تجمع امهاات 2007 خلونا نستفيد من بعض

[رفرف]

شلونكم بنات ؟؟

نونو عاااااادي اليدان خراب مستفحل ..
واي انا خالتي ماترضى احد يقول حق بنتي ردي وراج ان زفيتها عندهم والا خذيت منها شي اشكره يعطونها اياه وعيوني اتطالع بس انا اشوه مو ساكنة عندهم فأتحلف فيها من البيت تهديد ووعيد ان تديعلت اردها البيت ماقدر اتفاهم معاها الا لي توحدت فيها بالبيت ...

وسومه
وحلات اللي لابسين بخنق الله يخليها لج ويعينج على الخدام اليديدة ويسخرها لج ولبنتج ...


انا اليوم ماداومت بناتي سهروني ..
خذيت عرضي .. ونمت لي الساعة 10 تالي قمنا ووديتهم يلعبون ..
وتغدينا بره وتونا نرد ..

 

[أم أحمد كول]

امهات شلونكم .. مليت من قعدة البيت ودى اداوم , انا ماخذه اجازة امومه وتنتهى فى شهر 12 .. ساعات افكر ودى اقطع الاجازه بس زوزو تكسر خاطرى ما ودى اخليها : (

 

[جكورة]

وسومه حمدلله على سلامتج حبيبتي وتو مانورت الديرة ...
والله يبارك بعمرج يالغاليــــــة....أنا ولدت بطيبــــة كلينك خووش مستشفى تهبل وخووش دكتورة وقصة ولادتي كاتبتها بقسم الحمل والولاده بتجمع اللي يولدوون بأكتوبر ونوفمبــر...والله يهون على الكـــــل....

 

[nono78]

زهرا الله يعينا بنتج اسم الله عليها جم عمرها ؟

وسومه حبيبتي اجرنا واجرج يارب والحمدالله على سلامتكم توها ما نورت الديره


ملاك الله يخليها بنيتج ان شاء الله الظاهر هالجيل كلهم جيل الكمبيوتر
بس انا علاوي مشلعلي حرف القاااااااااااااف واي ما تهنيت بلاب توبي والله

شن سوي غير الله يعينااااا

 

[nono78]

رفرف شسوي الحين اشكره اقولهم عزوز ماراح يشوف الدلع عشان يخترب نفس علاوي

بس ما اعتقد لووووووووووووووووول بيدلعونه اكثر يمكن


ام احمد كول

انا نفسج ابدا اداوم اول 12 مرات اقول ودي اداوم بعدين اتحسف
ان شاء الله بسجل علاوي الحضانه هالشهر عشان اشوي الصبح اخذ راحتي واطلع واروح

واخلي الصغير تحت مع الخدامه وخالتي تشوفه بس اثنينهم بل البيت نووو ويييييييييي

 

[أم أحمد كول]

nono78 :

انا بعد ابى ادخل احمد الحضانه لان اثنينهم بالبيت مستحيل مع انى ساكنه مع اهل زوجى واليهال تحت اشراف خالتى بس بدخل احمد الحضانه احسن .. اى حضانه بتودين ولدج ؟؟؟

 

[كيت كات]

سلاااااااااااااااام
شلونكم بنات
وسومة الحمد لله على السلامة
والله يعينج على الفلبينية هم انا ما احبهم
رفرف الله يعيييييييييينج
جكورة الله يستر انا ناويه اتنفس بشقتي خايفه
نونو والله انا خالتي وعمي لا تشوفينهم مع ان حمودي صغير بس شكلهم بيدلعونه وانا ساكنه عندهم

 

[جكورة]

هلا وغلا كيت كات...عسى الله يقومج بالسلامــــة..

أنا كنت ناوية أنفس عند اهلي وبالفعــــل جهزت صالتهم وزهبت كل شئ على أساس بقعد 40 يوم عندهم بس سبحان الله قعدت عندهم إسبوع وماتحمــــلت الوضع كلش أولا إزعاج تعرفين بيت حموله وعيال إخواني وحريمهم وأنا عيالي مدارس بمنطقة ثانيــة .. شلت قشي وعيالي ورحت شقتي والحمدلله ارتحت حيل حيل فرق سبحان الله عن أهلي هدوء وعيالي بمكانهم وببيتهم والمدارس قربيه وراحه نفسيه عند زوجج خاصه إذا كان من النوع اللي يساعدج ومتفاهم معاج...فإنتي لاتحاتين سهالات إن شاء الله ...

 

[lolo77]

هلا بزهرا
حياج الله بينا

رفرف
تصدقين ما ادري اشفيها جودي
صايرة ما تنام مثل قبل
تقعد على بجي
وبسرعه تطير نومتها

الله يعينا عليهم

وسومه
الحمدلله على سلامتج
واخيرا ردينا ارض الوطن
والله يخليلج بنوتج يارب

ام احمد
اي لازم واحد من هاليهال يكون بره البيت ويدش حظانه

جكوره
صج النفاس بالشقه اريح
خصوصا حق اللي عندها اعيال بالمدارس

 

[جكورة]

بنات بسألكم طفل النفاس متى تسبحونه سبوح كامـــل ؟ وكل متى تسبحونـــه ؟؟؟

 

[كيت كات]

الله يسهل
وطفل النفاس بالنسبة لي سبحته عقب اسبوع من ولادته
مع العلم ان يوم بالمستشفى كل صبح يسبحونه لمدة 3وحسبي 4 ايام بالبيت
بعدين كل يوم وترك اسبحه

 

[lolo77]

احنا تقريبا يوم ويوم كانت امي تسبح الياهل
اول يوم طلعنا من المستشفى سبحناه
لان سبوح المستشفى عالماشي

ولمن تغتسلين بعد يوم العاتشر
قبلها تدهنينه وتدلكينه خفيف وتسبحينه

هذا اللي كانت امي تسويه

 

[جكورة]

كيت كات ولولو مشكورين على الرد...

 

[Miss_Tiger79]

اشلونكم بنات وشخباركم

وهلا جكوره النفاس بشقتج مريح بس الوحده بالنفاس تبي احد يقعد معاها
انا جربتها وكان ولدي العود بحضانه وعقب 15 يوم قمت اوديه تخيلي حضانته بصباح السالم وانا بالسالميه كل يوم الصبح وعاد الزحمه والصراحه تعبت بس على الاقل امي الله يعطيها العافيه كانت اهيه تسهر مع بنتي اهيه صج لويه واغراضج بكل مكان وعيالي حايسين بس كلها 40 يوم وتعدي وتذكرينها اتحسينها وناسه

والله يعينج وتطلعين من باجي شروره
وعلى سبوح الياهل احنا امي تسبح الياهل عقب ما يطلع من المستشفى وكل يوم وترك تدهن الياهل بالليل وتسبحه الصبح اتحسين هالسبوح يعطي حق الياهل عافيه ويشده بسرعه مع التدهن

 

[malak_alroo7]

السلااام عليكم
شلوونكم بناات؟

 

[nono78]

وعليكم السلام ملاك الروح

اشلونكم بنات شخباركم


بسألكم سؤال صج اني مو ام يديده بس صراحه نسيت

الحين عزوزي اخر شهر يصير 5 اشهر

شنو اقدر اعطيه غير الحليب ؟؟؟؟

وناطرتكم يا حلوات

 

[nono78]

بنات بسألكم طفل النفاس متى تسبحونه سبوح كامـــل ؟ وكل متى تسبحونـــه ؟؟؟

جكوره
انا امي كانت تسبح الياهل كل يومين عشان التكيف اخاف يستمرض

وبيوم العاشر وبل اربعين يكون اجباري مع الغسل الي تغتسلينه

وبس عادي حتى لو كل يوم تسبحين البيبي بس اهم شي

يكون التكيف مصكر عشان الياهل يتدفى عدل

 

[أم أحمد كول]

nono78 :


هلا نونو .. عمر عزيزان مثل عمر بنتى زوزو .. زوزو دشت الخامس ثالث يوم العيد ؟؟ المهم انا اعطيها خضروات : افوح جزر وبطاط وكوسا واعطيها .. شوفى كت كات كانت حاطه موضوع عن اكل الاطفال بصراحه وايد حلو واستفدت منه ..
انزين ما قلتى لى اى حضانه بدخلين علاوى ؟؟؟

 

[nono78]

nono78 :

انا بعد ابى ادخل احمد الحضانه لان اثنينهم بالبيت مستحيل مع انى ساكنه مع اهل زوجى واليهال تحت اشراف خالتى بس بدخل احمد الحضانه احسن .. اى حضانه بتودين ولدج ؟؟؟

ام احمد والله ناويه اشوف حضانات الي بمشرف ابي شي قريب عالبيت

عشان لمن اداوم عمي يقدر ياخذه او حمواني

حاطه في بالي ليتل ستبس بس بروح اشوفها اول

 

[nono78]

ام احمد مو جنه تو الناس عالخضار ؟؟؟؟

اروح اجيك على موضوع كيت كات