التجمع الثاني لطالبات { كـلـيـة الـحـقـوق ] جامعة الكويت . حياكم الله

[أحلى زمان]

she is ..

بتكلم عن المواد و الدكاتره كوجهه نظر و تجربه

دستوري : حاولي تتجنبين الفيلي .. يمدحون الحميده و جربته بجم محاضره

اهو يمكن شوي ما يوصل المعلومه بسرعه بس خلوق و طيب و كريم بالدرجات

اكثر من مره يكرر هالجمله ( لو انتوا طلبتي ضمنوا الامتياز )


اصول قانون : عبد الرحمن الرضوان .. احبه وايد هالدكتور .. استمتع وايد بمحاضرته

نوعه ان طول السنه يسال شفوي .. و يطلب دراسه اول باول .. و يهزأ الي ما تمشي سيده

و لا تدرس .. بس كل هذا بمصلحه الطالب .. من ناحيه الشرحه شرحه قوي يوصل المعلومه بطريقه اكثر من روعه

و بالنهايه يعطيج بونص ..

مبادئ اقتصاد : انا خذيتها عند بدر المطيري .. ما ابالغ اذا قتلج ما كنت اعرف شنو اهي الماده

بحكم ان شوي فيها علمي .. فكنت بعيده عنها ماادري وين الله قاطني فيها هههه <<< ادبي بحته

و كنت انام بمحاضره الدكتور لان شرحه شوي يدوخ

بس للامانه خوش دكتور .. و الي صدمني درجتي من حيث الاعمال و الفاينل كل درجه احسن من الثانيه



شريعه : كلهم فيهم الخير لا تحاتين اي دكتور يطلع لج بكون زين..

لكن الاحسن و الافضل .. افضل عصام العنزي .. و يمدحون السبيعي و الهاجري


اختياري : الكل وده بعلم اجرام ..

انا ما حصلتها فخذيت نظم سياسيه و قانون .. عند خالد الهندياني

محاضراته يمكن تنعد عالاصابع . امتحاناته سهله .. بس ما عجبني

المحاضره كلها سوالف .. يمكن يختصر الكتاب بجم محاضره بس

يعني لازم تعتمدين على دراستج ..مو على شرح الدكتور


قاعه بحث .. اخذتها عند ايناس العازمي .. خوش وحده
بس ما تفرق عند اي دكتور تاخذينها لان ماده عالماشي مثل ما يقولون

و ان شاء الله اكون افدتج

 

[أحلى زمان]

امبراطوريه الزين ..

اي و الله الحمد الله .. اللهم لا اعتراض

 

[Dazii]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بناات ساعدوونا بخبرتكم
انا بكتب كل الدكااترة وكل وحده تعطي رايها
هذوولا الدكاترة اللي نزلو حق سنه اولى

1- اصول قانون
د.ياسر الصيرفي
د.مشاعل الهاجري
2- مبادىء اقتصاد
د.بدر المطيري << بس البناات يقولون في 4 دكاترة اسمهم بدر المطيري ومادري اي واحد فيهم
د.خالد حلمي زغلول
3- قانون دستوري
د.خليفه الحميده
د.محمد الفيلي
د.عبدالله الرميضي
4- شريعه
د.ابراهيم السبيعي
د.محمد الحمود

5- قاعة بحث
د.ياسر الصيرفي
د.هيثم الاثري
د.منصور العتيبي
د.محمد الفيلي
د.عيسى العنزي
د.احمد الرشود
د.عبدالعزيز العنزي
د.عبدالله الحياان

(( بليز بنات كل وحده خذت عند هالدكاترة تقولنا شنو طلب لان البنات يقولون في دكتور يبي بحث وفي دكتور مايبي بحث بس امتحان
وفي دكتور مشاركه ومناقشه ))

والموااد الاختياريه اهيا
أ- علم اجرام
د.عبدالعزيز العنزي
ب- حقوق انسان
د.مدوس الرشيدي
ج- تاريخ القانون والتنظيم
د.خالد الهندياني

واتمنى كل بنت تتكلم عن خبرتها مع الدكتور اللي يكون مدرسها مو من الكلام اللي سمعته عنه
مع خالص الاحترام والتقدير لكل دكاترة كليتنا الاعزاء
هذي مجرد اراء وحريه الراي من الديموقراطيه << شفييها

<< جني من الحين صرت قانونيه $$
لوووووول
وفدييتكم حقووقياات
اتمنى تفيدوناا
^
^
^ خوااتكم المستجداات سنه اولى حقووق

 

[أحلى زمان]

Dazi :
2- اصول قانون
حسافه اذا مو منزل الرضوان
بس ان شاء الله طلبه ياسر يفيدونج
و مشاعل اول مره اسمع فيها

2- مبادىء اقتصاد
بدر المطيري .. ما اعرف اسمه الكامل المشكله .. في بدر بجاد المطييرري بس مو هذا اهو
و في بدر ماجد المطيري .. اتوقع هذا اهو و عطيت رايي فيه ..

و زعلول بعد زين بالدرجات


3- قانون دستوري
د.خليفه الحميده << الافضل من بينهم
د.محمد الفيلي << ما انصح
د.عبدالله الرميضي<< فيه من يقول مو زين و فيه من يمدح


4- شريعه
د.ابراهيم السبيعي<< يمدحونه وايد
د.محمد الحمود<< ما سمعت فيه من قبل

5- قاعة بحث
د.ياسر الصيرفي
د.هيثم الاثري
د.منصور العتيبي
د.محمد الفيلي
د.عيسى العنزي
د.احمد الرشود
د.عبدالعزيز العنزي
د.عبدالله الحياان

و لا واحد جربته بقاعه بحث

(( بليز بنات كل وحده خذت عند هالدكاترة تقولنا شنو طلب لان البنات يقولون في دكتور يبي بحث وفي دكتور مايبي بحث بس امتحان
وفي دكتور مشاركه ومناقشه ))

والموااد الاختياريه اهيا
أ- علم اجرام << اذا حصلتي هالماده لا تترددين تاخذينها
د.عبدالعزيز العنزي
ب- حقوق انسان
د.مدوس الرشيدي<<< ابعد عن الشر يا عمري و غنيلو
ج- تاريخ القانون والتنظيم
د.خالد الهندياني<< حلوه الماده و عطيتي رايي فيها من نايحيه الماجه و الدكتور

واتمنى كل بنت تتكلم عن خبرتها مع الدكتور اللي يكون مدرسها مو من الكلام اللي سمعته عنه
مع خالص الاحترام والتقدير لكل دكاترة كليتنا الاعزاء
هذي مجرد اراء وحريه الراي من الديموقراطيه << شفييها

و جني وهقتج بردودي

و موفقه حبيبتي

 

[Dazii]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

أحلى زمان

مشكوورة حبيبتي وماقصرتي
ومشالله الاغلبيه نفس الراي عن بعظ الدكااترة وانشالله الله يسهل
وناخذ عندهم
ننطر اراائكم الباجيه
يا احلا حقووقيات

 

[أحلى زمان]

..

حياج الله حبيبتي تستاهلين

و الله يكتب لج الي فيه الخير

 

[روح الغلا]

مشكوره آحلى زمااان واااايد افدتينااا ..:tek:

وينكم حقووووقياااات ,,

لايووووقف .. نبي بالتفصيل ,, امتحاناتهم \ شرحهم \ تعااملهم واسلوبهم .. :gathering:

 

[أحلى زمان]

روح الغلا ..

ولوو بالشوفه @@ ;p

 

[kwt-oo]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

انا بعد صاكة فيني الدنيا وطول اليوم وانا ابجي معقولة لا مستحيل
جبت اقل من درجة امتحاني الاول مع العلم اني داخلة التكميلي اختياري
يعني بياخذون الدرجة القديمة 69 بس بنات انا كنت حيل متفائلة وانا متأكدة
اني حليت الامتحان زين يعني مو معقولة :0bee2e8d89:

تصدقون من كثر ما احس اني تعبانة نفسيا والله يا بنات اليوم جمعة خوالي عند بيت
خالتي علشان عرس ولد خالتي يوم الثلاثا ما قدرت اروح .. احس ما فيني شدة
الحمدلله على كل حال مع اني متأكة مليووووووووووووووون % اني حاله
التكميلي صح وادنى درجة يمكن اجيبها 74 > جايبة 66 .. الله كريم بس وحسبي الله
ونعم الوكيل فيهم جانهم ظالميني ​

 

[روح الغلا]

حباااايبي ,, هذي الدنيااا ؟؟

تعوووضووونهاا ان شااء االله ..

لا تزعلوووووووون .. والله حاااسه فيكم ..

زين تقدرون تعيدون المااده مره 2 ؟؟ ولا ..

 

[أحلى زمان]

kwt-oo

الحال من بعضه ..

و جد ترا الاغلب درجاتهم حيل متدنيه

انا من الصدمه ما صدقت رحت لي الجامعه اشوف بعيني الدرجه

و كنت واثقه من حلي و توقعت اييب نفس درجتج اقل شي

بس السالفه فيها ظلم

بس الحمد الله على كل حال

 

[أحلى زمان]

,,

انا قاعده افكر اعيدها ان شاء الله

بس بخليها لي سنه رابعه لان ثانيه و ثالثه ضغط

فالله يكتب الي فيه الخير

 

[kwt-oo]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

اي والله الحمدلله
خيره فيما اختاره الله

 

[روح الغلا]

الله يعين ..
وموفقين ان شااء الله ..

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

قالولي مرافعات اصعب شي

مرافعات - جزاء - اداري

اكثر 3 مواد يبيلهم مجابل

وبرايي مرافعات اهونهم الصراحه

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

لوير افا بس افا يا ذا العلم

اسأل عنج وادلعج بأسمج وحقرتيني شغلتيني عنج بشري

حياتي انتي يا رمووز

بيني وبينج قريت الدلع بس قلت الركاده زينه ولاتصيرين مطيوره لوووول :23_asmilies-com:

وناسه دلعتيني ؟ اخجل ترى :eh_s(22):

سلمج الله امتحنت جزاء ولاتعليق مادري الصراحه ، الله يستر

وعقود قررت اعيد الماده ومادخلت الامتحان

مشكوره وايد عالسؤال بعد عمري انتي :nbvppw:

 

[L a w y e R]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

السلام عليكم
بنات انا يوم الاحد تسجيلي مبجر فان شالله بحيل الله آسجل عند الدكاترة الي سمعتهم طيبة بس انا توني عليمية فماعرف الدكاترة عدل وياريت لو تفيدوني بهالخصوص وتقولولي اذا هالدكتور زين ولا لا وشنو نظامه

عند دستوري : خليفه + قضايا الفيلي حتى لوتحضريله استماع

اصول قانون : مشاعل - الرضوان

مبادئ اقتصاد : بدر + زغلول الاثنين زينين

شريعة : ماعرفهم بس دكاترة شريعة زينين + يمدحون السبيعي

اختياري قرررت آخذ علم اجرام - اللي يدرسها عبدالعزيز العنزي ومادري عن المطيري

قاعة بحث : العنزي

ولغات عبدالرضا - هناء بوقريص ، والامتحانات سهله في اغلبها اسئله موضوعيه

وسوري عالطوالة

هذا ردي عليج حبيبتي

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بناات ساعدوونا بخبرتكم
انا بكتب كل الدكااترة وكل وحده تعطي رايها
هذوولا الدكاترة اللي نزلو حق سنه اولى

1- اصول قانون
د.مشاعل الهاجري
2- مبادىء اقتصاد
د.خالد حلمي زغلول
3- قانون دستوري
د.خليفه الحميده
4- شريعه
د.ابراهيم السبيعي

5- قاعة بحث
د.عيسى العنزي
د.احمد الرشود
د.عبدالعزيز العنزي
د.عبدالله الحياان

(( بليز بنات كل وحده خذت عند هالدكاترة تقولنا شنو طلب لان البنات يقولون في دكتور يبي بحث وفي دكتور مايبي بحث بس امتحان
وفي دكتور مشاركه ومناقشه ))

للامانه انا اخذتها عند فايز الظفيري وهالسنه مو نازل ، وسنه ثانيه كنت عند عبدالعزيز العنزي وموضوعه وايد كان حلو وصعب تسوينه عند مكاتب ، درجتي كانت كويسه بس مو اللي اتمناها

والموااد الاختياريه اهيا
أ- علم اجرام
د.عبدالعزيز العنزي
ب- حقوق انسان
د.مدوس الرشيدي .. لااااااا يحووووووووووشك
ج- تاريخ القانون والتنظيم
د.خالد الهندياني

واتمنى كل بنت تتكلم عن خبرتها مع الدكتور اللي يكون مدرسها مو من الكلام اللي سمعته عنه
مع خالص الاحترام والتقدير لكل دكاترة كليتنا الاعزاء
هذي مجرد اراء وحريه الراي من الديموقراطيه << شفييها

<< جني من الحين صرت قانونيه $$
لوووووول
وفدييتكم حقووقياات
اتمنى تفيدوناا
^
^
^ خوااتكم المستجداات سنه اولى حقووق

رديت عليج حبيبتي

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

نصيحه للخوات المستجدات ، تجنبوا د.مدوس مع احترامي الشديد له ولعمره

بس كلش مو حقاني بالدرجات

يعني عادي تستحقين فل مارك وينقصج 3 او 4 درجات

ليش ؟

والله درجاتي نسبه وتناسب

مايصير الكل اييب فل مارك !!

واي ضيم مابي اتذكر :/

 

[اصيلة]

امبيييييييييييه بنااااات احس دخخخخخخخخخخخخخت كل وحده تقول دكتورها اللي تفضله و اغلبكم متظاربين مع بعض

و دكتور بدر المطيري اي واحد انا اللي قابلني بالمقابله شوي اسمر و له عوارض اهو هذا اللي منزل مبادئ اقتصاد ؟؟؟؟؟؟؟؟؟؟؟؟؟؟؟؟


ماني عارفه قولولي ؟؟؟؟؟؟؟؟؟؟؟؟؟؟؟؟؟؟؟؟؟؟؟