التجمع الثاني لطالبات { كـلـيـة الـحـقـوق ] جامعة الكويت . حياكم الله

[فز^الخفوق]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

cup cake's

قولي فديتج زيادة الخير خيرين.....صج البنات ماقصورا اكتبوا تجاربهم يعطيهم العافيه بس انا محتاره

لان كل وحده تقول لنا حسب تجربتها يعني في اختلاف آراء...

وبخصوص الوقت شنو صار في تغيير ولا ....انا الصراحه ماكتبت الساعات قلت راح يتغير...​

 

[cup cake's]

اوكي حبيبتي ( فز الخفوق ) .. بس قبل كل شي ..
ترا كل الكلام اللي راح أكتبه مو رأي بنت و لا بنتين بالكليه ... رايهم كلللهم ...
و بالنسبه للساعات ما سجلتها لأن احتمال يكون فيها تغيير

تفضلي ..



عطونا المواد اللي لازم ناخذها سنه أولى و هي 6 مواد .. و الدكاتره اللي منزلينها هالسنه ... ركزواااا معاي


* قاعة بحث : عليها وحدتين .. و يقولون هالماده سجليها آخر شي ..
و الدكاتره اللي منزلينها هم :
1- مشاري العيفان : حبوب و يعطي بونس بس لازم تهتمين بالماده .. ما يطلب بحث .. يطلب تقرير أو يحط درجة التقرير من المشاركات ...
2- هيثم الأثري : شديد حيل ..
3- منصور العتيبي : يعطي كويزات واجد .. بس يراعي نفسية الطالب .. لكن يبي انضباط .. << نو نو
4- محمد الفيلي : يحب يتفلسف .. سياسي درجه أولى .. مزاجي بالدرجات .. عموما مش ولا بد .. << و زوجته دكتوره بنفس الكليه << شكوو لووول
5- عيسى العنزي : عااااادي .. طيب .. يعطي درجات ..
6- ياسر الصيرفي : مصري .. مزاجي .. دايم مضغوط .. أوكي مع طلبة سنه أولى بس خسف بدرجات سنه ثالثه ..
مزاجي مزاجي مزاجي
7- عبدالعزيز العنزي : ما يكدش .. يحاسب ع الحضور و الغياب .. غشمرجي << أهم شي .. يعطي 100% .. ما يعطي كويزات ... و ما يطلب بحث يقول مو إجباري على طلبة سنه أولى .. باختصار رووووووووووعه <<< عجبني حيل
8- عبدالله الحيان : هااادي .. مو هو اللي يزف البنات.. البنات هم اللي يزفونه .. يرااااعي ظروفج حيل .. يعطي درجات و يهبل
9- خالد الهندياني : نفس عبدالعزيز العنزي ...


*أصول قانون : عليها 6 وحدات .. و تعتمد ع الفهم ..
و اللي منزلينها :
1- ياسر الصيرفي : موجود فوق ^^^ .. شرحه حلو .. حقاني بالدرجات .. و طيب .. و يحب الكتاب ..
2- مشاعل الهاجري : سفووور .. و نتفه و تهبل جنها طالبه <<< على كلامهم انا ما شفتها ... تقول إنها قممممممممممممه و على راس الدكاتره كلهم .. تعطيج حقج إذا انتي صج تستاهلين .. funny حييييل محترمه مع البنات .. تعطي من نفسها .. امتحاناتها قضايا ( و تعتمد ع الفهم ) .. تهدد بالكويزات بس حقااانيه ... و محاضراتها قضايا تربطها بالبابايات توونس


* مبادئ اقتصاد : عليها 4 وحدات ..
و اللي منزلينها :
1- بدر المطيري : طييييييييييييب .. يعطي 40 أعمال السنه كامله .. يفهم عدل لأنه يحب مادته .. بامتحاناته الفاينل يجي ع الفهم .. يعني تحضرين المحاضرات راح تحلين بالامتحان .. و الفاينل ماله مافي قضايا ..
2- خالد زغلول : <<< أحس إنها قزوووم و مدلقم لووووول من اسمه .... يعتمد على الحفظ يعني حضرتي معاه ما حضرتي معاه نفس الوضع راح تاكلينها بالفاينل .. نظامه يقرا الكتاب و يطلع و ماله شغل فيج .. و الحضور والغياب عادي عنده ...


* دستوري : عليها 6 وحدات .. يمكن يشدون علينا لأن ماخذين دستور بالثانويه ... بس يعتمد ع الدكتور نفسه ... ما نحفظ نصوص المواد نفسها لأن إحنا مو فلاش ميموري 32 قيقا .. و ما نحفظ القواعد ... تعتمد ع الحفظ نفس الثانويه ... بس في قواعد يبيلها شوية فهم ... و نجيب معانا الدستور اللي عطونا إياه ...
و اللي منزلينها :
1- محمد المقاطع : يكدش بس يعطي 40 أعمال السنه ... يبني شخصيتج القانوينه .. يعيشج القانون على أصوله .. وحده من البنات تقول لولا هالدكتور ما وصلت لـ سنه 4 .. و لا شاركت بالاتحاد .. و خلاني أتجرأ أكثر ... << شجعني كلامها ... يؤسس عدل .. امتحاناته سهله .. فيها قضايا .. تعتمد ع الفهم .. يهتم بشخصية الطالب حيـــل .. << تقول ودانا سرداب مجلس الأمه و خلانا انطلع حضور و غياب الأعضاء .. و امسوي لنا كرنيهات عشان ندخل الأماكن القانونيه مثل الشجون و المحاكم و غيرها بدون لحد يمنعنا ... بصراحه حيل عجبني ..
2- بدر المطيري : أول مره ينزل دستوري .. يشرح أوكي و يعطي درجات .. و مثل الكلام اللي قلته فوق ^^^
3- خليفه الحميده : يشتغل ع البوربوينت .. حليو .. حقاني حييييل .. يعطي بونس مرات .. ويبي حفظ ... يعني تدخلين الامتحان و تكتبين على فهمج يشطب السؤال ويحط x .. << ما أحب جذي
4- محمد الفيلي : مزاجي .. و مثل الكلام اللي قلته فوق ^^^


* مدخل شريعه : عليها 6 وحدات ..
اللي منزلينها :
1- إبراهيم السبيعي : روووعه .. كلهم يعطون A
2- محمود محمود : نفس السبيعي و إمتحاناتهم سههههههله حيل ...


ألحين مواد الاختياري ....
ما نزلوا إلا ثلاث مواد .. و كل ماده ما نزلها إلا دكتور واحد .. يعني تختارين الماده و دايركت يسجلونج عند الدكتور و المواد هي :
1- علم الإجرام و العقاب >>> عند عبدالعزيز العنزي : امبطل شعبتين .. حييييييييييييل سهله .. و بسرعه يخلص الماده .. أسهل ماده من مواد الاختياري ..
2- تاريخ قانون و تنظيم :>>> عند خالد الهندياني : حيييييييييييييييييل سهله تقريبا نفس الثانوي ..و قالوا إنه أحسن من عبدالعزيز العنزي .. لأن الهندياني يعطي بالتسعين أما العنزي .. حبوب و حليو ... بس ما يعطي كثر الهندياني بمواد الاختياري ..
3- حقوق إنسان >>> عند مدوس الرشيدي : يقولون آخر شي فكروا فيها ..



و سلامتج ... أي استفسار أنا حاظره

 

[cup cake's]

رمز الوفا

^
^
ايه ان شاء الله تتوظفين أحسن وظيفه ..

يس مستجده .. توني بقراطيسي ..

 

[3ian-el7r]

فديتج كب كيك قلللبي ع هالشرررح وايد استفدت
وان شاااءاالله يضضضضضبط جدوولي والقى شعب عند اللي ببالي يااااارب

 

[فز^الخفوق]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

cup cake's

تسلمين ياحياتي ماقصرتي

وانشالله كلنا نسجل اللي نبيه والله يسهل امورنا

موفقين​

 

[~.ąvȍƈaȚ.~]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

اممم شوفي خل اشرح لج شوويه

كليه الدراسات العليا مقرها بالخالديه اهيا اساسا دور واحد في مبنى هههههههههه

يعني هذا احنا تابعينه بكل شي من ناحيه القبول والتسجيل واي مشاكل تصير نروح مناك

ولكن بالنسبه للدوام والدراسه .. كل تخصص يداوم بكليته

يعني انا اداوم بالحقوق ولكن مثل ماقلت لج تبعيتي للدراسات العليا

بتقولين شلوون ؟؟

مثلا اي مشكله تواجهني ماقدر اروح لعميد الحقوق ولا العمداء المساعدين

لااازم اروح لعميد الدراسات العليا او العمداء المساعدين .. او مدير برنامج القانون

وبس سلامتج وتعيشين

اهاا اممم حلو حلو مثل ما توقعت لأن كلية الدراسات العليا صغيرة قاعده اقول شلون كلهم يدرسون فيها <<< ذكيه :$ :s

و اتوقع النظام جذي احسن...بس لو ينقلون كلية الدراسات العليا حق شويخ احسن عن زحمة المواقف هناك <<< مادري منوو طلب رايي لوووووووول

موفقة حبيبتي و انشالله عقب سنة و الا سنتين بالكثير نشوفج دكتورة :**

 

[cup cake's]

3ian-el7r <<< يا حياتي و الله ما سويت إلا واجبي و أقل بعد .. خواتي و أبي أنفعكم فديتكم كلكم ...
و إن شاء الله يضبط جدولج حبيبتي ...

فز^الخفوق <<< الله يوفقج إن شاء الله و تحصلين الدكاتره اللي بخاطرج ...

و إذا صار تغيير بالساعات أو زادت ماده أو شي راح أحاول أقولكم هنيه بالتجمع ..

أحــــــــــبـــــــــــــكـــــــــــــــم

 

[3ian-el7r]

فديتج واحنا نحببببج يالحقوووقيه:$

 

[~.ąvȍƈaȚ.~]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بنات شتتوني و افتر راسي



الدكاترة اللي منزلين مواد سنة اولى اللي كاتبتهم Dazii غير عن اللي كاتبتهم cup cake's

وااااي بصراحة حايشني رعب من الفيلي و مدوس الرشيدي خرعتوني منهم مابي اطب عندهم :\ !!

نـــــــــــــــــــداء للي عندها خبرة في كلية الحقوق (المستمرات)

عندكم ارقام مقررات مواد سنة اولى ؟!

اللي عندها لا تبخل علينا ;S

 

[~.ąvȍƈaȚ.~]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

>


>


>


>

أسحب اللي قلته مساع لقيتهم لله الحمد ان غيروا كليتي بالسستم أخيراااااااااااااااااااا احس راااااااااااحة اللحين صج احس اني حولت

و طلعت من موقع جامعتنا الموقر

بس عندي استفسار

اللحين يوم دشيت السايت صوب الملخص لقيت اوكي غيروا الكلية بس ما صفروا الوحدات و لا صفروا المعدل اللهم شالوني من قائمة الشرف و كنت مجتازة كورس واحد اللحين خلوه -1 !!!

و جدولي ما سحبوه

ما تدرون شسالفه ؟!

 

[cup cake's]

~.ąvȍƈaȚ.~

تدرين ليش ؟! .. لأنهم قسمونا ... و حطوا كل مجموعه بغرفه .. و كل بنت تختلف طريقتها عن الثانيه ..

و بالنسبه للـ فيلي .. آنا بنت عمتي ماخذه عنده السنه اللي طافت و الله يسامحه ظلمها بالدرجات .. و تقول لااااا تقربين صوبه
و مدوس الرشيدي : هو مو منزل إلا ماده وحده اللي هي حقوق إنسان ... و يقولون البنات خلوه آخر اختيار لكم ... يعني إذا ما حصل الهندياني أو عبدالعزيز العنزي .. ما راح يبقى لنا إلا مدوس الرشيدي فـ راح نكون مجبورين نسجل عنده ..

بس على فكره التسجيل يوم الأحد راح يكون على حسب النسب ... يعني اللي نسبهم مرتفعه راح تكون لهم الأولويه

و يا مستمرااااااات الحقوق فيدونا أكثر الله يعافيكم

و بالتوفيق حبيبتي .. و إن شاء الله سهالات

 

[~.ąvȍƈaȚ.~]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

cup cake's

مو انا محوله عشان جذي خايفه تروح علي المواد عرفتي تسجيلي يوم الخميس و بالنت بعد لحق ما تلحق لووول !!

و الا جان زين على نسبتي الثانوية جان سهالات

و لا تخافين الفرص نفس الشي بالنسبة للنسب المرتفعة و الاقل منهم

لأن نظام التسجيل ان مثلا تكون كل الشعب مفتوحة اول شي قولي يسجلون 5 بنات بكل شعبه بعدين تتسكر حق البنات اللي عقبهم و ترد تفتح عشان ما يتيمعون المتفوقات كلهم بشعبه وحده ... فهمتي قصدي ؟؟

انا العام جذي انصدمت كنت 5 وحده اسجل و صج ان في بنات مقبولين فوري بس عاد مو لي درجة ان مسكرين الشعبة :\ قلتلها شلووووووووووون و فيني بجية و حالتي حاله لووول طلعت السالفة ان يسكرون الشعبه لأن بنات اقل من نسبتي بوايد و مسجلين بالمادة اللي كانت بسجل فيها و لقيتها مغلقة وقت التسجيل !! <<< ادري فريت راسج

بس بعد تدرين نظام الجامعة العجيب

 

[cup cake's]

^
^
^


آهـــــــــــا ... و آنا عبالي مستجده

يالله مو مشكله إن شاء الله تفتح لج المواد ... و تحصلين عند دكاتره كويسين << إدعي ألحين ترا الدعء بين الأذان و الإقامه مستجاب

و إن شاء الله أحصل عند الدكاتره اللي منيشنه عليهم ..

و بالتوفيق حيااتي

 

[cup cake's]

.
.
.

يالله صبايا بروح أبلع على ما يأذن .. و أقعد عند خواتي عشان ما يزفوني <<< كله يقولون 24 ساعه بـ كويتيات

بنزل عشان ما يشرشحوني ..

أورفواااااااااار

 

[zain 3la zain]

رد: رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بناات ساعدوونا بخبرتكم
انا بكتب كل الدكااترة وكل وحده تعطي رايها
هذوولا الدكاترة اللي نزلو حق سنه اولى

1- اصول قانون

مااعرف احد فيهم
2- مبادىء اقتصاد
د.بدر المطيري <<
خذت عندهـ هالماده طلب منـآ تقرير مدري بحث ..ْ والحضور مهم عندهـ ..~ كل جم اسبوع يسوي كوز
عشان وقت الفاينل تكونون مشطبين ع الكميه .. ووواايد يرااعي بدرجات الاعماال

3- قانون دستوري

د.محمد الفيلي
وااايد بناات حذرووكم منه ادرري ..!! بس ترا الصج العكس تماااااامااااا ..!! انا اول شي مشتطه احضر وانوت معااه
اوول بـ اول .. ( بصراااحه ماكنت اقرى النوت ولا ادرس منه ) بس من قمت اكتب عرفت طريقه اجابته وشنو نركز عليه .. اول ميدترم لي وااااو درجتي فوق ماتخيلت .. وكله من التنويت والحضور ,, بعدين تحمست قلت لا شااطرهه مـآيحتاج احضر من له خلق يقوم 8 : وكليتهـآ صج بـ الميدتيرم الثـآني .. بس حقاااااني 100 % درجااتج تااخذينهــآ بدون نقصصان اعتقد كان بيده 10 عطانـآ ايـآهـآ كاامله .. مايسجل حضور وغياب .. بس ترا الحضور عنده مههههههههههههههههم حييييل وايد يفيدج شرحه بالامتحان لدرجه مره عطانا قضيه ولا تجي بامتحان الفاينل ونااسه ) شدعوهـ عرفت احلهـآ عـآد : الخلاصه اخذي عندهـ لو يناسبج المووعد ترى خوش دكتوور


د.عبدالله الرميضي
4- شريعه
د.ابراهيم السبيعي
يهبل هـ الدكتوور واهم شي عنده الحضوور ..امتحاناته حلووهـ بس عيبه شررحه
ينووم والبنات تملل من المحااضرهـ .. بس الاعمال كانت للغالب من 35 الى 40
مااقصر صرااحه )

5- قاعة بحث
د.عبدالعزيز العنزي
خذيت عندهـ قااعه بحث اول اسبوع ودتنـآ المعيده للمكتبه وعرفنا جم شغله .. حلوه الماده عندهـ اهم شي الحضووور
مع انهـآ قـآعه بحث ) وايد محااضرات كان يعتذرر وخلصنـآ مبجرر من المـآدهـ بس اخرر شي طلب
منـآ مـآدري بحث مـآدري مقـآبله مـآدري شنو وزعنـآ قروبـآت وندخل عليه يكلمنـآ عن موضوع معين تقريبـآ سأل سؤآلين للقروب كله عبـآره عن 5 بنـآت .. وكل وحده تجاوب اخر شي قال اوكي .. بالدرجات لقيته منقصني مع اني جـآوبت زين ع اي اسـآس يعني يمكن وحدهـ بالقروب شوي خربطت بس البـآجي شكوو ..؟ والعيب الثاني انه خلا وقت هـ الاسئله قبل الفاينل باسبووع اعتقد ( يعني الناس معطله من زماان ) واحنا رايحين حق قااعه بحث ..!!
جان سويته مبجرر وخلصنـآ بمـآ انه اوريدي احناا خالصين من المادهـ بدرري .. بس الشكوى لله
سووري وايد قررت قلبي مترووسه على قوله افوووي :



(( بليز بنات كل وحده خذت عند هالدكاترة تقولنا شنو طلب لان البنات يقولون في دكتور يبي بحث وفي دكتور مايبي بحث بس امتحان
وفي دكتور مشاركه ومناقشه ))

والموااد الاختياريه اهيا
أ- علم اجرام
د.عبدالعزيز العنزي

حضرتله جـم محـآضره ..~ امم اسلوبه يـآخذ المحاضرهـ ضحك وتمرر المحاضرهـ بسررعه
بـٍ وقت الامحان توهقـو ..~ وامتحان الفاينل كان صعب نوعـآ مـآ

ب- حقوق انسان
د.مدوس الرشيدي
مـااعرفه

ج- تاريخ القانون والتنظيم
د.خالد الهندياني

اينن هـ الدكتوور ثلاث اربـآع المحاضراات معتذرر :
وتيي المعيدهـ بدااله شررحه بسيط وسرررريع ممكن بـ نص المحااضرهـ
يقول خلاص خلصنـآ توكلو على الله ..~ اممم يطلب برزنتيشن و كوزاته حلوهـ ويسوي تعويضي
و وااايد يرااعي البنات وراايهم يعني احنا نحدد نبي امتحان والغياب وتقيسمه الدرجات كان يناقشنا فيها
ويشوف الاحسـن والاغلبيه شنو تبي ويطبقه .. واايد تعاامله رااقي مع الطلبه .. بـ اختصـآر انصح فيه )

هـذي تجربتـي السـآبقه ) ​

 

[zain 3la zain]

السلام عليكم ،،،
حبيت أباااااااااااارك لمستجداتنا الجميلاااااااااات على قبولهم الرسمي في كليتنا الموقرة وعسى ربي يوفقكم ويطرح فيكم البركة
<< ادري متأخرة بس مشاغل الدنيا :$

شوق والدمعه
منوووووووورة حبيبتي بس زعلت عليج ما سألتي الا عن بنات عمج

عزوو
اتوقع تقصدين الصليلي !! مافي دكتور بالحقوق عيونه ملونه وكويتي ويلبس نظارة طبيه غيره

مممممم بعد ياا ربي شنو بخاطري اسولف !!
اي لوير
عسى ربي يوفقج ويسهل أمورج ويرزقج بأحلى عمرة ؛*

ايفو
ما ادري ليش جاني شعور اني مشتاقه لج

احبكم كلكم ؛***************

بقـآيـآ

نوورتي التجمع والله :*
​

 

[zain 3la zain]

امبيييييييييييه بنااااات احس دخخخخخخخخخخخخخت كل وحده تقول دكتورها اللي تفضله و اغلبكم متظاربين مع بعض

و دكتور بدر المطيري اي واحد انا اللي قابلني بالمقابله شوي اسمر و له عوارض اهو هذا اللي منزل مبادئ اقتصاد ؟؟؟؟؟؟؟؟؟؟؟؟؟؟؟؟


ماني عارفه قولولي ؟؟؟؟؟؟؟؟؟؟؟؟؟؟؟؟؟؟؟؟؟؟؟

بدر ماجد المطيري اهو اللي دااايم ينززل مباادىء اقتصااد ..~

مااكو غيررهـ )​

 

[zain 3la zain]

بنـآت مـآتدرووووون شصاار على جداااولنا نزلت مـآنزلت ..؟

وحق اللي يبوون فررنسي 1 .. ترى هنـآء بوو قررريص مـآنزلت هـ السنه )

عندكم امم ابتهاج اعتقد اسمهـآ جذي ..؟ يمدحونهـآ وهم بدرريه اوكي ودكتور بعد معااهم زين

بس كلش ولا هدى :

​

 

[zain 3la zain]

تدروون اكتشفت شغله بدكـآترهـ سنه اولى ..!!

< بشررى للمستجدآت :

الغـآلب الاعـم فيهم يكوونوووون زيين حدهـم يـآ بـ الشرح يـآ بـ الدرجـآت ..!!

لان اغلب الدكـآترهـ اللي مـآنصحونـآ فيهم يدرسون بـآجي السنين مو اولـى ..~

يمكن مرآعينهم لانهم توهم مستجدين :

بس هذي ملاحظـتي فـ اان اصبت فمن الله وان اخطات فمنى ومن الشيطان ..~

وبـ التوفييق للمستجداات وان شاء الله تسجلوون جدااول تعجبكم وترضيكم )

​

 

[kwt-oo]

رد : رد: رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم ال

اهداء للبنات اللي خلصو تكميلي




يا ما حلا النومة على فراش ممدود ..

في ليلت (ن ) ما ينقال فيها بكرة دراسة

الله عليج خووووووووووووش بيت
وفعلا النومة غير لاصار باجر ماكو دراسة ولا عوار راس :23_asmilies-com:​