولا ينيسلي البيت كله

فأخاف من هالنقطه سالفة البامبرز اشلون ؟؟؟

ان شاء الله اروح واس عن كل شي

 

[nono78]

الله يخليه لج إن شاء الله نونو وأنا خوفي كله من التكييف إذا فجيته برد على دانه وإذا صكرته متنا من الرطوبـــــة...الله يعين ويتعدل الجو

الله يسلمج جكوره
ويخليلج دنوشه

بس وقت السباحه صكريه ولبسيها كبوسها ولفيها عدل بعد اشوي بطلي التكييف

بهالفتره الوحده تخاف عالبيبي الله لا يقول البيبي يستمرض

 

[أم أحمد كول]

nono78:


انا بعد ما سجلت احمد بس رحت اشوف الحضانه والله الحضانه نظيفه وفيه خدامه تبدل حفاظات .. حتى احمدو لى الحين يلبس حفاظه .. ورحت شفت حضانة بلى قروب بس ما خلونى افتر واطالع .. بس لتل ستبس دخلتنى وشفت اليهال , حتى المطبخ دخلتنى وكانوا اليهال يتريقون ومعاهم ثنتين يشوفونهم وبعدين خذتنى الصاله وكانوا اليهال يحلوهم يحييون العلم وكلهم من عمر احمد ولدى .

 

[رفرف]

نونو الرايس من 4 شهور

 

[nono78]

ام احمد احمد اسم الله عليه جم عمره ؟؟؟



رفرف مشكوره حبيبتي

 

[pink]

أهليييييين بنوتات .. شلونكن فردا فردا ..

صج متأخرة بس بخاطري أقولها ..

(( عيدكم مبارك ))

صارلي وقت عنكم و ما شالله الصفحات الله يبارك و يزيد

يبيلي وقت على ما أقراهم و أكون معاكم بالأحداث ..

اعذروني هالفترة شوي سوسو حايشتها انفلونزا و ما شالله

صار العيد عيدين و المسكينة مو مستوعبة فمشتغلتلنا بجي

في بجي و صاير لا ليلنا ليل و لا نهارنا نهار و مع الدوامات

بس انتهينا .. إن شالله تكون فترة و تعدي ..


بنات لي عودة بعد ما اقرا اللي فاتني ..

 

[أم أحمد كول]

nono 78 :


احمد سنه و10 شهور

 

[nono78]

nono 78 :


احمد سنه و10 شهور

الله يخليه لكم يارب


سجلتيه حضانه ولا للحين

امبيه انا كل يوم اقول باجر وما اقعد من النوم الا بل 12 :eh_s(13):

 

[nono78]

بنك

ايامج سعيده


وسلامات سوسو ما تشوفون شر

 

[أم أحمد كول]

nono78 :

امبيييييييييييييييييييييييييه نونو انتى نفسى بالضبط كل يوم اقول لازم باجر اقعد مبجر عشان اخذ فره على الحضانات واقعد على الساعه 12 ومرات 1 على حسب السهر مع اليهال : )

 

[lolo77]

هلا والله
شخبارج بنك
وما تشوف شر اسويه
يارب يحفظها من كل شر

وينكم يا بنات غاطيتوا مره اخرى
هههه

 

[منورة الكويتية]

قوووووووووة امهات جميلاات