تجمع امهات مواليد شهر 7 و 8 لسنة 2010

[لـولـو الحلوه]

السلام عليكم

انا معاكم ولدت 27/8 ويبت احلى قمر واي فديتها

الامومه حلوه بس صعبه : ( والرضاعه الطبيعيه مثل ماقالت وحده من الخوات جهاد تعب : ( يالله يسهل علينا يارب

بغير حليبها شنو اخف واحد ومايسوي غازات ؟ استخدم لها سيميلاك

الله يحفظ اعيالنا يارب

 

[عيون سارة]

احلى اعصار...:lololoe:

حياج الله يام ساره...شلونج وشلون عيالج؟؟؟

شلون سارونه مع خدامتها؟؟؟ومع النونو؟؟؟

بعدعمري انتي اشلونج واشلون بيبيتك

انا زينه رادة من السفر وحايسه بالبيت والتنظيف والسهر والدوام بس الحمد لله قربت اخلص من البيت
وسارونة زينة الحمدلله وبدات تخف وايد عن خدمتها لان الفترة الى طافت كلها معايا
بس خوفي الحين مع ردت الدوامات ترد تتعلق فيها



كريستال : ان شاء الله ياقلبي بس ما ادري وينها

سما : تدرين سويت هارت شنو سمت بنتها ووينها الحين

كتوتة : كاني موجودة بس كنت مسافرة

 

[أفراح الكويت]

السلام عليكم ياامهات

الله يسلمكم ويخليلكم عيالكم انا ولدت بتاريخ 5/8 وجبت الحلو فصول الله يخليه لي يااااااااارب

صج الامومه تعب الله يخليلنا امهاتنا اللي سهروا وتعبوا علينا

حبيبتي لولو الحلوه حليب سيميلاك كنت استخدمه لولدي وصح يسبب امساك وغازات وبعدها استخدمت ابتامين من ميلوبا ولله الحمد ارتاح عليه وحتى ريحته حلوة وطعمه فانيليا انصحج تستخدمينه

 

[موجة ~ بحر]

السلام عليكم

انا معاكم ولدت 27/8 ويبت احلى قمر واي فديتها

الامومه حلوه بس صعبه : ( والرضاعه الطبيعيه مثل ماقالت وحده من الخوات جهاد تعب : ( يالله يسهل علينا يارب

بغير حليبها شنو اخف واحد ومايسوي غازات ؟ استخدم لها سيميلاك

الله يحفظ اعيالنا يارب

أهلين حبيبتي حياج أنا كنت استخدم سيميلاك بس ماناسباه وسواله إمساك الحين استخدم مثل اختي افراح الكويت حليب ابتاميل وايد زين

 

[غنوة ستايل]

بالنسبة للحليب الحين انا ارتحت مع نان اتش اي واااايد حلوو الحمد الله

 

[غنوة ستايل]

شلونكم بنات شخباركم مع بيبياتكم. يوم الاربعا طعمت ولدي واااي يبجي بجي وانا شوي وأبجي معاه من الابر وانا دمعتي بعيني ثلاث ابر ليش حرام عليهم كلهم مرة وحدة حبيبي سخن شوية بس اليوم احسن

اهوا عمره جم ؟ ليش 3 ابر ؟؟

 

[مريم ص]

موجة بحر حمدلله على سلامة ولدت حرصي على ريوله سويله كمادات


غنوة الحين اول تطعيم 3 ابر مساكين اليهال

 

[موجة ~ بحر]

عنوة هذا النظام اليدييد. مريم اي انشاالله انااحاول مع كل تبديل حفاظة اسويله كمادات واحطله كريم مرطب لان فيه اكزيما حبيبي

 

[مريم ص]

ذ دوتش
ساد فيس
حمدالله على سلامتكم و مبروك ما يبتو
اشتقت لكم و الله

 

[غنوة ستايل]

موجة بحر حمدلله على سلامة ولدت حرصي على ريوله سويله كمادات


غنوة الحين اول تطعيم 3 ابر مساكين اليهال

والله ما ادري انا يوم طلعت من المستشىفى عطوني اورقه فيها التطعيم بتاريخ 12/10 بس ما ادري هذا شنو بالضبط
هم طقو الياهل ابره بتاريخ 12/8 بعد الولاده بيوم . وعنده تطعيم 12
قصدج هذا ؟؟

 

[white haert]

قوووووه بنااااات اشلوونكم ,,,, صج فقدتكم بس والله صج الياهل يلهي ,,,واستانست لما شفت التجمع
انا يبت بنتي بتااريخ 2_7 ويبتها قيصريه صج اتعب العمليه

 

[white haert]

بناات بالنسبه لحبوب المانع شنو استعملتوووو انا استعملت سيزلييت بس احس كلش ما رتحت لهم ,,,
اول شي تنزل الدوره حدها خفيفه وبعدها كل ثلاث او اربع ايام تنزل كميه دم تكرمون وهم بعد عشر ايام ترد تنزل الدوره مره ثاانيه احس صاير عفيسه قلت لدكتوري انا وقفت رضااعه بغيرها قال هذي احسن شي ,,صج صج تعبتني مادري شسووووي وبعد اكلها يوميا حتى وقت الدووووره

 

[عيون سارة]

صباح الخير :

غنوة : انا مثلج ولدي طلع دهن راسي من البكا من المغص وبعدين ارتاح لما اعطيته نان اتش اي
بس هم بعد معه مغص

وايت هارت : الحمد لله على السلامه انا عشان موقفه رضاعه اخذ حبوب دياان

 

[SaD FaCe]

مريم

الله يسلمج من كل شر :*

حمود النزغه صاير شيطون بس يبجي ويعصب علي ومرات يرفس ويطقني بعد لوووول

يا يكون نايم يا يقوم يبجي :/

 

[مريم ص]

غنوة
تطعيم الشهرين اهو 3 ابر و الياهل يكسر الخاطر راح تورم فخوذة و يسخن
انتي اذا وديتيه للتطعيم اخذي معاج الميلادية مع الورقة اللي عطوج اياها المستشفى

وايت هارت
انا قطعت الرضاعة و اخذ حبوب سيليست

ساد فيس
الله يشفي ولدج من هالغازات دايما نوميه على بطنة عشان يرتاح
و شربيه ماي غريب بالليل و اشتريلة دوا الغازات دسفلاتيل حطيلة 10 نقط بالرضعة راح يرتاح انشالله

 

[ام زاكي]

قوه بنات شلونكم
والله لكم وحشه
اشوه رجعتو حق تجمعنا الله يجمعنا على الخير والمحبه

 

[غنوة ستايل]

غنوة
تطعيم الشهرين اهو 3 ابر و الياهل يكسر الخاطر راح تورم فخوذة و يسخن
انتي اذا وديتيه للتطعيم اخذي معاج الميلادية مع الورقة اللي عطوج اياها المستشفى

وايت هارت
انا قطعت الرضاعة و اخذ حبوب سيليست

ساد فيس
الله يشفي ولدج من هالغازات دايما نوميه على بطنة عشان يرتاح
و شربيه ماي غريب بالليل و اشتريلة دوا الغازات دسفلاتيل حطيلة 10 نقط بالرضعة راح يرتاح انشالله

جزاج الله كل خير ياقلبي وبارك الله فيج وبعيالج وزوجك
والله ما عندي فكره . زين قلتي لي ..

 

[غنوة ستايل]

صباح الخير :

غنوة : انا مثلج ولدي طلع دهن راسي من البكا من المغص وبعدين ارتاح لما اعطيته نان اتش اي
بس هم بعد معه مغص

اي والله المغص للحين بس اهون من قبل
الحين المغص هذا الطبيعي اللي يمر فيه كل الاطفال .
اللي قبل كان كلش مو طبيعي

بس ما عندج فكره متى نغيره حق اللي بعده ؟؟

 

[غنوة ستايل]

بنات شنو تجاربكم حق تعديل نوم الياهل
انا من يوم ولدت وكل يوم سهر . ما انام كلش ؟
اهوا اصلا ما ينام الا بالنهار وعيوني صارت سودا وحيل تعبت .. شسوي ؟؟

 

[white haert]

هاااي بنااات اشلووونكم شخبااركم , , ,