كل وحده مسويه تحزيم معده تشاركني

[الكيكة]

السلاااااام عليكم

النية الصافيه مختفيه ... عاد طلي علينا قوليلنا اخبارج .

مظلومه امس خلصت البندول اللي ابيتنا و اليوم الحمد لله صرت زينه لله الحمد
امس بالليل جربت اتعشا و عادي كليت شويه ما غصيت الحمد لله

اقول.. شنو برنامج اكلج برمضان؟ .... و دي اضعف شويه الله يستر مو العكس
خلينا نتفق على نظام حليييييو مو قاسي... راضيه لو انزل كيلوين بس برمضان ولا اني ازيد .
اتوقع عالفطور شوية شوربه وبس.. اتوقع المعده بتكون مسكره و الغصة على طريف

عقب صلاة العشا (بطاط ليز و دايت ) غبقت فقارا

بس بالليل اكيد بنحس باليوع القاتل ... عاد شنو ناكل؟ ... هريس زين؟ اهو عشا و اهو سحور.

طبعا ممنوع الحلو .. و يوم العيد مكافأه يوم مفتوح باكل حلو على كيفي

اشرايج ؟

 

[فطيرة فراوله]

مظلومه يحليلج ههههههههههههههههههههههههههههه لا يبا مو منهم ولا شي بس اتشاقى وياج ههههههههه
حبيبتي الكيكه انا الي استانس لما اشوفج داشه واقرى التعليقات وانشالله تنزلين مو كيلوين الا 3 دبلاتهم برمضان قلبي انتي

 

[مظلومه ياناس]

هلا بكككككككيكتنا والله يالكيكه اللي مثل حالتي انا وياج مالنا نظام معين لاننا أصلا مو قاعدين ناكل ..... مثلا انا لو افككر اااكل عيش من اول قفشه اغص ولو اكلت فطاير والا سمبوسه والله العظيم ماتنزل ... خلصت بسكوت فارليز مال ولدي هو الوحيد اللي ينزرط ..لا وشكله يمتن الله يستر

ام اراوي ايييييييييييييييييييييييييه تشاقي وانا اختج شكللنا انا وياج بننطرد من هالمنتدى ..... اقول روحي تشاقي بعيد عني للللللللللللللللللووووووووووووول

بنات انا امس بديت بحبوب الفايتوشيب بنزل وزني اكثر قبل العيد ... تصدقون من امس ماكلليت الا بسكوته وحده مع شاي وعصير برتقال وماااااااااااااااااااي
صج يسدون الشهيه ... بجرب وبغامر هالشهر والله كريم

 

[الكيكة]

مظلووووووووووووووووووووومه من وين هالحبوب ... علموني ياحافظ خل اظعف



حلاته ناخذ هالحبه عقب الفطور برمضان ..

و الفارليز يمتن وايد ماتشوفين الياهل من يبدي ياكل الفارليز تطلع له خدود

 

[الكيكة]

بعد تسبدي ام اراوي على هالدعوه؟ 3 اظعافهم عاد ....
من سويت التحزيم مانزلت 5 بشهر ... حدي بالشهر كيلوين

 

[فطيرة فراوله]

لوووووووووووووووووووووووووووووووول مظلومه عيني خلاص بتشاقى بعيييييييييييييييد ياقلبي ههههههههههههههههههههههه
انا سمعت ان الفايتوشيب ما يمدحونه ومتعب انتي جربيه وعطينا النتيجه ياقلبي لاتبخلين على خواتج ههههههه

الكيكه ليش لا مافي شي مستحيل وانا اختج هههههه

 

[مظلومه ياناس]

هلا وغلا بام اراوي وخالتي ولدي مستقبلا :eh_s(13):

الحبوب شريتهم من وحده معانا بالمنتدى وانا بجربهم اسبوعين واقولكم النتيجه
بصير لكم فار تجارب ......... بس ها ام اراوي وصيتي وللللدي ديري بالج عليه:eh_s(8)::eh_s(8):

 

[مظلومه ياناس]

ام اراوي تعالي الخاص ابيج بكلمة راس:eh_s(7):

 

[فطيرة فراوله]

ماتوصيني على ولدي هذا حبيبي الله يخليه لنا انشالله ههههههههه
ويايتج طيااااااااااااااره عالخاص

 

[النية الصافية]

السلام عليكم

النية الصافيه ماني قايله مبروك لان هذا شي ما يتبارك عليه ...مادري اضحك ولا ابجي عليج ... هذا وقت حمال؟ .... صج تحرين.. عيل ليش الخساير و الشد؟ .. الله يعينج... انا لما سويت شد الطبيب قال لازم سنتين ما احمل ( سألي فيها دكتور الشد )
هلا كيكه
اشلونج وسلامتج ومبروك الوزن الجديد وللامام
انا حبيبتي ما حملت من كيفي اقولج حملت علي اللولب ربج كاتبه قولي لي شنو اسوي غير احمد الله علي رزقته ورحت حق الدكتور موسي خورشيد وقتله وسعلي الحلقه 4 سي سي وقال عادي لا تحاتين
واليوم طلعت الظهر من المستشفي لانه النزيف رجع مره ثانيه طلعت حامل بكيسين واحد ما كمل الحمل وطاح والثاني الجنين بخير ولي الحين شهرين ونص ولقو فيني ورم ليفي يمكن مسبب النزيف وبعد ممكن من اللولب قاعده انزف ومخليه الامر بيد رب العالمين واسوي اللي علي وقتلهم طلعوني باجر دوام المدارس وعندي روضه وابتدائي
وسكتي الوزن زايد والبطن طلعت في الخطوط والسر حدها مسموت بس هذا امر الله بس عسي الله يعديني الشر لانه ولاداتي كلها قيصريات وهذي خامس قيصريه اذا الله تمم الحمل والترجيع ذابحني من النسات ومعدتي فاضيه برجع ما اقدر تطلع روحي علي ما ارجع أأأأأأأأأأأأأه بس ما اقول الا الحمد الله
مظلومه
الف مبروك علي 25 كيلو وان شاء الله علي صحه وعافيه تضعفين يارب
ام ارواي
مشكوره حياتي علي الاهتمام
بنات
امانه محتاجه دعائكم لاني خايفه بس اقول دام ربي كاتبه اكيد فيه الخير بس ما ادري وين الخيره وكمبارك عليكم الشهر وعسي الله يتقبل منا ويغفر لنا ويجعلنا من عتقاء شهره الفضيل

 

[النية الصافية]

اقول بنات احد يساعدني برجيم حوامل متحزمات عشان وزني زايد من 76 الي 81 خلال حملي بس بشهرين ونص وانا ما ابي ازيد حدي كلش لي 12 كيلو الزيادة الطبيعية للحمل وانا زدت بشهرين 5 كيلوات لا ولازم مافي حركه عشان النزيف فرشت عدل كله قعده او منسدحه

 

[الكيكة]

النية الصافيه .. بالسلامه يا قلبي

ام اراوي و مظلومه .. عن المساسر عالخاص ترا ماحب هالحركات

و مبارك عليكم الشهر جميعا

 

[فطيرة فراوله]

هههههههههههههههههههه يحليلج يالكيكه لا مساسر ولا شي كنا نتفق عالمهر عشان لا يصير خلاف بين القبايل هههههههههههه
علينا وعليج ياقلبي

 

[النية الصافية]

مبارك عليكم الشهر
الله يسلمج يالكيكة وخليج معاي مثل ما عهدتج

 

[الكيكة]

ههههههههههه لا مالي شغل فيج اخاف تعاديني و احمل :eh_s(3):

لا ترا اطفرج ... الله يقومج بالسلامه ... اختي بعد توها حامل بالشهر الثاني .

اقول مو علبو حامل و موسعه الحلقه تطيحيله بلع... احترمي نفسج و صكي حلجج و اكلي المفيد .. سلطة خضرا و حليب و يدام ... و تركي الكاكاو و الفاست فود ... و لا تطيحيله لقيمات لا تطيشين و تصيرين جنج كبت .
ترا بعدين البس جينز ثري كوارتر و بودي و ايي اتمشى بالمنتدى احرج

 

[الكيكة]

سلااااااااااااااام

ويييييييييييينكم؟ شخباركم مع رمضان

انا عالفطور ما اقدر اكل شي .. غصب اشرب الشوربه

و عقب الصلاة مع الجاي اكل جم كبه و سمبوسه ... و اذا في حلو بعد اكل ما اقدر امسك نفسي اليوع اقشر

و اخربط بصراحه بس ما اتسحر

و النتيجه الوزن زاد كيلو اب3 ايام


يا ربي ودي اقضب روحي و اضعف

 

[فطيرة فراوله]

يعطيج العافيه يالكيكه والله انا عادي برمضان بس مخففه اكل وودي انزل اشوي انشالله
والزياده عادي اول اسبوع لازم جذي الله يعينه
بسوي مساج بنات وين تنصحوني؟

 

[الكيكة]

الله يعافيج .. زين احد عبرني

ماعندي فكره عن المساج لاني اشوف الناس يضعفون منه بس من يهدونه يردون

اخر موديل هالايام الناس يمشون بالافنيوز .. صار ممشى

وين مظلووووومه .. شخباااار حبوب سد الشهيه ؟؟؟؟

 

[صديقة د. شريفه]

النيه الصافيه

انت قلتي امسويه التحزيم في 2005 ووصلتي الوزن في 2007 ،، شنو يعني انتي عطيتي نفسج على راحتج بدون رجيم ضعفتي ؟؟؟ ولا شنو؟؟ شنو كان نظامج خلال هالسنتين ! وهل تنصحين ابعملية التحزيم؟

 

[مظلومه ياناس]

كاااااااااااااااااااااااااااااااااااااااني يالكيكه شلونج وشخبارج
ام اراوي اختي وحبيبتي شلونج اشلون عرايسنا؟


انا ولله الحمد نازل وزني كيلوين ياربي لك الحمد
بالنسبه للحبوب استخدمتهم يومين وهديتهم بكملهم بعد رمضان انشاءالله