رد: { ماريا و عاشقيها } رواية رومانسية من تأليفي
البــــــــــــــــــــــــــــ الخامس عشر (15)ـــــــــــــــــــــــارت
في قصر عائلة خالد الـ... و بالتحدي في جناح خالد الأفخم من الفخم
كانوا جاعدين ع طاوله دائريه فخمة حيييل كانت طاوله صغيره لونها خشبي غاااااامق و حوليها أربع كراسي يكسوها المخمل المارون
سعود :. خالد أنت جاد بخصوص ماريا
خالد بعدم تركيز لأن كان مركز ع ورق اللعب :. هاااااااا ؟؟؟
أمجد :. لكن في النهاية ترا انت تعرف أمك و هي لازم توافق على من يكون معاك من الصديقات
خالد مرررررركز في اللعب و ما معاهم أبدا
أمجد :. إذا كنت جاد ماريا هي الوحيده إلي رح تتأذي و تتألم
خالد بإصرار و ثقة نفس كبيرة :. ما رح أخليها تتأذى
انصدموا أمجد و سعود من جدية خالد
بعد شوي
أمجد بمرح و خبث:. هااا خالد شنو كان شعورك و أنت أول مرة تقضي ليلة مع بنت
خالد :. هيييييي ترا ما صار شي
سعود مستغرب :. شنووووووووووو ؟؟ شنو يعني ما صار شي ؟؟ما كنت طول الليل معاها ؟؟؟ ( و كمل بمزح ) خيبت ظني فيك
خالد :. انتوا شنو فيكم هاذي أول مرة أطلع معاها و بعديييين أنا كنت تعبااان و أساسا البنت بعدها مو متقبلتني و لازم أكون مسؤول عن أفعالي
سهود :. شنو مسؤول ما مسؤول انت بعد ... عااادي فلها و استانس
خالد وقف من مكانه و كأن تذكر شي
خالد :. أووووووووه صح صح صح صح
و خذجاكيته و طلع من القصر بسرعه
أمجد :. شنو فيه هذا و الله انه انهبل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كانوا الثنتين طالعات قدام المحل يرموا الزباله ( و انتوا بكرامه )
شيماء :. شو رأيج بموعد مزدوج ؟؟ تعالي نسويها و الله وناسه <<<<<<<( موعد مزدوج يعني يطعوا مع بعض ماريا و حبيبها و شيماء و حبيبها )
ماريا :. طبببببعا لا
شيماء :. هالنوع من المواعيد ما صارتلنا من قبل
ماريا :. لنا ؟؟؟!! كأنج بديتي تلمحين لي
شيماء :. ههههههههههههه أوكي خلاص ما رح أقول شي ثاني
ماريا و هي تدخل المحل :. عطيني وقت أفكر فيه ( و سكتت شوي و تنهدت ) قالت :. بصراحه شوشو احسدج الشخص إلي يعجبج صار حبيبج
شيماء :. بعدج ما قادرة تنسي الأمير الفاتن صاحب النظرة الرخامية
ماريا ارتبكت :. هاااااااااااااا ( و تذكرت كل مواقفها مع هيثم و شلون كان يهتم فيها )
و فجأه كالعادة و بصوت عالي نطت خاله أمينة في الموضوع :. انسيييه
لفوا عليها شيماء و ماريا
خالة أمينه :. عشان تنسي هذاك الشاب ,, لا زم تحصلي ع شخص ثاني ينسيج,,,,,, الحب الجديد هو القادر إن يشفي القلب المجروح
نزلت راسها ماريا و كأنها تفكر
خاله أمينة:. كنت احب شخص اسمه جون
طالعوا شيماء و ماريا بعض ( يعني بدأت خاله أمينه بقصصها )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كان في سيارته الخاصه جاعد ورا فتح الدريشة و جعد يتذكر كلام أخته و يردده
( إن في الصبر فضيلة ’’’’ لازم تعطي حبك عشان تكون محبوب )
ابتسم و قرر يصبر عشان إلى ما تحبة ماريا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كانت في طريقها للبيت و في يدها منديل هيثم للحين معاها ما كانت في فرصة عشان تعطيه
تتذكر كلام خالة أمينه لها (الحب الجديد هو إلي قادر إن يشفي القلب المجروح ) و تذكرت كل مواقفها مع خالد و تذكرت لما ريم ( أخت خالد ) قالتلها أتوقع إن خالد واقع في حبج ,,,,,,,,,, صحت من إلي جاعدة تفكر فيه و حركت راسها كأنها تشيل شي من على راسها :. لا لا لا لا مستحيل
و ركضت تكمل طريقها للبيت
وصلت البيت و دخلت و قالت بمرح :ز أنا رجع.... سكتت من الصدمة فتحت عيونها و فمها ع الآخر
ماريا باستغراب :. ليش ........ أ... أق .....أقصد ليش انت هني في بيتنا
لف عليها و كان هو جاعدة ع الكرسي و أهل ماريا جاعدين ع الأرض
ماريا بعصبية و قلة صبر :. و جوتيك ( و تأشر ع جوتيه و انتوا بكرامه ) داخل البيت و ما فصخته
أبو أحمد يهدي ماريا و هو فرحان :. عادي عادي , أصلا هو جاي يعتذر لأنج رجعتي متأخر أمس
أم احمد و فرحتها ما تقل عن ابو أحمد و هي جاية من المطبخ :. ليش ما قلتيلنا إنج مع مجموعة ال ...... المالية ( تقصد مجموعات عائلة خالد التجارية )
أبو ماريا و امها و أخوها فكروا إنها أقامت علاقه مع خالد و بذلك بينهم علاقة ف كانوا فرحانين لأن غني و من الممكن إن رح يفيدهم
ماريا منصعقة و منصدمة :. هااااااا لكن
قاطعتها الأم و هي تكلم خالد و جاعدة ما بين رجليه :. من اليوم و رايح و للأبد و إلى الأبد ’.. أرجوووك تعتني ببنتنا ماريا
و انحنوا الأبو الأم و الأخ احتراما و ترجي لخالد
خالد بإبتسامة نصر على ماريا:. لا لا تسوون جذي طبعا هذا من واجبي
ماريا :. هيييي انت ... ل .... لحظة لحظة شنو جاعدين تقولوا
ماريا و لا كأنها واقفة محد معبرها
أحمد :. تشرب شي ؟؟
خالد :. ايي يا ريت و مشكووور
قام أحمد بكل سرعته و جابله شي يشربه
حاولت ماريا توقفه بس ماريا و لا كأنها موجودة
ماريا :. لحظة لحظة ليش كلكم تعاملوه بلطف
الأب و هو ميت فرح :. لأننا عائلة صح
الكل صرخ بفرح ما عاد ماريا :. صح صح صح
ماريا وصلت عندها للقمة و صرخت تكلم خالد :. لازم أتكلم معاك ( و راحت و سحبته لبرا )
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في القصر كانت بكل هدوووء جاعدة تآكل بروحا بكل تكبر و غرور و حوليها كل خدمها
جاها حارسها الشخصي حسان
و قال :. سيدتي
أم خالد :. حسان جاعده أكل ممكن ما تزعجني ( و سكتت و كملت بعد شوي ) الأمر ضروري
حسان :. حصلت في جناح السيد خالد لعبة تركيب مخليها بدون ما يكملها ( لعبة بزل ) هل من الممكن إن ما كملها عشان فتور العللاقة ما بينكم
ضحكت أم خالد ضحكة شيطانية و قالت باستهزاء :. يمكن يكون هذا هو السبب
حسان :. أنا آسف إذا قلت شي ما مفروض أقوله ........ أنا أستأذن
و راح بس وقفته أم خالد
أم خالد :. حسان
حسان :. نعم
أم خالد :. راقب لي تصرفات خالد عدل
حسان استغرب :. علم
كانت جاعده بروحها في مطعم فااااضي تنتظر خالد إلي جلسها و للحين ما رجع
انتظرت تقريبا أكثر من نص ساعه
ماريا في بالها :. ( أنا جايبته نتكلم و أوضحله الأمور بيني و بينه و ها ما أدري شنو جاعد يسوي )
و أخيرا أقبل خالد و جعد ع مقابلها
ماريا :. وينك وين رحت ؟؟ و بعدين ليش جذي المطعم فااااضي بس احنا فيه
خالد :. انا دفعت لهم حق وجبات زبائن اليوم و أكثر
ماريا بعدم تركيز و هي تشرب العصير :. اهاااااااا أوكي
انتبهت و شرقت و قامت تكح
انتبه لها خالد :. شنو فيج
ماريا طبعا لما شرقت طاح العصير عليها ’ طلعت من جيبها المنديل إلي دااااااااااااااايما يكون معاها و طبعا إلي هو منديل هيثم
خالد:. كنتي تبين تقولين شي , عشان كذا فضلت نكون بروحنا
ماريا منصدمة :. و عشان هالسبب بس اشتريت و دفعت كل هذا
خالد بتكبر مصطنع :. بصراحة حسيت اليوم فيج بعمق ,,, هاذي أول مرة أزور فيها بيت فقيرة
ماريا :. خالد انت عارف الفرق بين عائلتي و عائلتك و أتوقع إختلاف الطبقات و القيم بيننا وااايد واضحه ( و سكتت شوي و كملت ) و عشان هالشي أرجوك لا تزور بيتنا جذي فجأة
خالد رفع وجهه يطالعها و بعدين نزله و أول ما نزله طاحت عينه ع المنديل إلي كان في يدها إلي كانت ع الطاولة
أول ما خالد شاف المنديل تذكر الموقف إلي صار لما في الحفلة لما هيثم عطى ماريا المنديل و سرح شوي
ماريا :. خاااااااااااااالد تسمعني
خالد يأشر ع المنديل براسه :. هاذا مو حق هيثم
ماريا نزلت راسها للمنديل و رفعته لحضنها و ارتبكت و قالت :. ه .... هاااا
خالد :. بعدج ما رجعتيه ؟؟؟
ماريا :. اييييي م...ما...ما رجعته
خالد حس دمه يفووووور بس بين هااادي و وقف قال :. انتي ............... تحبين بهيثم ؟؟
ماريا استغربت السؤوال :. هاااااا ؟؟؟
خالد :. بالرغم من إن هيثم را ح مع حبيبته ( و شد ع كلمة حبيته ) رنا بعدج تحبينه و تفكرين فيه ؟؟
ماريا :. الأمر مو جذي ,,,,,,,, أساسا هالأمر ما يخصك
خالد بحده :. طبعا يخصني
استغربت ماريا و شافت عليه باستغراب
خالد :. هيثم واايد يحب التفاح
ماريا في بالها أهبل و الله أهبل شنو دخل هذا بهذا :. شنووووو ؟؟؟
خالد :. اييي هيثم يحب التفاح يحبه واااايد لكن ما يآكل إلا التفاح المبشور ,,,,,, و أنا أشوف إن شي ما رجولي إذا ما يقضم التفاحة قضمة كبيرة و يوم من الأيام قلتله ترا التفاح المبشور رح يخلي شعرك يتساقط حتى الصلع ( و كمل خالد بضييق ) طبعا كذبت عليه و من يومها و هو ما يآكل أكلته المفضله ( تنهد بضييق ) سرقت منه أكلته المفضلة
ماريا مستغربه بلاهة خالد ( ترا خالد مرات وااايد أهبل و يربط الحابل بالنابل )
ماريا :. خالد ترا أنا مو فاهمه شي
خالد :. باختصار ... إذا حبيتي هيثم
قاطعته ماريا و هي تبي تموووت من كثر ما هي كااابته ضحكتها شنو علاقة هذا بهذا صجج أهههبل :. أنا ....... لكن ...... أقصد ....... إذا حبيته فعلا أصلا هو عنده رنا
خالد :. إذا فعلا حبيتي هيثم ترا هيثم بعد رح يحبج
ماريا لازالت كابته ضحكتها ما تبي تضحك و هو جااد
خالد بعد فترة قصيرة من السكوت بينهم :. ماريا ....... أنا .. أنا قررت إنج انتي البنت إلي رح أثق فيها
و ظلت فترة عيونهم في عيون بعض ماريا كانت تشوووف الحب و الحنان بعيونه
لكن خالد ما فهم نظرات ماريا
رجعت ماريا البيت و أكييييييييد طبعا حيوها أهلها لأنهم كانوا عارفين هي ويين رايحه و قالولها تشد حيلها مع خالد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اليوم الثاني في المدرسة
ماريا كانت تطالع مكان مرام و تقول في بالها (وينها مرام ليش ما تداوم )
فجأة جيوها بنات :. ماريا انتي ما نسيتي عزومتنا اليوم صح ؟؟؟
ماريا مستغربة :. عزومة
البنت :. اييي ما تذكري عزمتج ع النادي الليلي
ماريا :. النادي ؟!!!
البنت :. اييييييي لا تقولين ما رح تجين رح نزعل عليج
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كانت تنظف زجاج المحل رن تلفونها و المتصل كان ماريا
ماريا :. هلا شوشو
شيماء :. هلا و غلا هاا وينج
حكت ماريا لشيماء السالفه
شيماء :. أوكي حبيبتي خذي راحتج أخليج ألحين عندنا زبائن
و صكرت التلفون و لفت عشان تشوف منو هالزبائن ,,,,شافت شابين وسيمييين
و حاولت تتذكر وييين شايفتهم ويييين شافت أمجد و تذكرته عدل
شيماء بتردد و ارتباك :. ت..... تف....تفضلوا
أمجد :. ماريا موجودة؟؟
شيماء :. لا مو مداومه اليوم
سعود :. انتي و هي من متى صديقات
شيماء :. احنا صديقات من الابتدائي
سعود :. يعني انتي أعز صديقاتها
شيماء:. تقدر تقول
مسكها أمجد من يدها و قال بهدوء :. ممكن من وقتج شوي
ارتبكت شيماء و خافت :. ه .....ههااااااا .... لااااا .أص ......أصلا أنا مشغولة ألحين و سحبها أكثر و قال شوي بس
طلعت خاله أمينه و قالت :. شنو في شنو صاير ؟؟
أمجد بخبال :. ممكن نستعيرها شوي
خاله أمينه :. شنو هي عشان تستعيرها ,,, يلا أشوفك رجعها و لا اتصل بالشرطة
سعود فتح يده كله و قال :. رح أشتري كلللللللللل شي
خالة أمينه :. خذوها حتى تردوها بعد يوم
( خاله أمينه طبعا ما سوت كذا إلا لأنها مطمنه من الأشخاص لأنها وااايد تعز شيماء و ماريا )
شيماء :. عاااااااااااااااااد مسرع ما غيرتي رايج
و دخلوا شيماء السيارة غصب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في أحد النوادي الليلية الراااقية
كانت تلف ع المكان بعيونها و شوف اللايتات و الرقص الجماعي ,,,,,,,,,,عجبها الجووو
فاجأوها صديقاتها من وراه :. مراوي تعالي نشرب
و راحوا مع بعض و ما شربت ماريا
البنات كانوا يأشرا ع شاب لابس أبيض و بنطلون أسود و واااقف بروووحه
وحده من البنات :. بنات شوفوا جاي عندنا
الثانية لما اقنرب أكثر :. بنات شوفوا ما يشبه هيثم
الولد :. هلا مساء الخير
ماريا ارتبكت يوم سمعت هيثم
ماريا :. بنات عن أذنكم بروح شوي دورة المياه ( الله يكرمكم ) و راجعه
راحت ماريا و قبل لا توصل لفت على صوب البنات و لقت الولد يطالعها و غمز لها بخبث ,,,,, خافت و كملت طريقها
يمممممه احس هالولد خرعني؟؟
و انتوا مثلي أنا و ماريا و لا لأ ؟؟
بس كأنهم قالوا انه يشبه هيثم ؟؟ يمكن أخوه ؟؟ أو ممكن يكون العاشق الثالث و يزيد ماريا حيرة فوووق حيرتها ؟؟ وعليي يا ماريا
نشووووف شنو رح يصيييييير
