ريلي قاللي بروح الحج! شوفوا وين راااااح ؟

[حمام شاقني فنه]

يعني تبين رايي
لاتبينين له انج دريتي
ولاوصل نغزي عليه وحسسيه انج دارية

والمرات الجايه لاعاد ترخين له الحبل وتثقين فيه

 

[شقرديه كيوت]

رد : ريلي قاللي بروح الحج! شوفوا وين راااااح ؟

الله يعينج الصراحه بس انا اقول سافري استانسي هذا مايفيد فيه عطيه طاف

 

[laymona]

الله يأجرج على هالمصيبه

صدقيني امتحان من ربج والله ما يضيع حقج منه

هذيل مادري متى يحسون احنا بس نبي منهم احساس ولا لاقيينه

والله الشكوى لغير الله مذله يا اختي

صدقيني مهما تشتكين بالمنتدى النار الي بقلبج ما يطفى

يطفى لما تشتكين و تبجين عند ربج مو عندنا

مو غلط ييتي قلتي مشكلتج بالعكس عالاقل احد يدعيلج

و هم تسمعين نصايح البنات وهذي نصيبحه منهم اتوجهي حق ربج

و احلفلج اذا وجهت امرج بيد ربج بعقيده قويه و بنيه خالصه بتشوفين اليوم الي بيتثلج فيه قلبج

الله يرحمج برحمته و ياخذ حقج من كل خاين و ظالم بحق هالشهر الفضيل

 

[فديت ولدي]

الله يعينك ويسخرقلبة لك
حركتة قوية

 

[dnyay_mll]

رد : ريلي قاللي بروح الحج! شوفوا وين راااااح ؟

واي واي والله انقهرت اكثر مما انا مقهوررررررره الله يمسح على قلوبنا ياااارب ويعطينا على قد نيتنا

والله ماقمت اامن بريال حسبي الله ونعم الوكيل فيهم الله يكشفهم يااااااارب

تبين الحق

شبقى من العمر

20 سنه وجذي سوالفه

انا اقول اول شي روحي دبي استانسي انتي والعيال

ودزيله مسج انج رايحه وانج دريتي انه بلبنان وانج ماتبين ايي لج البيت ونصييييييييحه لاتهدين البيت هذا بيتج وبيت عيالج

اذا حاسه انج تحبينه وتبينه قعدي وسكتي وبلعي العافيه

لكن اذا مليتي طقييييييييييه بالطوف وخليه على خرابيطه

والله يكتب لج اللي فيه الخير وتكفين طمنينا عليج

 

[أإلع ـشق دلع ـهـأإ]

.











دزيله مسج قوليله سلملي على أهل لبنآن ..

وقوليله .. قصيت علي وقلت بحج .. وأثأريك حجيت بلبنآن ..حسبي الله ونعم الوكيل .. الله فوقك ..

خرعيه ..

وروحي بيت أهلج ..























.

 

[الهـوى الغايـب]

من جدددد حقاااااره

كل هذا وانتي ساكته
الله يعينج بس لو انا منج اطييييييييير لخواتي دبي
انتبهي لبيتج وريلج لايطير منج

تخيلي واحد من اهلنا ريال كبير بعمر ابوي او اصغر شوي
منزوج وعنده شكثر عيال وبناته متزوجين
تخيلي شسوى ؟؟

راح لبنان وتزوج لبنانيه عمر 15 سنه
وجابها من ديرتها وسكنها ببيته مع عياله

انتبهي ترى هالبنانيات موضه هالايام



الله يعينج ويساعدج ويسخره لج ان شاء

 

[الدلوعه2008]

اقول الله يعينج اهو قالج انه رايح مكه يا سلام تبين الحال

شرايج تدزين له رساله وتقولين له لا تنسي تصور وانت بمكه زين عشان ابي اشوف صورتك ولا تنسي اني مسويه لك حفله ستقبال وتري ولد عمتي بمكه بس ما شافك مع الحمله شسالفه ايه حمله انت رايح

قولي له جذي وشوفي شيقولج صج الرياجيل ما يستحون تسكتين له ليش فوق هذا يقول علميني شلون احج شكبرك شعرضك ما تعرف روح للندوه يعلمونك

سويله حفله ستقبال الحجاج خليه يستحي علي وجهه وقولي هذا للي يقولون انه رايح مكه ورايح لبنان قولي له تراك طحت من عيني ما هقيتك تسويها فيني وانا للي صونك 20 سنه يا حيف عليك


علي فكره الحفله لا تسوينها بفلوسج اخذي من فلوسه وسوي الحفله بفلوسه واذا بطاقته معج اخذي فلوسه وسافري مع عيالج وطنشيه ما عليج منه للي يخونج خونيه وحده بوحده

سوي حفله ستقبال رياجيل اذا اهو رد وبعدها بيومين سوي للحريم ولا تجين الحفله خليه يتحسف علي روحه يمكن احد من جماعته راحوو وقالو ما شفناك عشان مره ثاني ما يجذب

 

[اريج الجوري]

رد : ريلي قاللي بروح الحج! شوفوا وين راااااح ؟

لا حول ولا قوة الا بالله ,,,


والله مااددري شقولج ,,,


الله يهديه ان شاء الله ,,,


بس سالفة انج تروحين بيت اهلج عقب كل هالسنين صعبه ومو حلوه بحقج ,,,


خليج في بيتج وعند عيالج وبالطقاق اللي يطقه ظل راجل ولا ظل حيط ...

 

[Stylista_Q8]

لا لا تدزين له شي خل يعيش جوه هناك ولا رد خل يشوف البيت فاضي روحي لاهلج وصكري جهازج وقولي لاهلج خل يي بيتكم يتفاهم مع ابوج واخوانج ويعلمهم اشحقه الجذب؟

معآهآ ...!

 

[** باربي **]

اصدقين اروح وارد على سالفتج ميته قهر
جرحج مو اي جرح الجذااب مسيلمة الكذاااب اشرف من ويهه

 

[reem83]

دزي له مسج قولي له اظن الحج حلو بالبنان وانتي اخذي عيالج وروحي دبي ودزي له نتلاقى بدبي انا بحج ويا عيالي بعد

 

[HERMITAGE]

ـ الله يهديه ورده لج ردااا جميلااا

 

[يا عيون جدي]

رد : ريلي قاللي بروح الحج! شوفوا وين راااااح ؟

اتركيه
شترجين منه بعد الخيانه بيصونج يعني واهو لو يحبج صج ما خانج لا تقولين احبه وما اقدر بزعل وبرد خلي عندج عزه نفس
وسوي مثل ما قالت الدلوعه 2008 وبعد العشا قوليله انت ما تستاهل شلون تبيني امن ع نفسي وعيالي عندك وانت تخوني
وتجذب علي
وروحي ولا تردين

 

[nani88]

بنات عيب لا تسبون الريال مهما يكن هذا ريلها وابو عيالها .. البنت اطلبت النصيحه ماقالت لكم طبوا فيه
وانتي اختي احتسبي اللي صار عند رب العالمين وادعي ان الله يهديه .. وترى ما يصير اتسافرين من غير اذنه حتى لو مع عيالج
وبيتج لا تهدينه مهما صار ترى هلج لو تحملوج شهر ما يتحملونج اللي عقبه.. وتمي استغفري واذكري الله ببرد على قلبج

 

[شمس 20]

رد: رد : ريلي قاللي بروح الحج! شوفوا وين راااااح ؟

اتركيه
شترجين منه بعد الخيانه بيصونج يعني واهو لو يحبج صج ما خانج لا تقولين احبه وما اقدر بزعل وبرد خلي عندج عزه نفس
وسوي مثل ما قالت الدلوعه 2008 وبعد العشا قوليله انت ما تستاهل شلون تبيني امن ع نفسي وعيالي عندك وانت تخوني
وتجذب علي
وروحي ولا تردين

يعني نصحتيها الحين .. الله يهداج انتي تخربين بيتها جذيه .. تساعدينها على الطلاق .. بعدين هو ماسوي شي

جايد جذب وراح لبنان .. هذا زوجها بو عيالها وين تروح يعني لاتردين ... تخربين بيتها اشكره :lkmnkl:

 

[lolayasmeen]

تبين رايي انج تسوين يافطه كبيره وتكتبين حج مبرور وسعي مشكور وزيني مدخل البيت
واليافطه الثانيه اللي داخل البيت قوليله انا اول مره ادري ان مكه انقلوها لبنان
وروحي استانسي ادري انج بتظلين تفكرين بس خلي تفكيرج اشلون بينقهر لو درا انج عرفتي انه رايح لبنان
راح يهون عليج بتييج افكار اشلون راح ينصدم انج عرفتي وحاولي قدر الامكان انج تستانسين انتي وعيالج
بعدين راح يتفشل قدام الكل وتكونين عطتيه درس عمره مراح ينساه

 

[أكذب عليك]

رد : ريلي قاللي بروح الحج! شوفوا وين راااااح ؟

استغفر الله ودي اغلط بس ماابي اضايقج
شوفي اهو رايح يقضي وقته بطول والعرض سكري جهازج وروحي استانسي
ومالج شغل فيه

وصج صج روحي بيت اهلج على الاقل هالكم اسبوع مو معقوله يستغفلج جذي
طيب انت بتسافر لندن قول ليش هالخش يعني ليش يقهرج جذي


روحي استاااااااااااانسي واطلعي مع اعيالج حبيبتي شنو ماخذه منه اهو مستانس وانت تاكلين بعمرج
طاااف لما يرد عيشيه باللي عشتيه هالسفره تطلع من عيونه خليه يقعد ابيته بروحه


ياااااارب يهون عليج

 

[LeeMa q8]

الله يعينح

 

[شيخه الحلى]

لا لا تدزين له شي خل يعيش جوه هناك ولا رد خل يشوف البيت فاضي روحي لاهلج وصكري جهازج وقولي لاهلج خل يي بيتكم يتفاهم مع ابوج واخوانج ويعلمهم اشحقه الجذب؟

ليش أخليه يعيش جوه؟؟؟؟؟؟؟
والله مثل ما نكد عليج نكدي عليه اللي مايستحي جليل الحيى
دزيله مسج وانتي بدبي وقوليلي انت يا راعي لبنان انا في دبي رضيت ولا بالطقاق
مثل ما قصيت علي ومثلت انك بالحج
انا رحت دبي
وانت ياويلك من الله
جذبت انك بالحج وانت تعربد بلبان يا ويلك من الله
انا تحسبت فيك

(خرعيه من عذاب الله لأنه قال انه رايح الحج)
خليه يخاف من الله

وديري بالج ترى انتي اللي معاج الحق لاتخافين منه ولامن 10 من أمثاله جليل الحيى